Qahramon Omonov | Shaxsiy blog

Yaqinda umr yo‘ldoshni yurak emas, AI tavsiyasi bilan tanlaydigan odamlar ham paydo bo'lar. Aslida, balki allaqachon shunday qilayotganlar bordir. 🙂

Muvaffaqiyat faqat mehnat va aqlga bog‘liqmi? "Zukkolar va landavurlar" kitobidan asosiy xulosalarim Ko‘pchilik muvaffaqiyatni faqat insonning aqli va tinimsiz mehnati natijasi deb o‘ylaydi. Ammo Malkolm Gladuell o‘zining mashhur asarida bu fikrni butunlay o‘zgartirib yuboradi. Xo‘sh, dunyodagi eng boy va mashhur insonlarning siri nimada? Kitobdan 3 ta asosiy xulosalarim: 1. 10 000 soat qoidasi: Har qanday sohada (sport, musiqa, dasturlash) haqiqiy usta bo‘lish uchun tug‘ma iste’dodning o‘zi yetarli emas. Buning uchun taxminan 10 000 soatlik amaliyot kerak. Masalan, "The Beatles" mashhur bo‘lishdan oldin minglab soatlab jonli ijroda qatnashgan, Bill Geyts esa maktab davridayoq kompyuterda ishlash imkoniga ega bo‘lgan. 2. Tug‘ilgan vaqt va omad (Matto effekti): Qachon va qayerda tug‘ilganingiz taqdiringizni hal qilishi mumkin. Gladuell nega professional xokkeychilarning ko‘pi yil boshida (yanvar-fevral) tug‘ilganini yoki nega Silikon vodiysi milliarderlari aynan 1955-yil atrofida dunyoga kelganini isbotlab beradi. Bu — "omadli vaqt" omilidir. 3. Madaniy meros va tug'ilgan joy Bizning kelib chiqishimiz fe’l-atvorimizni belgilaydi. Masalan, osiyolik o‘quvchilarning matematikadagi yutuqlari ularning madaniyatidagi sabr-toqat va mehnatkashlik (guruch yetishtirish madaniyati) bilan bog‘liq. Xulosa: "Self-made man" (o‘z kuchi bilan ko‘tarilgan inson) tushunchasi — shunchaki afsona. Muvaffaqiyat — bu qobiliyat + qulay fursat + berilgan imkoniyatlar yig‘indisidir. Daholar shunchaki aqlli bo‘lgani uchun emas, balki qulay imkoniyat paydo bo‘lganda, undan foydalana olgani uchun g‘olib bo‘lishadi. O'zbekisonda ham ayni shu vaziyat keldi menimcha. Batafsil ushbu postda o'qib chiqishingiz mumkin. O'zbekistonda bo'lajak milliarderlar qatlami 2020-2030-yilda startup boshlaganlar bo'lsa ajab emas @kahero_business

Agar xoxlasang kel degan joyga borma. Kel, seni kutyapmiz deb chaqirilgan joyga bor. Buni farqi katta @kahero

Sochim sal yog'lanibdi, boshimga demokratiya kerak. @kahero_unical

Odamlarga hayronsan. Bergan qarzingni qaytarib olish uchun qanaqadur sabab keltirish kerak. U sabab ham ko'zni yoshlatadigan, rahmini keltiradigan bo'lmasa qaytarib berishmidi. @kahero

Qahramon, hayotda natija yoki bahona bo'ladi. Natijaga erisholmadingmi, bahonalar bilan o'zingni ovutma. @kahero

Tekin narsalarni to'lovi ko'pincha qimmat bo'ladi. @kahero

- O'g'lim, borchi, qo'shnini svetiga qarachi. - Ularniki ham o'chibdi. - Ha, xudoga shukur faqat bizda emas ekan. @kahero

Ba'zan muammolarni hal qilishdan uni berkitish osonroqdek tuyuladi. Sochi to'kilayotgan odam davolanishni o'rniga kepka kiyib yurgandek. @kahero

Agar ikki farzandingiz (1 qiz va 1 o'g'il) bo'lib, faqat bittasinigina o'qitishga mablag'ingiz yetsa, qiz farzandingizni o'qiting Shayx Nuriddin Xoliqnazar hazratlari Manbaa: @VODIYBOZOR

Ko'rish shart bo'lgan videolardan biri. Ayniqsa erkaklar. @kahero

Ko'plar boy insonlarni halovati yo'q, baxtsiz deb ko'rsatishga intiladi. Menimcha bu nolish yoki o'zini ovutish. Chunki u insonlarga yetish juda qiyin va ular ham bu yerga to'satdan kelib qolishmagan, yillar davomidagi mehnat orqali yetib kelishgan. Bizni dinimizda ham quvvatli, ehson qila oladigan inson boʻlishga chaqiriladi. Shaxsan men O'zbekistonda boy lekin halovati yo'q insonlarni deyarli ko'rmadim. Ko'pini oilasi yaxshi, shoshishmaydi, ibodati ham joyida va muhimi tinch. Bir gapni o'qigandim, unda: muammolar har doim bo'ladi. Muhimi muammoni qanday kutib olishda. Men o'zimni muammolarimni BMW mashinamda va seyfimda juda ko'p pul bilan kutib olishni, siqilsam qaysidur sohillarda siqilishni xoxlayman deyilgan ekan @kahero

Talab qilganga yarasha munosib ham bo'lish kerak. Bori shu @kahero

Erkaklar uchun manfaatli video @kahero

Biror og'riq bo'lsa shifoxonaga boringlar, analiz topshiradigan xonalar orasida yuraverib yaxshi bo'lib ketasizlar @kahero

Baxtsizlar baxtli bo'lishni o'rgatishmoqda (instagram) @kahero

OBJECTS IN THE MIRROR ARE CLOSER THAN THEY APPEAR" (Oynada ko'ringan narsalar aslida ko'ringanidan yaqinroq) @kahero

G'azablanganda aytilgan so'zlar hotirjamlikda rejalashtirilgan. U shunchaki vaziyatni kutgan. @kahero

Ba'zi insonlar (ko'ngli, og'zi va hk) ham Chevrolet mashinalariga o'xshaydi, sekin yopsang yopilmaydi, qattiq yopsang egasi xafa bo'ladi. @kahero