پەل وەچ░(شعر کوردی کلهری)
Статистикаپڕ° گیرفان° شێئرم ڕووژ° خاسە (وە زوان° داڵگیەو خەو دۊنیم)
- Последний пост
- 19 июл.
- Последнее чтение
- 15 авг.
- Постов за неделю
- 0
- Всего постов
- 21
- Тип
- открытый
- Язык
- ku
- В каталоге с
- 13 авг.
- 1/24сутки в ленте
- 291
- 1/48двое суток
- 333
- 1/72трое суток
- 359
Оценка по просмотрам недавних постов: пост набирает почти всё за первые сутки.
Посты
◼️ وارانیه ئەور°چەوم، گلیەی نەکە!!! بوومه گیری... چماێ ت° له م° فیشترەک، داخ° بێ پەێ له دڵ دیری!!؟ وەلا بۆەرەم، مەیلەمە جی!!! ئڕا کوو چی؟ هانا ڕەسم!!! زانم لە گیاند سێر بـۊدە...! زانی وە پادەو نیەڕەسم...! #غفار_مرادپور t.me/kalherr ◼️https://sarmast90.blogfa.com/post/435
◾️ خۆەزەو خۆدا دە سینگێ دە جی° دڵ، سانێ نەناۊ ئێ دڵه ئاگر چگه دەێ، تەڵ° تر ئەو بانێ نەناۊ ها دە کەشم بۊە وە کەسم دەسێ ک° ها نام° دە... نه یه نەقڵ° مەوقەێگه ک° ئەۊ دڵ ده م° هێمانێ نەناۊ دڵێ هە ها دە لاێ ئەۊو خۆدا بۊه خۆداێ ئەۊو گۆڵێ بنەم ده ئەو خۆدا ک° کەس ده گۆڵدانێ نەناۊ وە سەر° خۆەم نیم ئەمان، دەێ جەنڰه هام ئەو سەر° تو وەر ژه م° کەس ده تاو° خۆەێ، چەقوو دە گیفانێ نەناۊ سەرت نەنایه سینگم، ده بان° قورئان° دڵم یه ئمرێگه هە ڕا قەسەم، کەسێ دەس ئەڵ بانێ نەناۊ وەێ چنه دەمتەقەێ تو کەن، بردیو کۆشتیو چگی... ک° ئاگرێ نایه دڵم، <مغوڵ> دە ئێرانێ نەناۊ دڵم پڕە، پڕ، بڕشن! نەوس!! گۆڕاگۆڕ بڕشن!!! کەفتمسە دام° یەکێ، ک° ڕام ئەسڵ دانێ نەناۊ ئڕا قۆمار° ئاشقی، هەرکه وە یەێ بەرگ دیاێ دە بان° ئێ ئێشق° تۆنە، بێژه م° کەس گیانێ نەناۊ... #موسا_امایی t.me/kalherr ◼️https://sarmast90.blogfa.com/post/434
◾️ خێاڵد ئاگرێ هەم خس لە گیانم چەپاوم کردێەو لەت دەێ زوانم وەتم بایدەو، تیەو واران بوارێ ک° گۆڵ بەێدن لە واراند، سقانم #بارانـخسروی t.me/kalherr ◼️
◾️ یا ژیینگەم وە سەر چوو یا دەس کیشم له دەردم تا کەێ له پەێ چەوەیلد هەڵەت هەڵەت بگەردم...؟! #فرزانه_حاتم_نژادیان_فریماد t.me/kalherr ◼️
◾️ چەنێ دەس وە سەرم کەێدن، چەوەیلد؟! له مــاڵ° خۆەم دەرم کەێدن، چــــەوەیلد! وە باخ° لێو ئەگەر گۆڵ کاریم کەی؟! دوواره پەڕپەڕم کەێدن، چــەوەیلد!!! #جلیل_نیک_نژاد t.me/kalherr ◼️
◾️ وادە دای ڕا لیسک خۆەر ، خۆەر هڵاتو ت° نەڵاتی دڵ بەسام وە شۊەڵەێ مانڰ، مانڰ هەڵقە داو ت° ناتی سەر وە چیتە وهاریش، م° چۊ گۆڵەیل خەمینیم پایز مینڰەێ نوو خەێدن، خەزان ها لە کەمینیم شەوان لە ناو هسارەیل، شوون° پایلد کەفتۊدن نزانسم لە باوش° مانڱ سەر ناۊدنو خەفتۊدن منیش هەر وە هەڵک° دەو، شەوار وە ڕوژ ڕەسانم تا واداگەێ لـــیسک° خۆەر، تا مەوداێ دڵ بەسانم شەوار بێ دووس چێەو سەر، هەم تەک دا لە بەێانەو ئاخر هسارەیش نۊرێ، لە جنس° خەم وەشانەو هەم ڕوژ هاتوو گۆڵ° سوو، خۆەر هڵات لە مانــ°شت کوو نۊر خوو ئۊشن همێدە، قوومڕ کیشام هەم لەنوو هامە تەماێ هاتند، یەێ هنـــــاسم مەنێە ترسم وەختێ بایدنەو، دی مەرگ گیانم سەنێە ت° خوو لە جنس° مانڰید، بەورەو تەنیـا هســـارەم! چارەێ ژیان دی نەێرم، هە خۆەد بۊدە وە چارەم! #رحیم_اداری t.me/kalherr
◼️ ڕووزگارە چەرخ° چراخ° چەود دەمد دوواێ دڵەیل° بێقەراره هناسد ئەتر° وارانه لە زەۊ وشک لە لێـــــــــود خۊن° داڕشیاێ ئناره دەنڰد ملۆدی خۆەزێەۆەیل° هەرشەو کلگـــــــــد سازو مزراب° ســـ°ـــــتاره تکێ تک تک... ئەرەق تک تک له زڵفــد! هە جوو واران لە سینەێ ئێ شــەواره ئـــڕام قسیــــــەێگ بکه! پـــەڵپێ بگر دی!!! شــــــــــەوارو دەرد° دڵ، فـــــرەس دوواره بخەن!! شێتم بکه، شیرین° چەو مەس!!! م° مەجوونم، مــــــ° فەرهادم، گــــــلاره! ئەگەر ڕووژێگ لە ئێـــــره هەڵفڕیدن! له لیم مینێد د° بەیت ئاخو پەژاره... #حمزه_ابراهیمی t.me/kalherr ◾️
◾️ ڕەنڰ° دەفتەر° دڵم چۊ ڕەنڰ° خــۆەر° ئێواره شەو تا وه سوو هاودەمیم، منو خەمو پـەژاره وه ڕووشنای ڕێ نەێرێ، دەروەچەیل° خێاڵــــم م° پاپیای مەێنەتی، خـــەمی، داێم سوواره خۆەزێەو له داخ° مەێنەت بچیام لەێ ئــاسمانه تا له بنا بکەنیام، زڵف° خۆەرو هســـــاره بدبختیەیل° بـەختم، کڵووڵیەیل° سەختم وەختێ کەفنەو هـــۊرم، لەشم تێده چناره قووقوو باێه قۆش تێدن له سەر دیار° دڵــم له شـــوون° میلکان° دڵ، مەێنەت مینڰه نوواره سووار° خۆەشی ڕەم کرد، سۊن° شادی دا له زەۊ له سەر پەچیەێ دڵ° م°، دەنڰ° هاوار هـــــــــاواره دۊەشەو خەم میلێ کیشا وه ڕووشنای گــــلارەم یەسه رووژمی ئمڕوو، وێنەێ نیمە شـــــەواره له مەکتەبخانەێ جەفا، مەدرەکم بان° بانه م° تاسیل کەردەێ خەمم، له دانشگاێ پـــــەژاره... #یحیی_صادقی t.me/kalherr ◼️
لە هۊرم چێه ئاخرین جارم لە کام دەروەن منو وا وە گیسەیڵ° کەڵافە کریاێ گەر° دەسم چووپی کیشایمن؟ لە هۊرم نیە لە کام قەورسان دەمچەوم هیشتمە جی تا تمام° زامەیلێ بگیرێد لە هۊرم چێە لە بان° کام جەسەم کەفتمە سەر° زرانی ... لە هۊر° قلاجە یا لە پاێ کام بەڕۊ موور هاوردمو کۆتکۆت لە خۆەم کوو کردم من مەرگ° هزار جار من مەلێگ داێەم ئازیەت بارم... #نسرین_شفیعی_هانا http://t.me/kalherr ◼️
◾️ دنیا هەرچەن گەناڵدان گەوراێگە ئەمانڰ، جار وە جار بوو تیەڵێ هەزوە لە قاتێگ یا لە ژێر° تیەتێگ تۊەنێد بەشەر لە مردن بەتاڵەوە بکەێدن باێە بمینیم، باێە بژیەیم جوور کەو لانەورێزیگ ک° هەرشەو لە شوونێگ لێز گرێد... #علی_الفتی t.me/kalherr ◼️
◾️ خەمد کوورپە مناڵێ بۊ، لە داوان° م° گەورا بۊ دڵم نەوتۊل سەونزێ بۊ، لە جهوڵان ت° پاسا بۊ وە قەڵب° کۆت کۆتەو زانم! لە بانم پا وە گەز دایدن! هه چۊ سەرباز° تەنیاێ ک° سەرێ چۊدو وە پاوا بۊ #رضا_موزونی t.me/kalherr ◼️
◾️ ئمشەو کەمێ گلەو بوەس، تاگەر پەشێوی هاڵم شار وە دەرم نەکەێدن، خۆەدی کوورپەێ خێاڵم کوورپەێ خێاڵات م°! خۆسەێ دەقەو سات° م°؟! باوەڕ وە پیم نیەکەیدن، مانڰ بۊە وە شات° م° هەڵەت هەڵەت خۆسەو خەم، خۊن لە چەوم جوور° چەم ڕشێ لە هجران° ت° ڕا لاێ ت°، م° هاتمە! #حمزه_شیرزادی t.me/kalherr ◼️
◾️ تا داڵگ° ڕۆژەیل° ژان تا داڵگ° شەوەیل° وا تا داڵگ° ساڵ° سەرد° بێ هۊرم ها وە هۊرم... #سعید_عبادتیان_بانان t.me/kalherr ◼️
◾️ ئەگەر واز بکەیم ڕاز° دڵخۆەشی له دڵ° ئەزرەتی دەردە دارمان، تەنیا مەڵهەمێ ئڕا ڕووژەیل° پڕ ئەزاومانە؛ هەرچەن زانیم بێفایدەس وەلێ خەم لە دڵەگان°ڕۊ خۆەشاڵیم... #غفار_مرادپور t.me/kalherr ◼️
نیزانم هامە کوو دیارم نییە! ئەوقەرە دۊرم ک° چەوەڕێ خۆەم نیەمینم چم تا هەر کوورە، رێەگان قەد بکیشن چۊ ڕێوارێگ نابڵەێ هەێمەێ ژیانم نیەناسم من لە ناو خۆەم قەریبم پڕ لە خیاڵات° نەناسم یەکێ لە من هواڵ° ئاسمان پرسێ یەکێ چۊ خۆەم ک° شاێەد مەلەوەرێگ بۊ ئێنگه لە ناو دەور ملێگ ڕەش چەپاڵێ ئاسمان ها دەسێ ماڵ وە ماڵ هەواڵ باڵەیلێ پرسێ... #نسرین_شفیعی_هانا t.me/kalherr ◼️https://sarmast90.blogfa.com/post/433
◾️زندەیاد احمد عباسی آرام بازسازی با هوش مصنوعی t.me/kalherr ◼️
◾️ لە ئێ زمسان° سەردە نیشتمان دلێ پڕ دەردە دارەیلێ زڵف کەنینە کزه، داخێ سەنڰینە جەرگ° بەڕۊ قەلارە چەوەرێ پاێ وەهاره #غفار_مرادپور t.me/kalherr ◼️https://sarmast90.blogfa.com/post/432
◼️یهێ ڕووژ دوواره تیەێدنهو... یهێ ڕووژ دوواره تیهێدنهو، وهار وه گهرد° خۆەێ تیهرێ ئێ تهپو تووزه ههڵگرێ، قهرار وه گهرد° خۆەێ تیهرێ زانی چهنێگه خهو وه بان چهویلمان نهنیشتێه؟! باوش° گهرم° داڵگو شهوار وه گهرد° خۆەێ تیهرێ وه ناو ئێ چۆار دیواریه هناسمان وه بان نیهتێ چهوهیل° گهن دۊر بوو وەلێ، هسار وه گهرد° خۆەێ تیهرێ وهێ پانه دهیشتو ساێ کۊه، خهو دیمه یهێ ڕووژ تیەێدنەو ئڕاێ دوواره نیشتنێگ، دووار وه گهرد° خۆەێ تیهرێ قهێرێگه قیڕهێ تفەنڰەیل، وه ناو دهیشتهگان نیەتێ ئڕاێ منو ئڕاێ تفەنڰ، شکار وه گهرد° خۆەێ تیهرێ چهن ساله سهونزی هۊچ گیاێ، وه ئیره، کهس وه چهو نهیه وهێ زۊ دوواره تیەێدنەو، وههار وه گهرد° خۆەێ تیهرێ... #رضا_جمشیدی t.me/kalherr ◾️https://sarmast90.blogfa.com/post/430
◼️ "وەتەن" لەێ هەمگە ژانە دی نیەمینێ خەمو وەفرو زەلانە، دی نیەمینێ لەنوو هەم چۊزە دەێ دارێ ک° بڕیاس لە ئێ زوڵم° خەزانە، دی نیەمینێ... #جلال_کوهی t.me/kalherr ◼️https://sarmast90.blogfa.com/post/429
◾️ دێوەگان هاتن واگان دەمانن قامەت بەرزەگان قامەت چەمانن باوگ دارەیل چێنو بێ باوگەیل مەنن خۊن° هزار پێشت لەێ مڵکە سەنن بێ باوگەیل ئەقەر چەفتە خۆداێان گیا سەونز نیەکەێد لە ژێر° پاێان... #سعید_عبادتیان_بانان t.me/kalherr ◼️https://sarmast90.blogfa.com/post/428