«Калеб» — яңа буын җыены

Калеблеләр «Үз телем» бәйгесендә җиңү яулады! 5 август көнне «Мәскәү» мәдәният үзәгендә Казан Мэриясенең татар телен һәм Татарстанда яшәүче Идел буе халыкларының телләрен һәм мәдәниятен өйрәнүгә һәм үстерүгә багышланган «Үз телем» бәйгесенә нәтиҗә ясалды. Нәтиҗәләр калеблеләрне бик куандырды, чөнки бәйгегә тәкъдим ителгән «Калеб.Ликбез» һәм «Җиде кыз» проектлары җиңү яулады! Яңалыкларыбызны күзәтеп барыгыз — алда күп кызыклы очрашулар көтә!

Җирдә була шундый көннәр... Аяз Гыйләҗев исемендәге Чаллы татар дәүләт драма театрында шагыйрә Йолдыз Миңнуллина иҗатына багышланган, «Җирдә була шундый көннәр» дип исемләнгән шигъри кичә узды. Чарада Йолдыз шигырьләр генә укып калмыйча, җырлады һәм тамашачылар сорауларына җавап та бирде. Кичәдә шагыйрәнең каләмдәшләре Г.Тукай бүләге ияләре Факил Сафин, Лилия Гыйбадуллина; Рүзәл Мөхәммәтшин, Әлфия Ситдикова, Фәнил Гыйләжев һәм Рузилә Мөхәммәтова бар иде. Шигъри кичә алдыннан тамашачыларга Алабуга мәдәният һәм сәнгать көллиятенең 1 нче курс студентлары әзерләгән перформанс тәкъдим ителде.

Һәр авазда, һәр нотада, һәр сулышта. Казанда «Калеб. Яңа сулыш» концерты узды. Чарага килгән тамашачылар яңа буын татар иҗатчылары белән якыннан танышты. Концертта яшь җырчы, композитор, шагыйрь һәм биючеләр катнашты. Чара алдыннан фойеда рәссамнәрнең күргәзмәсе тәкъдим ителде. Концертның режиссеры – Т.А.Миңнуллин исемендәге Түбән Кама дәүләт татар драма театрының баш режиссеры Лилия Әхмәтова; сценарий авторы – Рүзәл Әхмәдиев. Чарадан фотолар биредә. Концерт турында матбугатта чыккан язмалар: ▫️«Татар-информ» ▫️«Татар-информ» фоторепортаж ▫️«Интертат» ▫️«Идел» журналы

«Калеб. Яңа буын» концерты гөрләп узды!👏 Концерттан соң сездән матур сүзләр кабул итүне дәвам итәбез. Рәхмәт сезгә, яраткан тамашачыларыбыз❤️ Чараның матур мизгелләрен бергәләп искә алыйк.

Зал тулы тамашачы, алкышларның тынмавы... Рәхмәт сезгә, яраткан тамашачыларыбыз👏❤️