لـِ مَـريَم وِسَـام

أُمنيتي أشوفچ صَاحيه! ومو يَم طَبيب… وما تفارگ وجهچ بلحظَة السعادة انتِ ورده وأمنية كل الحَدايق ليش كُل سَاعة بعيادة؟

شكُبر خُلگه اليزرع دموعه إبتسامة؟

مَحَّد شَافني يدليني وين انه؟ العُمر ضَل بي عُمر لو كافي لهنانه؟ مَحَّد شَم عُطر منّي وبُقه بريته؟ مَحَّد مِعتبرني بيوم أُمنيته؟

وطِاحَتلك الفرگه ومَورده الخَدود؟ وانه طَاحتلي كلش دمعة العِين، وأشو طَالع تَخبل مِن الفراگ؟ وانَه طَالع مخبَّل بالدرابين، وكُل هَذا واگول مقصّر وياك! وأنه الباچي بچي يسواله شطّين!

ما تِجين! حـرُب صارت حـرُب چا ما تِجين؟ وين صرتي شعطلچ كل هالسنين؟ انه باقي على وعدي وانتِ وعدچ مدري وين! ما تِجين خاف أموت بهـالحرُب وَتَالِي مَا تالِي ندم تتندمِين ها تِجين؟

الـحِـزن واصِـل أمَـاكِن انه ما اندلهَا بيَّه انـه ما خَايف اموتَن خَاف تبچي امِّي عَليَّه

حَطـب شِفتَك تِلـمنِي وگِـلت مِـشتاگ ولا مِـشتاگ أثَـاري ترِيد تِحرگنِي!

گالولـي وتنَاثرت روحي عَلى دَربك عِشگ گالولـي عَنَّك تِجي وإحتار گلبي شِيدِگ

ليش مِن چِنت أحتِرگ مَا جِيت يَمِّي هِسَّه راجِع مِن طُفِيت؟ مِن چِنت مِحتَاجلَك شو مَا لگيتَك؟ مِن بِديت أنسَاك إجِيت؟

عَلى كيفَك بِـالوجَع كُــل إحنَـه طِـين وين ودَّتني اذيتَك صوتي تِسمَع بـي ونـين منين إجتَّك هَـالقساوه؟ بــالحِلم كلِّش حَـنيـن