Kutubxona

Nuh ibn Maryamning bog'ida ishlovchi Muborak ismli yigitning halolligi otani lol qoldiradi. Kunlarning birida ota bog'bondan shirin anor olib kelishni so'raganda, u nordon anor olib keladi. "Shuncha paytdan beri ishlab, qaysi anor shirin, qaysi biri nordonligini bilmaysanmi?" deb so'raganida, Muborak: "Siz meni bog'ingizni qo'riqlashga yollagansiz, mevasidan yeyishga emas. Men ularning bittasini ham tatib ko'rmaganman", deb javob beradi. Bu yigitning o'ta halolligi va taqvosiga qoyil qolgan Nuh ibn Maryam o'zining go'zal va oqila qizini shu oddiy bog'bonga nikohlab beradi. To'y bo'lib o'tgach, Muborak o'z ayoliga 40 kun davomida yaqinlashmaydi. Qiz bu holatdan tushunmovchilikka tushib, otasiga arz qiladi. Nuh ibn Maryam kuyovi Muborakni chaqirib, buning sababini so'raganida, Muborak javob beradi: "Ey xojam, sizning molingiz halol, bunga shubham yo'q. Biroq, siz badavlat insonsiz, davlatmandlarning dasturxoniga turli xil shubhali narsalar aralashib qolish ehtimoli yuqori bo'ladi. Ayolimning vujudida o'sha shubhali luqmalarning ta'siri qolmagunicha va mening o'z peshana terim bilan topgan, yuz foiz halolligiga ishonchim komil bo'lgan luqma uning vujudiga singmagunicha unga yaqinlashishni xohlamadim. To ki, bizdan dunyoga keladigan farzand pokiza qon va halol luqmadan yaralsin." Bu gaplarni eshitgan ota ko'ziga yosh olib, qizini dunyodagi eng to'g'ri insonga berganiga amin bo'ladi va shukronalar aytadi. Aynan shu 40 kunlik sabr, o'ta nozik taqvo va halol luqma sababli bu oilada keyinchalik butun islom dunyosiga tanilgan, ilmi va taqvosi bilan nom qozongan buyuk zot — Abdulloh ibn Muborak dunyoga keladi. @kitobxona_uzz

Biz qaysi o'lchamda yashaymiz? Kundalik biologik va vizual idrokimiz darajasida biz 3 o'lchamli (3D) fazoviy olamda yashaymiz. Bu o'lchamlar makondagi o'rnimizni belgilaydi: X o'qi: Uzunlik Y o'qi: Kenglik Z o'qi: Balandlik Biroq, Albert Eynshteynning nisbiylik nazariyasidan kelib chiqilsa, biz Yevklidning oddiy mutlaq uch o'lchamli makonida emas, balki 4 o'lchamli fazo-vaqt uzluksizligida yashaymiz. Bu modelda vaqt ajralmas to'rtinchi o'lcham sifatida namoyon bo'ladi. Ya'ni bizning olamda ob'yektning qayerdaligi (3 ta fazoviy koordinata) qadar uning qachon o'sha yerda bo'lishi (1 ta vaqt koordinatasi) ham fundamental ahamiyatga ega. Metafizika va kvant golografiyasi nuqtai nazaridan, 4 va undan yuqori o'lchamlar makon-zamon illyuziyasidan tashqariga chiquvchi reallik hisoblanadi. 4 o'lchamli strukturada vaqt chiziqli yuz bermaydi (o'tmish - kelajak emas), balki "Blok koinot" kabi barcha jarayonlar yagona mavjudlik manzarasi shaklida qotgan bo'ladi. Bunday konsepsiyalarda makrosskopik moddiylikdan ko'ra, ehtimolliklar amplitudasi, ongning kuzatuvchi funksiyasi va kvant angashuvchanligi yuqori o'lchamli maydonlarning asosiy harakatlantiruvchi kuchi ekanligi anglashiladi. Xulosa qilib aytganda,biz ko'rib turgan 3 o'lchamli moddiy dunyo mutlaq reallik emas, balki kvant ehtimolliklari va ilohiy nurning quyi chastotali soyasi (majozi)dir. Zamon va makon chegaralarini yengib o'tib, barcha o'lchamlarni bitta nuqtada birlashtiruvchi eng oliy o'lcham koinot kengliklarida emas — balki aynan sizning ichingizdagi cheksiz Kuzatuvchi Ongda yashiringan. @kitobxona_uzz

Assalomu aleykum azizlar, kim qaysi kitob mutolaasida? Qaysi kitobni o'qishni xohlayapsiz, lekin hali boshlamadingiz? "Yosh verterning iztirobi" asarini kim o'qigan?

Tungi uyg'onish arxetipi: Tahajjudning neyrofiziologik siri Inson biokimyosi va sirkad ritmlari (biologik soat) quyosh sikliga qat'iy bo'ysunadi. Tunda butun tana, xususan, markaziy asab tizimi o'z-o'zini tiklash va "o'chish" rejimiga o'tadi. Ammo tunning oxirgi uchdan bir qismida (tahajjud vaqtida) ixtiyoriy ravishda uyqudan voz kechish va ibodatga turish — bu oddiy harakat emas, balki biologik qoliplarni yorib o'tuvchi, inson ongi va tanasida kuchli neyrofiziologik "reset" (qayta yuklash) jarayonini ishga tushiruvchi arxetipik holatdir. Bu vaqtda koinot bilan inson miyasi o'rtasida o'ta noyob sinxronizatsiya yuz beradi: 1. Miyaning chastota diapazoni (Neyroplastiklik cho'qqisi): Tunning bu qismida uyg'ongan inson miyasi kunduzgi tartibsiz va stressli Beta (13-30 Hz) to'lqinlarida ishlamaydi. Chuqur uyqudan uyg'onish jarayonida miya to'g'ridan-to'g'ri Teta (4-8 Hz) va Alfa (8-12 Hz) to'lqinlari chastotasiga o'tadi. Teta holati — bu insonning ong osti (subconscious) eshiklari lang ochiq bo'lgan, mudofaa mexanizmlari o'chgan va neyroplastiklik (miyaning o'zini-o'zi o'zgartira olish qobiliyati) eng yuqori cho'qqiga chiqqan paytdir. Aynan shu holatda qilingan niyat, shukronalik va duolar quruq mantiq to'siqlarisiz, miyaning eng chuqur neyron to'rlariga (xotira va his-tuyg'u markazlariga) to'g'ridan-to'g'ri "yoziladi". 2. Amigdala tormozlanishi va Prefrontal qobiq: Kunduzgi sensor axborotlar (shovqin, vizual xabarlar, muloqot) miyaning xavf-xatar va qo'rquv markazi bo'lmish Amigdala (bodomsimon bez) ni doimiy zo'riqishda ushlab turadi. Tungi sukunatda va ibodat holatida vizual hamda auditor axborot oqimi nolga tenglashadi. Natijada Amigdala faolligi keskin susayib, qo'rquv va xavotir hissi yo'qoladi. Bunga javoban, insonning oliy ongi, chuqur tahlil, iroda va Ilohiylikni anglash markazi bo'lgan Peshona bo'lagi qobig'i (Prefrontal cortex) dominant boshqaruvni o'z qo'liga oladi. Inson bu paytda o'zining eng sof "Men"iga aylanadi. 3. Neyrokimyoviy gomeostaz (Gormonal kaskad): Sajda va ruku qilinganda, shuningdek, tunning salqin vaqtida tahorat olinganda (vagus nervini stimulyatsiya qilish) parasimpatik asab tizimi to'liq faollashadi. Qondagi kortizol va adrenalin (stress gormonlari) parchalanib, ularning o'rnini serotonin (xotirjamlik gormoni) va dopamin egallaydi. Qorong'ilik vaqtida ishlab chiqarilgan yuqori dozadagi melatonin esa hujayra darajasida kuchli antioksidant vazifasini o'tab, DNKni zararlanishdan himoya qiladi va asab tolalarini yoshartiradi. Hadisi sharifda: "Kechasining uchdan bir qismi qolganda Parvardigorimiz dunyo osmoniga tushib: 'Kim Menga duo qiladi, Men ijobat qilaman, kim Mendan so'raydi, Men unga beraman', deydi", deb marhamat qilingan. @kasalliklartashxisi

"Nurdan damlama"

Marafon davomida guruhda oddiy joylardan topib bo'lmaydigan, kamdan-kam insonlar biladigan kvant fizikasi, metafizika va ong ostiga oid nodir kitoblardan eng kuchli iqtiboslarni ulashib boraman. Oy oxirida esa o'z ustida ishlagan, irodasini toblab, barcha shartlarni uzluksiz bajargan ishtirokchilarni shaxsan o'zim quyidagi sovg'alar bilan taqdirlayman: 🥇 1-o'rin uchun: "Nurdan damlama" kitoblar to'plami. 🥈🥉 2- va 3-o'rinlar uchun: "Ishq" kitoblar to'plami. (Agar g'oliblarning kutubxonasida bu kitoblar avvaldan bor bo'lsa, xavotir olmang, o'rniga o'zim tanlagan boshqa noyob to'plamlarni taqdim etaman). Ham o'z irodangizni toblang, ham nodir bilimlar oling, ham mukofotga ega bo'ling! https://t.me/+GpF2DTUpoQExMDA6

Yangi o'quv-ish yilini kuchli iroda bilan boshlaymiz. "Intizom marafoni" uchun maxsus ochiq guruh tashkil qilyapman. Bunga o'zini o'zgartirishga, nafsi bilan kurashishga jazm qilgan har bir inson qatnashishi mumkin. Yo'limiz oson bo'lmaydi, chunki biz quyidagi shartlar asosida yashashga odatlanamiz: Uyg'onish va baraka nafasi (05:00 - 06:00) Barchamiz bilamizki, kunning eng toza, eng sokin va rizq ulashiladigan pallasiga peshvoz chiqish katta ne'mat. Ishtirokchilarimiz har kuni tonggi 05:00 dan 06:00 ga qadar o'zlarining issiq o'rinlaridan kechib, tashqariga (hovlimi yoki ko'chaga) chiqishadi va musaffo havodan nafas olgan holda guruhga qisqacha video-xabar tashlashadi. Bu – bomdoddan keyingi ulkan barakani tutib qolishimiz va kunni g'alaba bilan boshlashimiz uchun tashlangan ilk qadam bo'ladi. Qalb va tafakkur ozuqasi (09:00 gacha) Ruhiyatimizni ham unutmaymiz. Har bir ishtirokchi ertalab soat 09:00 ga qadar guruhga Qur'oni Karimdan birgina oyat va uning tafsirini yozib qoldirishi kerak bo'ladi. Maqsadimiz – ko'r-ko'rona o'qish emas, balki kun bo'yi o'sha oyatning hikmati ustida tafakkur qilib yurish, ma'nosi bilan yashashdir. Shu bahonada hammamiz ilmimizni va iymonimizni yangilab boramiz. O'zlikni yengish va tungi sarhisob (21:00 - 22:00) Har kimning faqat o'ziga ayon bo'lgan qandaydir zaif nuqtasi yoki erishmoqchi bo'lgan maqsadi bor. Marafonga qo'shilgach, o'zingiz uchun bitta shaxsiy qat'iy shart belgilab olasiz. Kimdir kuniga kamida 100 bet kitob o'qishga ahd qilar, yana kimdir shirinliklardan, nosog'lom ovqatlanishdan butunlay voz kechar. Kun yakunida, sokinlik cho'kkan paytda – 21:00 dan 22:00 gacha o'zining bugungi holati, o'ziga bergan va'dasining ustidan qanday chiqqani haqida guruhda mufassal yozib qoldiradi. Bu yengil yo'l emas. Lekin tasavvur qiling, bir oydan so'ng oynaga qaraganingizda, qarshingizda butunlay yangi – irodali, bilimi ziyoda, tartibli va ruhan xotirjam insonni ko'rasiz. Ushbu intizom sinovidan yiqilmay, mardonavor o'tgan, barcha shartlarni to'liq bajargan ishtirokchilarga esa oy oxirida alohida o'rinlar ajratib, o'zimning eng sara kitoblar to'plamlarimni chin dildan sovg'a qilaman. O'zingizni kashf etishga, yangi sahifa ochishga tayyor bo'lsangiz, safimizga qo'shiling. Tog'ni talqon qiluvchi kuch – bu tomchi suvning zarbasi emas, uning tinimsiz tomib turishidir. Safimizda sizni kutyapmiz. Qo'shilish uchun ustiga bosing👇🏻👇🏻: https://t.me/+GpF2DTUpoQExMDA6

Inson tik turganda Ego (aql) doim Yurakdan balandda turadi. Biz mantiq va g'ururimiz orqali dunyoni boshqarishga urinamiz. Sajda — bu arxetipik o'zgarishdir. Bu holatda koinotdagi eng mo'jizaviy geometrik shakl yuzaga keladi: Mantiq (bosh) Ilohiy ruh (yurak) darajasidan pastga tushadi. Ya'ni, "Men o'zimning ojiz aqlimgamas, Sening ilohiy irodangga taslimman" degan kod ishga tushadi. Yurak (qalb) boshqaruvni o'z qo'liga oladi. Bosh pastga tushganda bo'yindagi baroretseptorlar (bosim o'lchagichlar) keskin qon bosimi oshganini sezib, miyaga signal yuboradi. Miya darhol Parasimpatik asab tizimini (tinchlanish rejimini) maksimal darajada ishga tushiradi. Yurak urishi sekinlashadi (bradikardiya), qondagi stress gormonlari (kortizol) parchalanadi va tana chuqur gomeostaz (gormonal muvozanat) holatiga o'tadi. Payg'ambarimiz (s.a.v) bejiz: "Banda Parvardigoriga eng yaqin bo'ladigan holati — uning sajda qilgan holatidir," demaganlar. @kitobxona_uzz

🔥 Ertadan boshlaymiz: Men o‘zim uchun intizom zanjirini yoqyapman! Hamrohlar bormi? Men o‘zimda energiya va fokus yetishmayotganini, ishlarni oxiriga yetkaza olmaslik boshlanganini, maqsadlarda maydalashish boshlanganini his qildim. Shuning uchun, birinchi…

Assalomu alaykum, to'plamni oldim. Rahmat kattakon, Allohim ishlariz rivojini bersin😊 Siz tufayli 30 kunlik challenge davomida intizom bilan juda ko'p manfaatli mashg'ulotlar qila oldim. Qolaversa, shunday jamiyl to'plam ham hadya qildingiz, juda xursandman🥹 Bizni sevintirdingiz, Robbim sizni bundan ziyodasi ila siylasin🥹🤲

Assalomu alaykum! 🌸 30 kunlik challenge davomida o'zimni sinab ko'rish va yangi odatlar shakllantirish men uchun juda foydali bo'ldi. 2-o'ringa loyiq ko'rilganim va sovg'a sifatida Fotih Duman qalamiga mansub toplam bilan taqdirlaganingiz uchun chin qalbimdan rahmat aytaman. Bu kitob men uchun shunchaki sovg'a emas, balki yanada ko'proq o'qishga va o'zim ustimda ishlashga ilhom bo'ldi. Mehnatingiz, e'tiboringiz va bunday ajoyib tashabbus uchun yana bir bor tashakkur. @ayokadosoma ishlaringizda muvaffaqiyat va baraka tilayman!🤍

Ibn Atoillah Iskandariy dedilar:"Alloh sening o'rningga kafolat olgan narsa (rizq) ustida o'zingni urinishdan, boshqarish (tadbir qilish) mashaqqatidan xalos qil. U zot o'z zimmasiga olgan ishda o'zingga ortiqcha yuk ortma." Rizq - Alohdan deb tilda aytish boshqa, Rizq - Allohdanligini qalbda his qilish boshqa narsa. Rizq - Allohdan deb turib ertangi kun rizq qayg'usi seni bezovta qilayotgan bo'lsa, qalbingda xotirjamlik bo'lmasa, toat-ibodatlarga xalaqit berayotgan bo'lsa sen uchun bu qonun ishlamaydi. Sukutda o'tir , ko'zingni yum , diqqatingni yurak sohasiga qarat, qalbingni ichkarisidan Yaratuvchining senga bergan hozirgi ne'matlarini his qil, kuchli shukronalik his qil. xotirjamlik indir va ichkaridan takrorla rizq - Allohdan , harakat - mendan. Shunda bu jumlaning ma'nosini tushunasan. @kitobxona_uzz

🌿 Koinotning 7 Muvaffaqiyat Qonuni — Dipak Chopra hikmati 1️⃣ Sof salohiyat qonuni Bizning asl tabiatimiz — bu cheksiz imkoniyatlar makonidir. Agar biz o‘zimizning bu aslimizni chuqur anglasak, har qanday maqsadlarimizga osonlik bilan erishamiz. 2️⃣ Berish va olish qonuni Olam doimiy energiya almashinuvidan iborat. Hayotimizda nimadir ko‘payishini xohlasak, avval shuni boshqalarga berishni o‘rganishimiz kerak. Oqimni to'xtatib qo'ymang. 3️⃣ Karma yoki Sabab va oqibat qonuni Bizning har bir ongli yoki ongsiz tanlovimiz kelajagimizni yaratadi. Qanday urug' eksangiz, shunday hosil olasiz. Agar ekayotganingiz "g'azab" bo'lsa, "baxt" kuta olmaysiz. 4️⃣ Eng kam kuch sarflash qonuni Tabiatda hech narsa majburlanmaydi: gullar zo'riqib ochilmaydi, ular shunchaki gullaydi; qushlar uchishga urinmaydi, ular shunchaki uchadi. Siz ham hayot oqimiga qarshilik ko'rsatishni bas qiling. 5️⃣ Niyat va istak qonuni O'zining sof holatidagi xotirjamlik maydoniga ekilgan har qanday aniq niyat o‘zini o‘zi ro‘yobga chiqarish kuchiga ega. 6️⃣ Bog'lanmaslik (erkinlik) qonuni O'z maqsadiga va uni qanday amalga oshishiga qattiq bog'lanib qolish — insonni ko'r qiladi. Bu qaramlik va qo'rquvni yuzaga keltiradi. Natijada Koinot sizga tayyorlagan undanda yaxshiroq imkoniyatlarni o'tkazib yuborasiz. 7️⃣ Hayotiy maqsad - Dharma qonuni Har bir inson bu dunyoga o'ziga xos missiya va hech kimda yo'q noyob iste'dod bilan keladi. Asosiy burchimiz — bu qobiliyatni kashf etish va uni insoniyatga xizmat qilish uchun sarflashdir. @kitobxona_uzz

Turkiyadagi eng katta masjid - Buyuk Chamlidja masjidi. Masjidning 6 ta minorasidan 4 tasining balandligi aniq 107.1 metrni tashkil qiladi. Bu 1071-yilda bo'lib o'tgan Malazgirt (Manzikert) jangiga, ya'ni turkiy xalqlarning Anadoluga kirib kelgan sanasiga ishora qiladi. Asosiy gumbazning balandligi 72 metr bo'lib, bu Istanbulda yashovchi 72 turli millat va elatlarning umumiy garmoniyasini bildiradi. Gumbazning diametri esa 34 metrni tashkil etadi — bu Istanbul shahrining rasmiy raqamli kodi (avtomobil raqamlari kodi). Ushbu masjid loyihasining bosh me'morlari — ikki nafar ayol: Bahar Mızrak va Hayriye Gül Totu. Ular ushbu ulkan tosh karkasning ichiga ayollik tabiatiga xos bo'lgan nafosat, shafqat, va barchani o'z bag'riga sig'diruvchi qabul qilish (Jamol / Yin) energiyasini joylay olganlar. @kitobxona_uzz