Ailə və evlilik sirləri

❓ Övladım utancaqdır; ona necə kömək edə bilərəm? ✅ Heç olubmu ki, övladınız sizin arxanızda gizlənsin və heç kimlə danışmaq istəməsin? 🏠 Bəzi uşaqlarda utanmaq təbii haldır. Lakin bizim münasibətimiz uşağın tədricən özünü daha rahat hiss etməsinə və başqaları ilə daha asan ünsiyyət qurmasına kömək edə bilər. 1⃣ Bunu böyütməyin. 🟡 Daim «Mənim uşağım çox utancaqdır!» deməyin. Bu cür ifadələr uşağın özünü məhz bu xüsusiyyətlə tanımasına və "mən utancaq biriyəm" düşüncəsinin onda möhkəmlənməsinə səbəb ola bilər. 2⃣ Tədricən ünsiyyətə alışdırın. 💠 Mehribanlıqla ona insanlarla bir arada olmaq, uşaqlarla oynamaq və başqaları ilə ünsiyyət qurmaq üçün fürsətlər yaradın. Salam vermək kimi sadə davranışları da məşq və təşviq yolu ilə öyrədin. 3⃣ İnsan içinə çıxmazdan əvvəl onu hazırlayın. 🟢 Əgər hansısa yerə gedəcəksinizsə, əvvəlcədən uşağa orada nələrin baş verəcəyini və kimlərin olacağını izah edin. Bu, onun yeni mühitə daha arxayın və sakit daxil olmasına kömək edər. 4⃣ Özünüz yaxşı nümunə olun. 🏡 Uşaqlar bizim davranışlarımızı müşahidə edirlər. Siz başqaları ilə sakit və özünəinamlı şəkildə ünsiyyət qurduqda, onlar da tədricən bunu sizdən öyrənirlər. ✅ Unutmayaq... Məqsəd uşağı məcbur edib həmişə çoxdanışan və ünsiyyətcil etmək deyil. Əsas odur ki, uşaq özünü təhlükəsiz hiss etsin və zamanla özünü daha inamla ifadə edə bilsin. @kovser114

✅ Sağlam şəxsiyyətli və layiqli övlad yetişdirməyin beş yolu. 1️⃣ Övladınıza hörmətlə müraciət edin. 🟢 Bu, onun özünəhörmət hissinin yüksəlməsinə və başqalarına hörmət etməyi öyrənməsinə kömək edər. 2️⃣ Özünüz yaxşı nümunə olun. 🔰 Telefonla çox vaxt keçirmək əvəzinə, bəzən kitab oxuyun ki, övladınız da mütaliəyə həvəs göstərsin. 3️⃣ Sevgi və məhəbbətlə davranın. 🔆 Uşaq mehribanlığı və məhəbbəti ən çox sizin davranışlarınızdan öyrənir. 4️⃣ Heç vaxt övladınıza təhqiramiz və pis sözlər deməyin. ⭕️ Uşağın bizdən eşitdiyi sözlər onun zehnində uzun müddət qala və gələcəkdə həmin davranışları təkrarlamasına səbəb ola bilər. 5️⃣ Övladınızın yanında həyat yoldaşınızla mübahisə etməyin. 🟡 Çünki bu, uşaqda qorxu və güvənsizlik hissi yarada, həmçinin aqressiv davranışları öyrənməsinə səbəb ola bilər. 🌱 Uşağın şəxsiyyəti hər gün valideynlərindən gördüyü kiçik və gündəlik davranışlarla formalaşır və inkişaf edir. @kovser114

🏠 Övladlarımız Əhli-beyti (s) sevərsə, heç kim onları əyri və yanlış istiqamətə yönəldə bilməz. 🕋 Əhli-beyti (ə) sevməyin 20 faydası. ✍ Həzrət Muhəmməd sallAllahu əleyhi və alih buyurur: مَن رَزَقَهُ اللهُ حُبَّ الأَئِمَّةِ مِن أَهلِ بيتي فَقَد أَصابَ خَيْرَ الدُّنيا وَ الْآخِرَةِ... «Allah-taala kimə mənim Əhli-beytimdən olan imamların məhəbbətini nəsib edərsə, o, dünya və axirətin xeyrinə nail olmuşdur. Belə bir insan Cənnət əhlindən olduğuna əsla şübhə etməsin. Çünki mənim Əhli-beytimin məhəbbətində iyirmi xüsusiyyət vardır: on xüsusiyyət dünyada, on xüsusiyyət isə axirətdədir. 🌎 Dünyadakı on xüsusiyyət: 1. Zöhd – dünyaya həddindən artıq bağlanmamaq; 2. Əmələ həris olmaq – xeyirli və saleh əməllərə ciddi səy göstərmək; 3. Dində vərə – günah və şübhəli işlərdən çəkinmək; 4. İbadətə rəğbət və şövq; 5. Ölümdən əvvəl tövbə etmək; 6. Gecə ibadətinə həvəsli olmaq; 7. İnsanların əlində olanlardan ümidini kəsmək – gözünü onların malına və imkanlarına dikməmək; 8. İzzətli və Uca Allahın əmr və qadağalarına riayət etmək; 9. Dünyaya bağlılığa nifrət etmək; 10. Səxavətli olmaq. 🌐 Axirətdəki on xüsusiyyət: 1. Onun üçün əməl dəftəri açılıb hesaba çəkilməz; 2. Onun üçün tərəzi qurulmaz; 3. Əməl kitabı sağ əlinə verilər; 4. Ona Cəhənnəm odundan nicat sənədi verilər; 5. Üzü ağ və nurlu olar; 6. Cənnət libaslarından geyindirilər; 7. Ailəsindən yüz nəfər barəsində şəfaət etməsinə icazə verilər; 8. İzzətli və Uca Allah ona rəhmət nəzəri ilə baxar; 9. Başına Cənnət taclarından tac qoyular; 10. Hesabsız Cənnətə daxil olar. Sonra Peyğəmbər (s) buyurur: فَطوبى لِمُحِبّي أهل بيتي "Xoş olsun (xoşbəxtlik nəsib olsun) mənim Əhli-beytimi sevənlərin halına!" @kovser114

❓ Təlim-tərbiyədə müəllimin qəbul edilməsi və şagirdin öyrənməyə həvəsi hansı rolu oynayır? 🔰 Təlim-tərbiyə o zaman uğurlu olur ki, müəllim və tərbiyəçi şagirdlərinin yanında qəbul edilən və etibar edilən bir şəxs olsun. 📚 Müəllim şagirdləri tərəfindən sevildiyini və qəbul edildiyini gördükdə bu fürsəti dəyərləndirməli və təlim-tərbiyə üçün bundan istifadə etməlidir. Əgər müəllim və tərbiyəçi şagirdlərinin nəzərində qəbul edilmirsə, verdiyi təlim və tərbiyə də lazımi təsiri göstərməyəcək. 🏠 Məsələn, bəzi valideynlər övladları üçün müəllim və tərbiyəçi rolunu yerinə yetirməyə çalışırlar, lakin istədikləri nəticəni əldə edə və övladlarında arzuladıqları təsiri görə bilmirlər. 🏘 Bunun səbəblərindən biri valideynlərin övladlarının nəzərində tərbiyəçi kimi qəbul edilməmələridir. Çünki övladlar öz valideynlərindən pis sözlər, kobud rəftar, verilən sözə əməl etməmək, yalan danışmaq və digər yanlış davranışlar görüblər. Buna görə də valideynlərini özlərinə əxlaq müəllimi və tərbiyəçi kimi qəbul etməkdə çətinlik çəkirlər. 🏡 Belə valideynlərin verdiyi tərbiyənin təsiri də təbii olaraq zəifləyir. Deməli, öyrədilənlərin təsirli olması üçün müəllim və tərbiyəçinin şagirdin nəzərində müəyyən dərəcədə etibar və nüfuza malik olması zəruridir. 🟢 Təlim-tərbiyədə mühüm olan başqa bir məsələ isə öyrənənin həvəs və istəyidir. 🔵 Müəllim və tərbiyəçi öz təlim və tərbiyəvi biliklərini o zaman daha yaxşı ötürə bilər ki, qarşı tərəfdə öyrənməyə ehtiyac, istək və həvəs olsun. 🟡 Bəzən şagirdin daxilində öyrənmək həvəsi çox güclü olur. Bəzən isə belə bir həvəs yoxdur və müəllim əvvəlcə həmin maraq və istəyi onda yaratmalıdır. 🟠 Müəllim şagirdində öyrənmək istəyinin yarandığını gördükdə dərhal bu fürsətdən düzgün istifadə etməli və həmin münasib zamanı həqiqətləri ona çatdırmaq üçün dəyərləndirməlidir. 🟣 Belə müəllim uyğun anları tutmağı bacaran müəllimdir. O, şagirdlə yaranmış münasibət və ünsiyyətdən istifadə edərək təlim-tərbiyəni mümkün qədər təsirli şəkildə həyata keçirir. 🟤 Deməli, təsirli tərbiyə üçün iki mühüm zəmin lazımdır: tərbiyəçinin etibar qazanması və tərbiyə olunan şəxsdə öyrənmək həvəsinin olması. @kovser114

https://t.me/islam_quran_axlaq Yeni qrupumuz Allahın izni ilə fəaliyyətdədir.

💠 Könüllü və fədakar həyat yoldaşı olma tərzi. 📌 Müharibə zamanında könüllü şəkildə irəli çıxan və heç bir məcburiyyət olmadan döyüşə gedən insanlar həmişə camaat arasında xüsusi hörmət və rəğbət qazanır, rəhbərlər və cəmiyyət tərəfindən təqdir olunurlar. 🔵 Könüllü insan o şəxsdir ki, heç bir məcburiyyət olmadan, başqalarından öncə təşəbbüs göstərib bir işi yerinə yetirir. Heç bir qarşılıq gözləmədən, fədakarlıqla, məsuliyyət hissi və ixlasla önə çıxması başqalarında heyranlıq yaradır. 🌍 Ailə həyatında da ər-arvadın bir-birinin gözündə daha əziz və sevimli olmasına ciddi təsir edən davranışlardan biri könüllü şəkildə təşəbbüs göstərməkdir. 🏡 Həyat yoldaşınız sizə «filan işi gör» deməzdən və ya ehtiyacını dilə gətirməzdən əvvəl, siz onun ehtiyacını görüb anlayın və imkan daxilində həmin işi özünüz yerinə yetirin. ✅ Kiçik işlərdən böyük işlərə qədər ailə həyatında bir çox məsələ bu cür könüllü və təşəbbüskar şəkildə həyata keçirildikdə, ər-arvad arasındakı məhəbbət və sevgi daha da güclənər və davamlı olar. 💎 Bu davranış tərzinin digər faydaları həyat yoldaşının və ailənin ehtiyaclarına daim diqqət yetirmək, qarşı tərəfi daha yaxşı anlamaq, məsuliyyət hissini gücləndirmək, eqoizmlə mübarizə aparmaq, fədakarlıq və mənəviyyat ruhunu inkişaf etdirməkdir. 🟢 Könüllü və təşəbbüskar həyat yoldaşı olmağın başqa bir mühüm təsiri də budur ki, bu davranışın yaratdığı məhəbbət insanın bəzi eyib və nöqsanlarını kölgədə qoyur. Qarşı tərəfdə yaranan sevgi və rəğbət də həyat yoldaşının çox şikayət etməsinin və həddindən artıq gözləntilər irəli sürməsinin qarşısını alır. @kovser114

🏠 Ailənin möhkəm sütunu. 🏡 Ailə münasibətlərini möhkəmləndirməyin və ailə üzvləri arasında həmrəyliyi gücləndirməyin mühüm yollarından biri məsləhətləşmə mədəniyyətidir. ✅ Bu gözəl ənənə yalnız ailə üzvləri arasındakı emosional bağları dərinləşdirmir, həm də möhkəm bir sipər kimi ailəni həyatın çətinlikləri qarşısında daha dayanıqlı edir. ✍ İmam Əli əleyhissalam buyurur: مَنِ اسْتَبَدَّ بِرَأْيِهِ هَلَکَ، وَمَنْ شَاوَرَ الرِّجَالَ شَارَکَهَا فِي عُقُولِهَا "Kim yalnız öz fikrinə arxalanarsa, həlak olar; kim başqaları ilə məsləhətləşərsə, onların ağıllarına şərik olar." 📚 Nəhcül-bəlağə 161-ci hikmətli kəlam 🏘 Ailədə məsləhətləşmənin faydaları:👇 1️⃣ Qarşılıqlı etimadı artırır və ailə üzvlərində dəyərli olduqları hissini gücləndirir. 2️⃣ Müxtəlif baxışların bir araya gəlməsi daha düşünülmüş və müdrik qərarlar verməyə kömək edir. 3️⃣ Təkbaşına və özbaşına qərar verməyin qarşısını alır, səhv etmək ehtimalını azaldır. 4️⃣ Ailədə birlik ruhunu və ortaq məsuliyyət hissini gücləndirir. 🌐 Məsləhətləşmənin hakim olduğu ailə təhlükəsiz bir sığınacağa çevrilir. Belə bir ailədə hər bir üzv özünü ailənin gələcəyinin qurulmasında iştirak edən və məsuliyyət daşıyan bir şəxs kimi görür. @kovser114

❓ Övladınız “Sənə nifrət edirəm!” kimi sözlər deyəndə necə davranmalı? ⭕️ “Sənə nifrət edirəm!” və ya “Sən məni heç başa düşmürsən!” kimi ağır cümlələri eşitmək hər bir ata-ana üçün qəfil bir sarsıntı kimidir. Sanki valideynin indiyədək övladının tərbiyəsi üçün göstərdiyi bütün səylər bir anda sual altına düşür. 🔵 Belə böhranlı anlarda valideyn olaraq beynimiz sürətlə müdafiə mövqeyinə keçir. “Amma mən səni sevirəm!” deməklə özümüzü müdafiə etməyə və ya sərt reaksiya verərək mübahisəni bitirməyə meyilli oluruq. 🟡 Halbuki övladın bu cür kəskin sözlər işlətməsi çox vaxt bizə qarşı “müharibə elanı” deyil; onun emosional təhlükəsizliyə olan ehtiyacının şüursuz şəkildə ifadəsidir. 🔴 Bu emosional fırtınalardan sağlam şəkildə çıxmaq üçün övladımızın “qarşısında” deyil, “yanında” dayanmağı öyrənməliyik. 1⃣ Birinci addım: Övladın hisslərini qəbul etmək. 🏠 Övladın emosional zəkasının inkişafına kömək etmək üçün ilk praktik addım onun hisslərini təsdiqləyən ifadələrdən istifadə etməkdir. 👉 Məsələn: “Başa düşürəm ki, çox əsəbiləşmisən. Səni anlamağa çalışıram. Mən də sənin yerində olsaydım, bəlkə də narahat olardım.” ⚠️ Bu cümlələr uşağın aqressiv davranışını təsdiqləmir. Sadəcə, onun yaşadığı hissin mövcudluğunu qəbul edir. 2⃣ İkinci addım: Mübahisə və inadkarlıq oyununa girməmək. 🏡 Bəzən valideyn uşağı anlamağa çalışdıqca o, daha çox müqavimət göstərə bilər: - “Yox! Sən mənim nə hiss etdiyimi başa düşmürsən!” ⚫️ Uşaq emosional olaraq həddindən artıq gərgin vəziyyətdədirsə, həmin anda ona uzun-uzadı məntiqi izahlar vermək faydalı olmaya bilər. Valideyn bəzən danışmaq əvəzinə sadəcə sakit şəkildə onun yanında qalmalıdır. 3⃣ Üçüncü addım: Sakitliyi yaxınlıq və qarşılıqlı anlayışla bərpa etmək. 🏘 Valideyn belə deyə bilər: “Onda mənə kömək et ki, hisslərini daha yaxşı anlayım. İstəyirsənsə, əvvəlcə bir az sakitləş, sonra mənə danış.” 🟤 Əgər uşaq fiziki yaxınlıq istəyirsə, təhlükəsiz fiziki təmas, məsələn, qucaqlaşmaq da onun sakitləşməsinə kömək edə bilər. 4⃣ Dördüncü addım: Seçim haqqı və susmaq imkanı vermək. 🔘 Əgər uşaq hələ də danışmaq istəmirsə, onu buna məcbur etmək lazım deyil. 👉 Belə demək olar: “İndi danışmaq istəmirsənsə, problem deyil. Nə vaxt hazır olsan, mən səni dinləməyə hazıram.” 🟣 Bu yanaşma uşağa emosional nəfəs almaq üçün məkan verir və vəziyyət üzərində müəyyən seçim haqqının olduğunu hiss etdirir. 🟠 Eyni zamanda uşaq öyrənir ki, onun şəxsi sərhədlərinə hörmət edilir və münasibət yalnız mübahisə zamanı deyil, sakitləşdikdən sonra da davam edir. 🏠 Bu dörd mərhələli yanaşmanın əhəmiyyəti yalnız evdə yaranmış bir böhranı həll etməklə məhdudlaşmır. Əslində valideyn bununla övladına dərin sosial-emosional bacarıq öyrədir. ♻️ Uşaq valideynin davranışından öyrənir ki, əvvəla əsəbilik pis şeydir, ikincisi qəzəblənmək münasibətin bitməsi demək deyil; ağır hisslər yaşamaq mümkündür və həmin hissləri münasibəti dağıtmadan ifadə etməyi öyrənmək olar. @kovser114

🔥 Aqressiv yeniyetmə ilə davranışda mühüm bir məqam. 🏠 Yeniyetmə əsəbi olduğu zaman məntiqli söz eşitməkdən çox, onun hisslərinin görüldüyünü və başa düşüldüyünü hiss etmək istəyir. ❌ Ən böyük səhv:👇 👉 Elə həmin anda onunla mübahisəyə başlamaq, nəsihət vermək və ya aqressiyasına aqressiya ilə cavab verməkdir. ✅ Düzgün yanaşma: Sükut + aramlıq + qısa müddətlik məsafə 💬 Sadəcə belə deyin: "İndi danışmağın vaxtı deyil. Sakitləşəndən sonra bu barədə danışarıq." ❓ Nə üçün bu üsul daha təsirlidir? 🏡 Çünki yeniyetmə güclü qəzəb içində olduğu zaman onun düşüncə və davranışında məntiqdən daha çox emosiyalar üstünlük təşkil edir. Buna görə həmin anda uzun-uzadı izah və nəsihət çox vaxt nəticə vermir. 💡 Yadda saxlayın:👇 ♻️ Belə məqamlarda vəziyyəti daha yaxşı idarə edən şəxs daha çox danışan deyil, öz reaksiyasını daha yaxşı idarə edə biləndir. @kovser114

🏠 Bəzi cümlələr cəmi bir dəfə deyilir... Amma illərlə insanın yaddaşında qalır. 🏘 Hər birimizin elə günləri olur ki, bir qərar vermək, yeni bir işə başlamaq və ya həyatında dəyişiklik etmək istəyərkən tərəddüd edirik. 🏡 Belə anlarda həyat yoldaşı iki cür insan ola bilər: 👉 Biri deyər: "Bəs alınmasa necə olacaq?" 👉 Digəri isə aramlıqla deyər: "Mən sənin yanındayam. Cəhd et." ⚠️ Bəzən həyat yoldaşına edilən ən böyük kömək pul vermək, hədiyyə almaq və ya hazır həll yolu göstərmək olmur...👇 🔆 Ən böyük kömək onun bilməsidir ki, əgər yıxılsa, ayağa tək qalxmalı olmayacaq. 🏠 İnsanların bir-birinə dayaq olduğu ev, arzuların böyüyüb inkişaf etməsi üçün ən yaxşı əmin-amanlıq məkanıdır. @kovser114

💬 Bəzən elə düşünürük ki, tərbiyə vermək yalnız nəsihət etmək deməkdir. 🏠 Halbuki uşaq, bizim sözlərimizi eşitməzdən əvvəl davranışlarımızı yadda saxlayır. 👉 O, sizin yaşlı bir insan üçün qapını açıq saxladığınızı... 👉 Əziyyət çəkən bir insana təşəkkür etdiyinizi... 👉 Və ya satıcı və qonşu ilə hörmətlə danışdığınızı görəndə...👇 ✅ Heç bir dərs keçilmədən çox böyük bir həqiqəti öyrənir: "İnsanlar yalnız bizə yaxşı davrandıqları üçün hörmətə layiq deyillər; hörmət bizim şəxsiyyətimizin bir hissəsidir." 🏡 Övladınız bəlkə də bütün nəsihətlərinizi xatırlamayacaq. ⚠️ Amma sizin başqaları ilə necə davrandığınızı uzun illər yaddaşında saxlayacaq. 🌱 Uşaqlar tərbiyədən daha çox, valideynlərini nümunə götürərək böyüyürlər. @kovser114

🏠 Bəzən elə olur ki, bir evdə yalnız pis xəbərlər danışılır. Belə bir ev tədricən yorucu və ağır bir mühitə çevrilir... 🏡 Bəzən ər-arvad yalnız bir problem yarananda söhbət edirlər... 📌 Bahalıqdan danışırlar... Tıxacdan... Yorğunluqdan... Gün ərzində baş verən xoşagəlməz hadisələrdən... 🔴 Beləcə, zaman keçdikcə onların şüuru fərqinə varmadan belə bir qənaətə gəlir ki, həyat yoldaşı ilə söhbət etmək yalnız acı xəbərlər eşitmək deməkdir. ⚠️ İndi isə kiçik bir vərdişi sınayın: ✅ Günün çətinliklərindən danışmazdan əvvəl, əvvəlcə gün ərzində baş vermiş bir xoş hadisəni danışın. 🔆 Bunun böyük bir hadisə olmasına ehtiyac yoxdur... 👇 👉 "Bu gün biri heç bir səbəb olmadan mənə yol verdi." "İş yerində içdiyim çay bu gün çox ləzzətli idi." "Küçənin kənarındakı güllər əhvalımı həqiqətən yaxşılaşdırdı." 🌐 Bu kiçik xoş xəbərlər bəlkə də dünyanı dəyişməz. 🏡 Amma evin ab-havasını dəyişər. 🌱 Hər gün xoş xəbərlərin də paylaşıldığı bir ev, hər gün ümid etməyi də, həyata, gələcəyə daha ümidvar və nikbin olmağı da öyrənir. @kovser114

🏠 Həyat yoldaşlığına dair ən gözəl cümlələrdən biri cəmi iki sözdən ibarətdir: "Sənin fikrin nədir?" 👉 Bir əşya alarkən... 👉 Evi səliqəyə salarkən... 👉 Həftəsonu üçün plan qurarkən... 👉 Hətta sadə bir yemək seçərkən belə. 🟢 Bəlkə də sonda yenə əvvəlcədən düşündüyünüz qərarı verəcəksiniz. 💠 Amma həyat yoldaşınız onun fikrinin sizin həyatınızda dəyər daşıdığını görəndə, özünü bu ailənin sadəcə yol yoldaşı deyil, əsas üzvlərindən biri kimi hiss edəcək. 🌐 Bəzən verilən bir sualın dəyəri, alınan cavabdan daha böyük olur. 🏡 Ailə həyatı "bir-birimiz üçün" deyil, "birlikdə" qurulduqda daha gözəl olur. @axlaq

🏡 Əgər hər səhv etməzdən əvvəl övladınızın yolundakı bütün maneələri aradan qaldırsanız... 🏠 Bəlkə bu gün işi onun üçün daha asan olar; amma sabah qarşısına çıxan ən kiçik maneə belə ona çox böyük görünər. 🏘 Bəzən övladımız nəyisə unudanda, hansısa işi yarımçıq görəndə və ya düzgün qərar verə bilməyəndə, dərhal müdaxilə edib problemi onun əvəzinə həll etməyə çalışırıq. 🔆 Kömək etmək məhəbbətin əlamətidir. Amma bu kömək hər dəfə övladın hər hansı bir təcrübə qazanmasından əvvəl göstərilərsə, o, bunları öyrənmək fürsəti tapa bilməz:👇 💎 Necə düşünməyi, necə səhvini düzəltməyi və növbəti dəfə necə daha hazırlıqlı olmağı. 🟢 Məqsədimiz onu problemləri ilə tək buraxmaq deyil; məqsədimiz onun yanında olmaqdır, onun yerinə yaşamaq deyil. 🌱 Bəzən övladın inkişafı səhvsiz yaşamaqda deyil, etdiyi kiçik səhvləri düzəltmək üçün ona fürsət verilməsində formalaşır. @kovser114

🏠 Ailə həyatında yetkinliyin əlamətlərindən biri də həyat yoldaşınızın inkişafına öz inkişafınız qədər sevinə bilməyinizdir. 🏡 Bəzən həyat yoldaşınız - yeni bir bacarıq öyrənmək istəyir... - təhsilini davam etdirmək istəyir... - yeni bir işə başlamaq istəyir... - və ya peşəsində irəliləməyə çalışır. ⚠️ Belə anlarda təkcə onu həvəsləndirmək kifayət etmir. 🏡 Bəzən həyatın yükünün bir hissəsini öz üzərimizə götürməliyik... bəzən ona daha çox vaxt qazandırmalıyıq... bəzən isə səbir və mənəvi dəstəyimizlə onun inkişafı üçün əlverişli şərait yaratmalıyıq. 🏘 Çünki ortaq həyatda həyat yoldaşının inkişafı təkcə şəxsi uğur deyil. 🔆 O daha bacarıqlı və daha güclü olduqca, evimizə də daha çox rahatlıq, təcrübə, bacarıq və imkan gəlir. 🏠 Ailə həyatı elə bir yerdir ki, zaman keçdikcə "sənin inkişafın", "bizim inkişafımıza" çevrilir. 🌱 @kovser114

🧩 Sadəcə bir cümləni dəyişin... 🏠 Təsəvvür edin ki, övladınız sizə çəkdiyi bir şəkli, hazırladığı bir əl işini və ya yeni bir fikrini göstərir. 🌍 Çoxumuzun ilk reaksiyası belə olur:👇 "Nə gözəldir!" ✅ Bu, gözəl cümlədir. Amma söhbəti elə həmin anda bitirir. 👉 Bunun əvəzinə belə deyin:👇 "Mənə bu barədə bir az da danışarsan?" 👉 və ya:👇 "Bu işin ən çox hansı hissəsini bəyənirsən?" 🔆 Bu kiçik dəyişiklik çox gözəl bir nəticə verir... 💎 Artıq övladınız təkcə tərif almağa çalışmır; öz fikri, seçimi və hissləri haqqında danışmağa başlayır. 🌐 Beləcə, o öyrənir ki, gördüyü işlərin səbəbini izah etsin, sadəcə "Afərin!" sözünü gözləməsin. 🏡 Bəzən övladın inkişafı böyük təriflə başlamır; onu həqiqətən dinləyən və özünü ifadə etməsinə fürsət verən maraqlı bir sualla başlayır. 🌱 @kovser114

🏠 Valideynlərin çoxu övladı sual verəndə ona cavab verir. Amma az adam düşünür ki, o cavabı necə verim?! ⭕️ Təsəvvür edin ki, uşaq soruşur: – "Göy (səma) niyə mavi rəngdədir?" ⚠️ İki fərqli cavab vermək olar: ❌ "Böyüyəndə başa düşərsən." ✅ "Səncə, səbəbi nədir?" 💠 İkinci cavab sadəcə bir sual deyil. 💎 O, uşağın beynini "yalnız cavab alan" mövqeyindən çıxarıb "araşdıran və kəşf edən" mövqeyinə keçirir. 💫 Düşünməyi öyrətmək uzun-uzadı və ya çoxlu cavab verməklə başlamır; düzgün suallar verməklə başlayır. @kovser114

⭕️ Övladın özünəinamını yavaş-yavaş zəiflədən kiçik bir səhv... 🏠 Təsəvvür edin ki, övladınız başına gələn bir hadisəni danışır. 🔴 Hələ sözünü bitirməmiş siz deyirsiniz: – «Yox, elə olmamışdı...» – «Qoy, mən düzünü danışım...» 🔵 Bəlkə də məqsədiniz sadəcə hadisənin dəqiq danışılmasıdır. ⚫️ Amma övladınızın aldığı mesaj başqadır:👇 «Mənim dediyim kifayət qədər dəyərli deyil.» 🟡 Bəzən onun sözünü yarımçıq kəsib dediklərini düzəltməyə ehtiyac yoxdur. 🟤 Qoy danışacağını axıra qədər desin. 🟣 Əgər əlavə edilməli bir məqam varsa, sözü bitəndən sonra sakit və nəzakətlə əlavə edin. 🌱 Öz sözünün diqqətlə dinlənildiyini hiss edən uşaq zamanla özünəinam qazanır, düşüncələrini inamla ifadə etməyi və öz fikrini əsaslandırıb müdafiə etməyi öyrənir. @kovser114