الشاعر كرار حسين الكربلائي

https://youtu.be/-h5hotuk3N4?si=TCrOs1jpqjFLfHtI

https://youtu.be/423l3hpx_48

حرگو بيتين كسرو ضلعين شحجيلك عن ضلع الزهره لو ضلع حسين ... محمد يا نبي الرحمه غاب الخير بغيابك والكالت الك تهجر بعدك هجرت كتابك اول ما غمض جفنك ظلمو حيدر اصحابك كسرو ضلع للزهره وبالنار احترگ بابك الضلع مكسور خلّف عاشور يالمختار التحچي بدينك ناس بلا دين ... باب الچنت تگصدها بجمرة حقد حركوها نسأل فاطمه شسوت وفوگ الوجه سطروها بصدرها نبتو بسمار واعله المتن ضربوها ثگيله الباب يالهادي واعله الضلع طبكوها والمحسن مات من العصرات فوگاه طاحت امه الزهره مسطوره العين ... هذا اول ضلع مكسور خلف الباب للزهره خل احجيلك اعله حسين عطشان انكطع نحره عشر خياله ودوله كامت تطحن بصدره ضلوعه اتطشرت بالكاع وزينب واكفه اتنظره الما شارب ماي سحگوه هواي مره بظهره ومره بصدره سحگو مرتين ... نگول الزهره شيعوها وصار الدفن بالظلمه وحسينك ثلث تيام عاري مخضب بدمه راسه اعله الرمح شالوه ومسلب بقه جسمه آيحسين ومصابه مصابه اعظم من امه خلوه عريان وما صح دفان والعباس بكتر الشاطي وبلا جفين ... كل هذا الحجيته بصوب واحچي بأصعب الالام زينب آه يا زينب ودوها سبي للشام ساعه بسوگ وگفتها وساعه بالخرابه اتنام المن تحجي غربتها حرمه وحايره بايتام كل يوم تموت وتبچي بلا صوت زينب يا جد زينب بعدك شيبها البين ... خادم الحسين ( عليه السلام) كرار حسين الكربلائي ( ابو كميل )

يا زهراء راح سيد الانبياء يا زهراء واستعدي للبلاء وا محمداه .. وامصيبتاه ... الليله صرتي اميتمه فاطمه يا فاطمه والحزن ما ينتهي بغيبة رسول الله هالبدر من يختفي جمرتج ما تنطفي والدمع وسط الجفن يا فاطمه صلّه يا زهراء لحضرتج قمنه العزاء يا زهراء يعتلي دوم النداء وا محمداه .. وامصيبتاه ... راح ابوج المصطفه بعده عالدنيه العفه لو دفنتي هالحبيب اتحضري لمصابج تهجم اعليج العده والحقد منهم بده راح اول غدر منهم يحترگ بابچ يا زهراء يحترگ باب السماء يا زهراء يرتفع صوت البكاء وا محمداه .. وامصيبتاه ... دمعتج تصبح فرض ايطيح محسن عالارض ميّت ابنج عالتراب اتشاهده اعيونچ النوب خدچ ينصفع ينكسر منج ظلع من الضرب مثل العبايه تصبح متونج يا زهراء ضلعج يصب الدماء يا زهراء ايصيح سيد الاوصياء وا محمداه .. وامصيبتاه ... المصطفه من يندفن ينبني بيت الحزن كل حياتج تنگضي بالحسره والدمعه آه وحزان ووجل عمرج ينوله الاجل يندفن بليل جسمچ آه يالبضعه يا زهراء سالت ادموع الرثاء يا زهراء يرتفع بيرغ ولاء وا محمداه .. وامصيبتاه ... بس عله اعناد الزمن شيعتج يم الحسن وعالولايه الحيدريه يبقه مسرانه صوت حبنه يعتلي يا محمد يا علي ارگاب توگع عالارض ما يوگع الوانه يا زهراء غصباً اعله الادعياء يا زهراء يبقه مرفوع اللواء وا محمداه .. وامصيبتاه ... خادم الزهراء ع كرار حسين الكربلائي ابو كميل

https://youtu.be/AvFAre7UlW8?si=fVB5CicOAaTTRjhk

https://youtu.be/bKAiWeiMPq0?si=1rOJmxnPEMwV_Ens

https://youtu.be/wFRHx56rZHE?is=crWHvgzPzO6UemqF

https://youtu.be/lE7ZjHhkl_A?si=pE2VYHRcgaBWYuS1

مسافر حسيني الرادود محمد الجنامي https://youtu.be/uTbHRdBaqTg?si=GYd0oPV3TcErlvD2 كلمات الحاج الشاعر كرار حسين الكربلائي

https://youtu.be/89QuUF630pY?si=P4Tviq0nRe5v7WtV

https://youtu.be/NMVfzi0tou8?si=7A6LqAehhxXIKZFm

{ قائد } أداء ~ مرتضى حرب كلمات ~ كرار حسين الكربلائي ليالي محرم الحرام 1448 هجري https://youtu.be/6AU-soOkbB8?si=40UhGwn7ILk5Uhu1 الديوانية _ قضاء الشامية _  التجمع الحسيني _ خيمة الإمام زين العابدين ( ع ) #بأبي_أنت_وأمي_يا_أبا_عبد_الله @murtaza9292

https://youtu.be/93TFNkpBPgc?si=5mlwOfruVnNCkIW4

https://youtu.be/hmwooqE8x3I

https://youtu.be/YmPYe8nZePE?si=GngbA6X6-H-GhN5A

مشيتو وماكو واحد گال ليلاي يهلنه وعفتو دمع العين ليلاي دريتو خلافكم ما نمت ليلاي مچتوفه ورقيه فوك اديه

شسولف والحچي هواي والطف عايش وياي رَكضت عمتي من الخيمه للتل هاي بروحها تريدلها مقتل ... گالولي الصبر ممدوح واترك دمعتك والآه اهو الشايف ظهر عاشور يا صبر اليفيد وياه آنه بدمعتي ما چنت استعرض والطف سالفه ما تنسّي واتفض شفت زينب ابين اخيولهم تركض وعشره من الخيول بصدر ابوي اترض موقف يهدم الحيل بزينب تعثر الخيل اعله مصرع والدي من الگوم تسأل هاي بروحها تريدلها مقتل ... احترگت خيمتي فوگاي بذاك الحال شافتني زينب سحگت اعله النار ومن الخيمه جرتني علوياتي صاحن ها يبو الشيمه شنهو الراي ما ظلت بعد خيمه گلتلهن يعماتي عله الهيمه يتيمه من الرعب طاحت عله ايتيمه دريتو بزينب شصار دنت لثيابها النار لحظه ولو غيور الها ايتأمل هاي بروحها تريدلها مقتل ... اجانه الليل بس يا ليل ليل اهدعش شيبني إسمعت صوت الرباب اتصيح ودوني لعد إبني گالت علي يُمه لبني خلنه انروح دَر اللبن بلچي ألگه برضيعي روح گلتلها الولد يآم الولد مذبوح وخفت زينب تموت اعليها من النوح وقريت بروحها إحساس تعاتب عمي عباس تريد اتروح بس اشلون تندل هاي بروحها تريدلها مقتل ... صبح يوم اهدعش بيّن وشفنه الضيم بنفاسه روس وحته عبد الله شفنه اعله الرمح راسه وزينب شافت النوگ وتناشدني يعمه منهو عالناگه يصعدني سجدت وگلت عمه بخدمتچ متني گالت انته منهو ايصعدّك يبني اعله زينب مدمعي سال شمر يجتفها بحبال بضرب السوط صعدت نوگ هزّل هاي بروحها تريدلها مقتل ... مشينه وعمتي زينب مرّوها اعله ابو اليمه رادت تهوه بس ناديت ارحمي بحالي يا عمه حده الحادي وضعنه الشامت ايشوفه اشكثر زينب بچت من طبت الكوفه الشام الشام جرحي المحد ايروفه طبت عمتي اعله ايزيد مچتوفه بيا دستور يا دين تطب زينب دواوين بت فاطمه عنها ايزيد يسأل هاي بروحها تريدلها مقتل ... خادم الحسين ( عليه السلام) كرار حسين الكربلائي ( ابو كميل)

آنه الصحيفه السجاديه التمشي اعله ظهر الهزل مسبيه بدموعي تتوضه المسافات مچتوف واقره بالمناجاة ... اختنگت الدنيه بصده آهاتي وشيّب بصدري النِفَس ذكريات الطف سبي عماتي وجسد مسحوگ بفرس اول دُعا يم النحر لأم الخدر زينب چان شالت المنحر واندعت اِقبل يرب هالقربان بس صوتها بذاك الوكت من الخيم بي دخان رادت تشبگه وهوّه عالغبره بس مانعتها اسهام البالصدره چف المسح من عمتي دمعات مچتوف واقره بالمناجاة ... مناجاة العارفين اقراها لأن عارف بالأمر الحرم يسبوها واروح وياها وآه يادرب اليسر ذبحة هلي وضيم السبي للعِله صار اچماله والمثلي يا عالم صعب علويه تبچي اگباله بمتون عماتي شكثر كِسرو عصي الجماله وديت صوتي امحمل اهاتي الحگ يعباس اعله اعماتي فوگ الرمح واسمعله آهات مچتوف واقره بالمناجاة ... مناجاة الخائفين اقريتها خفت زينب لا تموت تعالج بدرب السبي حسيتها سكته تبچي بلايه صوت شيسوي المطوگه الحبل من رگبته لحد ساگه گلبي اعله زينب عمتي لا توگع من الناگه محنيه من سوط الشمر وحسين هدها افراگه وصوره احس منها الگلب شيّب تراب السبي تارس وجه زينب وآنه الإمام البالسبي يبات مچتوف واقره بالمناجاة ... بمناجاة الشاكي لله اندعيت وچان عالشام الدعاء عيد وطبول وهلاهل بي لگيت وفاطمه عدها عزاء حته طفلنه البالضعن يالخارجي يصيحوله ذوله يشمرونه بحجر ونسمع شتايم ذوله من السوگ حد باب القصر صار النهار شطوله ميت چنت والعايشه انفاسي (واعمامتي ماهي على راسي) اوگفت اعله باب الساعه ساعات مچتوف واقره بالمناجاة ... ومناجاة الذاكرين بيا ضمه اقره وبچفي الحديد اتذكرت بيتي وصحت يا فاطمه (زينب بمجلس يزيد) بديوانهم حته الهوه > شامت وماعنده احساس وعالروس ناديت بقهر زينبكم ابين الناس واثنينهم دارو عَلَي راس الحسين وعباس موقف الروس هوايه أذاني واحد اشوفه ايحشم الثاني بذاك القصر واگبال شمات مچتوف واقره بالمناجاة ... خادم الحسين ( عليه السلام) كرار حسين الكربلائي ( ابو كميل)

تدريني يا دهري لو انسه كل عمري ما انسه عاشور الظهر دمعي نهر يجري وآنه الكسر ظهري من حضرو نوگ اليسر عماتي من سوط الشمر محنيه واصعب جرح زينب مشت مسبيه مسبيه … بچاني وكتي من زغر سني خلاني كل سنيني اظل محني شخله اليه وشأخذ مني خله الدموع واخذ كل غالي وعاشور جرحي العايش ابالي حته الحجر ظل ينحب لحالي بغربه وزماني ولاني ورماني بمصيبه اته الغريب وخواته وبناته غريبه دنيه وصفت غربه بغرب مشلوع من عندي الگلب كل العمر دمعي يصب ويلي ما تخلص همومي ريته كرب يومي من ظل ابويه لوحده اخوانه وانصاره مذبوحه بكتاره وكل رحمه ماعدها العده ناده الا من ناصر يفز ليه واصعب جرح زينب مشت مسبيه مسبيه … لخيامنه رد المهر خالي وراس الحسين اعله الرمح عالي اتعلگت كل الحرم بذيالي لحظه وشفت نيران بالخيمه صحت بدمعتي وبالگلب ضيمه فرن يعماتي عله الهيمه حرگو خيمنه وحرمنه غريبات شفتهن گلبي شكثر شاط والسياط بالمتون اثرهن طفله بجمرهم تحترگ طفله بحوافر تنسحگ بطفله الشمر سوطه يطگ ويلي مدري اطفي بخيامي مدري اجمع ايتامي وآنه اخذ حيلي المرض كل بالي يم زينب داست جمر يلهب وي عمّتي گلبي ركض المن اسولف نايباتي البيه واصعب جرح زينب مشت مسبيه مسبيه … الليل اجاني وخيم ماعندي بس الحرم ظلت وأنه لوحدي رماد الخيم بعمامتي وخدي صحت وتبده اعله الارض همي يا ابالفضل احضرني يا عمي من يطگ زينب لو چنت يمي حسينك يعباس بلا راس والخيول ترفسه وبصدره الاسهام والعظام عله الگاع لهسه اخيول اجن عشرتهن ركُض وبظهره وبصدره ترض عفيه وبقه بگلبي نبض اويلي الحگ يبو الغيره بت فاطمه بحيره وماعدها غيري من الزلم بالحومه شافوها وبالسوط ضربوها ومن يشتموها تنلچم بلا اهل ونات الگلب مخفيه واصعب جرح زينب مشت مسبيه مسبيه … وي السبي مكتوب اتلاگه وآنه بحبل شدوني عالناگه شيّب دليلي حسين بفراگه مچتوف فوگ الهزل ودعته مسلوب نايم عالوجه شفته وبلا غسل وبلا دفن عفته بالكوفه مريت تمنيت اجه الموت واخذني وادم يشمتون يشتمون وانه ظهري محني بقصر الاماره حيرتي بعازة عمامي واخوتي مچتوفه شافو عمتي اويلي مروني بالكوفه وعماتي مچتوفه وشمات متروس الدرب هذا اليعاينهن ذاك اليشتمهن وشافتهن عيون الغرب هو الجرح من تنضرب علويه واصعب جرح زينب مشت مسبيه مسبيه … بالشام جفني لحظه ما نايم بيها اهتكو حرمة بني هاشم يم كل رمح تتراگص الوادم زينب شفتها بحجر شمروها وعمامتي بالنار حرگوها وفاطمه بإذني سمعت شتموها شلون اصبر اشلون والعيون يشوفن خواتي شفت العزيزات غريبات تلوذ بعباتي مو هسه من ذاك الوكت بالسبي يا عالم متت بكربله وبالشام اشفت اويلي بسم انگطع چبدي وكل اخوه ما عندي خواني موته بكربله من غمضت عيوني چفنوني غسلوني وحسين محد غسّله ما انسه محنة كربله يوميه واصعب جرح زينب مشت مسبيه مسبيه … خادم الحسين ( عليه السلام) كرار حسين الكربلائي ( ابو كميل )