جزائريون وجزائريات🇩🇿

آفضل بوت ميـوزك على الاطـلاق 💜 بـوت : ميوزك zezo لتشغيل الاغاني في المكالمات الصوتية 🩵💜 1- أضف البوت مشرف في المجموعة 🩵 2- ارفع البوت مشرف مع خاصية الاتصال 🩵 3- ارسل كلمة تشغيل + اكتب اسم الاغنيه يلي تبحث عنها لتشغيلها 🩵 4 - بعد تشغيل الاغنيه سيقوم المساعد بل دخول قم برفعه مشرف فقط 🩵 💜 معرف البوت¹ :  @czsbot  💙 💜 معرف البوت² :  @lrnbot 💙 للتنصيب بوت حماية وميوزك5$ : @llill 💜

كل عام وانتم بخير 💜💜💜

#رسائلكم@kronikalg2025 سلام خاوتي انا معشتش طفولة كي الاطفال بسبب قساوة الاهل وهذا الجرح مزال لذرك وانا ذركا عمري17 وش تنصحوني انا اقترحت اني بعد منكمل قرايتي نهاجر💔 ملاحظة راهي طفلة مش طفل

#رسائلكم@kronikalg2025 سلام عليكم خاوتي ادعولي معاكم عندي بياام قولو نشاله نديه بمعدل 17 و لا كتر دعوة 40غريب مستجابة 🥹

#رسائلكم@kronikalg2025 لدي مشكل كبير مهما نحل تمارين و نقرا ندي علامة متوسطة ..واش ندير باش نحسن روحي 🙂

#رسائلكم@kronikalg2025 جاني جفاف عاطفي واش تنصحوني 😭

بنا أنه رأي الاغلبية بمحتوى حل المشاكل لي عندو اي مشكل يبعث لي هنا @TheFlashu96BOT مشكل تاعو و نحطو هنا و لي يعرف الحل يعاونو ولا يجاوب عليه

#رسائلكم حياتي كامل و انا نقرا و جبت الباك و قريت لفاك 💔 و درك قاعدة مريحة حسيت روحي ضيعت بزاف من حياتي 💔واش تنصحوني ندير

#رسائلكم عطوني حل نفسخ خطبتي من واحد نرجسي💔😭

بنا أنه رأي الاغلبية بمحتوى حل المشاكل لي عندو اي مشكل يبعث لي هنا @TheFlashu96BOT مشكل تاعو و نحطو هنا و لي يعرف الحل يعاونو ولا يجاوب عليه

محتوى جديد ان شاء الله أعطوني افكار لمحتوى تحبوه

قعدت نتفرج ونحكي مع اختي ويما في التليفون 3 ابيل حتى جات العشية طبطب للباب فتحت في ميزكم شكون نلقى خوت راجلي البنات في ثلاثه ومعاهم الكنا الكبيرة جاو لعندي يطلبوا سماح وحابين نروح معهم عند عجوزتي راها حابا تقولي حاجة كي شفتهم كيما هكذاك ويبكو خايفين قلت هذه الدنيا حن قلبي ايا لبست جلبابي وروحت معاهم وانا خايفة على كرشي كي لحقنا ديك الدار حسيت روحي نعفس فوق الشوك سميت ربي ودخلت عند هذيك المصيبه شدتلي يدي انا وراجلي وقالتلي سامحوني راجلي كان خايف على يماه قاللها ما تقوليش هكا درك تنوضي لا باس بك قالت له اسمعني واسكت قالت له انا سبب كلش اولادكم في ربعة طاحوا بسبتي انا كي سمعت هذه الكلمة جبدت يدي من عندها تقلقت قلتلها واش درتي قالتلي كي مرض ولدي حلفت عليك و درت لك في قشك اي طفل راح تهزيه راح يطيح والله يبارك راني نشوف كرشك قدامك قبل ما يطيح هذا روحو للشومبرتكم افتحي الخزانة وين راكي حاطا الفرشا نتاوعك حرت كي قالتلي هك كيفاه عرفتي راني حاطا الفرشا في الخزانة دخلتو شمبرتي رجلي فشل كانت باينا عليه علامة الخايبا من يماه الله ينعلها ولا الله يرحمها مانيش عارفا واش نقول بدات تقولي سامحيني يا بنتي والله غير تسامحيني وتبكي وتشهق كي سامحيني سامحيني مام كي يديني ربي يديني وانا صافيا عنده قلتلها بعد ما قتلتي ربع رواح تعرفو جهلت في هديك دقيقة قلتلها كي جاتك الموت درتي روحك تنطقي واش درتي وتطلبي في السماح اه ولا الموت حرشا ولا كي كنت نروح للكوزينة كنتي تدخلي ديري رايك وتخرجي انت و بنتك انطقي واش درتلي عادت تبكي ومش قادرا تهدر قالتلي شتي الفراش الابيض ليلة دخلتك قالتلي هذاك روحي احرقيه دورك هذه المرة يصلحلك الحمل شفت فيها قلتلها الله ينعلك و روحت ما شفتش مورايا وراجلي قاعد في ديك البلاصا مش قدرش يهدر غزر فيها ومشى حتى جنازا نتاعها وما حضرناش والله ما رحنا راجلي يبكى كي نقولكم قهر الرجال مش مليح مش مليح يبكى واحد البكى قالي ما ظنيتش الضربة من يما والله ما ظنيتها روحت الخزانة وخرجت الفراش الابيض لقيته كامل مطاشي ماء اصفر راح راجلي عند الطالب وقال له صح روح احرقه والحمد لله هذه المرة صلحلي وزيدت ولدي وسميناه عبد الفتاح لانه قبل ما نزيدو بشهر راجلي زادوله في لاباي في القراد افتح لنا ربي باب الخير وعوضني ربي واحد التعويضا داري دارلي فيها دوزيام ايطاج وعمرهالي كنابيات فتايات دار لي شومبرا للبيبي ودورك راني نحكي في حكايتي وانا راني بحملي الثاني هذه المرة طفلة وراح نسميها اسينات اذا كتب ربي اما ولدي عبد الفتاح دركا عنده عام الله يبارك ربي يخليهلي اما دار عجوزتي قطعنا علاقتنا بيهم انا وراجلي والله يا البنات النية توجع الكرش هذا ما نقولكم والصبر مليح واي وحدة توقف مع راجلها والرجل لازم يكون صبار ويفهم مرأة وربي يصبر كل محرومة ان شاء الله ﴿ ان فرج الله لقريب﴾ عطوني رايكم وتفاعلوو راني كملتهالكمم🦋

✨ الحلقـــة الأخيــرة ✨ _ قالي تفائلوا خيرا تجدونه انا راني متأكد راكي بالكرش قلت له محمد ما طمعش روحك قالي والله اذا طلعتي بالحمل اطلبي واش حبيتي ما درتش عليه قلت لها عارفا روحي مش بالحمل كمل الكونجي نتاع محمد وكان لازم نرجعو للبلاد كنت كل الطريق وانا نتقيا حاشاكم بيسك ما طقتش على الريحة وهنا حتى انايا دخلني الشك كي لحقنا للدار تنفسنا من الطريق ورقدنا قريب ربع السوايع نضت مع العشرة تاع الصباح وقالي وجديلي القهوه دورك نجيب الخبز من الكوشا ما تعجنيش نضت دوش ريقلت روحي وطيبت قهوتي دخل وفي يده الخبز وخرجلي من جيبه كاشف الحمل قالي ديريه قلت له لا لا ما تحلمش راني عارفا روحي مانيش بالحمام و راح تفرح باطل ربي قالي واش رانا خاسرين جربي و خليها على ربي حكمت التست من يده و دخلت للدوش درت كيما قالي و قعدت نستنى في النتيجة وانا على اعصابي كنت خايفة ما نكذبش عليكم حتى قلبي عاد يضرب دعيت يا ربي فرحني انا و راجلي وما ترجعناش خايبين حكمت الكاشف في يدي و شفت النتيجة يا حوجي كيفاه نقولها لمحمد خرجت شفت فيه قالي واش سبع ولا طبع دمعا في عيني و هو يهدر محمد خرجوا زوج شلطات اول مرة نشوف محمد يبكي من الفرحة شد راسه وقعدلي في الكوزينه في ليكوا وعاد يقول ربي استجاب للدعواتي سجد سجدة شكر في الارض ويقولي خليها بيناتنا يماك و ما تقوليلهاش ما تقولي حتى الواحد واش حبيتي اي حاجة انا نجيب لك ما تخرجيش قاع من الدار نوفر لك كلش قشك حتى صوالح الداخل انا نجيبلك السترا مليحة بلاك هذه المرة يصدق لنا ودورك نرقي لك عند الراقي نجيب القرعة تشربيها بلاك سحر ولا يتنحى فاتوا الايام ومحمد كل سيمانا يروح يرقلي قرعة ماء ويجيبهالي كان خايف عليا بزاف ما يخلينيش ندخل للكوزينة هو يطيب ما نغسلش القش هو يغسل كلش يديره هو فاتو ربع شهر وكبرت كرشي كان باقلي ثلاث شهور ونولد لانه كي كنا نصيف كنت حامل في الثاني وانا ما علباليش كان وحمي صعيب بزاف على محمد بصح محمد تربى وصبر عليه كل يوم ندابز معاه كان يجهلني و يبدا يستغفر ويخرج ويخليني نعيط وحدي المهم نختاصرو روحت عند طبيبتي في هذا الرابع شهور وقاللي مبروك عندك طفل ان شاء الله هذه المرة يصلحلك انت برك سايسي روحك كي سمع محمد هذا الهدرا هو يسيق هو يطيب وهو يغسل المواعن يغسل القش لانه كانت كرشي نازلا اي تعب يطيح البيبي المهم نختاصرو شوي نشفالها في صبيحة العيد مازالني بكرشي يجيه خبر لراجلي بلي يماه راها مريضة ما كنتش مستشفيا بصح حسيتها دعوتي خرجت فيها ما طولت ما قصرت في نفس العام طاحت مرضت ما ننساش قاع غيطتني بزاف عجوزتي مشيت معاها بنية وهي كانت تمشي معيا بالحيلة قالك ربي مولا النية عمره ما يضيع ما نكذبش عليكم غاضني ذاك النهار بزاف حتى دعيت عليها والله العظيم غير قلت له يا ربي خرج فيها الحق بصح ما كنتش نتمنى لها تمرض خرج راجلي من الدار و راح يطل على يماه ميمبا ربع ساعة كلمني في التليفون الو وجدي روحك راني جاي نديك عند يما حابا تشوفك قلت له ما تشقيش روحك مانيش رايحا قالي يرحم والديك راها ماهيش طايقا وممكن ربي يدي امانته في اي وقت ارواحي راها حابا تشوفك مانيش رايحا لاني حلفت ذيك الدار ما ندخلهاش انا قلبي مات من جهتهم ذيك للعائلة جرحوني بزاف

_ قالي احترمي روحك هذه يما مهما يكون وما نقبلش فيها تقولي كلمة مش سكت يعني تطولي ذاك اللسان قلت له على بالي يماك بصح حتى هي كاين حدود راها تخطتهم معيا عيب عليها قدام الناس كامل قاعدين في الطابلة تقولي هذاك المعنى واش معناتها قاع الصبر اللي صبرته معك 3 سنين زواج و من بعدها تقولي زوجيه مرة ثانية شوف محمد انا لي عندي قلته حاجة اخرى ما نعاودش هدرتي مرتين هذيك الدار نحلف لك على المصحف والله ما ندخلها حتى نموت قالي ربي يهديك انتما النساء كامل واعرين كي انت كي يما انا نروح نصلي صلاة التراويح خرج وخلاني نرعش حسيت لاطانسيو طلعتلي لعينيا عودت نشوف مضبطب لحمي تشوك وليت نشد في يدي ونبكي و هما يرعشو خلاص لحمي برد غاضتني هدرتها شحال ما قدرتش شحال صعيبه انك ما تقدريش تجيبي ولاد ويزيدو يهدرلك هدرا ما تنجميش تنسيها رقدت والمخدا كاملة كحلي عليها توسخت بالدموع جاء راجلي وما حبش ينوضني خلاني راقدا تسحر وحده انايا قعدت راقدا حتى الصباح نوضت مانيش نفس المراء مانيش قادرا نشوف وليت ننسى بزاف غير هامشا شاردا فاتت سيمانه وانا على هذه الحال من القلقة بزاف وليت مش قادرا صاي نفسيتي تعبت و سمنت سمنا غير عاديا وناضولي الاصداف في لحمي (دوائر حمراء في اللحم المر أة كي تتقلق) رجلي حاول بكل الطرق انه يخرجني من الحالة يحوس بيا ويدور بيا في كل بلاصة غير باش ينحلي القنطة دخلت في حالة اكتئاب اي حاجه تغيضني وليت حساسه اكثر من قبل باين عليه بلي راه متقلق عليا وفايقلي بلي فقدت الامل جاني وبدا يواسي فيا وقالي نحي داك الهم راك هلكتي روحك شعرك طاح صحتك سمنتي وشبيك تخمي ياك انا قابلك عاقر قابلك واحد اخر يروح يقود قلت له محمد يماك عندها حق روح تزوج اذا حاب تتزوج خاصة بالكاتبة قلبي غير ميمتي قلت له طلقني محمد هدرت يماك ما حبتش تروح من راسي طلعت وهبطت لقيتها صح نفسيتي تعبت والله العظيم صاي ديجا كبرت وشوف شعري راني نغطي في الشيب غير بالصبغه ناض يعيط وقالي ما دخلكش انا قابلك ونحي هذيك الهدرا من راسك راه فات عليها شهر ومازالك تخمي نقولك حاجه يلاه نصيفو شوية بلاك تنسي قلت له وين يحلالي الصيف وانايا مانيش مليحة قالي يلاه برك ما تخميش بزاف خطينا من تعمر الراس ما ننساش وقفتك معايا كي كنت مريض امبوسيل نتزوج عليك ولا نبدلك وحتى لو كان طلبتي الطلاق انا ما نتطلقش حشمت وضحكت قالي راهي رجعت المهبولة نتاعي قلت له احشم رانا كبار قالي مرتي وما نتمعشقوش وقعد يحكي معيا ويقصر وحنا كلمة كلمة والضحك داير حالة نحالي ضيقة قلبي اهملت روحي مسكين ذوك الايامات اللي دخلت فيهم في حالة اكتئاب فقت لروحي واش راني ندير قلت نفاجئو بليلة شابة تكون رومانسية خليته راح للخدمة الصباح خرجت من موراه ربي يسامحني ورحت شريت باتيسيري القازوز عندي في الدار فاكهة عندي كلش موفر خبيتهم في الفرجدان وخليته جاء فطر وعاود راح للخدمة خبيت كلش لليل باش نديرها سهره شابة كي جاء من الخدمة العشيا كي العادا راح قعد شوية مع صحابه وانا في ذيك الفترة بديت نسقم في الدار بالورد والشماع وطفيت الضوء وجدت باتيسري بخرت داري سقمت انا روحي لبست روبتي عدلت و قعدت ادخل وقال الله الله هذه الليلة ما شفتهاش عندي ثلاث سنين ضحكت قلت له انت رفضتني ذاك النهار عليها وليت نتعقد قالي والله غير يخرج عليك الرواب القصار انت برك حاقرتيني وغابنتيني فاتت ليلة الشابة و انا خاطيني الحشمة ما نكذبش عليكم شطحت كي ما نرقصش انا لراجلي شكون غادي ترقص له يروح للخماج و الكباريات انا هي نتاعو فاتت ليلة شابة بعد ذيك الليلة بدينا نوجد رواحنا باش نسافرو ونروح نصيف سكرنا الدار و روحنا هذاك الصيف فوتناه غير دبزا تعرفو ما كانش يوم ما دابزتش فيه معاه قال لي ابتهال ما تقوليش راكي بالكرش راني نعرف لوحم تاعك يجيك دائما عليا قلت له ما يمكانش ياه كيفاه نرفد هذي قالي كي نروحو للدار اشري التست وجربيه وتشوفي هدرتي راها صحيحه انا نعرفك مليح وماكيش عاقر راكي رفدتي من قبل وطيحتي يعني بشك تكوني بالحمل

✨الحلقة_38_: _ بعد ما برى محمد فاتو عامين عاد في عمري 30 سنة ومحمد 31 سنة عايشين حياتنا كيما كل زوجين وبدينا نعمر في دارنا اللي فرغت في هذيك العامين كونت كل ما نرفد كرش يطيح البيبي طيحت ثلاث مرات في هذا العامين اللي فاتوا و هنا راجلي خدم راسه وقالي اذا عاودتي رفدتي هذه المرة ما نقول حتى الواحد قلت له ايه عندك الحق سترا مليحة نقول غير ليماك قالي يما و ما تقوليلهاش خليها بيني و بينك حتى يصلح البيبي لي في كرشك قلت له هكذا تزعف مني راح دير لي عداو مع يماك قال لي والله غير انت صح نية راكي عارفة الكنات يغير منك ممكن يما تحكي قدامهم على نيتها و هم يديرو في صوالحهم احرزي روحك وما عادش نروحو لا اقعدي في الدار حتان تولدي قلت له الكرش خميرة و راح تكبر قالي شوفي خلي نكرو و نبعدو ايامات وكي تولدي نرجع قلت له اوكي خلي نرفد الكرش ومن بعد الهدرا سهلا فاتو ليام وهذه المرة رمضان كنا معروضين اول يوم عند عجوزتي كنت مازال مانيش بالكرش كي دخلنا عندهم كامل باولادهم و قاعدين و عجوزتي بدات لمحمد الاولاد ملاح و نعمة والله اولاد خوتك راهم و نسيني و الدراري كي يكبرو ينفعو والديهم خاصه بالكاتبه قلبي غير ميمتي و راجلي يسمع فيها وساكت كانت تشرلو على المرأة الثانية وانا مانيش فاهمة قعدنا في الطابلة و بدينا ناكلو و نحكوا و نضحكو بدات تهدر قدامي في موضوع حساس في هذه اللحظه كان راجلي مع الرجال بدات تقول كنت نعرف واحدا ما تجيبش الاولاد راحت عرست لزوجها امراء ثانية وهي ما طلقتش قعدت مع راجلها بصح كل واحدا فيهم في دار واحدها حسيتها تمعنيلي الماكلة وقفت هنا نوضت وخليتهم ياكلو و روحت لبست قشي ما حلبتش محمد خرجت عيات تقولي اصبري مانيش عليك علاه فهمتيني غلط ما حبيتش نسمح لها كثروها غاطتني روحي ماهيش هدرا تقولهالي وين كنتو النهار اللي مرض كامل جبدت يدكم شكارا مقرون كي الناس ما طبطبتوليش في الباب وقلتولي هاكي ودورك جايين تقولولي زوجي له مرة ثانية و انيا في الطريق حاكما الطاكسي رايحا لداري كلمني محمد وينك وعلاش خرجتي واش كاين واش دارولك ونسمع فيه يعيط على يماه كوبيت التليفون وما حبيتش نجاوبه و دخلت للدار و انيا في المرايا نمسح في وجهي حلفت دار عجوزتي والله ما عاد ندخلها كملت دوشي و درت كاس قهوة وقعدت مع راسي فتح محمد الباب بالمفتاح و ادخل قريب يهد عليا الدار بالضرب و العياط بديت نقول له بلي هما ظلموني وفهمت علاش هزيت روحي قالي علاه ما كلمتينيش كان راني انا قلتلك يلاه سامحيني عيطت عليك و ضربتك كنت متقلق مش قصدي قلت له والله والله والله ربي اللي اكبر مني ومنك هذيك دار ما عادش ندخلها قالي خلاص ما تبكيش ما عادش تروحي اقعدي هنا و انا وياه نحكو تعيط عجزتي في تليفوني و الله ما رفدت عليها و حطيتها في الريجيتي قدام ولدها شفت فيه قلت له عييت من دمارها و من هدرتها السامطة هي و كناتها قلهم يخطوني و نخطيهم و رايحا نفرق عليهم هذا وين فهمت علاش الكنات كامل فرقو عليها يماك ما تتعاشرش اسمحلي بصح لحقت تقولي زوجيه هذه لا يمكن نديرها واذا عرف روحك راح تتزوج مرة ثانية انا نطلق روح لدار يما ما نقعدش في الذل

✨ الحلقة_37_: _ قعدت كيما راني واقفة ونشوف فيها كيفاه راها تبهدل فيا كانت في حقها قلبها محروق كما اي ام دير هكدا كنت حابه نجاوبها ونقولها والله ما كذبوا الكنات كي قالو دوك دوري ومن بعد كي شفت محمد ماهوش طايق ويحامي عليا قلت نتجاهلها احسن قرار راح ناخذه في حياتي خليتها تهدر وحدها وانا قاتلتها غير بالقدر ايه صح عندك الحق انا الغلطة ايه والله ما نحشم رجعت كلش فيا حتى سكتت مالقات ما تهدر محمد راه عارفني واش راني ندير قاعد يضحك سكتت وقالتلي يلا للدار معايا انت و راجلك جيبي كابا لمي فيها كل قشكم راه كاين استوديو فارغ في دار اقعدو فيه ولدي يقعد قدام عيني حتى يبرا ما حبيتش نجادلها وقتلها اوكي خليتها قاعدا مع ولدها وروحت لم في قشي وانا خايفة وجدت الكابا وساك مارساي وحطيت فيها صبابط تاع محمد وشومبو...الخ قلت ليها صاي كملت قالتلي اصبري نعيط للعائلة يجو قعدنا نستناو حتى جاااو خوتو الدراري قعدو معاه وحدهم في صالو و بداو يهدرو هدرا تاع رجال خرجو من الصالو و قعدنا كامل في الطونوبل لحقنا للدار وكانت تماك غير اخت الكبيرة المطلقة فاتوا الايام و عجوزتي داتني عند الطالب قالي مربوط على الذرية باش ما تجيبش الاولاد قالي ارقي في اقرب وقت باش يتحل الرباط قلت له اعطيني حل راه ماهوش قادر يمشي حالته كل يوم تزيد اعطاني من عنده قرعة ماء مرقية وقرعة زيت زيتون مرقي قالي دهني في المفاصل و المناطق الحساسة باذن ربي دورك يتنفس شوية بصح لازم تجيبوه في اقرب وقت عندي نرقيه رقيا شرعية اعطيناه واش كتب ربي انا و عجوزتي و خرجنا من عنده و لحقنا للدار و بديت نداوم له في الزيت و الماء المرقيين كل يوم ندير له ونقول له يلاه نديك للراقي ثلاث مرات ربعة والو ما فدش ماكاين والو قلت ممكن امر سبيطار عاودت رحت للسبيطار وهذه المره بريفي و عطاوني واحد الدواء غالي ما كانش عندي الدراهم باش نشري له و يماه مسكينها غاضتني جرات معيا بزاف تحطيت في الامر الواقع وقلت لازم نتكل على ذراعي في الوقت لي كان راجلي فاقد جسمه شلال قاع جسم صاي راقد فراش محمد ما يتحركش كانوا عندي زوج تلفزيون في الدار فتحت باجا في الفيسبوك وبديت ندخل القروبات ونحوس على مشتري ولا مشترية في اقرب وقت عانيت بزاف حتى راجلي عاد حاس روحه ثقيل على دارهم وقال لي حاب نولي للدار كانوا خوتو يديروا في لي جاست قدامو نتاع ماناش باغينيك صاي دراهم و كملت ذاك بكري كانو يحبوه على جال صلاحهم كي طاحت به واحد ماوقف معاه حكمني النيف عليه بعت التلفزيون وبعت ذهبي من الفيسبوك و رجعت لداري و بديت نصرف عليه من الدراهم هذيك اللي قعدت و بديت نداوي فيه ونداوي وكل مره نبيع حاجة من داري ساعة نبيع كنابيات ساعة نبيع خزانة فرغت داري بصح راجلي كان بدا يتحسن بشويا بشويا بدا يبرا مع ما حبستلوش الرقيا درت اللي نقدر عليه صلاة الرقيا غير باش ينوض وبالفعل رجعت له صحت محمد ما احتاجت حتى واحد باش يمدلي ولا يشفق عليا بصح ما نكذبش عليكم داري فرغت كي رجع كيما الاول قالي والله نعوضها لك قاع واش بعتي وراني قد كلمتي قلت له ربي رجعك ليا ومانيش باغيا نعاود نخسرك ماذا بيك ترتاح مليح و قلهم يزيدو يمدولك شهرين ترتاح فيهم ما عندكش بزاف مني بريت ولا سني الكونجي نتاعك ارتاح ايامك و ارجع للخدمة و كي ترجع دير واش حبيت المهم دركا صحتك

✨الحلقه_36_: _ بعدت على محمد وبلا ما يفيق حكمت التليفون ولقيت ما عنديش لينيتي عاود رجعت قعدت حداه بديت نقرا له في القران حتى نرقد كي غمض عينيه حكمت تليفونه بلا ما يفيق وكلمت عجوزتي قلت لها نسحقك في موضوع نجيك ولا تجيني قالت لي علاه كاش ما دلك ولدي قلت لها والله يا ميمتي هدره ما راهيش تاع التليفون لازم تجي بعينك وتشوفي تخلعت وقالت لي واش كاين وعاد صوتها ما هوش صوت تلفت لها الهدره وقالت لي راني جايه يا بنتي غلبتني دمعتي وما قدرتش نشدها وبديت نبكي لها في التليفون تعبت يا ميمتي بدات تصبر فيا وتقول لي ربع ساعه نكون عندك كوبيت التليفون ورجعته لبلاصته وكانت ذيك الربوع ساعه بالنسبه ليا عام يفوت قدام عيني رجعت حدا فراش راجلي وبديت نقيس في السخانه نتاعو كانت طالعه بزاف ما حبتش كل تهبط شديت له يدو وبديت نقرا في المعوضات افتح عينيه وشاف فيا قال لي ما وليتش نصلح ما نقدرش نزيد نشوفك تتعذبي كيما هكذا وتتعبي معيا راني كل يوم نشوفك تخرجي الصباح وتشري وتجي وتروحي للمارشي للسوق الفرماسي وانا غي راقد مانيش راجل قلت له ما تقولش هكذا كيما وقفت معيا من قبل ولقيتني مش عذراء وقعدت متزوجني وما طلقتنيش حتى انا نوقف معك حتى للاخر مسح بيده على راسي وقال لي روحي لداركم ما نزيدش نتعبك معيا اكثر مع الخلصه حبست راكي عارفه المالاد باللي يخلصوا غير الشهر الاول والشهوره الاخرين تتسكر الكونترا قال لي زعما رايحه تصبري معيا راح تكملي مع الرجل ما هوش قادر يمشي على رجليه روحي لداركم كنت نسمع فيه ونبكي مانيش مصدقه محمد يقول لي هذه الهدره قلت له لا لا نقعد هنا ما نروحش لدارنا نشرب معك الماء والخبز ما نروحش ونخليك وحدك هنا قال لي شوفي حياتك مع واحد يستاهلك انا صاي بزاف قدامي يما راني شفت الشهر وانا على هذه حاله يعني صاي بزاف عليك ودرك رانا دخلنا في الشهر الثاني يعني راح تسوفري معيا راح تقدري سوفري معيا وتصبري على الماكياج وعلى اللبسه ومصروفك كل شهر راح تقدري تعيشي على خبز وماء قال لي اذا حابه تطلقي طلقي شديتلو فم وقلت له ما تنطقش هذه الكلمه قال لي ما نكذبش عليك راني حاس ربي قرب ويدي امانته خاصه بالكاتبه قلبي غير ميمتي شفت فيه و انا كلي محطمه واش بيك محمد واش هذه الهدره ما تخلعنيش راه من بعدك ما عنديش اذا رحت وخليتني حتى دارنا ما همش راح يديروا فيا الخير خليك معيا قلت له قول كرهتني من الاخر وما تقوليش اذا حابه تطلقي ولا روحي لدارك انا قلت لك راني معك للخر نقطه وارجع للسطر وخطيك من الهدره اللي تخلع وانا نهدر معاه طبطب الباب حبيت نروح نفتح الباب قالي اقعدي مازالني الرجل تاع الدار ومازالني نقدر نمشي قلت له اقعد ارتاح على بالي تقدر تمشي مي رجليك راهم خفاف ما قيمنيش وناض يفتح في الباب مالغري مش طايق يوقف لقيتها عجوزتي غير افتح الباب ولدها شافته تخلعت صحتو راحت قلتلي واش هذا قلت لها قدرا يا ميمتي رحت السبيطارات قالولي ماهوش مريض ما خليتش حاجه وما درتهاش و ولدك هو اللي قال لي ما تقوليلهاش بصح كي لقيتها وصلت لهنايا صاي خبرتك باش يكون عندك علم شافت فيا وهي مقلقة كله منك قعدتي تمحصي في الكنات حتى نخرجت العين في ولدي روحي الله لا يتربحك ولدي بسبتك اليوم راه فراش تشوكيت هذه عجوزتي دارت عليا في دقيقه واحده راجلي حما عليا قالها خاطيها العكس وقفت معيا وقفه تاع الرجال راني في شهر وانا كيما هكا غير هي اللي دواتني وجرات معيا ودركه جايه تلومي فيها كنت في موقف لا يحسد ما عرفت نبكي ما عرفت نضحك شافت فيا قالت لي مني تزوجتي وانت تبكي في ولدي طيحتي له ولده هلكتي له دراهمو والمصروف وخرجات الصيغا رواب ودركا طيحتي له صحته من واش من الكنات العكس انت اللي راكي غايرا منهم وقانطه منهم مش هما كل مش سامعين بك انت اللي راكي تجري موراهم بس يشوفوك باحسن حوليك انت اللي راكي تتبهي قدامهم مش هم انت عرفتيهم غيرين منك علاش تبيني لهم عارفه العين حق ها ولدي طاح دركه بين يديا واش يلمه

✨ الحلقه_35_: _ كي قال لي كيما هكذا ما حبيتش نجاوبه ما حبيتش نتجادل معه ولا نخلق مشاكل بسك كنت فرحانه بداري خليتها فاتوا ايامات قلت له محمد باغا ندير عرضه لداركم حشومه عليا مني تزوجنا وما درت لهمش عرضه عيب وعار عليا لازم ندير لهم عرضه كيما هما يعرضوني حتى انايا حابه نفرحهم كيما هما يفرحوني ويقيموني اضحك وقال لي ههه احشيها لواحد اخر ما تحشيها ليا انا على بالي راكي حابه تزوخي بدارك اصبري شويه برك ممكن غدوه ولا بعد غدوه نقول لك اعرضيهم قلت له اوكي حبيبي مي مادا بيا نطيب لهم من عاداتنا نتاع الغرب حابه ندير لهم مختومه محاجب ولا حاجه كيما هكا نتبهر بها ولا ندير لهم عصبان ب الحمص شباب فات يومين وجاب لي راجلي كاع واش نسحق كلمتهم نشفالها صبيحه الاثنين ولا الاحد والله مانيش شافيه مليح وقلت العجوزتي ارواحي انت وبناتك وكناينك راكم معروضين عندي للفطور ان شاء الله باذن ربي بديت نطيب كيما سميره تي في باسك انايا ما نكذبش عليكم يعني ما نعرفش نطيب كاع كاع درت اليوتيوب وبديت نطبق في المكونات والحمد لله جاتني في الشباب ما جيت نكمل فطوري حتى نطبطب الباب افتح راجلي الباب ولقاها يما واخته سلم عليهم وقال لهم مرتي راها في الكوزينه وين راهم الكنات وخوتي علاه ما جاوش قالت العجوزتي باللي راهم لاحقين في الطريق مي كي دخلت للدار فتحت فمي ما شاء الله دارك كيفاه عاودتها يا ولدي العين حق يا ولدي كان بخرتوها ولا درتوا عنبر و ولا رشيتوها بالخل والملح قبل ما تعيطوا لنا والله واش نقول لك الحسادين بزاف ا ولدي نخاف تخرج في صحتك والله ولا صحه مرتك هاك تعرفني انا نحكي غير على جال صلاحكم يا يما ما تلومينيش راها المراه حشمت دائما انتما تعرضوها وهي ما تعرضكمش ادخلوا ادخلوا الكوزينه كيف خدمتها شوفوا الصالون راني سبغتها والله واش نقولك كي كانت عند يماها قاعده خدمتها كوزينه ومن بعد كي جبناها من عند يماها ايامات انفاس اللي قعدتهم هنايا عندك في الدار صبغت لها الصالون خرجت من الكوزينه ورحت سلمت على عجوزتي وبنتها وقلت لهم تفضلوا انا دقيقه ونجي رجعت للكوزينتي وطفيت النار على طيابي ورحت للشومبرا سكمت روحي ودرت المكياج ولبست قفطاني خاصه بالكاتبه قلبي غير ميمتي شويه هكذا جاو الكنات ودخلوا للصالون وفاتحين فمهم يشوفوا في الدار من وجوههم كانت باينه الغيره ومش عاجبهم الحال اما خوتو دراري فرحوا وقعدوا يبركوا له مبروك دارك خدمتها صحيح الكوزينه كيفاه كانت مخروبه راهي تسكمت مرتك صباره ما شاء الله والكنات كانوا يسمعوا وكريب يديروا قط من المحصه كيفاه رجالاتهم يشكروني كملت العرضه بعد ما فطروا وكل واحد راح لداره وهنا بدات لي مشكله اخرى راجلي بعد العرضه بثلاث ايام يقول لك صح العين حق مرض مرضى اللي ما طاقش ينوض من الفراش كي نقول لكم يغزر غير بعينيه كان ما يقدرش يحرك رجليه نصه التحتاني مشلول يحرك غير يديه ولا يشوف بعينيه ويحضر ويتكلم حرت علاه راه يصرى لي هكذا راجلي باغي يروح من يديه انا وليت نديه للتواليت بيدي تحرق قلبي عليه بزاف حتى عاد يصبر فيا يقول لي لا لا شوفي شوفي راني نمشي وانا نقول راني نشوف فيك مش طايق خليني نقول ليماك مومو دير لك حل ولا نديك عند الطبيب قال ح اوكي نروحوا للطبيب كي روحنا للطبيب قال له ما بك والو كلش مسكم لاطاسيو سكر كلش مسكم اعطالوا شويه منشطه وشويه فيتامينات شريناهم من الفرماسيه ورجعنا للدار كنت انا اللي نسوق به قال لي غدوه سوقي بيا للخدمه وندخل نمد لهم الورقه باش يمدوا لي ملاظ سته شهور نرتاح فيهم كانت حالته كل يوم تزيد قدام عيني وانا مربوطه اليدين مش قادره ندير والو وهو يقول لي ما تخلعيش يما انا صايي ما لقيتش حل وقلت نعيط لي يماه وخلي يسرا اللي يسرى انا راجلي باش يروح من يدي مستحيل