᷂سرابّ.

عفى الله عن ضياع العام و أيام التعب و الياس و عن دربٍ مشيته ما حشم به.. جرّة اقدامي.

‏معي حلم و آمال و طموحٍ ما شاف النور / و قصيدٍ من الذكرى و شيٍ من الماضي.

ترى البعاد احيان نوع من النجاه ‏وترى السكوت احيان نوع من العذر .

‏تراني هادي وطيب وأحافظ على مرباي ‏ولكن من رماني بطلقه. . رميته ميّة مره.

‏ماني مثل ناس يحطون النقط تحت الحروف ‏انا ليّا مني ضربت الارض طار اغبارها. - بن شايق .

ماعاد أبي إلّا إني أحيا عمري بقلبٍ نزيه ‏وأكمّل الباقي من أيامي ولا أخلِف منهجي.

‏جعلني لا رحلت ارحل مع الصالحين ‏لا اشرق الصبح والعمر انقضى وانتهى ‏ ‏في مكانً مع الاخيار والمؤمنين ‏بين نهر الحليب وسدرة المنتهى !

‏دائمًا الإنسان الحنون مقبول وفيه رحابه ‏وعلامات الرضى تكون مرسومه على وجهه ‏صالح بن حمد يقول : ‏« دوري لي كل ما دمعك على خدّك سال ‏دوري لي؟ وأزهلي من يمسح الدنيا بيدينه » ‏وناصر مناحي قال : ‏« ما وقفت الا عشان أمسح دموعك ‏ولا أنا؟ . . ماشي لو أنك ما بكيتي ».

‏«ذكرى سعيدة ليا مرّت على البال ‏تحزنّي اكثر من الذكرى الحزينة» ‏— فيصل بن نماس

‏صرت ما أعد الخساير ولا اندم على من خاب ‏ظني فيهم ، أتخطى الخيبات الغير متوقعه بكل ‏سعة صدر _ وفي روايه اخرى: "وإن جت من دون العشم ماعلينا / يمكن عشمنا فوق طاقات الإنسان "

‏أحب المرحلة اللي عايشتها : ‏مُتوقعة كِل شيء من أي أحد مَاعدت أرفع ‏ سقف توقعَاتي بأي شيء ‏شايله من قاموسي كلمة " ها لشخص غير " ‏ _محد غير إلا أنا_

ما شدَّت عيون المساء كفّ الأعذار ‏هذي مقاديْري، وهذي جروحي ‏كيف أتصدَّد عنك يا كلّ الأسرار؟ ‏إليَا لقاك المنتبه.. في مزوحي ‏لولا غصون أشجارك، وبِيْض الأسوار! ‏ضاعت حقوق اِسمي، وطاحت صروحي ‏أنا يا أبو وجهٍ مشاوِيْره كثار: ‏ما زلت أدوَّر في مرابيك روحي.

"حافظش حفظي لعيني ورمشي لش جلال". -ضيدان بن قضعان.

‏" غض عن بعض التفاصيل وتغافل ‏أن بغيت تعيش طيّب؟ لا تدقق ". ‏- صالح بن حمد ‏" مو شرط تصبح كل الأوقات لماح ‏ ترى التغابي .. من فنون الذهانه " . ‏- ياسر التويجري

"‏المشارب غير هرجتك ما تقطع ضماي" ‏-هامة من هامات الشعُر بن جدلان رحمه الله.

‏من نور وجهك تنشرين السعاده ‏ياطاغيه منتي بـ حاجه لـ تمجيد ‏متسيّده بالزين .. يـ أم السياده ‏كل عام وإنتي دايم أجمل من العيد ".

‏الوصيّة الدائمة: "اهجر قصور الذِّل لو هي من ذهب / واسكن بيوت العزّ .. لو كانت خراب".

‏أعرف إني قصيدة ما طرت في بال شاعر قطّ ‏وأحب إني مزيجٍ بين ما يجذبك - ويغيضك

ظلمتي من يجي بعدك يجون وكنهم مقفين قهرتي من يجي بعدك لو انه (شمس)تخفينه يغاير كوكب الارض السما الدنيا متى تمشين يقول انه حظيظ اللي تواضعتي تدوسينه

‏تخوفني مشاوير الطريق المظلم المهجور ‏واليا مني ذكرتك قلت طولي يامشاويري ‏عزاي انك رجاي العذب لو كل الدروب عثور ‏ وصلت او ماوصلت ادري منت منتظر غيري ‏حبيبي .. وكل اللّٰه لا تحسب إني بليد شعور ‏لو انت المستحيل الصعب .. ماابدي لك معاذيري ‏احبك .. رغم تجريح الليالي لقلبي المقهور ‏اشوف الجرح يكبر وانت تكبر وسط تفكيري ‏احبك .. لو يموت الحب وتصير القلوب قبور ‏ احبك كلمة لو حرموها .. حل تفكيري ‏احبك من هنا حتى طلوع الفجر .. حتى النور ‏صحيح انك قدر محتوم بس اجمل مقاديري ‏بعذر اللي يحبك لو يصير الشاعر المشهور ‏لأنك تنهمر حلو القصيده في تعابيري ‏احد ربي يحطك له حبيب .. ومايجيه غرور ؟ ‏انا لي التفت للناس وعيونك جماهيري ‏هلا بك من قدمك ... لوجهك ليا شعرك المنثور ‏هلا في كل شيٍ فيك وانت اغلي مساييري ‏أثر صدق الغلا يجبر حطام الخاطر المكسور ‏وانا مهما منحتك من غلاي اشعر بتقصيري ‏ولو طالت مشاوير الطريق المظلم المهجور ‏انا لامن ذكرتك قلت .. احبك يامشاويري.