ليكُن لِقاء

طِلع يگدر طلع عادي ! والأشياء الرفضها وياي ديسويها بعنادي.. ما غَزرن ويا الأثنين لا حُضني ولا زادي !! طِلع يگدر طلع چذاب وجهة أسود ومو حنطي معزب صار ويَ ناسه وأطلب حَقي ماينطي.. وإذا فزعته مِن أتعب خبيث وعن قصد يبطي

بديت أعرف الصورة شلون ترتاح شكو بتاريخها تحطه بظهرها تنسىٰ وجوهنا المرآية التطيح تضل تتذكر الوجه الكسرها !

حير بروحك آنه بروحي حاير وكِت ماعِندي أضيعه أعلىٰ الخساير أّحلك مُشكلة تريد ؟ انتَ وهمان مشاكل بيتنا ما أحلها صاير.

نتزاعل ونتصالح أول تالي أعرف بروحي هواي عِندچ غالي بَس الحچي التحچينه مِن تختنگين لو تنمسح ذاكرتي يُبقىٰ ببالي.

معركتي إنتهت والنَصر چان فراگ صح رِدتك إلي بَس الله ماراد..

گتلهُم نسيته ورجعة ماكو وياه.. راح أتأقلم وصدگوني ما أبچي حيل اتفاجئت ما واصل لهالحال ! أول مرة أستوعب شجاي أحچي !!

يلا المُهم بَس كون نعِيش وكُل السِهام نگول بالريش باعونا محَد گالهم ليش ! بلا زَحمة بلة أسعارنا بيش ؟

ما صبرتي وما صُبرنا انتِ لو بَس فاهمتني چان احلىٰ ثنين بالدنيا صِرنا چا هسا احنا سويه.. وبَس مواضيع الغَزل بالليل عِدنا وچان أكبّر مِن حَچي العالم وِلدنا..

لا تسولفلي إعلى جَرحك عُمري ضاع الجرح يشفىٰ بس سنيني وين ألگيها ؟ تبچي چي مايك تبدىٰ إعلىٰ السَراب آنه روحي لخاطرك جافيها ! كون مو گد الهوىٰ شجابك عليه ؟ چفوف مو يمك شكو تلاويها لا تبرر ذِبلت الوردة بإيديك انتَ مو گدها ، الشمس شعليها ؟ وردة ماتت إلمن ترشلها ماي ؟ وهذا ياهو الگالك تحييها ؟ صرت كتالي برگبتك دمّي صار ! وذيچ روحي بذمِتك خليها.. سالفة العاف القفص يرجع عليَّ شعِنده راجع هايَّ لا تحچيها انا رِدتك لمن چانت بيَّ روح.. ترجع إلمن بعَد روحي شبيها ؟ التفگة المكتره لساعات الثگال فشلة من يگضن تجُر سرگيها ! ولا تعيرني بجرِح غير انت هذا انا لو أعرف جروحي أشريها ! تطيب لو مهما تمُر بيها السنين جروح المسودَن شمس تچويها مادوم وداعتك يومية رآي بدمعة وضحكة السنين اگضيها.. شالِتك دنياك بَس باچر تطيح وترجع تسحگك سحگ رجليها

بَس طلب واحد أخير لا تردني بداعة العِشرة وبعَد ماراح أجيك ! تعال أخطب حتلو بالچذب خايب لاتخلي الوادم يعيروني بيك بَس تعال تقدم وخلصني منهُم لاتخاف والله ماوافق عليك. إجة اليوم الواعدتني تجيب بي نيشان وينك ما أجيت ؟ الله لا ينطيك كون.. بفرحة الزهرة وبچيت !

البارحة أصعب ليلة مَرت ع عيوني مِن الليالي ! البارحة مِن الوجع گلبي چان عوزة شوية ويبطل يدِگ.. وهاي تاليته الغشِيم وهوَ هذا الغمَض عيونّه ومِشى بدرب العشِگ ! والعمُر بي ليلتين يمُرن بالليل كِل واحد يحب مِن صدگ الأولىٰ البيها أول يوم حَاب وماينام مِن الفرح تخلص حچي الثانية الينعاف بيها ماينام مِن البَچي.

حاچيني برسالة وآنه أصير بخير يعقوب بقميص النظرة رجعتله.

اني وحِزني والجگارة وهوسة التفكير !! ولك هايَّ الحرُب كُلها أحسها بگلبي جاي تصير..

المُهم لهنا وخلصت.. ومِن زمان مخلصة چان المُفترض ! والسبب كُله مِن إيديه الوفىٰ يمشي بدمي اني بيَّ مَرض هواي اكو أشياء ع الحظ تعتمِد بالدنيا هايَّ.. وانا وگلبي ثنينا ماعِدنا حظ گالوا مشگِگ صورنا بكُل برود ! ولا رِجف گلبك عليها.. ولا اكو شي بيك انتفض چا شگد شايل حقارة ؟ هايَّ عِشرتنا الطويلة وماكو شي مِن عدها بعيونك عرض !!

شعدي سوالفك كِثرة متنعاد وتعيد الغلطة وتگلي.. مَتنعاد انا الرِدتك للجنازة مَتن عاد شجاك وغَيروا گلبك عليَّ ؟

برضاتَك ضَيعتني وحتىٰ مامَجبور وما لِمتَك واگول عيوني بيها قصور شحاسِب گلبي جَمرة أشتعل يلا تهيد يَمن بيك العتَب ميفيد ! باللعِب جَر الحبِل مو شرط إلا تفوز مرات الخَسارة تريح الإيد..