غــَـ[الــروح]ـــراآام..♥

الطواري اسرفت مني الشي الكثير وخلت عيون الموًلع تخاطف نومها كن في صدري من ايامنا جمرٍ سعير وضحكتي ماتت بعد لاح برق همومها ما عن صدوف الليالي مفر ولا مطير كل صدرٍ معترض في وجيه سهومها ما تعرف اقدار ربي صغير ولا كبير كل نفس ٍ فالزمن ماخذه مقسومها امنياتي شيّبت والصبر طعمه مرير ماعت احلامي مع القايله وسمومها ما لعبي ثم تمكّن من الضلع القصير غير ايام ٍ مضت كنت انا مظلومها كل ذكرا لا طرت زاد تأنيب الضمير لا نذرف من عيني الدمع لحد يلومها بين عثرات الخطاوي وتحديد المصير رحلتٍ منها النشاما نشف ب لعومها لاسرا ليلي وطرف من الثلث الاخير اذكر الي وسط قلبي لقيت ارسومها الوجه مثل القمر والشعر مثل الحرير والعيون تضيع فيها السماء ونجومها والخشم من ركزته كنه السيف الشطير زينها طاغي وهي ماشيه ف سلومها جادلٍ فيها لكاعه ومبسمها مثير دايم ٍتغلى لامـن بـغـيـت علومها.

‏صباح الخير لها أولاً ثم للجميع : أمّا بعد : ‏صباح الغلا، مدري صباح العيون السود ‏على اللي جفا حلْو المنام وصحى بدري

‏الذكرى السنوية لـ بيت العيد : ‏على وجهك أنا و أكبر مطاليب الحياة ندور ‏وش العيد بدونه يا أعذب أشيائي و أوّلها .

‏أنا و أنت مثل السبت و الجمعة ‏يا قربنا و الصحيح أنّا بعيديني.

مابعد ذا الوجه وجهه ولا ذا الجيد جيد الملامح مخمليه … وعودك … مخملي .

‏لك في عيوني سر ماظن مستور ‏و لك في ضلوعي الف فزه غيوره ‏ولي فيك واجد كثر مالف وادور ‏وارد لـك مشتاق مـع كلّ دوره ‏عسى حظوظ الله تباريك بسرور ‏ولا يـواجــه قلـبك الا سروره ‏ياعـز من مر النظر وجـه وشعـور ‏شوفـك يرد الروح لو هو بصـوره.

‏يوم قالوا .. دام عيدك و لله الدوام ‏قلت : ما يهنا لي العيد لين أشوفها !

‏قرب"هلال العيد"حسب المواعيد ‏ومع رؤيته يبقى قرار المصيري ‏كل ينقص ف الشهر يوم و يزيد ‏ويقول محد جايب العلم غيري ‏وانا أنتظر رؤيه قمر فـ اول العيد ‏ماهوب موجودٍ بكشف العجيري.

‏. ما حسدت المطر على مكان النزول ‏لين بلّل " شفايفها " و هي ضاحكه :) ‏_ ناصر مناحي " بتصرّف "

‏أنتي نسيم الليله اللي صادفت " ليلة قدر " ‏و أرقّ من روح الطمأنينه و من قلب النزيه ‏_ غريب ‏الليله .. اللي تجيبك غير كل الليال ‏لولا المخافه من الله قلت " ليلة قدر " ‏_ عبدالله بن خشمان ‏أنتي أطهر ذنب و أجمل غلط و أشجع قرار ‏حطك الله في ليال العمر " ليلة قدر " ‏_ سعود بن مبارك

‏- إن كان حبك هزيمه فالهمام الهمام ‏يا مرحبا بالهزيمه في طريق النصر ‏_ محمد السكران

‏و إن تربص فيني الشوق من كل الجهات ‏أبتسمت و قلت ناسي مع إني ما نسيت :)

ترخي هدبها .. يوم أعدّ القصيدة ‏كنها تقول أزيدك مْن الشعر بيت "