أغنيه وشعُور ..

‏أعرف شعور الاندفاع لشي معين للحصول عليه وأعرف أيضاً الهدوء والأستسلام للتنازل والتخلّي عنه ..

لا تزعل الدنيا ولا تزعلك يالظبي العفر إن كان ما جازت لك الدنيا ندوّر غيرها .. -المداراة اللي ترضي غروري

‏اشمخي يا نفسي اللي كلها عزة وأنافة ‏لك علي إنّي ما آعرّضك المهانة والمسبة ‏كل ماشفت العباد اللي يعيشون بضعافة ‏قمت أعرّض راسي المرفوع للريح ومهبه ‏فـ المذلة دايماً عذر الذليل يكون تافه ‏لو مايلقى له سبب لـ الذل ذل بدون سبة ‏والوجيه اللي ماترجي من عباد الله مرافة ‏لو تموت من الظما والجوع ماها ماتصبه ‏إكتشفت إن الحياة بـ كبرها قطعة مسافة ‏تغوي المفتون ، لين العقل يصحى ويتنبه ‏وإستعذت مْن الدروب اللي نهايتها حسافة ‏قبل ترميني ملذات الزمن في جوف غبة ‏مايخاف المومن اللي فيه من ربه مخافة ‏مصدر الخوف الحقيقي واحدٍ ماخاف ربه ‏والمحبة بعد كره تكون من داعي نظافة ‏البلا فاللي يحس بـ كره من بعد المحبة ‏شيمة الانسان ميزان اعتداله وانحرافه ‏تنذره ، لا شافت الاوضاع ما هي مستتبه ‏إن عجزت إنك ترد النفس عن شيٍ تعافه ‏ماقدرت تحط نفسك فالمكان اللي تحبه ..

رضيت الصمت واخترت الغياب وسكة المقفين بعد ما كانت ايام الوصل من اعذب ايامي يصبرني على جور الزمن وتعاسة الروتين مرور الوقت وشعور الرضى عن فايت احلامي تخيرت الامل درب طويل ولذته بعدين تنجيني من اليأس العنيد و لجة اوهامي سقى الله بارد النسمه وليل من شهر تشرين لا زلت امجده للحين وانعي سابق اعوامي تشبثت الهوى لكن لقيت العاقبه غسلين نهايتها بداية درب ما يشفق على آلامي تملكت القناعه يوم عمري وصل نهاية العشرين معاد الوقت يسعفني وادور مصدر إلهامي وانا شرهات ظني سقتها للي معه وجهين يا كيف الناس تشفع له ويشفع عذري السامي اشوف ان الحياة بطبعها ما ترحم المسكين تجرد من شعور الضعف .. التجريد إلزامي ياكم قدست نفسي عن دروب المهزله واللين وكم جنبت عن بير احتياج وداخلي ظامي زهابي عزة النفس العظيمه والكرامة جين مثل سيف يجمل صاحبه والمعركة حامي ..

‏على حلم عمري جاري البحث والتنقيب ‏يا خوفي يروح العمر في طرد الاماني ‏ انا والليالي نشبه الراعي مْع الذيب ‏مغير يتحرّص كل واحد من الثاني ‏ ما اعرف اتشكّى للبشر والشكاوي عيب ‏تعودت اشيل احزان الايام وحداني .. - جمال بندر

‏على الله لو يروح اليوم كله بين حزن ويأس ‏وأنا ماحب كسرة نفسي وما أداني خضوعي ‏بلاني ربّي بقلبٍ صخر وبخاطرٍ حسّاس ‏مابین أمسح غلا الغالين وبين أمسح دموعي ‏تقول الله خلقني من برود ومن شوي إحساس ‏وانا والله لا هبّ النسيم يزيد من لوعي ‏لو إن ماني بـ أحَن الناس لكني أحِن الناس ‏واخاف الله لا أبدل خاطرٍ راضي بـ موجوعي ..

‏من البلاغه بتعبير المشاعر : شعوري يوم اشوف إن النصيب أقوى من الأهداف شعور اللي تصيبه فالضلوع رصاصة المحتلّ .. ‏- عبدالله السراهيد ‏شعوري يوم أقصّر خطوتي واطوّل المقعاد ‏شعور اللي طرق باب البخيل وضاعت حقوقه .. ‏- بدر بن ذنبوح

‏ليه أحس إن الديار اللي بلا وجهك منافي ‏وانت جرحك قد تربّى بالصدر وأصبح قصيده ..

‏مثل جيلي ولي جوّي ولي عند الشغف عنوان ‏ رغم انهم يقولون لي انا ماني مثل جيلي ‏صحيح اني رقيقة قلب ويتعبني الوداع احيان ‏ولكن من تخيّر في بعادي ما يهد حيلي ‏بيدرك كثرة أحبابي بيدرك من هو الخسران ‏وانا يكفي القلوب الطيّبة تشري مواصيلي ..