قصائد حسينيه

قصيده كأني بالسال حال مولاتي فاطمه الزهراء عليها السلام تخاطب ابيها رسول اللّه( ص) 🖊️📙 شلون عني اتروح وتخليني بويه تدري  فرگتك تعميني ¤=======¤¤=======¤ بويه بغيابك تــــمر چــم لوعه روحي مالومـه تضل موجوعه وعلى افـراگك ونتي مسموعه ابجي ماتسمع يابويه اونيني ¤=======¤¤=======¤ ابجي يابويه ودمع عيني جره اليوم اون عليك روحي مرمره بالحـزن ضليت بـــعدك حــايره على غيابك بويه تهمــــل عيني ¤=======¤¤=======¤ علــى غيابك بويه متهدم الحيل اليوم وحشه الدار وتذوب الدليل على فراگك مانمت دمعي يسيل اعليك ابچــي والــدمع عاميني ¤=======¤¤=======¤ هالعده حـــرگوا يـابويه داري انــوح مهضومه واتـسعر ناري اعليه ماتـدري يوالي شجـاري اليـوم صابوا ضلعي اوياذيـني ¤=======¤¤=======¤ بعد عينك شـفـت الام وهـموم من البجي اعليك منعوني الگوم من الدار طلعوني ودموعي دموم اتمنيت بويه اوياك تگضي اسنيني ¤=======¤¤=======¤ تــــمت بعون الله تعالى بقــــ✍🏻لم خـادمة السيده رقيه عليها  السلام *الشـــاعره سهام علي المـــالكــي* لاأجيز حذف الأسم نسالكم الدعاء بتعجيل الفرج لصاحب الزمان ((عج ))

فزاعيه للرسول الكريم صلى الله عليه واله وسلم امشنه لبت/ رسول الله/ نعازيها شال اليوم ابوها //وحيل مابيها =================== نعازيها الزجيه ونلطم وياها عايفها الابو بلظيم خلاها مكسورت كلب والحزن غطاها محزونه .. لفراك الوالي =================== نشد احزامنه ونعازي الزهره ماتكدر تدك اظلوعها مكسره نواسيها علبوها والد العتره ( نعازيها .. نلطم وياها ) =================== نعازيها الزجيه هاي المسيه مصباح الحزن مصباح البنيه نصب فاتحه ننصبله تعزيه ( شديها .. اللطمه وياها) =================== نعازيها الزجيه اليوم حزنانه تلطم علوجه وتنوح ويانه من البيت ابوها خالي مجانه ( مضيعينه .. يجبير البيت) =================== نعازي ام الحسن هلضلت وحيده تكول البيت عقب الحيد ماريده وابو الحسنين يبجي رايح اعضيده ( يون عليه .. ويلطم راسه) =================== ابو الحسنين دمعه بعينه تلالي مكابلته الزجيه والدمع هالي ضل بيت النبوه مترب وخالي ( مانهواه .. البيت خلافك) ========== خادمة ال البيت الحجيه ام علي البصره

شهادة رسول الله ذكرياتــك تـارسـه اعــيون اللـيالي وصورتك يالهـادي متـفارگ خيالي سنين لو دمعي يسيل اشعـر الفـگـدك قلــيل انــه حــيدر ___ الذكريات اوياك كـثره شـلون اَنـسه ذكرياتي من يمر طاري التـشُهد ابچي يوميه ابصلاتي والمؤذن من اسمعه والله احـس يـدنه مـماتي اشــهدو ان محـمد يمـتـلك عقــلي وحـياتي   والله وشتاگيت اصلي خلفك اني گاعـد ابمــحرابك اتنــطر واتـاني تطفي نارك مستحيل اشعـر الفــگـدك قلــيل انــه حــيدر _ اختلف عالـغـير تــدري وحـبك امفـصل علــيه من اتركك ساعه وحده مدري چن شيصير بيه ادفنــتك انه ومـا مصدگ عــني رايــح للمــنيه كلشي بيه ايصيح وينك گلبي وعـيوني واديه   اليوم احس روحي غريبه بغيرك انته بالــگـبــر ويـاك دلالـــي دفــنـــته ومدمعب الماله مثيل اشـعـر الفــگـدك قلــيل انــه حــيدر ___ دروت بس ذكرياتك ردت شخصك حتى اكلمه اعيوني لو متشوف طولك والله متأكدها تعمه بجسمي أثارك شفتها وهاي هـم من الله رحمه ابكـثر مـالازم اديــه عــطرك ابــچــفي اشـــمه   عطرك امن اشتمه ترجع روحي بيه وثوب حزنك يالــنبي اتفـصل عليه اسود املــبسه الدليل اشعـر الفـگـدك قلــيل انــه حــيدر ___ علـى بــاب الــدار طابــع أثــر چفــك اني شفته مـن كثـر مابـيه شـوگ الـباب شمــيته وشبــگته اعليك ناشدته ولگيته يبچي بس بصوت سكته حتى لاتسمع الزهـره مـثلي يخفي الـباب وَنــته   اَخفي ونتي حتى ماتسمعني هيه تره راح اتموت مــن ونهـا الزچيه يا آلــم بعــدك تشــيل اشعـر الفـگـدك قلــيل انــه حــيدر ___ چـنت من بابــي تـدگه والله احـس ينـزال همي ابصوتك الكله حنان اشكثر مشتاگ اسمع اسمي عقلي يسأل وينك انـته ولحمي ودمـي وعظمي المن اشكي همـي بعـدك وانـته ما مـوجود يـمي   حتى لوذكرك احسه اوياي حاظر لـچـن مامـوجــود انــته بالمــقـابر اشكثر ماحزني طويل اشعــر الفـگـدك قلــيل انــه حــيدر ___ تمت والحمد لله حيدر تركي الكربلائي

هاي اول مره احير بروحي الدنيه كلها ما تلم جروحي ما درت فوكاك ماي .. دموع عيني التجري هاي يا رسول الله *** انته صحت ادرك محمد.  وانه اصيح ادرك علي ردت احط ايدي اعله كلبي.  وشفت كلبي مو الي يالنبي كل يوم عطرك  جنت اشمه بمنزلي انته ياهو ايسد مجانك.   فركتك ما تنملي ليش تمشي وحاير تخليني انه ما استاهل تبجيني كمت ما اندل كفاي.  دموع عيني التجري هاي يا رسول الله ** انته ابوي وانته كلشي.  ومن تفاركني انجرح وحلم عيني الجان لحضه.   بسيف هجرك منذبح رحمة الله اعليك تبجي.   والنده بلايه صبح والوكت سواها بيه.  ورش عله جروحي ملح باب خيبر شلته تدري بهامي هسه ما اكدر اشيل جدامي ضيعت عكبك هواي.  دموع عيني التجري هاي يا رسول الله * بماي ما غسلتك انه   بدمعي غسلتك تره وضلت الآيات تنزف.  والصور لزمت سره الفاتحه اعله المات نقره.  اعليك كلشي شينقره اشلون جوه الكاع ادفنك. ما تلمك مكبره يا محمد من غمضت عيونك علي مدري اشلون عاش بدونك وجم جرح عفته وراي.  دموع عيني التجري هاي يا رسول الله *** فوكك التمينه كلنه  وكلب الحسين انكسر وزينب اتنادي يجدي.  اشلون فركنه الدهر فاطمه اعله العين لطمت.  وجرح الموادع كبر والحسن سهران ليله.  وذبل عيونه السهر هذا جبرائيل يمي اينادي عظم الله اجرك علي بالهادي صعب فگدك يا مناي.  دموع عيني التجري هاي يا رسول الله **** يا علي ودع محمد.  نادت املاك السمه وانه من هول المصيبه.   اعليه يالهادي انغمه يا عمود الدين ارجع.  علي ليش اتيتمه انه ما ضامي بحياتي.   بس الك كلبي ضمه حته ملك الموت يبجي ابابك وشفت ميكائيل شم اترابك وشيصير بحالي جاي.  دموع عيني التجري هاي يا رسول الله * تمت تحسين الخفاجي

قصيدة النبي الااكرم ع••♕ نزال حزن هـاي الناس مـاسرت بخـاطرها وبـفراگ الـنبي سلت خـناجرها ـــــــــــــــــــــــــــــــــــــــــــــــــــ يالبعدك طـريح فراش وتـعالي مهضومـه وألوج وعبرتي تلالي والغالـي بصفاتك مايصح غالي لخانو مهجتك طلعت••ونته رويحتك صعدت عگبك يالنبي طلعت كل شرها ـــــــــــــــــــــــــــــــــــــــــــــــــــ گوم وشوف بويه شصار بغيابك ومـاچـان الهوه يـمر عـلى بـابـك مسموم وتـروح اتـفارگ احبابـك وصحاب الغدر بعدك••سمهم يمرد بچبدك وشبااه الزلـم بويه الطمع جـرها ـــــــــــــــــــــــــــــــــــــــــــــــــــ محتاره بمـصابك يالرحت عـني كل اهلك تـنوح گبالي يـاحـزني وصـحاب السقيفه لـزيـدو ونـي حيدر منكسر ظهره••بفراگك يبو الزهره يـاهـو بغيبتك كسرته يـجبرهـا ـــــــــــــــــــــــــــــــــــــــــــــــــــ فـوگ المغتسل وصحابك اتعوفك بس حيدر تغسل دمعته اچـفوفك برماح وسيوف الچانت اصفـوفك شـالك للگبر چـفه••ليبچي بكسرته تعرفه كـلهم عـالـحكـم سلـت بـواتـرهـا ـــــــــــــــــــــــــــــــــــــــــــــــــــ ولفك بـالچـفن حـيدر يبعد العين بفراگك ينوح وليدي بويه حسين ومثلك يالگلب گـلي اجيب مـنين حـيدر نـزلك بـيده••يـدفن بالگبر عيده روحي بـغيبتك يـاهـو اليصبرهـا ـــــــــــــــــــــــــــــــــــــــــــــــــــ ظل حيدر وحـيد وحزنك يكسره ومـتبطل مناحه بـدونك الـزهـره يـالنورك جفانـي وخـانـگ الـعبره خانو ملحك وبيتك••وبموتك عله صيتك بنتك بـالغصب يابـويه يعصرهـا ـــــــــــــــــــــــــــــــــــــــــــــــــــ خادم الحسين ع مهندالعايدي

لـ " بنت المنهال" بعد انتهاء زيارة الاربعين وعودة كل خدمة وزوار الحسين الى ديارهم كأني رأيت الحوراء زينب وهي تخاطبنا جميعا فتقول: ها رجعتو من الزياره ؟ كلمن يروح اعله داره !! انه بله ويـــــــن اروح ؟ بيتي خالي بلايــا روح انه زيــنب انه زيـــنب ____ طيحو كل المواكب والدرب وحشه انملى وردو الخدام ردو كلمن يـــــــــروح لهله چانت تواسيني دمعه وچلمـــة تفضل هلا بالطريق وياي چانو والدمــــــوع مسبـله بالمجالس والعـزاء من وصلنا لكربـــلاء وانا ويــــاهم انوح بيتي خالي بلايا روح انه زينب : انه زينب رجعو الزوار وانا ياهو اليــــــردني لهلي راح اهز شباچ گبره بلكي يـــــگعد كافلي گوم يلكلك محنه گوم وديـــــــــــني لعــلي ارد اگله شلون زينب تبقى بويه بــلا ولي مو وكت عينك تنام ولو مصيوبه بسهــام خويه چتاله الجروح بيتي خالي بلايا روح انه زينب : انه زينب شرد اجاوب علشماته السألو يــــــعود الاخو ؟ والله وسفه وطلع صوته الچان لا گدهه وكفو دنيا خلت بيتي خالي لا كفيــــــــــــــل ولا ابو الفگدت الخوان بله هم تــــــــــــسولف علدفو شرد اجاوب لو حچــيت يا علي وسفه بچيــت وين ابو الوجه الصبوح بيتي خالي بلايـا روح انه زينب :: انه زينب حظني خويه بلا رقيه وعيني والله بلا ضــــوى حسين من بنتك جبتلك صوغة دموع وهـــــوى خويه تعرف هالعبايه السوط من عـــدها ارتوى اي نعم مالت رقيــــــــــــــه خلهه لجروحك دوه غطي نحرك بالعبـــات بلكي ترجع للحيـــــاة بيهه عطر الما يـروح بيتي خالي بلايا روح انه زينب :: انه زينب گلبي ما ينطيني اودعك واذكــر وداع الحــــــرب بالطفوف الموت يخنگ والنفس كــلش صــــــعب چان حتى الماي خاين شال سيفه وي الغـــــــرب لمة الخوان راحـت راح عبــــــــــــــاس العـــــذب طاح گلبي ويــــــا اللوى متنه يــــــــلكافل سوى راح ابو الگلب السموح بيتي خالي بلايـا روح انه زينب :: انه زينب ودعتكم وامشي وحدي وانا كــل خطوه الـــتفت ما يتركوني النشامى وما يعوفون الاخــــــــــت والمسافه تطول وابچي والله يـــــــــــلكافل متت گبل ممسويهه خويه ليش مو بسمك صـــحت ؟ شنهي ميــــت يلكفيـــل اقتنـــــع الا بدليــــــــل صعبه اعيش بلا طموح بيتي خالي بلايا اروح انه زينب :: انه زينب

قصيده لرجوع زينب ع الى المدينه وحشه الدار يازهره لكيناهه ويه احسين عشره وخلصيناه خلصت عشرت الخوان يازهره نامو بالتراب وسكنو الغبره انضر دارهم والكلب شيصبره امضلمه اخلافهم البين خلاهه العشره خلصت يازهره وياهم زينب من هضمهه اليوم تنخاهم نار وتجوي بالدلال فركاهم ردت ناحله ومضيعه والياهه بعد شتفيد يازهره بواجينه مضلمه الدار عكب اوجوه اهالينه عفنه ابكربله احسين والينه وبعد اهل المحنه ضيعيناهه مكدر بيت اهلنه وين راعيه منه حسين راح النكعد بفيه بعد خال الولد ضاعت محاجيه على الوليان مابطلت مبجاهه اجيت الداركم يحسين تعبانه اخوي البي محنه ماتلكانه اخلافه البيت مضلم حيل اذانه زينب من اجت محد تلكاهه *الخادمة الحسين العلويه ام اياد لا يجوز حذف الاسم هدى ثوابهه الى روح والدي العزيز السيد قاسم ابن سيد عطوان الفاتحه*

{لطميه مربعه للرجوع الى الديار} ▁لسان حال سيدتنا زينب ع▁ ●اجينـه لـداركـم خويـه ونزلنه● ●عميه العين والله اخلاف اهلنه● &&&&&&&&&&&&&&&&&&&&&& رجعت من اربعينك خويه يحسين امشي وبالدرب مابطلت العين رجعت اويـاي الايتام ونساوين *ننوح عليك يالكلك محنه* ▩▩▩▩▩✵▩▩▩▩▩✵▩▩▩▩▩ عمت عيني عليكم ضيعتكم دخلت الدار خويه وماشفتكم بباب النزل يالوالي انشدتكم *راحو كل هلي واگطع الظنه* ▩▩▩▩▩✵▩▩▩▩▩✵▩▩▩▩▩ دخلت الدار اناشد وين اهلنه غريب وموحش ومظلم نزلنه اذكر گعدتي ولمـت شملنــــة *يـادار الاهـل راحـوا زلمنة* ▩▩▩▩▩✵▩▩▩▩▩✵▩▩▩▩▩ احنان الاهل وطيبة بگلبهم فارگنـة الزمن ويـة النحبهم الله العـالم ابحـالي عگبهم *صفوا جوا الترب وابعاد عنه* ▩▩▩▩▩✵▩▩▩▩▩✵▩▩▩▩▩ ياهو مثلي يانزل مكسور ظهره وانـه من الـزغر دمعـاتي تجره من عصرت الباب بگلبي حسره *ييمه رحتي واتطشر شملنه* ▩▩▩▩▩✵▩▩▩▩▩✵▩▩▩▩▩ اذكر ﭼـم الم ﭼـم لوعه ومصاب راحو والله مني اغلى الاحباب ناموا بـالغرب والگلب مرتاب *يا دنيا العجب بيـﭻ امتحنه* ▩▩▩▩▩✵▩▩▩▩▩✵▩▩▩▩▩ تــمــت بــعــون الله 28/10/2017 ✍🏻آلــــّ؏ــلّويِـــــه آلّمٌوسويِـــ

شده لعودة السيدة زينب الى المدينة ** رد ضعن الغريب حسين لدياره يمه بلا أهل ظليت محتاره **** يم حسين اخويه بكربله عفته يم كبرج اجيت ونوحي جايبته غريب ومنذبح عطشان فاركته وراسه اعله الرمح دمعاته تتجاره **** يمه من اليسر رديت لاوطاني يمه بكربله ذبحوهم اخواني جيتج للكبر اشكيلج احزاني مصابي بالكلب ماتنطفي ناره **** عكب عينج ييمه وعين ابو الايتام جم مصاب كلبي صوبته الايام ولدج يم حسن افكدهم وانضام دنيه بلا رحم ويانه غداره * دار حسين عكبه موحشه وظلمه اصدن للعليله وبالكلب هضمه لو تنشد ابويه وينه ياعمه شجاوبهه عله المظلوم واخباره ** اشم حضنج اريده يمه وين الكاج فكيلي الكبر خليني انام وياج ماريد العمر وايامه جيت انخاج دفنته بكربله وماظل إلي جاره ** أم علي

طور ثگيل. للاهل والاحباب ))))))) ذكرنه احبابنه اليوم وبجينه وعزاز الكلب عنو علينه )))))) من صار الغروب وجلجل اليل ضل الدمع فوك خدودنه يسيل ضل افراكهم بكلوبنه يعيل يون الكلب مابطل ونينه ))))) ذكرنه احبابنه اليوم وبجينه وعزاز الكلب عنو علينه ))))))))))))))) جاليش النحبهم فاركونه لاذكرو سمرنه ولايجونه بعد شيجيبهم يمكن نسونه مايدرون اهنه اصار بينه )))))))) ذكرنه احبابنه اليوم وبجينه وعزاز الكلب عنو علينه )))))) جنه العصر من نكعد سويه حلات الزاد والكعده الهنيه سدو بابهم واكطعو بيه بعد مايرجع الينشد علينه ))))))) ذكرنه احبابنه اليوم وبجينه وعزاز الكلب عنو علينه ))))))) مشت وياكم الضحكه يطيبين بعد يلفاكدتهم وين تلكين بعد راح الينشف دمعة العين كطعنه الياس منه ومايجينه )))))) ذكرنه احبابنه اليوم وبجينه وعزاز الكلب عنو علينه ))))) بعد ماريد عشرتنه عكبهم يجنت اكعد واكضي اليل يمهم هسه البيت صبح خالي منهم افراك الموت من غصبن علينه ))))) ذكرنه احبابنه اليوم وبجينه وعزاز الكلب عنو علينه ))) اشتاك لابويه بوكت الغروب جم دوب الصبر يابوي جم دوب نار افراكم تحرك بالكلوب بعد هيهات ردتكم علينه ))))) ذكرنه احبابنه اليوم وبجينه وعزاز الكلب عنو علينه ))))))) ابويه ويااخوتي وذيج الاحباب الف وسفه صفو حدرك يلتراب ثكيل افراكم خله الكلب ذاب للهم والحزن وسفه صفينه ))))) ذكرنه احبابنه اليوم وبجينه وعزاز الكلب عنو علينه ))))))))) تمت بعون الله🏴منبر العقيله

لطمية(2) للمشايه للاربعين طور خطار اجاني ياهله ابجيته للمشايه ...... مشاي اجيت اودمعتي ابعيني طول الدرب احجي او يحسيني كلبي يشكيله لوعة الفرگه واجدامي تركض رايده الملگه مشاي ..... ابعيني احسيني مشاي اجيك اوتسرع الاقدام انته الشفته بعين البصيره او ابد ما أنلام امشي وامشي اويسرح خيالي ابقسوة الظلام ذبحوك سلبوك ياسيدي اوبيك انفجع الاسلام شوكي الك يحسين سابيني انته امامي ابدنيتي اوديني روحي ابشخصك حيل متعلگه واجدامي تركض رايده الملگه مشاي ..... دربه انحبه منه تعلمنه الشرع والدين نهجه انهجه كلحنه ابدربه نظل ماشين منه اوعنه اتعلمنه درب الحق يمثله احسين نهواه وياه انصاره احنه ابكل وكت وبحين هيهات ننسه احسين وشحدنه تتبره منه الروح تنبذنه الينسه الحسين اوراقه محتركه اجدامي تركض رايده الملگه مشاي ....... عقلي ايكلي اتمنه اكحل عيني بترابه روحي اجروحي اتكول اشفه امنوصل البابه اوكلبي يربي مشتاق شوقي يلثم اعتابه اسمي رسمي سجلني يا حبيب باحبابه سجلني من زوار ابو اليمه وانطيني نفحة عطره اشتمه اشواقي جفن اعيوني اتحرگه اجدامي تركض رايده الملگه مشاي ..... الماي وياي انظره اوجذب حسره اوونه محروم مظلوم عطشان ظامي انحرم منه دمعه اوضلعه انحنه من الاكبر اله اتعنه ايطلبه شربه الماي كله امنين اجيبنه حالي مثل حالك يضي عيني بعدك عسن لاطالت اسنيني يا وتر مثلك ابد ما نلگه اجدامي تركض رايده الملگه مشاي ....... اذكرته اونته من طفله عبدالله اجاه ظامي ناغاه حباه ابمنحره اوشاف المنحر الدامي ربي اشذنبي طفلي انذبح بيديه جدامي غطاه وانطاه الزينب اودمعه عالطفل هامي اشذنبه الطفل فطموه بالنبله اصغير اشذنبه السهم سددله مشاي جيت الزينب اتلگه اجدامي تركض رايده الملگه مشاي …. اسهام والام عشتوها واحنه عشنه وياكم اطفال وايتام اوضيم اليسر مولاي غطاكم دمعات حسرات بيها يبو الاحرار ننعاكم هيهات هيهات هيهات يابو اليمه ننساكم انصار الك يحسين بايعنه واشواقنا ياسيدي اوحبنه روحي ابشخصك حيل متعلگه اجدامي تركض رايده الملگه مشاي ........

فزاعية للاربعين والمشاية (لحسين اجو زواره) من كل مچان اعله الجدم لحسين اجو زواره نسوان واطفال وزلم والرايه تخفگ والعلم بگلوبنه اهموم والم كل گلب تسعر ناره كل گلب يجهر ونته لحسين طلعو شيعته انريد نوصل حضرته مشايه ندخل داره مشايه نوصل مرقده ونعازي امه اوالده نذكر امصابه الماسده ونعاون المحتاره انعاون الحيرانه من نوصل البيبانه بگلوبنه الحزنانه وبرواحنه المنهاره برواحنه وبگلوبنه انصيح يامحبوبنه اغفر جميع ذنوبنه ومنك انريد الچاره انريد وگفه امعدله كل شيعي باري المحمله ماننسه شوغت كربله والرايحات ايساره للكوفه عنك راحت خويه الفواطم صاحت من عله النوگ وطاحت وادموعهن تتجاره ادموعهن سچابه وسكينه صاحت يابه هوه الضخر لحبابه رحمه وشفاعه اخباره ✍شاعرة اهل البيت ام هجران العمارچية غير مبري الذمه من يمسح اسم الشاعرة او ينسب الرثاء لشخص اخر

موشح للاربعين والمشاية (جيت وي زواركم) جيت وي زواركم مشايه زينب تنادي وبديهه الرايه للبطل عباس جابت رايته والدرب كله تحن الشوفته اوياها خل نمشي يشيعه الحضرته وبالدموع انوافي الوفايه جيت وي زواركم مشايه خل نوافيهه بلطمنه والدمع موكب السجاد للحومه رجع زينب تنادي يضيغم ياسبع حيل مابيهه وتون شچايه جيت وي زواركم مشايه حيل مابيهه واجت من اليسر واحنه وياها ندگ اعله الصدر گوم صاحت لاتنام وتعتذر ياكفيلي اوياك عندي احچايه جيت وي زواركم مشايه اسمع اعتابي يخوي وكافلي وين وعدك مو گلتلي ادللي ليش ماتگعد تنزل محملي ضيمي ماينعد شعد اهوايه جيت وي زواركم مشايه ضيمي ماينعد شعد منه وشگول ليش ماتگعد تردني للنزول عيني مضروبه مثل عين البتول خويه وادري اعليك تصعب هايه جيت وي زواركم مشايه خويه اعرفك زين ماتحمل عتب لاچن شبيدي جمر گلبي يشب ترضه چتالك يگابلني ويسب گوه عفتك يم المسنايه جيت وي زواكم مشايه گوه عفتك من خذوني اميسره ماسده الضيم العليه وماجره جيت اشوفنك يسبع الگنطره مااريد العلگمي ولامايه جيت وي زواركم مشايه كون مات العلگمي والمشرعه طاحت اچفوفك الحلوه امگطعه جيت مهضومه واجر بالفاجعه گبور شفنه مو خيم بالثايه جيت وي زواركم مشايه شاعرة اهل البيت ام هجران العمارچيه غير مبري الذمه من يمحي الاسم او يغيره

لطمية للأربعين ( وين اگبور الاحباب ) زينب تصيح بگلب لهفان لحسين وديني يدفان ومرني عله امگطع الذرعان عافوني حرمه وبيد عدوان عيني انعمت والحيل تعبان           ( النزلة ) يادفان وين اگبور الاحباب جبتلهم يتامه وراس واعتاب جبتلهم يتامه وراس مگطوع بس جابر لگيته ايصيح ويلوع گلبي امن اليسر والشام مفجوع ضل يفور لايبرد ولاطاب يادفان وين اگبور الاحباب گلبي ولابرد لاطاب ملهوف وين الچان للكلفات موصوف خل يسمع ونيني ويگعد يشوف فرگاهم كتلني وصايره اتراب يادفان وين اگبور الاحباب فرگاهم هدم حيلي وگضاني عندي اعتاب للنام ونساني كون الموت وياهم خذاني الموت اهون عليه ولاهالمصاب يادفان وين اگبور الاحباب الموت اهون عليه امن الدواوين اجيت بشوگ للعباس وحسين يادفان وين اگبورهم وين دم اتسيل عيني وماي سچاب يادفان وين اگبور الاحباب دم وماي عيني اتهيل وتسيل عله اگبور الضحايه والمچاتيل يمهم كون اضل للدار ماشيل ظلمه اديارهم وامقفل الباب يادفان وين اگبور الاحباب ظلمه اديارهم والباب مقفول ونوم اهل الشيم بالمگبره ايطول اعتب والعتب ماجاب محصول غير النوح والعبرات ماجاب يادفان وين اگبور الاحباب لافاد العتب لاغزر النوح عباس انطبر وحسين مذبوح چا شمتانيه وماتطلع الروح اتريد اعزازهه وبالگاع غياب يادفان وين اگبور الاحباب ✍شاعرة اهل البيت الملة ام هجران العمارچيه غير مبري الذمه من يحذف اسم الشاعرة او ينسب الرثاء لشخص اخر

قصيده /📜    يابدر الهواشم القارئ/🎤الشيخ عدنان الطرفي __ ماني اختك وأناديك يابدر الهواشم بعد الكوفة والشام جيت بحرم وايتام ياحامي الضعينه___ ماني اختك ياحماي ياليث العرينه ماني اختك ياوفاي عهدك هذا حينه اتنخاك واعداك هل دارت علينه٢ جاوين العهد ذاك.       انهض واحمل لواك ماتلحك علينه.    ياحامي الضعينه __ عتبي عليك ياحيد ياشبل الصياغم شبت بالخيم نار وضاعت هل الفواطم وانت مغمض العين وعلى الغبره نايم٢ صرنه بوليه اعداك    واحنه ألجنه بحماك نادته الحزينه    ياحامي الضعينه __ ماني اختك ياعباس ياصاحب الغيره ترضى بوليه اعداك خويه شلون حيره بين اطفال وايتام  محتاره واسيره ٢ يالمترضى ننظام   هل جتفوني ظلام ومكيد ولينا   ياحامي الضعينه _ جيت بگلب مالوم لاجن رافعه الراس وكفت بمجلس يزيد وتحديت الارجاس جنت اتنمى وياي  وتحضر ياعباس٢ من شفت بعصا يزيد  يضرب راس العميد تسعر نار بينه   ياحامي الضعينه ___ وينك گمر عدنان ياشبل الصميده وسهم الغدر من صاب عبد الله بجيده وينك عن الحسين. من حزو وريده٢ صدره داسته الخيل   واصحابه مجاتيل ضاك الكون بينه    ياحامي الضعينه ____ حكج من تعتبين لاجن اعذريني مانعني من الشوف سهم الصاب عيني من كطعو الجفين يسراي ويميني ٢ راسي بعمد منصاب  واسمع  بين الاجناب    تصارخ سكينه. ياحامي الضعينه --____     لاجن خجلتي وياج يابضعه الزهرة.                لطر الگبر من زود حيدر  واحي بأمره موعودين بالثار من اخر العتره٢ ابو صالح المغوار ينهض ياخذ الثار.           بتاره بيمينه       ياحامي الضعينه

وصل جرف النهر وصل جرف النهر صوت ام الاحزان تحشم يابو فاضل الـــك رديت يا حــمـاي الاضعــــان منو ينزل المحامل اخيتك مستجيرا. يا بدر العشيرة. يابدر العشيرة ــــــــــــــــــــــــــــــــــــــــــــــــــــــــــــــــــــــــــــــــــــــ يحماي الضعن ضعنك اجة وياي لچن يا حالة بيها بهلارض جاي لا هيبة وكفالة وماكو حماي نساوين ويتامه متيهة الراي الك جينة نسولف يابن الاكرام ياريتك تسمعلنا مصايبنة براضي الكوفة والشام نخبرك عن هضمنة يابو فاضل كسيرة يابدر العشيرة يابدر العشيرة ــــــــــــــــــــــــــــــــــــــــــــــــــــــــــــــــــــــــــــــــــــــ وصلنة لكربلا وحطينة لرحال وعلينة هموم كثرة تهد الجبال تركناهم جثث صرعة على الرمال ولفينة گبور ضمتكم يالابطال نعاين لِبن حيدر يمنة ويسار. يهلبت ينتفض حيد نعددله الدهانة ونشرح الصار. لچن صرعة الصناديد خواتك غرب ديرة. يابدر العشيرة يابدر العشيرة ـــــــــــــــــــــــــــــــــــــــــــــــــــــــــــــــــــــــــــــــــــــــــ خذونة مچتفين بذل لگياد بلاية خمار وبمجلس ابن زياد ضرب اسياطهم وغلال واصفاد ماتم عدنة لاچن عدهم اعياد يناشدني عليكم نذل الارجاس. يگلي الخارجية اخوچ حسين وينة وين عباس. ضل بلطف رمية ماعندچ ذخيرة. يابدر العشيرة يابدر العشيرة ـــــــــــــــــــــــــــــــــــــــــــــــــــــــــــــــــــــــــــــــــــــــــــ

صاح ...داعي الله هبوا لأرض الغاضرية آه ...عمتي زينب تلكوها بعزية غاب شخصي عن نظركم انظروا بعين اليقين آنة حاضر وي جمعكم أحيي ماتم الأربعين أمشي وية الماشي للطف وآنة للخادم معين ولو نعة الرادود أجاوب واحسينا واحسين آه ...وبجي بالدم على المشوهة سبية آه... عمتي زينب تلكوها بعزية الفرات وهذا ماية يجري من فيض العيون المشرعة منبر عزاكم والضماية يرتوون هذا عباس بجربته واكف يتاني اليجون وية زينب للزيارة بابه لمن يلتكون آه... تقرة للجافل تفاصيل الرزية آه ...عمتي زينب تلكوها بعزية تكله ماجيتك اعتاب خوية أديت العليك لابد أشكي الصارية ولمصابي أعتنيك شوف هذا الصار بية من بعد كطعت إيديك وين مامشوني شامت خوية يتنومس عليك آه ...هاي فخر مخدرات الهاشمية عمتي زينب تلكوها بعزية راح أخلي دموعي بيمك هيبة عن ضيمي تبوح آنة كلتلها تخبرك كلشي مر بية من أروح لكبر جدي بالمدينة أكعد احذاها وأنوح أشتكيله الصار بية وهم أراويه الجروح آه ...فاض كبره من مدامعها الجرية عمتي زينب تلكوها بعزية الله يتقبل سعيكم يالكصدتو للطفوف يالتنصبون التعازي بباب مكطوع الجفوف واحسيناه نداكم والدمع من دم ذروف للي مشوها سبية والي كطعته السيوف الله يتقبل سعيكم يالكصدتو للطفوف يالتنصبون التعازي بباب مكطوع الجفوف واحسيناه نداكم والدمع من دم ذروف للي مشوها سبية والي كطعته السيوف آه... أسأل الله يعودكم للغاضرية آه.... عمتي زينب تلكوها بعزية

ياولينه اجينه تلگانه² انولينه انسبينه تلگانه² خويه عباس/ من على الناگه وگعت فوگ التراب لهفة الشوگ/ جيت ادور بالوطيه ريحة احباب من اليسر جيت/ گوملي وتلگه ضعني واسمع أعتاب ياكفيلي/ سلبوني ونحلوني وگلبي أنعاب *وبچفوفك ضيوفك تلگاها² ماتعوفك…