عصير الكتب في الأحياء مع د. محمود سويد دفعة ٢٠٢٦

طيب ايه الناس مش ناوية تدخل تفرحنا بالنتايج🥳🥳🥳

سبحان الله الحلم اتحقق 😁❤️❤️❤️

عقبال نتيجة الجميع في الثانوي وفي الكلية باذن الله للسنة الثانية على التوالي إحدى طلابنا الفائقات من ايام الثانوي ولا زال التفوق مستمر في كلية الطب الاووووولى على الدفعة للسنة الثانية بمجموع يفوق الخيال ويحطم أرقاما قياسية❤️❤️❤️

طبعا ركز في اللي وراك وإن شاء الله وقت اسبوع الاحياء ربنا يكرمنا بإذن الله

بمناسبة امتحان الكيميا الصعب وانا في سنة ٦ كلية وخلااااص شهر واتخرج كان عندنا امتحان الورقة التالته في الجراحة فيها ٥ مواد جراحة عظام جراحة قلب وصدر جراحة مسالك جراحة تجميل جراحة المخ والأعصاب ومعروف إن كل سنة جراحة المسالك بتيجي زي الزفت ورئيس القسم بيستخدم مراجع غريبة هو نفسه مبعرفش يحلها وانا ركزت اوي في الاربع فروع المضمونين وذاكرتهم بذمة اووووي وقلت المسالك اذاكرها فالاخر طالما كده كده هتتشال😂 واتزنقت اصلا ف الوقت والمسالك دي مذاكرتهاش غير يوم الامتحان بعد الفجر لدرجة اني عيطت وكاااااانت اول مرة اعيط فيها قبل امتحان في حياتي المهم دخلنا اللجنه خبيت ورقة المسالك تماما وقلت احل المضمون بقى وفعلا بسم الله مسكت الأربع فروع حليتهم كويس اوي ف ساعة ونص واتبقى ساعة ونص قلت امسك ورقة المسالك واشوف هعرف احل ايه إني أفهم كلللللمة اصلا من الأسئلة مفبيييييش😂😂😂 طب ده قلة مذاكرة مني ولا الامتحان صعب ولا الحتت دي انا مقريتهاش اصلا انا مش عارف اقرا الأسئلة اساسا😂😂😂 واللجنه كلها ساكته طب محدش هيعيط محدش هيصوت طب اي مشاركة وجدانية احس اني مش لوحدي وإذ فجاااااة كل اللجاااان بتصوت وعاوزين حد يقرالنا الأسئلة اصلا ساعتها أنا قلبي هدي شوية وقلت انا مش لوحدي😂 وجه معيد في القسم مسك الورقة تنح زينا هو كمان مش عارف يقرأ الأسئلة 😂 معاه ماجستير وزمالة أجنبية وبيحضر الدكتوراة ومش عارف اصلا يترجم الأسئلة 😂 قلت خلاص مش عليا لوحدي انا ههبد الل اهبده وزي ما تيجي انا مجاوب كويس ف الباقي 🤝 وبعد النتيجة جبت ف الورقة دي كلها ١٢٠ من ١٥٠ بس حبيت اعرف التقسيمة لقيتني ناقص في كله ٥ درجات بس وف المسالك جايب ٥ من ٣٠😂😂😂😂😂 بس الورقة كلها بتسند بعضها مش مادة مادة 👌 بص للي جاي يسطا وطز ف كل الل فات وطز في أي حد

سلام عليكم يا شباب في ما تبقى من ليال قبل الامتحانات ويليها ليالي الامتحانات مفيش افضل من إنك تدعو ربنا أنه مش بس يوفقك ويعينك كمان على أسباب التوفيق والنجاح قعدتك على الكتاب وفهمك وحفظك للمعلومة وحلك للسؤال صح ده محض توفيق من ربنا مش بشطارتك انت وأكثر في الدعاء من تيسير اسباب التوفيق النهاردة ٨ يونيو من ١١ سنة ذكرى وفاة خالي الله يرحمه توفاه الله وانا كنت لسه ممتحن عربي وبستعد لامتحان الانجليزي كان فاصل بينهم يوم واحد تخيل تحصل حالة وفاة لحد قريب وعزيز عليك وانت في عز الامتحان واللي يزعل اكتر من كده إن ابن خالي كان دفعتي وبيمتحن معانا وكان شاطر جدا جدا فوق الوصف ومستواه يؤهله لاعلى مجموع تخيل واحد طول السنة مجتهد جدا ووالده يتوفى بعد امتحان العربي ولسه الامتحانات كتير جاية طبعا الدنيا اسودت في وشه ومكانش قادر يمشي حتى في الجنازة وكان ناوي يأجل لكن اتكاترنا عليه كلنا وشجعناه يكمل والحمدلله ربنا كرمه ودخل علاج طبيعي وطبعا مستواه كان أعلى من كده لكن قدر ربنا اكيد فيه الخير ليه وحاليا مخلص وفاتح اكتر من مركز وربنا كرمه آخر كرم فالاهم من دعائكم بالنجاح هو تيسير أسبابه ❤️

ياااااااارب السنة دي تخلص بقى 😡😡

يا جماعة احنا مقدرين إن الناس في فترة صعبة وضغط وبنحاول نلطف الجو من غير ما ننيم الناس في العسل برضه لكن والله توو ماتش لما الناس باعته تسأل وتستفسر هو ايه الفرق بين انزيم اللولب والبلمرة احنا فاكرين أن ده هو ده وإن هو ليه الثيروكسين بيزود السكر ف الدم وإن ايه الأطوار ٢ن في دورة حياة الملاريا المفروض ده وقت بتحل فيه شوامل واسترشادي وأسئلة فنية وتتدرب عالبابل شيت مش بتسال ٢*٢ بكام و ٤*٧ بكام آمال بتعمل ايه طول السنة يبشررررر😭😭

بشرة خير ي ولاد حلمت انبارح أن امتحان الاحياء جه سهل وجميل وفي المتناول خالص وكله طالع فرحان❤️🥳🥳 بس اللي منكد عليا إني حلمت أني بمتحن معاكم وحليت بس نسيت أظلل في البابل شيت ومكتبتش المقالي😂😂😂 ده أنا داخل على امتحانات زيكم بالظبط ندعي لبعض كلنا 🤲🤲

كلمتين حراقين شوية أصل ماما كانت لما تضربني زمان تقولي يا بخت من بكاني ولا ضحكش الناس عليا

شرح التكاثر كلمة كلمة عالشاشة أدامك اول 3 دروس مش سايبين حرف إلا وقُتل بحثا وحلا👌👌

https://youtu.be/Uj06sIn51Fw?si=vsQqxMNbQNMxiB7q

اي حد مش مظبط فصل المناعة الفيديو ده كفيل يخليه يحل اي سؤال باذن الله على الفصل 🔥👏

https://youtu.be/h6UZwqc856c?si=4b3ACs-M_GbcqBsH

الف مبروك للفائزين معانا في مسابقة فيديو RNA يتواصلوا معانا بالاسم رباعي ورقمين تليفون والعنوان بالتفصيل علشان يحصلوا على هديتهم