Yunusobod tumani 273-maktab

#ДИҚҚАТ #ТАРҚАТИНГ ⚡️⚡️1-августдан 2-босқич бошланади! Фарзандини микроҳудуддан ташқаридаги мактабга бермоқчи бўлганлар учун аризалар шаффоф тартибда қабул қилинади! ❗️Ҳурматли ота-оналар! Фарзандингизни ўз микроҳудудингизда бўлмаган бошқа мактабга (бўш ўринлар мавжуд бўлса) жойлаштирмоқчи бўлсангиз, 1-августдан эътиборан янги ариза юборишингиз мумкин. ⏺ Энг асосий қоида: Биринчи ва иккинчи босқичлар бир-бирига мутлақо боғлиқ эмас! Аввал топширган аризангиз, янги ариза юборишингизга халақит бермайди. Уни бекор қилиш ёки ўчириш талаб этилмайди. 👉 1-августдан бажарилиши керак бўлган 5 та оддий қадам: 1️⃣ Аввалги аризангиз тизимда қолаверсин, уни бекор қилиш шарт эмас. 2️⃣ my.gov.uz порталидаги “1-синфга қабул“ хизматига киринг, фарзандингизни танланг ва жараённи қайтадан бошланг. 3️⃣ Ҳудудий даражани тўғри танланг. Маълумотларни тўлдиришда «Ариза топширишнинг ҳудудий даражаси» майдонида албатта «Туман доирасида қабул» бандини белгиланг. Шунда кейинги қадамда тизим сизга микроҳудудингиздан ташқаридаги ҳудудни танлаш имкониятини беради. 4️⃣ Бўш ўринлари мавжуд бўлган керакли мактабни танланг ҳамда аризани тасдиқланг. 5️⃣ Янги аризангиз тасдиқлангач, тизим автоматик равишда мактабга бориш вақтини белгилайди (у ҳақида билдиришнома юборилади). ⚠️ Ҳужжат топшириш бўйича муҳим эслатма: Янги (2-босқич) ариза бўйича ижобий жавоб олганингиздан сўнг, фарзандингизнинг ҳужжатлар тўпламини янги танланган мактабга шахсан бориб топширишингиз шарт. 📲 Маълумотни 1-синфга чиқадиган фарзанди бор яқинларингиз ва ота-оналар гуруҳларига улашинг!  ➥ @Kunvideolari24 - Кун давомида Барча Янгиликлар

273-SONLI UMUMTA'LIM MAKTABI FAXRI Bugun biz yuksak kasbiy mahorati, fidokorona mehnati va ulkan yutuqlari bilan maktabimiz nufuzini yanada yuksaltirib kelayotgan oliy toifali matematika fani o‘qituvchisi Tilloyev Erkin Qalandar o‘g‘lini alohida e'tirof etamiz. Yutuqlari: ✅Pedagoglar attestatsiyasida 86+ ball to‘plab, 70 foizlik ustama sohibiga aylandi. ✅Vazir jamg‘armasi tanlovida 100 balldan 93 ball jamg‘arib, Respublika miqyosida 2-o‘rinni egalladi. ✅30 nafardan ortiq o‘quvchilarini matematika fanidan Milliy sertifikat sohibi bo‘lishiga hissa qo‘shdi. Bu yutuqlar ortida tinimsiz izlanish va o‘quvchilar taqdiriga befarq bo‘lmagan haqiqiy ustoz mehnati mujassam. 🏆 Tilloyev Erkin Qalandar o‘g‘li — bu nafaqat kuchli matematika o‘qituvchisi, balki yuzlab o‘quvchilarga ilm, ishonch va muvaffaqiyat sari yo‘l ko‘rsatayotgan chinakam ustozdir. 273-sonli umumta'lim maktabi jamoasi siz bilan faxrlanadi! "Haqiqiy ustozning eng katta mukofoti – uning shogirdlari erishgan yutuqlardir."

Yunusobod tumani 273-sonli umumiy o‘rta ta’lim maktabi o‘quvchilarini milliy qadriyatlar ruhida tarbiyalash, ularda Vatanga muhabbat, tarixiy xotira va ajdodlarimiz merosiga hurmat tuyg‘ularini mustahkamlash maqsadida "Shahidlar xotirasi " muzeyiga sayohat tashkil etildi. Sayohat davomida o‘quvchilar muzeydagi tarixiy eksponatlar, hujjatlar, fotosuratlar va boshqa noyob ashyolar bilan yaqindan tanishdilar. Shuningdek, qatag‘on qurbonlarining hayoti, ularning Vatan ravnaqi yo‘lidagi fidokorona xizmatlari hamda mustaqillik yillarida ularning nomlari va xotirasi tiklangani haqida qiziqarli ma’lumotlarga ega bo‘ldilar. Mazkur sayohat o‘quvchilarda yurtimiz tarixiga hurmat, tinchlik va osoyishtalikning qadriga yetish, milliy g‘urur hamda vatanparvarlik tuyg‘ularini yanada mustahkamlashga xizmat qildi.

🎒 Farzandingizni o‘z qo‘lingiz bilan maktabdan sovutib qo‘ymang! (Ota-onalar yo‘l qo‘yadigan eng katta xato) 🏫 Ayni qabul vaqtida ko‘pchilik ota-onalar farzandining kelajagi uchun eng yaxshisini xohlab, ammo e’tibordan chetda qoladigan bir jiddiy xatoga yo‘l qo‘yishadi. “Maktabda o‘zi o‘rganib ketadi”, “Zehni o‘tkir, yoshligidan qo‘shimcha til bilsa, foyda” degan o‘y bilan bolani u umuman tushunmaydigan tildagi sinfga joylashtirishadi. Biroq, bilmay qilingan bu qaror bolaning butun ta’lim hayotiga salbiy ta’sir ko‘rsatishi mumkin. 🧠 Nima uchun ta’lim tilini to‘g‘ri tanlash o‘ta muhim? ➖ Fanlarni o‘zlashtirishdagi to‘siq: 1-sinfda bola nafaqat o‘qish va yozishni, balki matematika, atrof-olam kabi fanlarni anglashi, mantiqiy fikrlashni o‘rganishi kerak. O‘qituvchisini tushunmasa, u fanni qanday o‘zlashtiradi? Tilni bilmasa, uy vazifalarini qanday bajaradi? Bu jarayonda siz unga qanday yordam bera olasiz? ➖  Psixologik zarba: Psixologlarning ta’kidlashicha, 1-sinf — shundoq ham bola uchun katta stress. Yangi muhit, yangi tartib, notanish jamoa. Bu stress ustiga “til to‘sig‘i” ham qo‘shilsa, bola xato qilishdan va savol berishdan qo‘rqadigan bo‘lib qoladi. ➖ O‘ziga ishonchning sinishi: Bolaning ichidagi ulkan salohiyat va iqtidor faqatgina shu tilni tushunmaslik kompleksi sababli yuzaga chiqmay, so‘nib qoladi. 🎓 Eng muhimi — farzandingiz maktabga o‘zlashtirishdan qiynalib, tushkun kayfiyatda emas, balki bilim olishga bo‘lgan katta ishtiyoq bilan borsin! ✉️ Telegram 📱 Instagram 🗳 Facebook

❇️Joriy yilning 2-iyul kuni Yunusobod tumani 273-sonli umumta'lim maktabida o‘quvchilarning bo‘sh vaqtlarini mazmunli tashkil etish maqsadida "G‘alaba bog‘i" yodgorlik majmuasiga sayohat uyushtirildi. Sayohat davomida o‘quvchilar majmua tarixi, Ikkinchi jahon urushi qatnashchilarining jasorati hamda Vatan tinchligi yo‘lida fidokorona xizmat qilgan insonlar xotirasiga bag‘ishlangan yodgorliklar bilan yaqindan tanishdilar. Ushbu sayohat o‘quvchilarda vatanparvarlik, tarixiy xotiraga hurmat va milliy qadriyatlarga sadoqat tuyg‘ularini yanada mustahkamlashga xizmat qildi.