أَنِيسة 🔻

سبورة الخط

.. سألتُ عدة شيوخ لي ممن يكبرني بسنوات ويعرفني جيدًا سؤالًا مفاده: "لو كنتَ بعمري الآن ماذا ستفعل حتى لا تندم؟" وانتظرت إجاباتهم وجمعتها وحلّلتها وكانت تتفق أو تكاد على ثلاثة أمور: ١- إتقان القرآن. ٢- اعتياد قيام الليل. ٣- عدم الانشغال عن تربية الأسرة الصغيرة والأولاد بداعي الأنشطة الدعوية والعطاء العلمي. أ. بدر آل مرعي

﴿ يَومَ لا يُخزِي اللهُ النَّبِيّ ﴾

فيديو تاريخي ويا رب عقبال فيديو الإعدام ذات نفسه بقي💅

أَنِيسة 🔻 pinned «"لو اتَّخذتَ ما اتَّخذت من أساليب استغلال الفراغ وتهذيب فوضى هذه الأيَّام، مالم تفسح للقرآن زمنًا -يليق به- بين ركام مهامك؛ لن تلمس أثر وقتٍ قضيته في طلب غيره. وإن لمِستَ، فطفيف أثرٍ زائل لم تعمِّق جذوره البركة".»

"لو اتَّخذتَ ما اتَّخذت من أساليب استغلال الفراغ وتهذيب فوضى هذه الأيَّام، مالم تفسح للقرآن زمنًا -يليق به- بين ركام مهامك؛ لن تلمس أثر وقتٍ قضيته في طلب غيره. وإن لمِستَ، فطفيف أثرٍ زائل لم تعمِّق جذوره البركة".

خُذِ الْكِتَابَ بِقُوَّةٍ "بقوة"… مش لما تفضى! مش بكسل… مش وقت الفراغ! مش بس لما تتزنق وتقع في الابتلاء. خُذِ الكتاب… وكأنك بتتمسك بآخر خيط للنجاة، وكأنك بتشد نفسك من تحت الركام وهموم الحياة. {خُذِ الْكِتَابَ بِقُوَّةٍ} أمر رباني بالنهوض والتماسك، بالرجوع لحقيقة نفسك… من خلال رجوعك للقرآن. القرآن هو اللي هيعرفك مين هو ربنا، هو اللي هيبنيك، وهو اللي هيربيك، وهو اللي هيثبّتك وقت المحن. القرآن حياة جديدة… ونفسية جديدة… بتبدأ مع أول صفحة بتقرأها. وردك وردك لحمك دمك

سبورة الخط

#نصيحة_مُحبّ ♥ : [ ليس بوسعنا أن نطيلَ الأعمار حتىٰ نختم القرآن، لكننا بوسعنا حفظ آية كل يوم ] ! جدد النيّة، توكّل، وابدأ. أمل حمادة

💕

ستأخذ نصيبك من الاختبار في الدّعاء أيضًا... تدعو ثم تدعو ثم تدعو... ثم يكون اختبارك مرةً أخرى في الصبر وليس في تحقق الأشياء. ألا فصبرٌ جميل وأنت تدعو... حتّى تستقيم أفكارك... وتطيب جراحك... ويصلح عملك... هنالك الفرج. رآنيا بشير

صديق مقرب جدا مني بيحكي لي من يومين معلمة القرآن خبطت ابنه اللي عنده خمس سنين بالخرطوم بين عنيه ورمتهاله، وكان في احتمال كبير جدا الخرطوم لو اتحرك كام ميلي كان يشيل عينه. كنت ناوي من خلال الواقعة دي أوجه بعض الرسائل لمعلمين القرآن الكريم، ثم لأولياء الأمور، لكن قلت بلاش تنظير وتعالوا أحكي لكم قصة قصيرة حاصلة في بيتي أنا. الناس القديمة على الأكونت عارفه أنا مين وبشتغل إيه. الناس الجديدة أحب أعرفهم بنفسي: عادل الجندي، مُعلم قرآن كريم، ومؤلف خُماسية حفظ القرآن الكريم واللي تُعتبر من أشهر كتب حفظ ومراجعة القرآن الكريم، ومؤسس ومدير أكاديمية حفظ القرآن الكريم عبر الهاتف واللي تعتبر من أكبر الأكاديميات في مصر والوطن العربي. أنا هذا الشخص بنتي الحصة اللي فاتت مع معلمتها كانت سابع مرة تاخد إعادة في نفس اللوح بتاعها بدون زيادة آية واحدة. متخيل؟ 7 حصص لم نتقدم آية واحدة، نِحضر، نطلع مش حافظين، ناخد إعادة. لو كنت مكاني هتتصرف إزاي؟ شعوري إيه وأنا ناس كتير معتبريني مرجعيتها في حفظ القرآن الكريم؟ شعوري إيه وأنا اللي عامل فيديو على يوتيوب عن كيفية تحفيظ الأطفال القرآن الكريم كتير من الأكاديميات فرضت سماعه على المعلمين والمعلمات اللي عندهم؟ طب شعوري إيه قدّام المعلمة بتاعت بنتي اللي هي أصلا مُعلمة عندي في الأكاديمية؟ الإجابة: ولا أي حاجة خالص، ولا عندي مشكلة من قريب أو بعيد. لدرجة زوجتي أقسم بالله العظيم هذا الأسبوع بتقولي: أنا محرجة جدا من المعلمة، هنتصل نقولها إيه؟ قلت لها ولا أي حاجة، هنتصل، تسمع، طلعت حافظة الحمد لله، مش حافظة مش مشكلة، هنسمع من القديم ونمكن عليه ونبقى خدنا حصتنا. بنتي مش في سباق مع حد، يا رب تحفظ القرآن بعد عشرييييييييين سنة، باردو يومها لو كنت عايش هكون أسعد إنسان في العالم، وأظن هي كمان هتكون كده وده الأهم. لأني عمري ما كرّهتها في القرآن ولا حفظه، ولا عمري عاقبتها عليه عقاب غير آدمي. مش كفاية إنها بتحفظ كلام هي مش فاهماه؟ كلام هي مش فاهمة ولا مستوعبة هي ليه بتحفظه مهما حاولت تبسط لها؟ كلام هي عماله تكرر فيها، وبسببه بتتحرم من اللعب، والخروج، وكتير من الرفاهيات، وتقعد طول الحصة متكدرة مع المعلمة. (من منظورها). فوق كل ده هضربها؟ وأهينها؟ وأعنفها؟ طب وبعدين؟ هفترض في النهاية ختمته بالسلوك القاسي ده. تفتكر هتحب القرآن؟ مستحيل. تفتكر لو أنا الرقيب عليها مُت أو حصل لي حاجة، أو رفعت إيدي عن حفظها هي هتحب تكمل ولا ما هتصدق توقفها فورا؟ أكيد ما هتصدق توقفه فورا. حفظ القرآن الكريم بالإجماع ليس فرضا، امشوا مع أولادكم واحدة واحدة، ويختموا وقت ما يختموا، ولو مش مُقدر ليهم الختم مش مشكلة، يكفيكم شرفا إنكم حاولتم، ويكفيكم نُبلا ووعياً إنكم مكرهتوش عيالكم في الحفظ. دي مش دعوة مني للتساهل، بالعكس، اللهم لك الحمد شغالين مع البنت كويس، وأمها بتراجع لها بشكل دوري، ورغم إنها لسا لم تتم الستة أعوام لكن داخلين على منتصف الجزء الثاني. والماضي بتاعها مُتقَن الحمد لله، وقراءتها جميلة جدا. والأهم من جميع ما سبق إنها مش بتكره القرآن.. وكان من أسعد مشاهد حياتي مع بنتي لما شوفتها من كام يوم بترتب (من تلقاء نفسها) إحدى غرف الشقة، ومع نفسها كده بتدندن بصوت جميل وقراءة جميلة في سورة عبس. وكتير تيجي تسألني: بابا هتكون إيه جايزتي لما أخلص الجزء التاني؟ ده لأني كنت قايلها لما تخلصي الجزء الأول هحقق لك أمنية نفسك فيها، مهما كانت أمنيتك. ولما خلصته وفيتْ، وخليتها قضتْ يوم من أجمل أيام حياتها. نعم أنا ذلك الأب اللي لما بنته بتنجز مع القرآن الكريم بيكافئها ويبقى ناقص يديها عنيه، واللي لما بتخفق، أو بيصيبها نوبة من الفتور أو العناد مع الحفظ مش بينفعل، ولا يعنّف ولا يهين، لكن بيدعم، ويصبر ويتحلّم، ويقول: مش مشكلة طالما محافظين على الماضي بتاعنا، الدنيا ما طارتش، ولا بنسابق حد، واللي متحفظش النهارده يتحفظ بكرة، يتحفظ الشهر الجاي، يتحفظ حتى السنة الجاية الدنيا ما طارتش. صدقني بعد سنين مش هيفرق معاك ابنك ختم القرآن وهو عنده 8 سنين ولا وهو عنده 18، لكن اللي هيفرق معاك بجد وهو عنده 30 و 40 سنة لسه بيحب القرآن؟ لسا بيراجعه؟ لسا حريص على إنه يفضل معاه لآخر لحظة في عمره؟ أتمنى الرسالة تكون وصلت. عادل الجندي.

أهل القرءان هم منارات هذا الزمان وكل زمان !

الله أكبر الله أكبر ! لمثل هذا فليعمل العاملون يا رب عيشة هنية وميتة سوية ومردًا غير مخز ولا فاضح يا حبيبي يا رب في عفو وعافية