Ahmed pharmacy

اخواني راح ابلش اشرحلكم بي تدريب صيفي👆

بسم الله الرحمن الرحيم بفضل الله ثم بدعائكم وتوفيقه فتحت صيدليتي (صيدلية المرشد) وسويت الها حساب رسمي أسأل الله أن يوفقني لخدمة الناس يشرفني دعمكم ومتابعتكم للحساب🙏👇 https://www.instagram.com/almurshid_pharmacy?igsh=MTR2dWxid3A5NDN4bQ==

هذا التدريب الصيفي يفيدكم هواي طلابنا لاتنسونا من دعائكم🙏

⭕ فهرست السستمات الي شرحناهن بالقناة 🟡 فهرست الملازم الخاصة بكل سستم هناااا ___ 1️⃣ «بداية شرح السكري» 2️⃣ «بداية شرح النسائية» 3⃣ «بداية شرح تكيس المبايض» 4️⃣ «بداية شرح منع الحمل» 5️⃣ «بداية شرح الم الدورة» 6️⃣ «بداية شرح الجهاز الهضمي» 7️⃣ «بداية شرح التهاب المجاري البولية» 8️⃣ «فهرست شرح طب الاطفال» 9️⃣ «بداية شرح حليب الاطفال وانواعه» 🔟 «بداية شرح فقر الدم (Anemia)» 11 «بداية شرح الدهون» 12 «بداية شرح vit D» 13 «اختبار التحسس من antibiotics» 14 «بداية شرح المضادات الحيوية» antibiotics 15 «معلومات رمضانية» 16 «بداية شرح المسكنات» 17 «بداية شرح الجهاز التنفسي (Respiratory)» .

ليش لازم المريض يقطع التدخين قبل العملية بأسبوع ؟؟ شوفو الجكاير تحتوي على النيكوتين والنيكوتين موجود الرسبتر مالتة بالجسم موجود بالعضلات وتقريبا بكل مناطق الجسم المريض قبل العملية ينطو مخدر يقفل كل رسبترات الجسم وكذلك يقفل رسبتر النيكوتين حتى المريض ما يحس بأي شي اثناء العملية لكن اذا المريض ما يقطع التدخين هنا راح يبقى رسبتر النيكوتين نشط حتى بعد التخدير وراح يبقى يحفز العضلات وراح يكعد المريض اثناء العملية ضروريي قبل اسبوع على الاقل تقطعون التدخين

⭕ فهرست السستمات الي شرحناهن بالقناة 🟡 فهرست الملازم الخاصة بكل سستم هناااا ___ 1️⃣ «بداية شرح السكري» 2️⃣ «بداية شرح النسائية» 3⃣ «بداية شرح تكيس المبايض» 4️⃣ «بداية شرح منع الحمل» 5️⃣ «بداية شرح الم الدورة» 6️⃣ «بداية شرح الجهاز الهضمي» 7️⃣ «بداية شرح التهاب المجاري البولية» 8️⃣ «فهرست شرح طب الاطفال» 9️⃣ «بداية شرح حليب الاطفال وانواعه» 🔟 «بداية شرح فقر الدم (Anemia)» 11 «بداية شرح الدهون» 12 «بداية شرح vit D» 13 «اختبار التحسس من antibiotics» 14 «بداية شرح المضادات الحيوية» antibiotics 15 «معلومات رمضانية» 16 «بداية شرح المسكنات» 17 «بداية شرح الجهاز التنفسي (Respiratory)»

هم صار عدكم حزن قوي مدة يوم او يومين او اسبوع علمود شخص عزيز او شي اخر؟ حزنكم يطول مثلا اسبوع ويروح؟؟ تخيلوا هذا الحزن ابد ميروح شنو يصير بينا؟ قريت دراسة عن مرض الاكتئاب 💔 انو المريض يصير عندة حزن شديد ويحس الدنيا منهارة والحياة متغيرة وميكدر ينام وماكو لا تركيز ولا شهية للأكل بشكل مستمر مو يوم او يومين شعور مؤلم والله💔 لهذا السبب كل المصادر تذكر وتكول اذا ما يتعالج ويدخل مصحات نفسية المريض ينتحر

شلون العصبية تسبب جلطة؟ هواي نسمع انو هذا الشخص تعارك وية ابنة مثلا وضارت جلطة عندة اثناء العصبية يرتفع هرمون الادرينالين والنورادرينالين بشكل كولش قوي من يرتفع راح يرتفع الضغط بسرعة النبض مال القلب راح حيل يرتفع بسبب ذولي الاثنين راح تنقبض الاوعية من تتحقق ذني الاشياء الثلاثة راح تزود فرص التخثر يقل الدم الواصل للقلب ويسبب جلطة قلبية اويقل الدم الواصل للدماغ ويسبب جلطة دماغية

مرات الواحد يتاكد اذا الباب مسدود لو لا يروح مرتين حتى يتاكد او يتأكد مرتين من الماي غلقة لو لا واذا ما يروح يتاكد ما يرتاح يضل يوهوس هذا مو شي عادي ومجرد تأكد،هذا وسواس قهري هنا الأفكار تبقى تلح عليك بشكل قوي وما تتركك الا تتاكد فراح ترجع تفحص وتعيد نفس الشي هواي مرات حتى لو تعرف أن كولشي طبيعي السبب هو انو بحالة الارهاق  العقل يضل محبوس بدائرة بحيث يخلي المهام اليومية مسألة حياة وموت العلاج السلوكي جدا مهم يخلي الدماغ يقاوم الرغبة بالتحقق من الاشياء ويخرج من الدائرة

الانسان من يفقد شخص عزيز راح يمر ب 5 مراحل نفسية المرحلة الاولة:- هي الانكار ،شخص مصدوم وما يقبل يصدك انو هذا الشخص مات المرحلة الثانية:-الغضب يصير عصبي وابد ما يقبل بالي صار ويكول ليش صار هيج؟ المرحلة الثالثة:- المساومة ،،يكول اي شي مستعد اسوي حتى يرجع للدنيا المرحلة الرابعة:-الحزن العميق تطلع مشاعر الفراغ والحزن والبكاء المرحلة الخامسة:- القبول يبدي الشخص يصدك الي صار ويتأقلم وية الواقع وشوي شوي ينسى

ليش الام من تغضب وتعصب بسبب زوجها تبدي تصب هذا الغضب على اطفالها؟ هاي الحالة صحيحة وموجودة عند البعض اسمها ""التفريغ بمكان امن""" الزوجة تكون منفعلة من زوجها بس ما تكدر تواجهة بشكل مباشر فيتحول هذا الانفعال لشي ثاني اضعف يطلع هذا الغضب فجأة على الطفل صراخ او عصبيةاو عقاب حتى لو الطفل ما مسوي شي هاي الحالة صحيحة وقريت دراسات عليها

اجاني شخص عندة اسهال وحرارة قوية كولت الى شنو اكلت او شربت وصار هيج؟؟ كالي ما سويت شي واصلا ملتزم بنظام اكل وية مدرب لان اريد اصعد وزني زين شنو هو النظام الي ملتزم بي؟؟ ضل يعدد الي اخر شي كالي اجيب كوب حليب واخبط ويا بيضة نية واشربة من اسوء الاشياء هي اكل البيض الني لان البيض الني بي ""بكتريا السالمونيلا"" عرفت صار عندة تسمم بهاي البكتريا حفظو هذا الكيس خاف يتكرر عليكم❤️ شرح الحالة اكثر والعلاج بالتعليقات👇👇

اني بالصيدلية ويمي متدرب اجة شخص عندة رمل وحصى صغيرة بالكلى هو عندة علاج لكن يريد مسكن الم المتدرب ما صرف الى مسكن ،،، سألتة ليش؟ كالي هو عندة رمل وحصى ميصير اصرفلة مسكن لان المسكن يأذي الكلى هل هذا الشي صحيح؟؟ اكيد خطا❌ الي عندة حصى او رمل وعندة الم عادي انطو مسكن المسكن يأثر على الكلى اذا كان الشخص عندة ضعف بوظائف الكلى والحصى مو ضعف بالكلى تابعو السرد بالتعليقات ضروري👇👇

اجتني حالة بسيطة بس يرادلها انتباه حبيت انزلها الكم طفلة جان عدها اسهال صار الها ٣ ايام واستخدمت الاشياء الي تعالج الاسهال والي تمنع الجفاف لكن بعد يومين خروج الطفلة صار عبارة عن دم والم اثناء الخروج وماكو لا صخونة ولا شي ابو الطفلة خايف انو التهاب امعاء او فد مشكلة جان عدها اسهال وما صاير عدها امساك يعني استبعدت الفطر الشرجي سويت الها تحليل خروج ومال التهاباتESR طلع طبيعي هنا استنتجت حالة تصير هواي هي بسبب كثرة الاسهال يصير احتكاك بين البراز وجدار المستقيم هنا جدار المستقيم راح تتمزق الانسجة مالتة ويتهيج ويسبب دم انطيتها :- مضاد حيوي شراب (وقائي) بروفين شراب للألم *الحالة قبل يومين اجت واليوم اجاني ابوها كالي تحسنت

اجاني ولد كال عندي طفل بعدة ما طالع اربعينة عندة امساك هيج عمر شلون نعرف فعلا امساك او لا؟ حتلو يتأخر خروج البراز عن الطفل عادي ميعتبر امساك لكن نعرفة عندة امساك اذا كان:- البراز يابس،،صعوبة يلة يطلع،،،الطفل يبجي من يصير عندة خروج هاي اعراض الامساك عند الطفل حفظوها العلاج:- اذا يرضع حليب صناعي لازم نبدل الحليب  وانطيتة تحاميل glycerin كولش امنة

حليب الام يتبدل وية كل رضعة بداية الرضاعة يكون الحليب خفيف ونهاية الرضاعة يكون الحليب دسم وبي دهون حليب الام يتبدل على مدار الساعة واليوم حليب الليل بي مواد تساعد الطفل على النوم مثل الميلاتونين حليب النهار بي سكريات وطاقة تساعد الطفل على النشاط حليب اول الايام مال بعد الولادة الحليب يكون  خاص اسمة اللبأ Colostrum يكون غني بالأجسام المضادة ويقوي مناعة الطفل تكملة السرد بالتعليقات👇

من اكثر الخرافات بالبلد مالتنا هو التقميط اذا ما تسوي هيج للطفل ما يقوة عظم الطفل وراح تصير رجلي مقوسة✖️✖️ هاي خرافة ما الها اي صحة او دليل علمي شوفوا اطفال الغرب هم يسوون الهم تقميط؟ لا بيهم شي؟ صحتهم سيئة؟ بالعكس صحة اطفال الغرب احسن من اطفالنا التقميط ممكن يسبب ضعف النمو الحركي للطفل ويسبب ارتفاع بحرارتة واختناق عادة جدا سيئة مؤذية للطفل🫠

اخواني شلون تميزون الاصابة بفايروس كورونا عند الشخص من خلال الاعراض والتحليل؟ اجاني شخص عنده حرارة مستمرة،،سعال جاف،، وكالي ماكدر احرك جسمي من الالم والتعب وديتة على تحليل CBC شوفو التحليل👆 شوفوا ال WBC (الخلايا المناعية) مرتفعة يعني اكو عدوى ،،لكن منعرف شنو نوعها شوفوا ال Lymphocytes من يرتفع هنا يعني نوع الاصابة فايروس لكن فايروس شنو؟ مانعرف نجي للأعراض مشابهة لأي نوع فايروس؟ هاي الاعراض مشابهة لأعراض كورونا تابعوا السرد ضروري بالتعليقات👇

الكولشيسين هو لعلاج النقرص شو دا نشوفة هواي ينصرف لأمراض القلب ؟؟!! شنو علاقة الكولشيسين للذبحة والجلطات؟ تضيق الشرايين الي يسبب مشاكل شلون يصير؟ يصير ضرر حييل بسيط بجدران الشرايين راح يدخل ال LDL بنص الضرر وراح يرسب دهون بهذا المكان هذا المكان راح تعتبرة المناعة جسم غريب وراح تدز المناعة الى،المناعة تحاصر هل مكان وتسوي مركب اسمة اللويحة(plaque) هاي اللويحة من تنفجر راح تسببلي مشاكل القلب CAD ذبحات وجلطات الكولشسين يعتبر اقوة مضادات الالتهاب راح يمنع هجوم المناعة على مكان ضرر الاوعية وراح يحميلي الانسان من امراض القلب ضروري كملوا الشرح بالتعليقات حتى تفهمون👇

ليش ابد ميصير ننزل ضغط الدم المرتفع بسرعة؟ مريض الضغط مالتة 20mmHg  هذا ابد ميصير ننطي علاج قوي البعض بسرعة ينطي علاج ضغط +مدرر سوية هذا الشي غلط وخطر ⚠️ القلب والدماغ متعودين على تدفق دم معين على قدر ضغط مثلا 20mmHg من ينزل الضغط بسرعة مثلا بسرعة يصير 14mmHg هنا راح يتغير تدفق الدم للدماغ والقلب ويصير اختلال بالتروية الدموية لان القلب والدماغ ما متعود على هاي القرائة مال الضغط ومال تدفق الدم هنا ممكن يصير عند المريض اغماء او ممكن نوبة قلبية (تابعوا السرد بالتعليقات👇)