مَيَاسِرُ.

4 . 23

على شوگي ونفس جفن اليتانيك أحن وللزعل مامنطي لزمه حرت وجهك اليتراوالي مرات واقع؟ لو لأن مشتاك ارسمه رحت بس انا ما راضيلك تروح حرت من واعدتني اتشاهد اشتاك ؟ بحروف الموادع چانت ازمة

ترس جفك تمر وتعاين الجمّار

اجيتك بشر ما محضون استحي من حضنة حزامي اجيت وغالب الدنيا بس مضحي باحلامي اجيت من النهر ضامي بعد شحچيلك وتقنع اذا ينكسر ما يرجع انا گلبي مثل جامي واذا ما تعتني معذور المن حاطها جدامي؟

الحمدلله ❤️

إذا تمشي بخيالي تعثّرك اللحظات البيهن جدمك وي الغير مشيته بعد لتودي طيفك ليلي مابي شوك اجاني وباب جفني بوجهة سديته أنا من الورد ضليت اضم الشوف لأن كلش يشبهك ما اشتميته

أنا بالنوّح يتمت البساتين

5/28 اختي الجبيرة دتصير جبيرة فعلاً 🥹

إذا لا سامح اللّٰه بيوم و تروح وصلنه بسيف زعلك لا تگطعة و إذا رديت أصير گبالك إثنين المزعله و طرف للخير يسعة مو خط رجعة أحط لخاطرك لا أحط لخاطرك خطين رجعة

وين چنتي؟ وليش متأخره علي كل هالسنين وليش ما طيفچ اجة وفزز صفنتي كبل تسع سنين مريتي على عيني و ما وگفتي ليش من دك الجرس ما صارن عيونج فرصتي؟ ليش يا أول درس يُفترض انتِ ليش من كف العمر هسه ضهرتي وين چنتي گبل ما توصل الفضة لگذلتي وليش من عبرن محطاتي ركبتي وليش فتحتي من ذبلت وردتي والله لو عندي بخت چان المج من سنين بختي وين جنتي چان هسه دموعي ماکو وخابصة العالم ضحكتي وين چنتي وليش متعطلة وصلتي؟

وضل گلبي بأمل ترجع والاكيك وكلت خلّه بأمل ما احچي خلّه محضرتلك لحن ما سامعه العود مثل الريح تعزف على الگذله وطلع كل الرسمته اوهام بأوهام ارسم عالظلام بقلم كحلة

احبك قبل هسة بعالم الأروّاح ولجلك بالسماء توسلت ربك وصرت قبلك بدنيه وكلي راح تصيرّ وقبل متحملك امك بالگلب صبك وحگ عفة لهّفتي ورغبتي بملگاك لا وعيونك أنت وذاتك وحبّك دمعة أنت على روحي ابچيك وكت الموت إذا ذبحوا هلي گدامي ما اصبّك

4 . 23

شجرة ذكرياتك استرها بلكي تعيش ولو طبعك خريف وما تسويها يالمكشّف عشرتي گبال ياهو الچان وانة حروف اسمك ما مراويها يبو سوالف شتة ينگط برد ملگاك اذا مو بيك روحي ببيش ادفّيها؟

يالمقيد عيوني بسهر وبدمعات صار سنين ظلّك ما مراويها مشيت وقصرت ماخذت عيني وياك الاخذ عيني بغيابك بس بواچيها انة صفيت روحي من المضى بليّاك و انت وياي نيتك ما مصفّيها ضيعت العرف گطرة ببحر نسيان وانة لمسة چفوفك محتفظ بيها

ذكرتك بالوجوه الردت يمها انساك وبدت بيك السوالف وانت تنهيها و ادير العين عنّك والگلب يندار و ادير الگلب والگة شفافي تحچيها البگلبي على لساني المصيبة بهاي ما اچذب واگول العشرة ناسيها انا اتناساك واضحك چذب وانتَ بعيد وبس يخطفني ظلّك عزتي اهجيها تمر سوالفك ناي بحياية الشوگ وتعرضلي الكرامة وما احاچيها و اغيّر مبدئي وباللهفة اغط الروح وتفزعلي القيم بالگاع تجفيها المبادئ والقيم ما تشمل اليشتاگ الهجر ربّ المذلة القيم شعليها؟