Mezon Kengashi

Markaziy bankning Islomiy moliya kengashi tashkil etildi 🔘 Markaziy bankda Islomiy moliya faoliyati bilan bogʻliq masalalarni muvofiqlashtiruvchi Markaziy bankning islomiy moliya kengashi tashkil etildi. Kengash islomiy bank faoliyatini amalga oshiruvchi banklar, islomiy moliyalashtirishga oid xizmatlarni ko‘rsatuvchi mikromoliya tashkilotlari, Omonatlarni kafolatlash agentligi hamda Markaziy bank nazorati ostidagi boshqa tashkilotlar tomonidan amalga oshiriladigan islomiy moliya faoliyatini muvofiqlashtiruvchi Markaziy bankning kollegial organi hisoblanadi. 🔘Kengash tarkibi Islom huquqi boʻyicha mutaxassis va texnik ekspert bo‘lgan 5 nafar a’zodan iborat. Kengash quyidagi vazifalarni amalga oshiradi: ✅ islomiy moliya standartlari loyihalarini islomiy moliya boʻyicha xalqaro standartlar va mahalliy kontekstni inobatga olgan holda ishlab chiqadi; ✅ Markaziy bankka islomiy moliya faoliyatini tartibga solish va nazorat qilish masalalari yuzasidan xulosa va maslahatlar beradi, normativ-huquqiy hujjatlar loyihalarini ishlab chiqishda ko‘maklashadi, sohada yuzaga keladigan nizolar hamda bahsli masalalar bo‘yicha tushuntirish va izohlar beradi; ✅ banklar va mikromoliya tashkilotlariga islomiy moliya faoliyati bilan bog‘liq tavsiyalar va ko‘rsatmalar beradi, ular bilan davriy maslahat uchrashuvlarini o‘tkazadi; ✅ AAOIFIning yig‘ilishlarida Markaziy bank nomidan qatnashadi va zarur hollarda AAOIFI tomonidan ishlab chiqilgan hujjatlar loyihalariga o‘z takliflari va munosabatlarini taqdim etadi. Kengash har yili Markaziy bank boshqaruviga oʻz faoliyati bo‘yicha yillik hisobotni taqdim etadi. ✈️ @MezonKengashi каналига аъзо бўлинг Манба

🌍 ИТБ-2026 Бокуда: банк минтақавий номутаносибликларни қандай бартараф этмоқда? 16–19 июнь кунлари Боку шаҳрида Ислом тараққиёт банки (ИТБ) гуруҳининг “Барқарор фаровонлик йўлида минтақавий интеграция” мавзусидаги йиллик йиғилишлари бўлиб ўтди. Озарбайжон сўнгги 15 йил ичида иккинчи бор саммитга мезбонлик қилиб, унга аъзо 57 мамлакат вакилларини бир жойга тўплади. Қандай муаммолар муҳокама қилинди ва қандай ечимлар таклиф этилди: 🔹 Минтақалараро савдо ва инфратузилмадаги тафовут → ИТБнинг янги Минтақавий интеграция индекси жорий этилди 🔹 Энергия хавфсизлиги танқислиги → Трансчегаравий энергия йўлаклари бўйича амалий мисоллар тақдим этилди 🔹 Мамлакатларнинг сунъий интеллектга тайёргарлиги борасидаги рақамли тафовут → Қўшма платформалар ва СИ Академияси ташкил этилиши эълон қилинди 🔹 Барқарор ривожланиш мақсадли лойиҳалари молиялаштириш → $2,8 миллиард пакет тасдиқланди 🔹 Ислом молия саноатини ривожлантириш (бозор ҳажми ~$4–5 трлн) → Янги “Awqaf Free Zones” лойиҳаси таклиф этилди Саммит якунида доктор Муҳаммад ал-Жассир ИТБ президенти лавозимига янги 5 йиллик муддатга қайта сайланди. Бу эса Ўн йиллик стратегик дастур (2026–2035) доирасидаги йўналишнинг давомийлигини таъминлайди. Кейинги постларда ҳар бир инсайтни батафсил кўриб чиқамиз. 👇 @AAOIFI_Uzbekistan @MezonKengashi @IslomMoliyasi @MezonTalim

AAOIFI Шариат стандартлари китоби ўзбек тилига таржима қилинади AAOIFI Ислом молиясини ривожлантириш маркази ҳамда Mezon Kengashi консалтинг компанияси ўртасида AAOIFI Шариат стандартлари китобининг расмий ўзбек тилидаги таржимасини тайёрлаш бўйича келишув имзоланди. 2026-йил 17-май куни имзоланган мазкур лойиҳа 61 та стандартдан иборат, қарийб 1 200 саҳифалик AAOIFI Шариат стандартлари китобининг амалдаги энг сўнгги араб тилидаги расмий нашрини бевосита ўзбек тилига таржима қилишни назарда тутади. Мазкур келишув AAOIFI ва Mezon Kengashi ўртасида 2025-йил 26-декабрда йўлга қўйилган стратегик ҳамкорликнинг кейинги босқичи ҳисобланади. AAOIFI стандартларининг ўзбек тилидаги расмий нашрининг тайёрланиши Ўзбекистонда 2026-йил 29-июндан кучга кириши белгиланган қонун асосида янги шаклланадиган тизимнинг самарали ва изчил жорий этилиши учун ҳам муҳим аҳамият касб этади. Шунингдек, ушбу ташаббус ўзбек мутахассисларига AAOIFI'нинг халқаро миқёсда тан олинган профессионал сертификатлаш дастурларини ўз она тилларида ўзлаштириш имкониятини тақдим этади. ✔️ Ушбу янгилик AAOIFI ташкилотининг расмий веб-сайтида эълон қилинган матбуот хабарида тасдиқланган. ✔️ Мазкур матбуот хабарининг ўзбек тилидаги таржимасини ўқишингиз мумкин. @AAOIFI_Uzbekistan @MezonKengashi @IslomMoliyasi @MezonTalim

"Ҳаттоки мен атеист бўлганимда ҳам Ислом молиясига муҳаббат қўйган бўлар эдим". — Хондамир Нусратхўжаев, Ислом молияси бўйича халқаро эксперт, AAOIFI'нинг сертификатланган тренери ва Ислом тараққиёт банки мутахассиси. Шунингдек, Ислом молияси бўйича Mezon Kengashi консалтинг компанияси директори — Музаффар Ҳусниддинов ва етакчи лойиҳа раҳбарлари иштирокида самимий суҳбат бўлиб ўтди. Суҳбат давомида Ислом молиясининг қатор асосий тушунчалари, ҳалол даромад, қарз, савдо ва замонавий молиявий муносабатлар каби долзарб мавзулар қамраб олинди. ➡️ Тўлиқ суҳбатни томоша қилинг @TVIrfon @MezonKengashi @IslomMoliyasi

Ассалому алайкум! Мezon Kengashi жамоаси сифатида барчангизни муборак Қурбон ҳайити билан самимий табриклаймиз. Ушбу улуғ айём барчамиз учун тинчлик-хотиржамлик, файз-у баракот ва бахт-саодат олиб келсин. Қурбон ҳайити муборак бўлсин! Ҳурмат билан, Mezon Kengashi жамоаси

✨ “O‘zbekistonda islomiy banking: biznes uchun yangi imkoniyatlar” mavzusidagi “Hayot Bank Qadriyatli” konferensiyasiga taklif etamiz! 🗓 16-may ⏱️ 14:00 -17:00 📍 Hyatt Regency Tashkent Islom moliyasi bugun O‘zbekistonda biznes va bank tizimi uchun yangi yo‘nalish va imkoniyatlarni ochmoqda. Ushbu konferensiyada siz ana shu o‘zgarishlarning mazmuni va amaliy ahamiyati bilan yaqindan tanishasiz. ✔️ Tadbirda tartibga soluvchi tashkilotlar, yetakchi banklar, fintex kompaniyalar hamda xalqaro ekspertlar ishtirok etib, sohadagi asosiy tendensiyalar, amaliy yechimlar va istiqbollar yuzasidan fikr almashadilar. Dastur doirasida ekspert chiqishlari, real loyihalar tahlili, xalqaro tajriba va O‘zbekistonda islomiy banking rivoji bo‘yicha panel muhokamasi boʻlib oʻtadi. Bu — yangi bilimlar olish, ishonchli hamkorlar topish va biznesingiz uchun zamonaviy moliyaviy yechimlarni kashf etish imkoniyati. 🖥 Batafsil: Marketing.uz saytida. Chiptalar narxi 500 000 so’m. 📞 Barcha savollaringizga javob beramiz: +998 97 402 28 20 / @MAU_Marketing +998 97 430 28 20

#янгилик Ўзбекистон Республикаси Президенти банк тизимида ислом молияси механизмларини жорий қилиш бўйича тақдимот билан танишди Президент Шавкат Мирзиёев 25 март куни Тошкент халқаро молия марказини ташкил этиш, Рақамли технологиялар халқаро маркази фаолиятини йўлга қўйиш ҳамда банк тизимида исломий молия механизмларини жорий қилиш бўйича тақдимот билан танишди. Тақдимотда мамлакатимиз инвестициявий жозибадорлигини янада оширишга қаратилган учта устувор йўналиш – халқаро молия ва рақамли технологиялар марказларини ташкил этиш ҳамда исломий молия хизматларини жорий қилиш масалалари кўриб чиқилди. Биринчи йўналиш Тошкент халқаро молия маркази янги турдаги инвестицияларни жалб қилиш ва барқарор иқтисодий ўсишнинг самарали воситаси бўлиши қайд этилди. Марказ фаолияти учун махсус ҳуқуқий тартиб жорий этиш кўзда тутилган. Бунда Англия ва Уэльснинг умумий ҳуқуқи марказ тўғрисидаги қонунга зид бўлмаган даражада татбиқ қилинади. Шу билан бирга, низоларни кўриб чиқишга ихтисослашган Тошкент халқаро тижорат суди ва халқаро арбитраж маркази фаолияти йўлга қўйилади. Молия-инвестиция ва банк фаолияти, суғурта, рақамли активлар, қимматли қоғозлар, тўлов тизимлари ва хизматлари, молиявий технологиялар билан боғлиқ хизматлар марказнинг асосий фаолият йўналишлари бўлиши режалаштирилган. Иккинчи йўналиш “Enterprise Uzbekistan” бренди остида Рақамли технологиялар халқаро марказини ташкил этиш ва ривожлантириш. Тақдимотда мазкур марказ учун 2100 йилга қадар амал қиладиган махсус ҳуқуқий тартиб жорий қилиш назарда тутилгани маълум қилинди. Марказда тартибга солиш “қумдони” доирасида янги ечимларни синовдан ўтказиш, иш ҳақини хорижий валютада тўлаш, халқаро меҳнат стандартларини жорий қилиш, шахсга доир маълумотларни халқаро стандартлар ва булутли технологиялар асосида қайта ишлаш мумкин бўлади. Интеллектуал мулкни ҳимоя қилиш, инвестициялар, стартаплар ва экспорт учун қулай шароитлар яратилади, божхона ва солиқ бўйича енгилликлар берилади. Сунъий тафаккур, рақамли трансформация, тадқиқотлар, сертификатлаштириш, стартаплар, маълумот марказлари ушбу марказ фаолиятининг асосий йўналишлари этиб белгиланмоқда. Учинчи йўналиш сифатида мамлакатимизда исломий молия хизматларини жорий қилиш масаласи кўриб чиқилди. Юртимизда маҳсулотларни насияга сотиш орқали мижозни молиялаштириш – муробаҳа, фойдани тақсимлаш шарти асосида мижозни молиялаштириш ёки пул маблағларини жалб этиш – музораба, вакиллик шартномаси орқали пул маблағларини бериш ёки жалб этиш – вакала, маҳсулотлар учун олдиндан ҳақ тўлаш орқали молиялаштириш – салам ва истисна, биргаликдаги фаолият орқали мижозни молиялаштириш – мушорака, мол-мулкни исломий ижарага бериш каби амалиётлар, шунингдек, қонунчиликка зид бўлмаган бошқа ислом молияси воситаларини жорий қилиш режалаштирилмоқда. Бунда сотилган маҳсулот устамасига қўшилган қиймат солиғи ҳисобланмаслиги, инвестиция омонатларидан олинган даромад солиқдан озод қилиниши, исломий ижара шартномалари молиявий ижара ва лизингга тенглаштирилиши белгиланмоқда. Соҳада тизимли бошқарувни таъминлаш мақсадида Марказий банк ҳузурида Ислом молияси кенгаши ташкил этилади. Шунингдек, исломий молия хизматларини кўрсатувчи банкларда ҳам алоҳида кенгашлар тузилади. Ушбу кенгашлар стандартлар ишлаб чиқиш, меъёрий-ҳуқуқий ҳужжатлар лойиҳаларини тайёрлашга кўмаклашиш, баҳсли масалаларга изоҳ бериш, шартномалар ва ички ҳужжатларни кўриб чиқиш, мувофиқлик устидан назоратни таъминлаш билан шуғулланади. Жорий йилда камида битта тижорат банкида “ислом дарчаси” фаолиятини йўлга қўйиш, 2026-2030 йилларда эса тўлиқ исломий банк фаолиятини амалга оширувчи иккита банк ташкил этиш режалаштирилган. Умуман, соҳадаги янгиликлар орқали 2026-2030 йилларда қўшимча 1 миллиард доллар миқдорида инвестиция ва депозитларни жалб қилиш имконияти яратилиши қайд этилди. Давлатимиз раҳбари мазкур уч йўналиш мамлакатимизда замонавий молиявий ва технологик экотизимни шакллантиришга хизмат қилишини таъкидлаб, уларни амалиётга татбиқ этиш ишларини жадаллаштириш юзасидан топшириқлар берди. Манба: https://president.uz/uz/lists/view/9048 маълумотлари асосида @IslomMoliyasi

📣📣📣 CPSS ИМТИҲОНИГА ТАЙЁРЛОВ КУРСИ 🏅 CPSS (Certificate of Proficiency in Shariah Standards) — Ислом молияси соҳасида нуфузли халқаро AAOIFI ташкилоти ишлаб чиққан шариат стандартлари бўйича профессионал даражани тасдиқловчи сертификатдир. Ушбу сертификат: ✔️ ислом молияси мутахассислари; ✔️ банк ва молияси соҳаси ходимлари; ✔️ талабалар ва тадқиқотчилар учун кенг имкониятлар беради! Энди сиз ҳам махсус тайёрлов курсимиз орқали AAOIFI сертификатига эга бўлишингиз мумкин! 👨‍🏫 Мутахассис устозлар: Доктор Муфтий Юсуф Султон – ислом молияси ва шариат соҳасида халқаро тажрибага эга олим, Бангладеш Марказий банки шариат кенгаши аъзоси, AAOIFI расмий тренери ва ишчи гуруҳлари аъзоси. AAOIFI CSAA сертификати соҳиби, Малайзиядаги INCEIF университетида Ислом молияси бўйича MSc  ва PhD даражалари эга. ADL Advisory компаниясининг асосчиси ва бош директори. Муҳаммад Мишал – ислом молияси, AAOIFI талабларига мос молиявий тузилмаларни ишлаб чиқиш ва турли юрисдикцияларга мос шариат маслаҳатига ихтисослашган шариат ва ҳуқуқ соҳаси мутахассиси. AAOIFI CSAA сертификати соҳиби, IIUM ва INCEIF битирувчиси. ADL Advisory’нинг Яқин Шарқ бўлими раҳбари директори. 🕟 Давомийлиги: 8 ҳафта (16 та дарс) 💻 Курс формати: инглиз 🇬🇧 тилида , жонли онлайн дарслар 🗓 Бошланиш санаси: 8 февраль ✅ Курсимиз афзалликлари: • Халқаро ва кўп йиллик тажрибали мутахассис устозлар; • Жонли дарслар ва савол–жавоб сессиялари (онлайн); • Махсус ўқув материаллари. 🚀 CPSS сертификати билан Ислом молиясида профессионал даражага чиқинг! 🖋 Ҳозироқ рўйхатдан ўтинг: РЎЙХАТДАН ЎТИШ РЎЙХАТДАН ЎТИШ РЎЙХАТДАН ЎТИШ https://cpss-course.vercel.app/ Қўшимча маълумот: ✈️ @mezontalim_admin 📞 +998901097799 Telegram | Instagram | Vebsahifa

🗣Ўзбекистонда исломий банк тизими: Тарихий қадам ташланди! ​Кўпчилик интиқлик билан кутган янгилик: Олий Мажлис Сенати исломий молия хизматларини жорий этишга оид қонунни маъқуллади. ​Бу шунчаки навбатдаги қонун эмас, балки мамлакатимиз молия бозорида янги бир даврнинг бошланишидир. Энди банк тизимида анъанавий хизматлар билан бир қаторда, шариат тамойилларига асосланган молиявий маҳсулотлар ҳам қонуний мақомга эга бўлади. ​Хўш, бу бизга нима беради? 🚀 ​Тадбиркорлик учун янги нафас: Фойда ва зарарни баҳам кўриш тамойили асосида бизнесни кенгайтириш. 💵 ​Инвестициялар оқими: Ислом олами инвесторлари учун Ўзбекистон бозорининг эшиклари янада кенгроқ очилади. 🔍 ​Адолатли тақсимот: Банк ва мижоз ўртасида таваккалчиликларнинг тенг тақсимланиши. ​ Мазкур қонун билан амалдаги бир қатор кодекс ва қонунларга (Солиқ кодекси, "Банклар ва банк фаолияти тўғрисида"ги қонун ва ҳ.к.) ўзгартишлар киритилмоқда. Бу исломий молия маҳсулотларини солиққа тортишда анъанавий банк хизматлари билан тенг рақобат муҳитини яратади✅ Telegram | Instagram | Vebsayt

Ҳамкорлик ва биродарлик рамзи сифатида “Mezon Kengashi” томонидан шайх Муҳаммад Содиқ Муҳаммад Юсуфнинг рус тилидаги 10 томлик "Тафсири Ҳилол" ва бошқа китоблар Қозон шаҳридаги AAOIFI ваколатхонасига тақдим этилди. Telegram | Instagram | Vebsayt

Қозон шаҳрида “Mezon Kengashi” ва AAOIFI ўртасида ҳамкорлик келишуви имзоланди. “Mezon Kengashi” ташкилоти AAOIFI томонидан Ўзбекистонда консалтинг, таълим, AAOIFI стандартларни тарғиб қилиш, шунингдек AAOIFI тадбирларини ташкил этиш бўйича расмий ҳамкор ташкилот сифатида келишувга эришилди. Telegram | Instagram | Vebsayt