آزرً||🍂

يا حسين لهسه طافح بينه خيرك گطعوك ولملمت دنيا بضميرك _احمد العبيدي

هاي الايام العشره ماتنكتب خلونه نبجي واخذوا منه الشعر نزلولي راس حسين من الرمح واني اضمنلكم دمعه من العمر خنسولف بكعداتهم والذبح اول وتالي يصير بس انتظر هذا ابو فاضل واكف اعله النهر ابتسم وحده الليل صار الفجر _حيدر الطفيلي

من ذبحتوا حسين بجيتوا الشمس بس خيال حسين يشتم الهوى ومن بجت عين الشمس ضوّة ظلام وكلشي صار اخيال واحسين الضوى _مظفر النواب

وشلت صورتك صوت ورحت اگل للناس هذا حسين هذا حسين بهذا العطش خضرت شجره التاريخ اعطشو ولاتذلكم سطوة النهران هذا حسين هذا المن عرف دمه درب للشوف وگف جوه الشمس ريحان لتخافون ذمه السيف برگاب التدلي الناس وهنياله اليحط برگبته نيشان لتخافون هذا حسين صحت ياناس هذا حسين ولا واحد عليه اندار _صفاء الصمت

يابو فاضل اسمك نشودة محبه وضحكتك لمة عصافير الصبح ليش ماكتبوك عاشك ياحبيبي وكتبوا الدم والذبح اني اعرفك فارس شضايف حجيهم خل يشوفوك سلام تعيش بيهم يابو فاضل حتى لاتتاذه زينب ما اكتبك عالرمح انت عالي وماتطيح شما كثر حجي النهر شوكت ما اشتاك اذكرك غشمه اليذكروك بس هذا الشهر يابوفاضل هو مو ياهو اليجي يسموا كمر _حيدر الطفيلي

ملتمين لكن ماكوو أنت ومنو اليترس مكانك يل تركته _أحمد الغريب الرحمة والمغفرة لجميع شهداء العراق في كل جيل وفي هذا الجيل ، ولعنة الله على المعتدين

يابو فاضل انت وين ردت تستر شوف دنيا وغمضت وانطيت عين وانت وين ردت تحفض ماي وجه الريح يمك كبرت وانطيت ادين هاي كلها وبعدك بطولك يمن طولك حسين _عباس الغالبي

غمض عيونة الجرح يحلم يطيب شاف روحة مراية گابلها جرح وشاف شوكة الليل عافة بكل مكان حضة عاثر جابها بعين الصبح ابيض شراع السفينة شگد جبان گبل لا يبحر رفع راية صلح _ميثم فالح

أنفاس البشر خطوات للتابوت بعد ماضل عمر يستاهل اتوسل سمير صبيح

ومشهد غيابك خرابة وصوتي مبحوح شيصح الشوارع كلها مسكونة وصفير وصوت ريح والهياكل والجماجم ملحمة والناس ميتة ووحدي اعثر واطيح ولو خبر منك يجيني الناس تعدل من جديد ضوه يبين من بعيد مطر ينزل شمس تضحك المشانق تنصب مرجوحه لطفال الشهيد الورد يطلع بالجماجم لو تجيني واقدملك اعتذاري وانكساري وكل حنيني ولو گلت هذا خطيه وياما كتلك من اديه تروح بس مو من اديه وياما كلتلك شوفتني جنازة امي من ثكل وجهك عليه وأخيراً تريد تعرف بيه شلون جان جفاك جني مدد بسديه وهلي من حالتي ملو عدل واتعاملو وي راسي يم دفان وعله الفاتحه أتفقو كلّ ذوني ولا فركاك أنه ما ردت اموت عليك إموت وياك _زيد السومري

اسف ادري اخرتك ع الباب ودري استغربت ع الشفته بيه اسف بس قبل ماعايش احساس سچينه تدك باب الضحيه غرابة جيتك خلتني محتار دمي بچفك وتسأل عليه _صفاء الصمت

ظل يمي أمن أيشيلون اهل البيت تكبر سكتة البيبان أحضني المعاتب هان ، والفزه نهاية ليل ألحلم والنوم للنعسان وأنشدك يا عطش يا ماي حظي وأنت ما مره كعدتوا وياي _احمد ملاذ

يا حبيبي وداعتك للساع عيني وكلي وي الساعه دكته يا حبيبي وداعتك كل ما تمر نسمة التفت حسبالي انت _كاظم خبط

باجر تموت المحطه ومحّد ايغنّي بغربتك باجر يصير العشگ ذمّه برگبتك توصل لباب الصدك وبروحي اجذبك گمت من گد الحزن ماعرف احبّك _وسام سباهي

كل الصار من إيدي فُرغ عقلي وذبحت اخر حلم بالروح وأصد لجروحي لا تُغفن بعد ، زيدي شسّوي الـ دنيّتي الما ترضىٰ اعيش بخير ما ارتاح .. لو حطولي سَم وگطعوا وريدي _علي الباسل

يجي يوم النوارس ذيج ماتغفى بشواطينه يجي يوم النحبه ايصير يكره حتى طارينه _علي الشيباني

ضل وياي أريدك والبقن جم يوم وهل جم يوم صارن حدك وحدي خليني ارد أشوفك كمت أحسك طيف ياعين ألتكض ألطيف أليعدي _جبار رشيد

إلك للشوگ لحچاياتك الترفات للشاطي العشگ ميه و أرد بالتعب چف وفجر وگلوب واتحمل واگومن بية مابية _غازي ثجيل

كطعت لساني خاطر لا احاجيك وخاطر ينتهي البينك وبيني لكيت انوب عيني تسولف وياك يعني شلون أكص السان عيني _عامر العيثاوي

الرَسايل ما رضْن يرحن ووديهِن يخافَن جفك الغايِب يأذيهن ولك هِنه ورَق بيهن كَلام أنسان عاد اقراهِن وبَعدين شَك بِيهن بيض أوراقهن بَس الحبر بِي لونٌ مابِيهن مَشاكل مِثل راعِيهنّ ورسايل منك لحَد هسه اداريهنٌ مثلّ نومَة طفل بالليل اهز بيهنّ _علي طالب