الاستاذ محمد الحسني(الكيمياء)

اسئلة الكيمياء تحت المجهر.....!! الاسئلة متنوعة وتقسيم الدرجة جيد جداً ومتناسق .... بعض الاسئلة مطولة بالحل مثل سؤال بفر والتسحيح وتحضير الحامض الكاربوكسيلي لكن توجد اسئلة حلها سريع جداً مثل سؤال الفصل الثاني ( لوشاتليه فرعين) وسؤال فراداي وسؤال الفصل الاول.....!! الكلاميات واضحة و مكررة وزارياً ولايوجد مابين السطور ...... العضوية مكررة وزارياً وبكثرة تميز بين كحولات وتحضير حامض كاربوكسيلي بالكربنه وتحلل مائي للاستر..... الفصل الخامس حلوه اسئلتة بأعتبار مجايب تسمية الي تعتبر معقدة نوع ما ..... الفصل الثاني اتصور اختيار الاسئلة غير موفقة بأعتبار اسئلة الفرضية مهمة ويركز عليها الطالب.....!! الفصل الثالث اسئلته منطقية.... بالنتيجة الاسئلة للي قاري المنهج كامل بسيطة نتمنى التوفيق لكل طلبتنا الاعزاء

كل القوانين الي بالكتاب وبيها درجة حرارة تستخدمها بالكلفن ماعدا موضوعي q والمسعر تستخدم بالسيليزي

من هيس تطلع دلتا اچ ار نوت بعدين تعوض درجة الحرارة 25 وتجمع وياها 273 وراها تقسم الانتروبي على 1000 وتستخدم معادلة كبس وتطلع دلتا جي ار نوت

ربط بين هيس ومعادلة كبس .... دير بالك

دير بالك من هذا التعليل لانه ليس من الاسئلة المعتادة لذلك انتبه

انتبه جيدا ..... بأسئلة التمييز لازم واحد ينطي تفاعل واحد N.R او ينطون نتائج بس مختلفة اما اذا استخدمت طريقة وثنينهم N.R فهذا غلط.... مثال: ميز بين بروبانول والبروبان هنا ميصير تميز بلوكاس لان ثنينهم N.R فلازم تميز بالاكسدة

اذا كلك بالعضوية ما ناتج الاكسدة التامة ونطاك كحول ثانوي بالاول ينطي كيتون بعدين تكمل الاكسدة وتنطي N.R

بالعضوية اكتب اسماء جوه المركبات الناتجة والمتفاعلة

دير بالك اذا منطاك درجة غليان الماء بأنتروبي التغيرات الفيزيائية لازم تعوضها 100 وتجمع وياها 273 وتكمل الحل مثل السؤال اعلاه 👆🏽👆🏽👆🏽

في اسئلة فرداي اكتب معادلة علمود ما ينقصك

انتبه اذا نطاك تراكيز وطلب Kp هنا لازم نطلع Kc وبعدين من العلاقة نطلع Kp........!!!! اما اذا نطاك ضغوط وطلب Kc هنا لازم نطلع Kp ومن العلاقة نطلع Kc

انتبهو على الLog بأسئلة بفر اخاف مينطي نفس الـ Log هنا لازم نفكر بتحليل الLog..... مثلاً تحتاج Log4 وهو منطي Log2 هنا لازم نكول Log2 تربيع ونرجع ال2 معامل ويصير 2Log2 ونكمل تره هذني تشوفهن بسيطات بس يوكفن السؤال

انتبه اذا كلك يحترق مركب ما ويبعث حرارة مقدارها كذا ونطاكياها قيمة موجبة فأنت لازم تعتبرها قيمة سالبة ( تخلي سالب من يمك) لانها حرارة احتراق منبعثة

انتبه جيداً اذا جاب بقانون هيس معادلة تفكك ...... تكتبها عكس التكوين تماماً عناصره الاساسية ـــــــــــــــ المركب

شباب المسائل راح تكون واضحة جداً وكل الفصول ماعدا الفصل الثاني حسب ما اتوقع سيكون سؤال ربط بين الفرضية وبقية المواضيع...... الكلاميات راح يكون هناك نقطتين او ثلاث من بين السطور لذلك ارجوا الانتباه

انتبه اذا نطاك رقم بالكيلو جول بالمعادلة بهيس بالنواتج من تعزل الانثالبي على صفحة لازم تكون اشارتها سالبة واذا بالمتفاعلات تكون موجبة