الشاعر منتظر الجنابي

هونك عليه أو بيه هالله ولتگول بويه اوداعة الله وين المثل عطفك نحصله واخلافك الدنيا اتزيد حزني ___ جبت الكسا وجيت اعله ناري عسا اتگوم ابسلامه وتطب داري ثاري الچبد مسموم ثاري وأنه بجبدي النوايب صوبني _______ يالجنت تنسر من تصدلي شتگول من تشوف شكلي وأنه جسمي يصير اعدال ضلي وافراگك يبو الزهره نحلني _____ بويه اشلون وانته بگومك ادره نيتهم على أهل البيت گشره امتانيك تغمض يبو الزهره من تغمض ايسطرون جفني ______ من هسه نار امحظريها يردون بويه احترگ بيها والجنت انته تبوس اديها نيرانهم بيها چوتني _____ بعدك حالتي لحيدر تجرحه نوبه اعليه يغمى ونوبه اصحه و مكسوره من اضلوعي صفحه ومخيوب من الگوم ضني _______ ليك المشتكه وتدري ابوضعي نحيله امعصبه ومعيوب ضلعي وايمنعونّي من سيل دمعي يستكثرون اعليك وني ______ امسيت مكروبه او حزينه وگطعوا على گلبي ونينه او طردونّي من المدينه إطلعت اويه ولدي لبيت حزني _______ اجيك اعله الگبر وتشوف حالي اشلون امعذبه او مشدوه بالي ما صارله لموتك ليالي بس ذني الليالي شيبنّي ____ اجي لگبرك واصيح بعالي وني وايديه اعله ضلعي او يهل جفني آمر على عبده او ضربني ومن ضربته للگاع ذبني

الليله روح المصطفى امودعينها والخلايق عالي صوت اونينها 《《《1》》》》》 كل مجرات السمه تنعى بألم والكواكب والشمس تتباچه دم حزن الوداع بوجه بنته انرسم وهيه وين اوداع ابوها اوينها 《《《《2》》》》》 و الحيآ واللا حياة بمعرفه والتشوفه العين والعنها اختفه كلشي يبچي الليله لجل المصطفى والسمه والگاع والمابينها 《《《《3》》》》》 الدنيه والبيها لبس ثوب السواد الاقصى والكعبه حزنها الليله زاد يامحمد ناده بدموعه الجماد والطيور اتكسّرت جنحينها 《《《《《4》》》》》 الطبيعه وكلشي بيها الليله ون وغار حراء وطوى لأجله بجن الموت يبچي وتبچي لحظات الزمن والحواري تخمش بخدينها 《《《《5》》》》 القبور اتنوح اله واهل القبور البصير الاعمى والظِل والحرور النور والظُلمات تبچي بلا شعور والانس والجان الله يعينها 《《《《《6》》》》》》 والعوالم تلطم بهمها وتنود ثمانيه من الذر لحد يوم الخلود والوجود بمجره دمعاته يجود والرُسل تبچيله دم ودينها 《《《《7》》》》》 والصبر گلبه جزع من هالمصاب والشريعه تبچي وآيات الكتاب والجنان . اجهنم .ويوم الحساب كلها ضلت تنتحب من حينها

يا مصيبه الما يدانيها مصاب و ماكو مثلها اي عذاب يومٌ على صدر النبي يومٌ على وجه التراب احسين مني وآنه منه وهايه خيل ما ميزت ياهو القتيل امعصبيها حته لا تشوف بحافرها يا دم اليسيل والرشف ارياگه بإبهامه وبلسانه من الضمه اترشف بدم شفته العطشانه ريحانة الهادي ويبست هالريحانه آه ثم آه عظم الله يالنبي ليك الأجر بـبو عبد الله آه ثم آه وآ محمد صاح صوت ام الخدر وآ رسول الله ______ جان من يعثر احسين بخطوته يركضله عايف خطبته شيعوف لو شاف النبي من فوگ مهره طيحته وهالسؤال المنه عالدنيا العفا مذبوح ليش من الگفه السيف استحه لن بالنحر أثر شفاه المصطفى السيف استحه منه واتعذر من لاحه صار الحديد ارحم من مهجة ذباحه ايجرحه السهم وايرد يتأسف لجراحه آه ثم آه جان خايف واعتنه ايزور السهم ببو عبد الله آه ثم آه الرمح نيته چانت امچان الي شَم بي رسول الله ________ يالمكانك عندَ ذي العرشِ مكين و من العرش تنزل حزين انته المعزى ومن تجي اشعث ومغبر عالحسين جيبه لهنا يا رسول الله الكساء وغطي الحسين بكربلاء تحت الكسه لم الحرم يالمصطفى وقيم العزاء بدم انشكر اجرك وحال القربى شصاير؟ و اتشوفه ميراثك بي آثار الحافر والوارث اگبالك سَلب عمره العاشر آه ثم آه عالمواريث احترگ فيّ الخيم وابو عبد الله آه ثم آه يصيح كلما دار طرفه اعله الحرم يا رسول الله _______ و من هوان الدنيا يا خير الانام قرآنك اترتله السهام و بالطف تفاسير الكتاب طلعن حيارى من الخيام عالمهازل يمشي تنزيل السماء آه يا عظم هذا البلاء وحبل الله بحبال السبي متگيد أطفال ونساء رفقاً گلت بيهن النسوان و كرموهن حته اليضدنك ما ترضه ايأسروهن بس فاطمياتك عالهزل يسبوهن آه ثم آه يا محمد نسوتك يبچن دمه لـ ابو عبد الله آه ثم آه وعالنحر ماتت شبيهت فاطمه يارسول الله

صَبّت عليه الدنيا غربه ابلياك وماتت وصيتك بيه يابويه وياك وبيتي الضوي بوجهك جان بفگدك صبح بيت أحزان _____ يالغُمْضَت عينك بعد شيداوي جرحي المفتوح وشنسوي بالدنيا اذا منها رسول الله يروح الناس كلها اتناست او بس حيدر اوياي ينوح ولمصابك بمهجة علي بگد أنبياء الله اجروح امجازاة تعبك حين غمضت العين؟! ايشيعوك بس آنه وعلي والحسنين والمُمتَحَن بالإيمان بفكدك صبح بيت أحزان ______ طاف الأذان بمسمعي غربه وجروح ودمعات وصلت ملائكة السمه وي جرحي فرض اللوعات ويه الشهاده الثانيه اسمع نوايح وآهات كلشي يگلي بلوعته والدج يافاطم مات صار الاذان اجروح يترسني وآه او وي كل شهادة اندب إنا لله ومحرابي وي كل آذان بفگدك صبح بيت احزان _______ يا روح فاطم ما بعد للوحشه طفيت اشموع شب بابي نيران وطفه واتكسرت مني اضلوع يابويه ما بيه بعد اتصبر او گلبي يلوع اشتم ثراك او عالگبر بديت كل روحي دموع يالجنت من اتصدلي گلبك يرتاح اگعد وشوف شلون متروسه اجراح جرح الضلع والوجدان بفگدك صبح بيت احزان ______ تتواله الجروح وأنه الگاها بالهم ضليت يالمصطفى توه الهجر ولجف حنانك حنيت يالكلشي ماخذ للگبر بهاي المدينه شخليت البيت يابويه احترگ وانهدم فوگ اهل البيت، ومن هالرزيه كل رزايانا اتزود هام وضلوع وجبد بالسم ممرود وجرح الغريب العطشان بفگدك صبح بيت احزان ______ اذكر حزن گلبك جرح ضليت تبجيله سنين السولفته الي عن كربله من جان بأحضاني حسين گتلي يفاطم ينذبح ولخيمته أيدير العين واخته بوسط ذيج الخيم محتاره تتوجه وين بعاشر محرم حالك اشلون ايصير؟ اشعث ومغبر وبمصاب ابني تحير وجسمه الصريع العريان بفگدك صبح بيت احزان

شهادة مولانا رسول الله صلى الله عليه وآله

https://youtu.be/HYxHynmz1_c

https://youtu.be/nMd9yrQ3OzI?si=Nom9JTq_a3VY8-UP

https://youtu.be/8NZlPSY1Dt4?si=HgTdvc5Njce7tjvY

https://youtu.be/7sIcBahfBys?si=svKGzy2Xc-RTKsyB

https://youtu.be/Nl76XLyMIa8?si=gpiJCXKwfmDV1tSR

https://youtu.be/R_FyjdY5IPc?si=85pkplcxWB6k2mdA

https://youtu.be/R2OGOSl-EoY?si=uR74IlwCT6n7TG1r

https://youtu.be/aZSkpBMIpHY?si=39FRvQK7sxu2oabx

https://youtu.be/HETLI_k20Pg?si=Aw2lCpuu49lMZ9h7

ريح بحمول الضعينه او نوخ نوگ ارچابها او آوي بأرض الغاضريه او دگ وتد لأطنابها جيب من ماي الخدامه ودير فوگ اترابها او طينّه بدله بتربها خل نعيش امصابها برحمتك ياحسين... نريد إنشب ونين صِيارك وبخدمتك جبنه كل هاي السنين يا نمرقتنه الوسطى البيها التزمنه ابحب او يقين الا وصلى الله على الباكين على الحسين _____ انچان يبن البنه الكعبه وأذّن بحجاجها عاقنه المگدور تجري اوداجنه ويه اوداجها تشهد انصارك اعلينه والسمه ومعراجها اجّفونه امضرجه اتضل وبالدمع مضراجها الدمع للخدمه زاد .... ومتاع الطف رماد وابد ما لايگ اعلينه هدم غير السواد وفوگ السواد ايذري ارماد الخيام اعلينه ونين الا وصلى الله على الباكين على الحسين _______ يا وريث آدم او نوح او وارث ابراهيمها امْسَلمِين النيه وانته اتكفل بتسليمها الدنيا هدامة اگلوب وباللطم ترميمها ونستقيم بهالمجالس من عليك انقيمها عزاك الترتضيه .... نقيمه ونبچي بيه عزاء ايحگ تصدله فاطمه الزهره او تجيه غايتنه نبچي وياها وانصير الها بحزنك معين الا وصلى الله على الباكين على الحسين _______ ارباة عاشورك ترانه او عدنه حزنك غايه واحنه من الله انخلقنه لغربتك بچّايه امحزمين ابحيل ام الكافل الوفايه انشيل وانحط وين ما صحت اعليك اقرايه غرامك عدنه دين .... او حزن طفك يقين ومددنه بالبواچي لو تعبنه ام البنين وكلما يشح مدمعنه ننخاها وانمدلها الادين الا وصلى الله على الباكين على الحسين ______

https://youtu.be/IYR6Ooe1rC4?si=JcUtUDqew5jjOkwp

لكد مهر القضاء او زم عنان القدر ونشف خوف النهر لمن نوه اعله النهر انخلس من صمته بالحومه دويها الناس وسلمله امره الدهر سيد او عم ساده او ما يفض اعناده و ايدور بحربه زلم قاده برايته الملزومه غطه كل الحومه واللاگته امن الراحه محرومه الحرب بيده وعلى كيفه... يسل لو ما يسل سيفه... بحسامه بيده بعيونه يرد حيفه دخيل المحد ايرده.. ودخيل الجود البزنده... دخيل العنده كلشي وخوف ماعنده ادخيل الچان بوكته الخوف يسمونه العباس ... ________ خفض جنحه الوجود وچف اديه انرفع او نبض خوف الدليل البصدور انسمع فجئه او بالمعسكر صاحت الصايحه صمصام هاشم طلع مدرع ابنضراته وتنسمع خطواته مصحف غضب وايات ضرباته من سماء اخيامه نازل بصمصامه واتشعشع انواره من الثامه يبدر التم يالمتمم... يعم سكنه اوينعم العم... تصح سجيل نضراته وتصح زمزم عذاب القارعه بچفه... والماشايفه ايعرفه... زلم الكلفه يمه اتصير مو كلفه اتساوت عنده اتساوت زلم النيبه اويه النسوان .... ______ حين الينوي يدخل بيها تگضي الحرب ويطوي الحومه بيده ادخيله طيي الكتب ومهره تسابگ الريح وتدك الارض بالموزمه من تطب مهرته تحلاله امعلمه بفعاله وما لاگت الها غيره خَيّاله واللوه اليحمله غيره ما يگدرله والصعبه عنده بالحرب سهله اذا گابل فوارسها.... بحرب ما ينسمع حسها.... وما تلحگ تذب للشرده ملبسها دخيل اسمه اشثگل اسمه... ودخيل ام البنين امه... ودخيل المرضع الزاكي السره بدمه بچف عباس اندارت نار ارباة ام العباس....... ________ مثل حيدر ابوه الچفه رد الشمس اذا شال ايده بالحومه يردها الأمس مُلك سلمان اذا شائه يجي ابيمنته ويحكمها جن وانس هوه عين الزهره والقدر طوع امره ظهر الحُسين وكافل الحره قل هو الما مثله لا بعد لاقبله الحومه والبالحومه يخضعله الحرب عيده ولياليّه... وعلي اتجله ابمعانيّه... دخيله الأمنت چم فاطمه بفيه دخيل المن يلاگونه.... خزر تگضيهم عيونه... ودخيل الرايه الترفرف على امتونه ادخيل الرايه البيدك لو چفك لو ما تنشال ....

واويلي على المغدور __ طب الكوفه واتلگوه... واويلي على المغدور وتاليها بغدر خانوه واويلي على المغدور ضده انگلبوا وخلوه واويلي على المغدور وحيد وحاير ومكثور واويلي على المغدور ___ المثل مسلم رسول ايكون... واويلي مغدور اويدور عون؟؟!! ... واويلي شلون اتهون هاي اشلون... واويلي لهل غربه الغيور ايفور واويلي على المغدور ____ مرسال الحسين اوياه... واويلي لاجن رخصوا معناه... واويلي آه لهلمصيبه وآه... واويلي عالفوگ القصر موتور واويلي على المغدور ______ شيگول الگلب شيگول... واويلي وحاطت بيت طوعه اخيول.... واريلي كلها اتريد منه اتنول... واويلي وايريدوه بس منحور واويلي على المغدور ____ طلع وبنفس روحه يجود... واويلي و متروسه الازقه اجنود... واويلي ومحد من هله موجود... واويلي ودمه بهالبلد مهدور واويلي على المغدور _______ حفروله حفيره وطاح.... واويلي بيها امن ضمه اشكد صاح... واويلي يحسين العطش ذباح... واويلي من ضعنك يريد إنحور واويلي على المغدور _____ من فوگ القصر للگاع.... واويلي سلّم والسلام اوداع.... واويلي يحسين الي بايع باع.... واويلي خوّانه ورحاها اتدور واويلي على المغدور

بچينالك غريب او ياغريب الرد سلامه إمامه يالـتْحِـگ ينبچي وانته الاله محسوره هامه إمامه بغربتك بدت... غربه ماگضت إلّا بضعن يتامه... لإمامه مسلم ياجرح عاش بيك حسين غربه ومن فوگ القصر ذاك طاح اوياك گلبه يالغيّر ملامح وجه ابو الأكبر سلامك يالشهيد الي مارد جسمك بايده لخيامك بحبل تتچفن وانته الحبل لامو مقامك مقامك حضن امامك مصابك نايبه بأوله وختامه ابغربة العايله مسلم ياجرح كربله مسلم ياجرح كربله ______ بچينالك مواسي ماخذ امن الطف نصيبه بحبيبه بچينالك قبل كل غربه الك عيله غريبه بحبيبه اول البذل... نفسه والأهل واتشارك المصيبه... بحبيبه ما تانيت الجروح انته الي إگصدتهن وقبل أيتام الحسين بناتك يتمتهن يالـبكل نايبه متشارك او بحسينك إتهم يالملاگي بطفلتك عاتكه الخيل الي تهجم مواساة التسر گلب الحسين ونوبه تلچم مواساة آلّ مسلم حُسين ابغربته امشاركه او وقيت ارقيته بعاتكه غطتها رمال الفلا مسلم ياجرح كربله ______& بچينالك ابو امودع گلب بنته التريده حميده بچينه اليمسح احسين بهضم دمعتها بيده حميده بحظنه گاعده... ورده يم نده وتتلفت لوريده... حميده اثنين اولاد الك بين چف احسين طاحوا واثنين ابذرى الخيل عن الخيمه راحوا بچينه اطفالك المتحفيه وامكاود اديهم شافوا خيل اجت واتعنوا الخيل إبّچيهم رادوا تلتهي الخياله عن الخيمه بيهم وضاع الطف عليهم طلعوا نُصره بس الرعب ودّاهم يويلي لدرب مابي كل اثر قافله مسلم ياجرح كربله ________ بچينه احجاية الـسجاد التـعيشنه كسره يحسره بديار آلِ عقيل شما امر تخنگني عبره يحسره شما يمر على... دارك الخله دمعاته تجري حمره... يحسره منكم حته الاطفال ما رجعت سليمه والرجعهن الشام بس ام او يتيمه يَدور المابگت بيها زلم من المصايب الچانن بيكم ايضون امس امسن خرايب غرايب هالديار او بيهن الردن غرايب من ذيج النوايب دارك كله وحشه و الم ومارف فوگه بعدك علم دار او من وجودك خله مسلم ياجرح كربله

إلى الوداع سيدي ___ محتار گلب العيله إلى الوداع سيدي تنادي ودمعها تسيله إلى الوداع سيدي وحسين هدن حيله إلى الوداع سيدي الليله المصاب يبتدي إلى الوداع سيدي ____ يتوادع اويه اخوانه إلى الوداع سيدي وصوت اعتله بصيوانه إلى الوداع سيدي هالليل ليل احزانه إلى الوداع سيدي جرح المصاب ضل ندي إلى الوداع سيدي _____ يبجي وبجت عايلته إلى الوداع سيدي ومجروح دلال اخته إلى الوداع سيدي كالتله لو رحت انته إلى الوداع سيدي مسبيه اروح وحدي إلى الوداع سيدي ____ هالليله بس هالليله إلى الوداع سيدي ايباريها واتباريله إلى الوداع سيدي بنته و غدت تبچيله إلى الوداع سيدي وسكنه تصيح والدي إلى الوداع سيدي