رائد الناشي

https://youtu.be/pKb4aUrTHbY?si=gjgxYyiHPwtaiDnx

يهل زينب هــاي مـاتـرضونها بتكم العدوان تحدي ضعونها ___ يابنـي هاشـــم يفكاكـة نشب ياسيـاد الكل يعاليــن الــرتب عليكم وماغيركم هـذا العتب شكوة عندي ولازم تسمعونها * ياهلي الصار اعلى بتكم شي عظيم اعجب من اهل الكهف واهل الرقيم تطــاول عليــه ورفع صـوته الزنيـم گـومــو يــاروس العرب وبطـونهــا *** گومو يــا شيالــة حمـول التنــوخ مچمن العفيات والروس الشمـوخ تطاولت ولد العبيد اعلى الشيوخ يا ال هــاشم هــاي شتسمــونهــا *** هاي شتسمونها وعنهـا شنگـول شالو الروس وعلگ دگ الطبـول وصعدو نسوانكم فـوگ الزمــول والسياط تلوح فوگ متونها *** وينكـم ياولـــد عبـــد المطلـب يا سباع الـبلــوغــه مــا تنچهب شلون ترضون النذل بينه يسب وبتكم بحبل السبي يجتفونها **** شعطلاكم يــاهلـي وصـار الصبـح وراس الحسين ارتفع فوگ الرمح نحشم ونغـــــار منكم مـــايصـح والحــرم ليكــم تديــر عيــونهـــا * ربطــــو نسـوانكــم  كلهــا بحبـــال وگالو تصعدن غصب فوگ الجمال ناس جبحة ومـا يصح ابـن الحلال والتظـل بــلا اهــل يــولــونهـــا *** ان صحت بوية يسبني ابن الحرام والصحت خوية يطگـوني اللئـام نــاس للعلوية مـاعدهـــا احتــرام والشتــايـم والضـرب قـانــونهـــا *** ساگو النوگ ومشو بينا الضحى بالشتايم والحجي بـلا مستحـه جفوفنه مـن الحبــال مجـرحــه اجلاف والما تسرع يجرونها **** نوگ هزلــة والـدرب ماينحمل والحراير مالهـــا ورجب الهـزل الرجال نكول حصتهــا الجتــل بيش مطلوبه الحرم يسبونها **** يهلي ما يصلح تغمضون الجفن وفــرو بنســوانكـم كـل المــدن ما اظن ترضون بالذل ما اظن ليمت سيوف الوغى تسلونها رائد الناشي

https://www.tiktok.com/@rd_n87?_r=1&_t=ZS-98AP6tKJNKO

يسباع يمخيطين الفتوگ بضعونكم ولد الخطه تسوگ گومو يهلنه وسدو الحلوگ تحجي علينه الحجي الميلوگ حادي الظعن يحجي برهــاته على حسيــن ويشتم خـواتـه سمعنـه الحجي الماسمعــاته سمعنه العبد يحجي اعلى اغاته يهلي يهل غيرة وحميـة ترضونهــا يعيلون بيــه عدوكم يسميني السبية ويسبني ويشيل ايده عليه رائدالناشي

عالوجه كمنه نحط جفوفنه للستر خاف الغريب يشوفنه ... نوگ هزلة ومامش عليها غطه والضعون يسوگ بيها ابن الخطه وين حامي ضعونه اعلينه بطه شلون بيد الما رحمنه يعوفنه …… نمشي ممشه نياگهم مانستريح نخاف خاف گبالهم وحدة تطيح وانتم ابين الموذر والذبيح خلص طفكم واحنا هاي اطفوفنه ……… ناس تضحك ناس تشتمنه وتروح وناس ترمي حجار من فوگ السطوح واحنا مابين المجتف والينوح والسياط انطبعت اعلى چتوفنه ………… بالنهار يصير مسراها الضعون وعمده باوساط المدن بينه يجون يساره واعلينه الخلگ يتفرجون بلايه والي ونرتجف من خوفنه ………… بلا غطة وشي حافيه وشي اعلى نوگ والهزل چتالكم بيهن يسوك عمده كل ما يضعن يمر اعلى سوگ بلايه غيره وبالسواگ يطوفنه ……… مالهم نخوه ويضربون الاسير وبالطبول الناس تتلگه المسير طحنه بيد الماكو عدهم مايصير وانولينه ولا غيور يروفنه ……… بالشتم والضرب گضينه الطريج وحالنه يبچي العدو گبل الصديج درب غربه ومامش ويانه رفيج وتاكل احبال السبي بجفوفنه ………… گبال باب الساعة وگفنه يزيد مچتفين تشوفنه الوادم يريد ويذبح بسجادكم طوگ الحديد ويم هذاك الباب طال وگوفنه ………… وما انسى شما طولت بيه السنين شلون للمجلس دخلنه مربطين يزيد سبنه وضحك مروان اللعين وسلت الكوفة علينه سيوفنه ………… يا آل هاشم ابد ما عالبال جان يزيد بينه گبال مروان استهان ويضرب شفاف السبط بالخيزران وعاف ملتنه ونكر معروفنه رائد الناشي #اللهم_عجل_لوليك_الفرج

انه مـــادور ويــاك واريدن جيب لو هاك ولا اريد بثواب الخدمة اداعيك انه كل همي وادم تلـطم عليــك **** مااسأل منــو الرادود لــو ويــن ولا ادور المجلس زيـن مــوزيـن انه عندي المهم تقبلها يحسيـن وجائزتي منشوفن دمعة بالعيـن المهـم عنـــدي القصيدة تنقـــرا بمجلس واريــد اليسمـــع بعظـم المصـــاب يحس جوابي من انسأل ظام دمعــة بعيــــن لطـــام واگول اكثر بعد شتريد ينطيك انه كل همي وادم تلـطم عليــك ****** ابد ما احسب حساب اليمدحون ولا اكتب وافكــر تنقــرا شلــون كل همي لمصابك تبجي العيون واشوف الحرگة بگلوب اليلطمون كـــل همــي القصيدة تبجـــي خدامك واشــوف المحتــرگ وي حرگت خيامك واشوف بلطم الصدور گلب لحسين مكسور حته بكسرة ضلوعك يواسيك انه كل همي وادم تلـطم عليــك ****** انــا مــادور الـــرادود مشهــــــور ولاهمي تگلــي النــاس مـاجـــور اريد اللي بضميره يعيش عاشـور والمگطــوع گلبه لگطــع النحــور ادور مجلســك مــــــادور الشهـرة واريد المجلس البي تحضر الزهرة خلــي المجلس زغيــر واذا مــابيه تصـويـــر انا عندي المهم يحسين يرضيك انه كل همي وادم تلـطم عليــك **** مـادور أجــر لـــو صيت ويــاك اجري من اسمع الرادود ينعـاك لاتنطيني يا مولاي بس هــاك شمضيـع بنــادم كـــون يلگــاك اجر ماريدن من اكتبلك حجاية ادور لمــة الــــوادم بالقــرايــــة يل متفضل هواي وابد ممقصر وياي اريد بلا مقــابل مــرة انطيــك انه كل همي وادم تلـطم عليــك ***** مااكتب واشــوف النـــاس شتگـول شريــد اكتب وهــو حسين مكتول شنو اليوجع وصدرك داسته خيول شمـا اكتب اهم شي يكون مقبــول القصيدة التنكتبلك حتى لو حلوة اذا مــو خالصة لوجهك فلا تسـوه فقط بس انت لاغير شرك وياك ميصير اذا ما اعيش طفك المن ارثيك انه كل همي وادم تلـطم عليــك

https://youtu.be/6WQa3SIOEWM?si=47wjIPIhIhA4536G

بله يسايج ناگتـي  مرني اعلــى عبــاس خليني انشده شلون روحتنه وي هالناس ــــــــــــــــــــــــــــــــــــــ مرني ياحادي البل على زين الرياجيل خله يشوف شحــالنه فــوگ المهـازيـل وخلينــي اگله عنكــم يريدونــه نشيـل تحدي الاجانب بالضعن وانتم مجاتيل احنه بهزل وانتم بلا فراش وفـراگكــم للچبــد نهـــــاش ماظني هاي احوالنه تسرك يفراس ــــــــــــــــــــــــــــــــــــــ ياسايج ضعون اليسر مرني اعلى الجتول خلينــي اشوف بروحتــي عباس شيگـول وي الغرب ممشــه الحرايــر ماهــو مقبول نســـوان كلنه والطريــج صعــود ونـــزول لازم لهل النسـوان رجــال بيده يعدل الضعن لو مال ما يصلح تعدله الغرب يعصابة الراس ــــــــــــــــــــــــــــــــــــــ يلزم رفيج وي الضعــون التمشي لبعيد يباري المحامل بالدرب من تگطع البيـد والبل يحادي البل تراهي حـارس تريـد والدرب عثرة وهاي وادم موش اجاويد حــرة واخوتــي سبـــاع كلفيـن ويحدون ضعني الموش خيرين بنت الاجواد شلون ترهم بيد الارجاس ــــــــــــــــــــــــــــــــــــــ اوچب يحـادي البل على جثــة ولينـه بله ارد انشده ياهو اليسوگ الضعينة وياهـو اليگــوم يفك الاحبـال مندينه نگطع فياي ويالاجــانب مــاهي زينة چيف الردي والثوبة ملثوگ عگب النشامة لناگتي يسوگ ضعنك يطاعون الرجال بغير حراس ــــــــــــــــــــــــــــــــــــــ ممشه الحرايـر وي اجــانب ممشه موزين والظعن خالي من الحرس لنته ولا حسين لــو رادت النســوان حـاجـــة تطلب منيـن تحـاجـي الغرب زحمة يبعد الروح والعين زحمة الشريفة تحاجي الاجناب أحسب لهــاي وغيرهـــا حسـاب وين الگبل ماطالعة وببيوتها احلاس ــــــــــــــــــــــــــــــــــــــ يامسندي لو مال  راسي وحملي لومـال سولفي بله برچبتي اعلى ظهور الجمال وحريمكم يابــو الفضل مــابين الانـذال وتدري النســاوين بسفــرها تريد رجـال ماهو مناسب نومك الحيـن وميســرات بنــات الحسين اگعد يخيي صواب خصمك للعظم جاس ــــــــــــــــــــــــــــــــــــــ يهلي يفكاكة نشب يـاروس الگــوام ماظنتي حيود المثلكم ع النگــا تنام يوجـوه تخلس بالعرك ما لافها لثـام بالدواوين وبالـوغــى تطبـون جـدام صدور المجالس والصناديد مگعــــاد الكـم يالأجــاويـد ماغيركم بصدروهن يسباع جلاس ــــــــــــــــــــــــــــــــــــــ يولاد هاشم يهل الحمـول الثجيلات ولفعالكـم يهل العـزم مـا يلزم إثبـات مر الهضم بخواتكــم وامسن ذليلات وما سامعين بآل هاشم ع الذل تبات عن العمـايــم نفضو التـراب ياهلي وسلوا سيوف تنهاب وين السبع والضيغم وبالحرب خلاس رائد الناشي #اللهم_عجل_لوليك_الفرج

حيهم يا عمام حسين طاح حسين من مهرة واليتـه الزلــم ويريــد منكم واحــد يحضره ــــــــــــــــــــــــــــــــــــــ حيهم يا عمام حسين هذا حسينكم وحدة طايح والزلم والخيل هدت لــي فرد هــدة مـــا صح بالخلكَ نغـــار عنه العـــايل يرده اول تالي هيج حسين حته اخوان ما عنده الكلها تطيح جدامه سلبو منه العمــــامه ولا فزعت كَرابه وياه ولا من ناصر ينصره ــــــــــــــــــــــــــــــــــــــ مامش زلم بالصيوان ظلت حتــه احشمهــا لزينب يهـل زينب ليش مــافزعت ولد عمهــا ظل اعلى الرمل مطروح ابن سيد مكارمهــا طاح وعنده بس نسوان ركضت ليه من خيمها هضيمة وحيل موسهلة بس نســــوان تفــزعلــه وعلوياتكم بالبر ركضن والدرب عثرة ــــــــــــــــــــــــــــــــــــــ ركضن صوب ابو السجاد من فزعت الخيــالة شـافنــه بهـــذاك الحـــال كَــامن يبجن لحــاله ذنــي مدللات حسين مـــا يتحـــاجن بجــــاله هسه حسينهن مــن طــاح صارن بيد جتـــاله هسه الهضم كاتلهن من طــاح المدللهن ومن ينطر فجر للشام وراهن ع الهزل سفره ــــــــــــــــــــــــــــــــــــــ ركض وملافت وعثرات من الخيم للحـــومة اطيحن من يطكَوني واحير انوب بالكَـــومة وصلت يمه ولكيته يلوج والحر غير ارسومه صدك نايم لكيت حسين بس شلونها النومة شفته وعسن لاشفته يتكَلب عــــزيز اخته يصيح الماي اريد الماي كَلبه من العطش جمره ــــــــــــــــــــــــــــــــــــــ بس انه افزعت لحسين مــا صحت زلـم تنغــــر خلصت الدرب لوعات نوبه انهض ونوب اعثــر لكيته من التعب مكَطوع نفسه وميت من الحـر الف وتسع مية صواب بيه وبعــد بيــــــه اكثــر حرت يا جرح اضمدنه اخ يصيـــح اسمعنـــه اشدن يا جرح بحسين وبي من كل كتر طبرة ــــــــــــــــــــــــــــــــــــــ من فوك المهر للكاع طيحت شيخكــم صعبة لا ظلت عشيــره ويــاه لا خـــوان لا صحبـــه كبل الذبح يطلب مــاي محـــد يقبل يشربـــه ومـن بعـد الذبح سلبوه وسحكت خيلـهم كلبه طايح شيخكم زحمه بيـد المــــالهم رحمـة من كثر السحكَ بالخيل ضلوعه انطبكت بظهره رائد الناشي #اللهم_عجل_لوليك_الفرج

ليش الشمس مستعجلة بطلعتها ماتدري زينب گاعده وي اخوتهـا تحاجي الحسين وتلتفت للعباس وتگله عشرتكـم لباجـر حدها ــــــــــــــــــــــــــــــــــــــ كعدت ابين اثنين وشلون اثنين ع اليسره ابو فاضل وع اليمنه حسين گبل السوالف رخصت دمع العين كلهم اعزاز تحيرت تبدي منين تودعمن وكلهم عزيزين تشم الگمر وترد للحسين يابعد اختكم كون اموت وياكم جا شنهي ظلت زينب بلياكم للنوح اختكم واللطم ظلتها ــــــــــــــــــــــــــــــــــــــ تحجيلهم بس الحچي يشيب الراس باجر تگلهم وحدي ابين الناس مهيوبة بيكم والخدر ما ينجاس وشلون باجر لا انته ولاعباس يسكتونها وانوب يبچون لمن تگلهم باچر شلون كل ساع واحد منهم يصبرها وتذكر الفرگه وينسكر خاطرها ويبجون لو شافو جرت دمعتها ــــــــــــــــــــــــــــــــــــــ واحد يصبر الثاني وبگلبه النــار وتسأل وشيجاوبها عباس احتار وحسين يبجي لصوبه لمن تندار ويگلها بس هالليلة يمج خطــار يبجون كلهم والبجي بصوت يشوفون اختهم واصله الموت تسكت شويه وللبجي انوب ترد ينغمي عليها ومن بجيهم تگعد صعبة وتگطع گلوبهم حالتها ــــــــــــــــــــــــــــــــــــــ گالتله يــاعباس حــاجيني شلــون محتارة اظل باجر وكلكم تمشـون ياريت باجر گبلك تموت ام عـون يعيون زينب باجــر بلايه عيـــون عيونك تروح وجفك يطيح بعدك لواحد خويه ماصيح وي طيحتك باجر تموت الخوة يمدلل اختك يالتفـــوح مـــروة بعدك حجاية خويه ما گالتها ــــــــــــــــــــــــــــــــــــــ يحسين خـويه ويــاك بس هـذا الليل وتنفض العشرة الصبح والخوة تشيل ومنيـــن بـــاجر زينب تجيب الحيــل وصدرك گبال عيونها تدوسه الخيـــل يحسين ياهو المثلي مفجوع بالخيمة واسمع صوت الضلوع جــدام زينب باجـر يذبحونك عطشان خويه وماي مايطونك ياخويه وين انطي الوجه ساعتها ــــــــــــــــــــــــــــــــــــــ اتمنى هـــاي الگعدة كــون تظل دوم ويم زينب تظلــون مــو بس اليـــوم من وجه ابو فاضل تظل بس رسـوم وبـاجر منين نجيب لحسين هــدوم خلص الليل وبعد ساعات يصيحون يله حسينچن مات فرّن يعلــويــات من الخيمة وتطشرن كلچن بهاي الهيمة وشلون بيها الخيل لو سحگتها ــــــــــــــــــــــــــــــــــــــ نتوادع وگلش گصيرة الليلة وخلافكم محد يظل نشكيله ذباحكم باچر يطگنه بحيله ويتراكضن بالبر رباب وليلة يتراكضن من تفزع الخيل والركض زحمة اعلى المداليل باچر بنياتك احتار بلمهن من تنذبح وتطيح راية عمهن وچــم حــــرة باچــــر تحترگ خميتها رائد الناشي

الليلة نـامو ع التـراب الدللونـه الليلة حارسنه غريب وموش اخونه امس جنـــه مدللات وهسه المدللنه مـات الليلة كلنـــه بحبل واحــــد جتفـــونه ــــــــــــــــــــــــــــــــــــــ امــس جنــه مــدللات بهيبــة وبعــــزة نـفس وابد ما يرضون اهلنا وجوهنا تشوف الشمس اليوم طكَونه وبجينه وشدنه بحبــال الــرجس دارت الدنيا اعلى زينب وين هسه ووين امس امس تحــرسني السبــــــاع هسه وحدي وكل شي ضاع وهذا حال الكل اخوته يفاركونه      الليلة كلنه بحبل واحد جتفونه ــــــــــــــــــــــــــــــــــــــ جانت حجايتنه تمشي وماكو جلمة بلايه رد والاخـو لـو ردنه حــاجه يجيبهـا كبل الولــد مالنه حجاية ويه واحــد هسه والعِــز انفكَــد وراحت ايــام الدلال ومـاكو شتكَـــولن بعــد الليلة ضيعنـه الــدلال امس حـال وهسه حال الجان خادم عند ابونه يسب ابونه الليلة كلنه بحبل واحد جتفونه ــــــــــــــــــــــــــــــــــــــ الليلة ممنوعه البواجي وينزل بسكته الدمع الليلة بهــداي الونين وصوتجن مــا ينسمع الماله وادم ماله جلمة ومـن يسولف ينمنع ومن ينوح ينوح سكته ويحتركَ مثل الشمع الليلة لحد تبجي حيل ننسمع والدنيــا ليــل وخاف لو سمعو بجينه يشتمونه الليلة كلنـه بحبل واحــد جتفونـه ــــــــــــــــــــــــــــــــــــــ شالـو الكلهم محنه وصرنـا بيـد المـا يحـن كَبالنه يشتمـون اهلنا وتنطكَـ بسوط التـــون عدهم المذبوح اخوها اعليها ممنوع الحـزن واليطكَ ما عنده رحمه وتوجع سياط المتن علينــه ممنـوع النحيب بخيمة والحارس غريب الفاكَد شلون اعلى دمعه يحاسبونه الليلة كلنــه بحبل واحــد جتفـونــه ــــــــــــــــــــــــــــــــــــــ الليلة بالبـــر گعدونــه بلا فـــراش ولا غطـه الليلة نســـوان الهـــواشم بالحبــال مـربطـه نهضمن وعبـاس اخــوهن كلش عليهن بطـه مدللات حسين صارن وسفه بيد ابن الخطه لا فراش ولا خيام ويفز بالسوط الينام بالسياط التغفه عينه يكعدونه الليلة كلنــه بحبل واحــد جتفـونــه ــــــــــــــــــــــــــــــــــــــ حرمة متعوبة وجبيرة ووحدي وماهم هلي هاي اول مــرة حــرمة مـن ال هاشم تنـولي  كلهـا نسوان ويتـامه وحيلي مـوش الاولـي والربـاب تريــد ابنهــا وليلة تشتـاكَـ لعلــي حايرة وحگي منحير بذمتي زغير وچبير اجبيرة اختكم والجبير يريد عونه الليلة كلنــه بحبل واحــد جتفـونــه ــــــــــــــــــــــــــــــــــــــ آه يــا فگد العشيرة الصــابنــي بنص الگلب البارحة العباس يمي وهسه تحرسني الغرب باجــــر الهــزل رچبنه وكلش بعيــد الـــدرب محد ويانه من اهلنا والتحشــــم تنضـــــرب باجر الممشه اعلى نوگ والعــدو يطببنـا سـوگ واحنا نسوان وفشل لو طببونه الليلة كلنــه بحبل واحــد جتفـونــه رائد الناشي #اللهم_عجل_لوليك_الفرج

دورتك ابيـن المجــاتيل مــاوچديتك والوكت ليــل حاجيني گلبي انگطع يحسين لاويــن جسمك ودته الخيــل ــــــــــــــــــــــــــــــــــــــ طلعت من الخيم بالليل وانگل بالجدم گوة كل ساع اعثر بمچتول اگلبه وطلع مو هوه ضاع وما لگيت حسين لو ما ريحة الخـوة موذر وجسمك تارس الكَاع سحكته الخيل وبالرمل ضاع والمثل صدرك للشم يصيــر مو للسحك ياحلــو الاطباع يحسين شلها وياك الخيول شمسوي خويه وداستك حيل ــــــــــــــــــــــــــــــــــــــ بحوافر خيلهم ظليت اشمن ريحة هــدومه اندليته ورغم جانت جثيرة اجساد بالحومة مذبوحين بس حسين عنهم مختلف نومـه ما ينعرف من كثر الجروح من دونهم ع الوجه مطروح على ظهورها نومه المجاتيل وحسين من الظهر مذبـوح كل جسد طايح كل شي مابيه بس هــو بي مثلـــو تمثيل ــــــــــــــــــــــــــــــــــــــ عليك تعطلت يحسين يبن امي اختك اعذرها ليــل وما اوجـــد وين جثتك حتــه ادورهــا ماخذتك الخيل بعيــد يبن امـي بحــوافرهـــا ماهو بمجانك ليش يحسين گلي الحوافــر ودتك ويــن شوفي رچيچ ومـا اندليت شاف الگلب ما شافت العين شوف العيون منالتعب راح وبعده الدمع ما بطل يسيل ــــــــــــــــــــــــــــــــــــــ شفتهـم كلهم بلا روس يمك ولــدك وكَــومك نومتهم عدل يحسين وانته اعلى الوجه نـومك مذبــوح ورضيت بهــاي ليش مسلبه هدومك كَلبك منالحر والعطش ذاب عريان خويه وحار التراب خنصرك ماهو ومحبسك وين مــاخذهن منيــــدك السلاب شيسوي بالزينين ياحيف لوراد يجفي الدهر ويميل ــــــــــــــــــــــــــــــــــــــ مريت اعلى جثة عون بس وداعتك عفته سابح بالدمه ومطروح ما مريتلــه وشفتـه ع التربان عفت ابني واجيتك يا عزيز اخته كل الاعزاز وموش بس عون لطولك سبع فدوات يرحون يحسين يــا اغلى منالــولاد فراكَك خذه الشوف منالعيون يفت الكَلب يافكَد الاخوان ويعمي العيون وياخذ الحيل ــــــــــــــــــــــــــــــــــــــ اجيتك وحدي وخليت بس نسوان بالخيمة مــا اندل مجانك ويـن ادور عليك بالهيمة انشدمن وانه الوياي كلمن ملتهي بضيمه بالموته اكَلب هلبت الكَاك واتلفت وعينـي اليتاماك يل ما معودني اعلى الفراكَ حـــن الكَلب ويريــد ملكَاك يل خذت روحي بروحتك هاي ماظل صبر وفراكَك يعيل ــــــــــــــــــــــــــــــــــــــ خويه منين اجيب الحيل وارجع بيك لخيامي يبعد الحيل راح الحيل من ذبحــوك جدامي بعد ما استلذ بالماي بعدك يل متت ضامي كون اخذك للخيمة وياي بالفي وابلل نحرك بماي مصهور جسمك موش ذبلان بالشمس والحر صارله هواي يل فاركَتهن ظلن ايتام خليني اردك للمداليل رائد الناشي #اللهم_عجل_لوليك_الفرج

بيــن الخيــام وبينــك يگـوم ويطيح حسينك عبــاس مــاظل حيـــل مــن گالـو مـــات شافوني من طحت اعلى وجهي الشمات مكسور محد كالي الله يعينك ــــــــــــــــــــــــــــــــــــــ انت صحت ادركني وانـه ياعلــي ادركني صحت صاحلـي العبـــاس يمكـن مــــدري انـــه تــوهمت توني ردت انگل اجدامي وماعنت روحي وطحت من دارو عليك وصحت وصلت لذاني الصيحة من الخيــام لمصرعك كالســاع اطيحن طيحة مـــن المخيــم ليــك شـــابــع طيحــــات شافوني من طحت اعلى وجهي الشمات مكسور محد گالي الله يعينك ــــــــــــــــــــــــــــــــــــــ من وصل صوتـك لذانـي واگف وظهري التـوا اشهك بكل حيلي لاجــن ما يطب ريتي الهوا كــون الاخـوان المثلنــــا تصيــر موتتهم سوا جرحـك طعن گلبــي برمح مثـل باقي جروحـي امشي وگبل لا اوصلك ردت الله يـاخذ روحــي عبـــاس لــــو تدري شثگلهــا الخطـــوات شافوني من طحت اعلى وجهي الشمات مكسور محد گالي الله يعينك ــــــــــــــــــــــــــــــــــــــ امشــي ومتيـه طريجــي مدري من ياصوب اجيك واسمع يصيـح المعسكــر مــات اخـوك شلــون بيك شعجب يا شيخ العشيـرة تگوم وتطيح اعلى اديك خلاك اخوك بلا ظهر تمشي وتدير بعينـك تعثر وتنهض وحدك مالك اخــوان تعينك توجعنــي كلش سمعــونــي حجــايـــات شافوني من طحت اعلى وجهي الشمات مكسور محد گالي الله يعينك ــــــــــــــــــــــــــــــــــــــ يل ترست عيوني خوة المثلك يعوضونـه بيش انته مــاكاسرلـــي كلمة هسه كاسر ظهري ليش مـــا مضيع واحـــد آنـه بفگدك مضيعلي جيش حسينك يعباس انكسر بعدك ظهر ماعنـده المارادله حجاية گبل رديته هسه لــوحده مــو تــدري اخيـك مالــه حيـل اللجمــات شافوني من طحت اعلى وجهي الشمات مكسور محد گالي الله يعينك ــــــــــــــــــــــــــــــــــــــ يعبــاس حسينك آنــه الجنت ماترضه انهضـم تعبـانـي فــراگ وجهك وافحـط بنگــل الجــدم مـو كسر خاطر واگولن طيحتك كســرة عظــم واگــف عليك وتيهت يــاروحي لا مــو هـــوه متــرب ووجهك بالدمـه ضــايـع يملح الخــوة مــاهن عيـــونك يبـــو عيــون الحلــوات شافوني من طحت اعلى وجهي الشمات مكسور محد گالي الله يعينك ــــــــــــــــــــــــــــــــــــــ ميت يحـاجيلــــه ميــت هــذا حالــي بطيحتــك خوية شنهي الشفته مني وطيحت فَـــي خـــوتــك لــو ويــــاك ينـــام اخيك لــو تفـــز مـــن نـــومتك اگعد تلاحگني النفس ظل مايطب بريتي عباس كل شي يوجعك يندار ليه امنيتي يــــابعــــد عينــي عيــونك المطفيـــــات شافوني من طحت اعلى وجهي الشمات مكسور محد گالي الله يعينك ــــــــــــــــــــــــــــــــــــــ بالــدرب مــرتنــي حــالة وبيهــا حيـل اتأثـرت تعثــرت بيــن الشمـــاتــه وضحكو من اتعثـرت گلت ياوسفه اعلى روحي ولملمت حيلي وگمت ترضاها يا تالي الاهل هيج آنه صـاير بيـه عبـاس گامـو من متت يتجــاسـرون عليه شحجيـــلـك وكلهـــن عَلَـــي ملتمــــــات شافوني من طحت اعلى وجهي الشمات مكسور محد گالي الله يعينك رائد الناشي 6/ محرم الحرام/ 1448هـ #اللهم_عجل_لوليك_الفرج

رد منحني وايده اعلى ظهــره والشيب غاطيه اعلى كبره يحسين كتله شصاير وصــاح عبـاس يختي اطـاج عمـره ــــــــــــــــــــــــــــــــــــــ رد بظهر محني ودمــع ردت الضيــــع كلشــي مــنالنهــر للخيمـة انجسم ظل بس خيال ويمشي يحسيـن كتلــــه بصيحتك شيبت كلبـــي ورمشــي من وجهك ومن مشيتك صاير اعلى عضيدك شي شفتك لفيت تكوم وتطيح كــد مارجيــج ادفعك الريح مابيك حته بحيلك تصيح نفسك ثكيل وشوفك اشحيح بس لا اخيك عافك وراح .... من غير تجوه بكاع صحره ــــــــــــــــــــــــــــــــــــــ مو هذا لونك من رحت خويه الفكر مستغرب يحسيـن مـدري تغيـرت مـدري العيون تجذب تــوك طلعت منـالخيم شـــاب ورجعت مشيب كَلــي ششفت يـــم النهــر خلاك هيـج تحــدب ماعرفتك مستغربه العين هذا الغريب الجاينه منيـن لا هوه لا موهوه الحسين ذاك السـواد بلحيتك ويـن متغيروموذيج الرسوم .... والحيل رايح فرد مرة ــــــــــــــــــــــــــــــــــــــ خويه شلكَيت اعلى النهر شيب رموش عيونك جنك بكَد مـا منكسر شـايل سمه اعلى متـونك حنيت هــلال منالهضم محنــي وتغيــر لـونك حاجــوك لاجن مــادرت بــالك لليحــاجـــونك محني اعلى طولك حنية ذراع مــدنك وراسك لايــح الكَــاع تنحب نحيب الفــاكَد اسبــــاع بس لا حزامك ع النهر ضاع هذا اعلى ثوبك دمه يحسين .... لو صبغته دموعك الحمرة ــــــــــــــــــــــــــــــــــــــ زينب شسولف والكَلب بعيوني شفته مـوذر هذا انه الحسين الصلب كمت بخيالي اتعثـر الكاتلنـي صـار تلث وصل يازينب ويتعـذر عباس لوزارع وفه بكلب الصخر جا خضر ظهري انكسر وانفل الحزام عباس خلاني وغفه ونام مــاكال نتفـــارك لجـــــدام زينب المثلي شلون ينلام عباس واحد وانتي تدرين ... كسرة الواحد بالف كسرة ــــــــــــــــــــــــــــــــــــــ من صاح خويه تحيرت من يا طريج المصرع بس سيـدي بطول الوكت من حلكه جانت تطلع حسبــالي عــود الكــا عدل ثاري حجـاها مكطع زينب اليفكد هيــج اخــو مــو حكــه لمن يجـزع اليفكد مثل عباس معــذور لو شاب راسه وظهره مكسور هسه يزينب صار عاشور مـن فــاركت حمــاي الخـــدور وانوب ضعتي وضعت وياج .... وحسين هسه انكطع نحـــره ــــــــــــــــــــــــــــــــــــــ بديت يم طولـــه الصبر كلي وطحت يــم كلي لا تحز راسي مروتك خـــل يجي حسين يكلي كتله انه الحسين وصحت عباس يا بابعد اهلي خليتني المن يالاخـو ميت ويــــــاك احسنلــي مـــادري المن ظال هناه ما متت مدري شمالني وياه زينب على العباس ويلاه حــركت سهمـه وكالي احـاه عود ارد اوخره وما رضه وكال .... خلي بعيني ولا توخره ــــــــــــــــــــــــــــــــــــــ هســـا يزينب بينت بحسين اخــوج الخله وانــوب المــوادع بـــده والخل اليفارك خله عبــاس جيشي ومن مشه تشتت العسكر كله بالعركة يختي الماله اخو يحتار بوداع اهله وصلي سلامي لام البنين مشكورة كلها يكول الحسين المن بعـــد عشرة تربيـن مـا كصروا ولــدج مكفيـن وكليلها يكول ابو السجاد .... عباس عن مليون عشرة رائد الناشي #اللهم_عجل_لوليك_الفرج

صلى الله عليك يا أبا عبد الله

هـاي الخيل مسلم گوم لاگيهــا يومك حان  ظهرك موش تطيها ــــــــــــــــــــــــــــــــــــــ هاي الخيل .. گوم اسمع صهيل الخيل شد الحيل .. خلهـا تشوف بيك الويــل ياجحجيح مــن تسحگ الگـاع تميــل صـل يـاسـام يـل سيفك حجر سجيل عزرائيل .. ياهــو الگلهــا بيك تعيــل لا رف جفنك ولامعترف بيها ــــــــــــــــــــــــــــــــــــــ يا صنديد.. شوف الگوم شنهي تريد خاف تريد .. راسك جي بگيت وحيد موش تحيــد منها ولا تمــد الايــد هــا يبن السبــاع الگاطعين البيد كون تعيد... خيبر بيها كون تعيد ركه بحيل صدرك لاتراويها ــــــــــــــــــــــــــــــــــــــ سل السيف .. هذا اليوم يوم السيف لو بالكيف .. محله الموت لو بالكيف يمكلف بــواجب والحـرب تكليـــف اريد اليوم تاخـذ من غريمك حيـف هـا يمخيف .. سير للمناحــر ضيف باولها استعد ودوس تاليها ــــــــــــــــــــــــــــــــــــــ كص الروس .. كلها وع المناحر دوس خلها تبوس ... جفك يـاربات الشـوس خطاف النفــوس المـــا تجهبه نفــوس احني ظهورها من الخوف حنية قوس يا لَبّـــاس .. ثــوب الگبل مــا ملبــوس تيَّـهـهـا الطريج ولا تدليهــا ــــــــــــــــــــــــــــــــــــــ رخص الروح ... مسلم ها يبعد الروح خلها تنوح ... حط فوگ الجروح جروح والمذبوح خل يحسد الما مذبوح ماترهم حمل هاشم يظل مطروح مامسموح .. تبرد ابد مامسموح بعد امي الشوارب بيدك الويها ــــــــــــــــــــــــــــــــــــــ يا ضرغام ... گوم الحد يريد زلام لاتنلام .... حانت گوم شد حزام لوطاحت زلم بيد الزلم تنضام يامسلم على الذل مايصير تنام يا صمصام ... فرّع لا تلف لثام علمها الحچي وبالسيف ربيها ــــــــــــــــــــــــــــــــــــــ ياطــراد ... يل بالحرب ماتنــراد خل امجاد ... عمك بالحرب تنعاد يــاجيــدوم يـاسم العـرك يعنــاد شيل الگاع واگلبها بثمود وعاد يــارداد ... زلـــم المالهــــم رداد خل سافلها هسه يصير عاليها ــــــــــــــــــــــــــــــــــــــ موش تلين.. شد عزمك وموش تلين ها يازين .. واهلك بالحرب كلفين ياواحد فرد يل ماكو منه ثنين ع الحاجب شلون يصير تعله العين ياخو حسين .. خل يشيل راسه حسين هل مرة الرسايل صدگ وديها رائد الناشي #اللهم_عجل_لوليك_الفرج

ياروحي موتي شلون ماچان بالظعن ماخلـولج مچــان ايد بغراضي وبالضعن ايـد واركض ومحد گال شتريد ياروحي موتي شلون ماچان ــــــــــــــــــــــــــــــــــــــ وياك اريدن بالضعن گتله وسكت من گتله الخايف عليه من المرض بالفرگه ليش تكتله المـا يحملــونــه هَلـــه الــوادم الغربــة تملــه والعلة مـوش مـن المرض مــن الفــراگ العلة موت الله بس لاموت الفراگ وآنه الصبح والمغرب اشتاگ فراگ النحبهم مو حجي لسان ــــــــــــــــــــــــــــــــــــــ ركبهم وساگ الضعن شفته وصحت جا وآنه لميت اهل گلبي ورحت ماگتلي گومي ويانه انت الحنين اللــي جنت مـاتغفــه اذا زعــلانه هسه انه بــوية بفرگتك متعلعلــة وتعبــانـة ماادري المن ظالة الــروح وياهو النحبه يخلي ويروح وبالگب هجره يعوف نيشــان ــــــــــــــــــــــــــــــــــــــ چلبت باطـراف الضعن مــن نزلانـي وســاگه وزغيرة نگلات الجدم ما تلحگ اعلى الناگـه يگلولي ردي اشلون ارد وانه ادري مانتلاگه ياروحي لو متيه الصبح احسنلج من فراگه ياروحي ميته ولاتشــوفين يبعد شوية شوية الحسين راح وتركلج بيت الاحزان ــــــــــــــــــــــــــــــــــــــ المن تريدين اشتكي وجرحج يروحي من اهلج والعيشــاج مدللــة مــــن الضعــن بيــده ينــزلج بس انتــي عافــج ماخذچ والمشن كلهــن حلـچ يــاروحي توجــع كسرتـــج محــد نعــافت مثلج المــــن بعــد يــاروح تاليــج والجــارحينــج منج وبيج لو غربة جا گلنه الجرح هان ــــــــــــــــــــــــــــــــــــــ ياروحي ماينفع دوه لگلب التجرحه اعزازه ياكبر همه الكل هلـه يعوفـونه وكت العـازه المن بعد ننطي الوجه ياروحـي من نتـوازه الكل عمره ماكاسر گلب ليش بهجر يتجازه الما جـارح احــد ليش ينعــاف من وره ضلوعه وجرحه ينشاف بالگطع يتجازون الحنان ــــــــــــــــــــــــــــــــــــــ لامن خذوني ولامتت المن اظل ماادري يا اهل مثل اهلي گبل عافو بنية بعمري لمناطر البيبان اظل لو للدموع التجري عافوني مكسورة گلب وتعلعلت من زغري ليل ونهار مگابله الباب لامن خبر لا طاري ينجاب خلوني لمناطر البيبان ــــــــــــــــــــــــــــــــــــــ أيست من ردة هلي ومنهم گطعت الظنة لاضحكة لا گعدة مسا ولا جف بعد يتحنه الملجوم يتهنى بدمع وبغيــره مــا يتهنـه هلبت يمرونـي بحلم كل مـا انــام اتمنـه كون الاحلام تصيـر بالكيـف وبس التريده تشوفه بالطيف ويوميـة بالغاليـن حلمــان رائد الناشي #اللهم_عجل_لوليك_الفرج

سليب ، وكل شي من عندك عالَــم ، بس متت وحــــدك وطن بس غريب حبيبــي حسيـن ــــــــــــــــــــــــــــــــــــــ جم غيمة ونهر عطشان يم شفافك اتعثر عافر والكَمر خجلان تحله شما يجيسك حر يااول ورد مسحوگ من يعطش يرد اخضر جم وردة وغصن زيتون وي ضلوعك اتكسر يعطشان ورويت الطف يل مــن الــورد ألطــف حبيبي حسين ــــــــــــــــــــــــــــــــــــــ اذا سير عليك الليل يخجل من ضوه عيونك غالي من الجدم للراس هل ركضوا يسلبونك رادو للــورد ذبــاح جــي لــون الــورد لــونك ثواب بكربله اعلى الگاع بالحـافر يوزعونك تلـم الدنيــا ومطشر كـل مـــا تنثلم تكبـر حبيبي حسيـن ــــــــــــــــــــــــــــــــــــــ كلما اريد اكتبك موت اشوف حروفك تورد يــا اول ستــر بالكــون من ثيــابه متجـــرد من شفت السهم منبوذ بچبدك قـررت يگعـد الماي شما يشح اعليك من يعطش عليك يرد يساجي الدنيا من مايك العطش متبلل وجــايـك حبيبي حسين ــــــــــــــــــــــــــــــــــــــ عطش روحك نداوة غيم لكل هندس تسير ضي جي تروي العطش هل صار دمك يسوه ملك الري مسچ يمعطـر التــاريخ شمـــا شيب تــرده اصبي يعــاري وســاتـــر الدنيــا ينايــم بالشمس يــافي سترت الدنيــا بهدومك حلو شما نزفت رسومك حبيبي حسين ــــــــــــــــــــــــــــــــــــــ مـن شفت الزمن ارمد ردت مـن دمك تكحله گالـولك ثمــن رفضك دم نحــرك گلت سهلــه التراب اللامس خدودك صار من الذهب اغله شفتك عكس اليموتــون كل مــا تنجرح تحله كـل ماتكثـر جـروحك الورد يتزاحم بروحك حبيبي       حسين ــــــــــــــــــــــــــــــــــــــ كتبت بمنحـرك قانــــون منك كلهـــــا تتعلـم الغريب الماتنصره الناس يگدر ينتصر بالدم الغيــور الينجرح يرتـــــاح بس بالذلــــة يتألم طالــــع بالسهم ثلثين چبــدك وانتـه مــامهتم لاگيت الذبح تضحك تتباهى بكبر جــرحك حبيبي حسين رائد الناشي #اللهم_عجل_لوليك_الفرج

https://youtu.be/5UmesO8B2Ac?si=FwKmfIc8SIB9sWGG

اليوم ألاويها وأكسر اخشومها وخــل اميــة تفـزع بكل گومها ــــــــــــــــــــــــــــــــــــــ اليوم اكسر أخشومهم واطوي الرگاب واگلب العسكـر علــى العسكــر گــلاب اليــوم أوصل ادمومهــا لحد الرچــاب يبين اليــوم الصگــر مــن حـــومهـــــا ــــــــــــــــــــــــــــــــــــــ اليوم اگردسها واسد بيها النهــر اليوم أراويها الزلم من يـــاظهــر اليوم ألــوع گلوبهــا وتشبع قهــر اليــوم اخلــي الفـزعاها يلــومهــا ــــــــــــــــــــــــــــــــــــــ شــد عليهــا وعهد زينب مــانسـاه ومنــه فرت وانكسر جــف الـــواه الروس طارت والجثث ظلت وراه گطــع بيهــا ويـــوم الأكشر يومهـا ــــــــــــــــــــــــــــــــــــــ التمت بنص كربلــه وكــامت تدور وفرت كلوب الرجال امن الصدور لــزم بيــده أرواحهــا كبل النحـور توصـل لـزينب يريـــــد أعلــومهــا ــــــــــــــــــــــــــــــــــــــ توسط الحومة وطواها امن الشمال ودار صــوب الميمنــة وشـــد القتـال کامت امن خيولهــا أطيـح الرجـــال مــن دنـه الموت وگرب محتــومهـــا ــــــــــــــــــــــــــــــــــــــ العمد صوب هامته وزينب تشـــوف وطاح ابوفاضل صريع ويالجفـــوف صاح وحسين اعتنه يشگ الصفوف وغسل وجه المشرعه امن ادمومهــا ــــــــــــــــــــــــــــــــــــــ لزم خاصرته وكعد عد راس اخـوه وشاف طبرت هامته بيوم الولــوه صاح يا عباس اخوك استـوحـدوه وانته نايــم بالشمس واسمــومهــا ــــــــــــــــــــــــــــــــــــــ يابــو فاضل ويـن جــودك والعلــــم وعينك الحلوة شعمــل بيهــا السهـم ارخصني ياخوية ارد اشيلك للخيـم اختك فــراگك مغيــــر رســـومهــــا ــــــــــــــــــــــــــــــــــــــ شوف حالي وشعظم هـذا المصــاب وطاحت جفوفي رميـه اعلى التراب شرد اكـــل لزينب وسكنــه وربـــاب وأنه اخوهــا وبالعهــد ملــزومهــــا ــــــــــــــــــــــــــــــــــــــ كام محني حسين من هضم الجـره وظهره مكسور أعلى قائـد عسكــره ودع عضيــده ودمــع عينــه جـــره وهــاي عملت كربلـــه بمظلـومهــــا رائد الناشي #اللهم_عجل_لوليك_الفرج