قصائد مولاتي زينب (ع) في الطف

تعلمت من العقيلة (موشح ) تعلمت من العقيله ام الخدر كلمه الحق على الباطل تنتصر ★★★★★ تعلمت من زينب اسباب العزم وعالي صوت الحق يظل ما ينكتم بالزوال امر الضلاله ينحسم وينثلم سيف الضلاله وينكسر ★★★★★ علمتني زينب الكلمه اشد من بواتر جيش ما الهم عدد وما تمر الذله بالصابر ابد شما تمر ايام من ضيم وعسر ★★★★★ علمتني للقيم روحي تهون غير درب الدين ثاني ما يكون بعد اخوها حسين من شاف المنون كملت ثورة  مضامين وفكر ★★★★★ علمتني كل رسالي عادته الزمن ما يمنع ويحجب ثورته وفوگ كل چلمه قويه چلمته ولا يجامل ظالم ولا يعتذر ★★★★★ علمتني شما يراويني الزمن اوگف بوجه المواقف والفتن هي مثل الجبل متهاب المحن هزت الطاغين زينب بالاسر الشاعر حسن لعيبي الحريشاوي

آه وا ويلاه يازينب علي  آه وا ويلاه يازينب علي @@@ بنت ابوها الوارثه امن امها الفضل  الچانت ابهودج معزه تنحمل  وسفه للشام ادخلت فوگ الهزل  ابموكب امن الضيم كله ممتلي  @@@ الچان شايلها حماها اعله الچفوف  وسفه تالي تحمل فوگ العجوف شسوت ابزينب بعد خيها الطفوف راح عنها الگال خيه ادللي  @@@ الشام گبلت عالضعن متفرجه  والمنادي اينادي جبنه الخارجه  وبالحجاره هالضعن لا ما نجه  وبالحجر حتى انضرب راس الولي @@@ بالمزامير اعزفت فرحه البشر  وبالدفوف اعياد سووا عالنحر  والمنادي ايصيح هاي اخت الگمر ابنحرها السلسله ابدال الحلي @@@ واللي ازيد يفتگ اعروگ الوريد  تالي زينب تدخل ابمجلس يزيد  طببوها ابگيد مثلات العبيد  والنجس عالحوره صوطه يعتلي @@@ وشعظم هذا الصبر لام الصبر  وراس لحسين ابطشت تالي يمر  وعلى راسه يشرب الطاغي خمر وگلب زينب بالمصيبه يغتلي  @@@ الراد يحصي هالمصايب ما حصه ومكتوف للراس ادموه ابحصه لن يزيد ويضربه ابذيچ العصا وجرح شفت ابن خير العملي @@@ علي أحمد الحمود  ٥-٧-٢٠٢٦ الشام  السبي

#_السيدة_زينب قصيدة بحق السيدة زينب عليها السلام بت علي وخير النساوين  فكروا مسبية امتداد الثورة لحسين  ثورة صارت هية بزينب الدين انتصر   والكفر ظهرة انكسر ثورة صارت هية ====================== زينب ومن بعد ما طاح الحُسين  فرحوا امسلبيها ما دروا دم ابو اليــــمة البالوريد  هو نفسة البيها ذلت ايزيد بقصر حكمة العظيم  ياهو يوصل ليها تحچي من مركز قيادة بكل صمود  والحبل بيديها ما تذل الحرة هـــيهات   بت علي معروفة زينــــــــب ربات الاباة   ذلت اهل الكوفة بنهج اخوها والاثر    الكفر ظهرة انكسر ثورة صارت هية ====================== التنسبي عد الطغات الظالمين  تنذل ايخلوها وزينب اتوقعـــــوا تنذل لزيد  اتسرعوا سلبوها صح اسيرة وبالحبل مچتوفة حيل  وللقصر طبوها هدمت عرشة وصبح هو الاسير  اتورطوا جابوها القضية ابعكس تندار   والحكَ اتعلاها شما يحاول ذلها يحتار   شامخة يلگاها ثبتت نصر النحر   والكفر ظهرة انكسر ثورة صارت هية ====================== فكد كــــــيدك يا يــــزيد ولا نهاب   العلي علانة أسعى سعيك احنا نبقى مخلدين  ابآخرة ودنيانة انت ايامك عدد واحنا النعيش  خسر مَن عادانة احنا ال الــــنبي وانـــتم طُلقاء  ها يبن مرجانة شما تحاول احنا باقين   وانت من يتبدد احنا نبقى بطول السنين  كل وقت نجدد سكتت كلمن حظر   والكفر ظهرة انكسر ثورة صارت هية ======================= زينب وبس هية مــــرت بالزمان  الوريثة لأمها شافت اهوال التهد حتى الجبال  والحزن لازمها ورثت الكرار بالــحكَ ما تلين   الشمس شيضمها بالحنان حســـين صارت للعيال  رايتة سلــــمها حطمت صرح الطواغيت  والخصم هاباها الهه صار بكل وكت صيت  والزمن عاداها بيها الاسلام افتخر    والكفر ظهرة انكسر ثورة صارت هية ======================== هية عنوان الصـــبر والانتصار   منها ناخذ عِبرة صوتها الثوري يدوي بكل زمان  ما تموت الحرة صح حزينة والحزن فاق الخيال  وبالعيون العبرة بس بقت تمشي على نهج الحُسين  وكملتها الثورة صعبة لمن تطب ديوان   عالغريبة هواية من عليها الكان ما كان  حققتها الغاية ما تذل اخت الگمر   والكفر ظهرة انكسر ثورة صارت هية ========================== أسألكم الدعاء رائد الاسدي

لو صح بيدي ما عفتك يالحسين چا يمك بقيت ابچيلك العين ويلي اعليك يبن امي 1📜 لو صح بيدي صدك ما تركتك جان بروحي وبنص كَـلبي شلتك عنك بالغصب راحت تره اختك مو بيديه واليشهدلي بختك غصب عنك خذاني اميسرَّه البين لو صح بيدي ما عفتك يالحسين ويلي اعليك يبن امي 2📜📜 من فوكَـ المهازل ودعيتك ما خلوني اشم عطر بلحيتك لا لا تعتقد رحت وجفيتك صح عنك رحت بس ما نسيتك اشلون انساك يا فرحت هالسنين لو صح بيدي ما عفتك يالحسين ويلي اعليك يبن امي 3📜📜📜 درب الشام كَـضيته ابونيني كل ساعه وصور ذبحك تجيني كَـبلك من عساهم ذابحيني ولا شفتك ذبيح ابهايه عيني عسا نحري الذبيح ونحرك الزين لو صح بيدي ما عفتك يالحسين ويلي اعليك يبن امي 4📜📜📜📜 وي ذباح نحرك صار أسري آنه وغربتي ودمعات قهري ما أنصف زماني وياي تدري مسبيه خذاني بهاذه عمري مجتوفه بحبل والعمر خمسين لو صح بيدي ما عفتك يالحسين ويلي اعليك يبن امي 5📜📜📜📜📜 راسك عالرمح ما فاركَـاني خطوه بخطوه شفته اوياي اني كل ما طيح فوكَـ الكَـاع اجاني مكَـطوع النحر ما حسساني الي حارس يضل ما دام ماشين لو صح بيدي ما عفتك يالحسين [][][][][][][][][][][][][][][]]][]]][[][][][][] ✍️🏻 كلمات #موسى_الخادم ٢٠٢٦

اوداع زينب يا علي الـ وليانها ‏زلزل السبعة وفتك باركانها ‏ ‏خابر بزينب يوالدها الفحل ‏شما عليها من الزمان شجره وحل ‏ليل عاشر ودعت كل الأهل ‏مثل متودع الحمولة اوطانها ‏ ‏گامت ولحسين واليها مشت ‏لفت صيوانه وعلى حسين ادخلت ‏سلمت لاچن على راسه اوگفت ‏شافته يتلو بسور قرآنها ‏ ‏گام لمن شاف زينب ليه لفت ‏حيه بيها لاچن عيونه اسچبت ‏محيرة وعن جانب يساره اجلست ‏عرف ما بيها و علم بشجانها ‏ ‏نادته يا سورنه وعز الاسلام ‏ما ترخصني يضيغيم يضرغام ‏ارد اسولف لك يبو اليمه كلام ‏يگصر اختك من تراك السانها ‏ ‏هاتي ما بحشاچ يا زينب چمين ‏خبريني بيه و لا تتوجلين ‏يا سلوتي وبضعة ام ذاك الجنين ‏شلون روحي تميل عن سلوانها ‏ ‏نادته يحسين منزلنه بدرك ‏صرنه يبن المصطفى حدر الشرك ‏ما ترالك فرج من هذا الضنك ‏حته اعاييلك تسدر اضعانها ‏ ‏بهل العراق تحسب يحسين خير ‏لا ولا چن ما تجي غير الشرير ‏جيش سبعين الف بيكم مستدير ‏دورة بياض البصر بنسانها ‏ ‏وانت ما وياك جمع من البشر ‏غير سبعين وحزب سبعة وعشر ‏گبلتك دنياك و جيوش الدهر ‏والزمان وكل عبيد اوثانها ‏ ‏والاشد مشكل يبن فحل الرجال ‏عندك بهل منزل الموحش عيال ‏حرم ما تعرف سوى العز والدلال ‏جيف بصرك بالنسه ورضعانها ‏ ‏والحرم طمعه يمصدام الحرب ‏من تضل اتياه ما بين الغرب ‏والحمية يبن كشاف الكرب ‏عينها انت وسيفها واسنانها ‏ ‏ما تجوزلك حيمتك يا شهم ‏اتعاف هاي الحرم ما بين الحزم ‏ريحهن بالموت يا فحل الزلم ‏اهون عليها ترى من اهوانها ‏ ‏والعرض يحسين ما دونه العرب ‏للطبر والطعن تجثي اعلى الركب ‏من سمعها اكظم وبيه لاح الغضب ‏لاچن استرجع لأمر رحمانها ‏ ‏صاح يا زينب يبت ذاك الندب ‏حگچ اطلبتيه والحگ ينطلب ‏لاچن اصغيلي واخبرچ بالسبب ‏متخفاچ اسرارنه وتبيانها ‏ ‏ما يزينب بطر طلگت الديار ‏ولا نزلت بكربله دون اختار ‏لاچن الباري عليّ اومي وشار ‏بعالم الذر من گبل اكوانها ‏ ‏اخذ يختي عهد من عندي وسند ‏جدي بيه المرتضى عودي شهد ‏و گالي هالدين وياك اتحد ‏على الدنيا وگومها وشيطانها ‏ _ الخالد عبود غفلة

ابوذيات السيدة زينب تخاطب  الامام الحسين ع اشــكــم طــفــلــه وطفل اختك.. شَكلهه و دخـــــان الــخـــيــــم غــيّــر .. شِكلهه اذا تـسـأل عــلــى امـــتـــونـــي.. شَكلهه بـكـثـر طـعـنــاتـك اســيـــاط الـعـلــيـــه                                     *---------------*---------------* ألـلـيــل لـحـالـــــة الــنـــســــوان.. يربيك ونــظـرهـن بـــعــده لـلـمـــيـــدان.. يربيك طـحـت والشمـر شــوف الــعــيـن.. يربيك شـگلـهـن وأقـنـع اســـكــيـــنـــه ورقـيــــه                                     *---------------*---------------* ✍خادم الحسين ع الشاعر رعد الجريخي

نعي مفجع السيده زينب ع اتخاطب الأمام الحسين ع شـفـتـك يخويه بخيل مديوس مسلّـب يـذخـري بـغيـر ملبوس بذاري الـتـرب وبـحـر الشموس وضـل الـدمـع بـالعين محبوس بـاچـر اعـوفـك وصـعـد النـوگ صـعـدت سبيه ومـاضن اتلـوگ غـربـه التگـود الضعن وتسـوگ وهـدم الـعـلـيـه بـنـار مـحـروگ ادري يخويـه بفـرگتي أتـطـول جـابـو هـزل ومسرّجه اخيـول ريـت الـعـذر يحسين مـقـبـول اشعندك وصيه ولختك أتگـول *-----------------------*-------------------* ✍خـادم الـحـسيـن ع الشاعر رعد الجريخي

كعديه بحق السيده زينب (ع) زينب من على التل نزلوها گعدوها واجوها براس اخوها يمها خلو الراس وتعاين رقيه ١ لمت الأطفال زينب من خلص ليل المصيبه صاح واحد خلها تگعد تنظر المحنه العجيبه زينب اتنفست گوه بلحظه واتحسها رهيبه گعدوها بطراف الخيم تنحب وتنظر للحرم نادت يشال العلم اختك الليله غريبه محد چان ينظر عالاميره هسه امچتفه زينب واسيره صعبه بولية ارجاس وتعاين رقيه ٢ گبل ميودوها أسيره وتمشي عن الغاضريه الها جابو راس اخوها حسين بدموع الرزيه الشمر صاح حسين هذا وانته مجتوفه وسبيه عاينت عالراس وبچت حاچته وزينب دنگت اختك يبو اليمه انسبت وهذا راسك بين أديه صعبه اعله الأخت لو چتفوها ويضربها العدو گدام اخوها صاحت وينه عباس وتعاين رقيه ٣ خافت اعله حرم زينب من اجو بالراس يمها الجاب راس حسين ناده وسفه واتلفض اسمها صعب هالموقف عليها زينب وزيد ألمها الجانت أميره امخدره من بعد سبع الگنطره بين الزلم متحيره شلون حيره وذكرت أمها وينج يمه نادت يالزجيه زينب حايره بالغاضريه والعدوان حراس وتعاين رقيه ٤ كربت عالراس تنحب مسحت الدم بجبينه حست بعينه يسولف ركزت زينب بعينه جنه يسأل بالمدامع زينب العباس وينه واختلط دمه والدمع والنور من راسه يشع فكد الاخو يكسر ضلع وانكسر ضلع الحنينه خافت تنظر الراس السبايه غطت راس اخوها بالعبايه وهيه بذاك الاحساس وتعاين رقيه ٥ اصعب اعليها المواقف زينب بهاي المسيه خافت اتعاين ابوها راسه وبهاي الرزيه غطت الراس بعبايه گبل لتشوفه رقيه لكن رقيه عرفته من العبايه وشمته للراس گامت حاجته بويه بويه رد عليه حاچيني يبو حلو المچاجي هديتك بويه باگوها التراچي زينب تدگ عالراس وتعاين رقيه المصيبه سار ضعن البي فواطم راح للشام بطلعته بين سوگ وناس كثره اتعاين الضعن وكسرته الناس صاحو هاي زينب هاي للعباس اخته سار الضعن وبلا حمه وزينب تون متألمه بت حيدر وبت فاطمه هيج تالي يصير بيها من بعد عزها وگمرها لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

ليش الشمس مستعجلة بطلعتها ماتدري زينب گاعده وي اخوتهـا تحاجي الحسين وتلتفت للعباس وتگله عشرتكـم لباجـر حدها ــــــــــــــــــــــــــــــــــــــ كعدت ابين اثنين وشلون اثنين ع اليسره ابو فاضل وع اليمنه حسين گبل السوالف رخصت دمع العين كلهم اعزاز تحيرت تبدي منين تودعمن وكلهم عزيزين تشم الگمر وترد للحسين يابعد اختكم كون اموت وياكم جا شنهي ظلت زينب بلياكم للنوح اختكم واللطم ظلتها ــــــــــــــــــــــــــــــــــــــ تحجيلهم بس الحچي يشيب الراس باجر تگلهم وحدي ابين الناس مهيوبة بيكم والخدر ما ينجاس وشلون باجر لا انته ولاعباس يسكتونها وانوب يبچون لمن تگلهم باچر شلون كل ساع واحد منهم يصبرها وتذكر الفرگه وينسكر خاطرها ويبجون لو شافو جرت دمعتها ــــــــــــــــــــــــــــــــــــــ واحد يصبر الثاني وبگلبه النــار وتسأل وشيجاوبها عباس احتار وحسين يبجي لصوبه لمن تندار ويگلها بس هالليلة يمج خطــار يبجون كلهم والبجي بصوت يشوفون اختهم واصله الموت تسكت شويه وللبجي انوب ترد ينغمي عليها ومن بجيهم تگعد صعبة وتگطع گلوبهم حالتها ــــــــــــــــــــــــــــــــــــــ گالتله يــاعباس حــاجيني شلــون محتارة اظل باجر وكلكم تمشـون ياريت باجر گبلك تموت ام عـون يعيون زينب باجــر بلايه عيـــون عيونك تروح وجفك يطيح بعدك لواحد خويه ماصيح وي طيحتك باجر تموت الخوة يمدلل اختك يالتفـــوح مـــروة بعدك حجاية خويه ما گالتها ــــــــــــــــــــــــــــــــــــــ يحسين خـويه ويــاك بس هـذا الليل وتنفض العشرة الصبح والخوة تشيل ومنيـــن بـــاجر زينب تجيب الحيــل وصدرك گبال عيونها تدوسه الخيـــل يحسين ياهو المثلي مفجوع بالخيمة واسمع صوت الضلوع جــدام زينب باجـر يذبحونك عطشان خويه وماي مايطونك ياخويه وين انطي الوجه ساعتها ــــــــــــــــــــــــــــــــــــــ اتمنى هـــاي الگعدة كــون تظل دوم ويم زينب تظلــون مــو بس اليـــوم من وجه ابو فاضل تظل بس رسـوم وبـاجر منين نجيب لحسين هــدوم خلص الليل وبعد ساعات يصيحون يله حسينچن مات فرّن يعلــويــات من الخيمة وتطشرن كلچن بهاي الهيمة وشلون بيها الخيل لو سحگتها ــــــــــــــــــــــــــــــــــــــ نتوادع وگلش گصيرة الليلة وخلافكم محد يظل نشكيله ذباحكم باچر يطگنه بحيله ويتراكضن بالبر رباب وليلة يتراكضن من تفزع الخيل والركض زحمة اعلى المداليل باچر بنياتك احتار بلمهن من تنذبح وتطيح راية عمهن وچــم حــــرة باچــــر تحترگ خميتها رائد الناشي

وين اللي كفلها وجابها وين زينب وينها وّين الدواوين ٠٠٠٠٠٠٠٠ وين اللي كفلها وجابها وياه خل ينهض يشوف شصار بجفاه ما بين الشماته تصيح ويلاه آنه المانظرلي واحد بعين زينب وينها وّين الدواوين ٠٠٠٠٠٠٠٠ خل ينهض يشوف اصّار عباس زينب واگفه وتتفرج الناس بديوان ال اميه گبالهه الراس راس حسين هذا وفاگده حسين زينب وينها وّين الدواوين ٠٠٠٠٠٠٠٠ المحد شاف ظلهه شلون تنجاب مجتوفه بحبل وي ناس اجناب هاي الطاهره هاي امّ الاحجاب گبال يزيد وگفوها الملاعين زينب وينها وّين الدواوين ٠٠٠٠٠٠٠٠٠ يا عباس شوف شحالهه ام عون گبال يزيد زينب واگفه شلون تشمّت بيها يا عباس ترضون شسوه بحالهه بفراگك البين زينب وينها وّين الدواوين ٠٠٠٠٠٠٠٠٠٠٠ ظل يتشمّت باحوالهه يزيد بچتل حسين سوه بشامهم عيد يضرب راس اخوها گبالهه يريد يقهرها بچتل عباس وحسين زينب وينها وّين الدواوين ٠٠٠٠٠٠٠٠٠٠٠٠ الله يعينها شكد شافت جروح تلحگها المصايب وين متروح للمجروح گلبه شينفع النوح للظلت غريبه خوتها ميتين زينب وينها وّين الدواوين سيد زيد الفحام ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

. ابوذيات الـيـــصـــدلـــي مـــيـــعـــرفــنــي.. هــســه نــامــن وأصـــــبّـــــر بــالــــحـــــرايــــــر .. هــســه نــامــن يـــخـــويــــه بـلـيـل اجـــيـــتـــك.. هــســه نــامــن رقـــــيـــــه وســـكـــنـــــه بــــتـــراب الــــوطــيــــه                            *---------------*---------------* اخـــوتـــي الـــنـــــوم بـالـــحـــــومـــــه.. طـبـلـهـم واهـــــل الــــشــــام حـــــضـــــرولـــــي.. طـبـلـهـم شــســـولـــــف ســــــاعـــــة الـــحـــادي.. طـبـلـهـم أكــــبــــار أزغــــــــــار تــــتــــفــــرج عــــلــــيــــــه                            *---------------*---------------* ✍خادم السيده زينب ع الشاعر رعد الچريخي

اخر ليله ويه حسيني اخرليله ويه حسيني                 *---------------*---------------* خلينه نودع والينه باجر جا ياهو يضل لينه نوگ الشمات التحدينه ودموعي نزلت من عيني                 *---------------*---------------* وبليل العاشر مفجوعه شيتحمل گلبي جم لوعه سبي عياله وكسر ضلوعه جاياهو بعده ليحميني                 *---------------*---------------* بس هليله يم اخواني وباجر تذبح ولياني يازينب صبري وصاني بين الغربه ومخليني                 *---------------*---------------* باجر تتسلب ياروحي ياعباس تزيد جروحي بس هليله ويكثر نوحي هاك اسمع عباس ونيني                 *---------------*---------------* ادموعي النزلت سياله عباس وترضه بهل حاله تفتر بخيامي الخياله ترضاها عگبك يسبيني                 *---------------*---------------* اخواني التموا ويانه وبليل العاشر وصانه بالخدر هاي الحزنانه  مسبيه تاليها سنيني                 *---------------*---------------* عذريني يازينب باجر بلايه جفوف بيوم العاشر وضلوعي طاحنها الحافر عذريني خويه عذريني                 *---------------*---------------* الشاعر باقر جبار الشويلي ليلة ١٠/محرم الحرام /١٤٤٨ هجري الجمعه 26 \6 \2026 ليلة المصيبه #عكيلي #قصائد1448 في داري المتواضعه حله محلة جبران

من رد المهر سابح ابدمه زینب سمعته وطلعت ابهمه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ دگ رجله وغده بلراس یومی های ادموم اخیچ مو ادمومی یزینب گومی لحگی حسین گومی عفته والسیوف اعلیه لمه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ من ظهری وگع واجروحه کثره واخاف من المثلث فات أمره شعب گلبه وطلع من خرز ظهره طاح اعله الارض والشمر یمه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ گبعت روحهه وللحومه راحت آه اشلون خویه حسین صاحت چم مره اعله وجه الگاع طاحت ومن توگع تنادی اهنا ییمه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ بس شلفایده من اوصلته زینب والأمر فايت لگته اویلی والشمر گاطع رگبته اشلون اتحظنه واتحبه وتشمه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ دارت للبقیع ابصوت عالی تنادی ام الحسن یمی تعالی یایمه بگیت ابغیر والی راحو کل هلی وشملی اشیلمه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ دارت للغری وصاحت یحیدر احضر مثل ما للغیر تحضر ادخیله یاعلی وحملی تگنطر وکلهه اتصیح لحگینی یعمه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ الشاعر عزيز الفيصلي ليلة ١٠/محرم الحرام /١٤٤٨ هجري الجمعه 26 \6 \2026 ليلة المصيبه #قصائد1448

(عدمن ودعتونه) ...................... عـدمن ودعتونــه .. عـدمن ودعتونـــه بهالبر أتعـوفـونــه .. بهالبر أتعـوفـونــه ها يهلـي وخوانــي ــــــ ماظـن نرجـع ثانــي عدمن وعدتونه ,,,,,,,,,,,,,,,,,,,,,,,,,,,,,,,,,,,,,,,,, ها يهل الغيـره أشلـون ** فركتكـم مو بالهون ماكلتو ويــن انــروح ** لمـن عنــه اتروحون فركتــكـــم تاذينــــه .. فركتــكـــم تاذينــــه كلش صعبه اعلينه .. كلش صعبه اعلينـه مصدر كل احزانــي ــــــ ماظـن نرجع ثانـــي عـدمن ودعتونــه ,,,,,,,,,,,,,,,,,,,,,,,,,,,,,,,,,,,,,,,,,,, ماكلتو وين أم عـون ** تمشي بهالعيله اشلون بلا والـــي ولا كفـــــال ** بالطف ويــن ايظلون بيــد المارحمونــــه .. بيــد المارحمونـــه مانــدري اتخلونــــه .. ماندري اتخلونـــه ماترحم عدوانــــي ــــ ماظــن نرجع ثانــــي عدمـن ودعتونــه ,,,,,,,,,,,,,,,,,,,,,,,,,,,,,,,,,,,,,,,,,, بس عيله وبس اطفال ** والوالــد عنـهم شال يحسيــــن وياعبـــاس ** شيصيـــر بهذا الحال اطفال الكم مهمومه .. اطفال الكم مهمومه من عدكـم محرومه .. من عدكـم محرومه سكنه اتون وتعانــي ــــــ ماظن نرجع ثانــي عدمن ودعتونـه ,,,,,,,,,,,,,,,,,,,,,,,,,,,,,,,,,,,,,,,,,, من جفــك ياعبـــاس ** طحنه بجف الارجاس من بعدك يلمهيـــوب ** مارحمت بينــه الناس عكبـــك ياكافلنـــــه .. عكبـــــك ياكافلنــــه اشكد ظيم اتحملنــه .. اشكد ظيم اتحملنــه بعدك شب صيوانـي ــــ ماظــن نرجع ثانــي عدمن ودعتونه ,,,,,,,,,,,,,,,,,,,,,,,,,,,,,,,,,,,,,,,,       ونحرك ياخويه حسين ** نمشي ومانندل وين ضعنه اخلاف العباس ** شنســوي ومحتارين ظلينه احنـه بحيره .. ظلينه احنـه بحيره يوميه انطـب ديره .. يوميه انطــب ديره غربه وموش اوطاني ـــــ ماظن نرجع ثانـي عدمن ودعتونه ,,,,,,,,,,,,,,,,,,,,,,,,,,,,,,,,,,,,,, يهــل الغيره الاطهار ** عدمن ودعتو الدار ظلت بس الرضعـان ** بيهم ماكلتــو الصار ولا ظلـت علويــــه .. ولاظلـت علويـــه عالهـزل مسبيــــه .. عالهــزل مسبيـــه وتتصارخ رضعاني ـــــ ماظن نرجع ثانـي عدمن ودعتونه .......................... الشاعر حيدر كامل العبودي 07815363696 ليلة ١٠/محرم الحرام /١٤٤٨ هجري الجمعه 26 \6 \2026 ليلة المصيبه #قصائد1448

احسین خویه اتکدرت منِ اسمعت گالو طحت جیتک ارکض واصرخت یاهظیمه2 🏴🏴🏴 من اجه بصوت الظلیمه للخیم مهرک یصیح اطلعت مذهوله اعتنیتک مره اگوم ومره اطیح جیت للمصرع لگیتک عالارض دامی وطریح احسین هذا ما اصدگ هالذی طایح جریح وجهک الیضوی الحُجُب امغیّره الدم والترُب حالک الگلبی یفت یاهظیمه2 🏴🏴🏴 آه یابدر الهواشم صرت مذهوله الفکر من اجانی المهر خالی ودمع عینه منحدر ایصیح طاح احسین منی لحگی یا ام الخدر اخذیله شِربة مای ظامی گبل لیذبحه الشمر مای گتله منین اجیب لاکو ناصر لامجیب بس دمع عینی الیکت یاهظیمه2 🏴🏴🏴 من الخدر طلعیت اجیتک والدمع عالخد یصب خویه سبعین الف چانو کلهم اعداء وغرب بمستحاتی وخوف ستری گوه طریت الدرب اسمع ایشتمون امی وناری تسعر بالگلب بدربی شفت الفاجعه کل زلمنه امصرعه اعلی الشباب اتحسرت یاهظیمه2 🏴🏴🏴 من وصلتک شمر شفته جسمک الدامی اعتناه گتله یامیشوم عوفه احسین فاگد کل قواه گلی رجعی یالودیعه لا اذبحنچ معاه الیوم اخوچ اگبال عینچ کون اذبحه من قفاه ابد ما اصرف نظر احسین احزّله النحر بذبح اخوچ انه الفزت یاهظیمه2 🏴🏴🏴 چنت اشوفنک تصدلی بعینک وبیها سوال لیش اجیتی ولیش عفتی بولیة اعدانه العیال چنی اسمعنک تگلی بعد متشوفی الدلال راح تلفیچ المآسی وترکبی هِزل الجمال راح تمشین ابأسر ویحدی بضعنچ زجر والعدو بیچ ایشَمت یاهظیمه2 🏴🏴🏴 بهمسة اشفافک تگلی شدی حیلچ للقدر لحگی شبعی شوف منی گبل لاصیرن وذر باری العیله یزینب واحرسیها من الخطر احنه نبگه اعلی الوطیه وانتی تمشین بسفر لوبچت عینچ لخوچ یشتموچ ویضربوچ وشمر بالناگه یعت یاهظیمه2 🏴🏴🏴 الشاعر ناصرالموسوی ليلة ١٠/محرم الحرام /١٤٤٨ هجري الجمعه 26 \6 \2026 ليلة المصيبه #قصائد1448

مايله الدنيا وي زينب مايله الدنيا وي زينب مايله وشايله ضعون التحبهم شايله ★★★★★ منهو يقره الفاتحه ويحضر گبرها إلخلَّصَت  بالنوح والحسره عمرها اربعين ومرت    أتاني اليمرها ما أجاها حسين  لا بَيِّنَ گمرها عايله  وَفَرَّق  البين  العايله مايله الدنيا وي زينب مايله ★★★★★ اربعين المرت ومحد وصلها على الغبره ام الحزن عافت أهلها الف مره فراگهم بلطف كتلها هاي دنيا وهذا وي زينب عملها صايله الدنيا الرديه  وجايله مايله الدنيا وي زينب مايله ★★★★★ بأربعينه الميت أحبابه يجونه ولومشوا صبح ومسه يتذكرونه شلون احبابه يجون ويعتنونه والترايب كل گمر غَيَّرَت  لونه عايله وياها النوايب عايله مايله الدنيا وي زينب مايله ★★★★★ بكربله اذناب العرب تطلب خلافه العدو وي العدو ضدهم تصافه جرح ينزف  لوجرح غيره تشافه مايله الدنيا وي زينب  ياحسافه سايله دموم النواظر سايله مايله الدنيا وي زينب مايله ★★★★★ المن اتوجه المعاتب والملامه من تنادي زينب اخوتها النشامه ياهو من احبابه  رد ابسلامه كربله منها  خذت اهل الزعامه زايله جموع التحبهم  زايله مايله الدنيا وي زينب مايله ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ الشاعر حسن لعيبي الحريشاوي ليلة ١٠/محرم الحرام /١٤٤٨ هجري الجمعه 26 \6 \2026 ليلة المصيبه #قصائد1448

حل العصر ليل اوداع.. مجبل على المهيوبه … حل العصر يعني الليل ساعة ويخيم اعليها وهالليله غير الاهات وغير الدمع مابيها بت الوصي هذا الليل بس هذا وي واليها وباچر يصبح غبّاش … الهم على المسلوبه —— غبشه المصايب ولباب أم المصايب تلفي وأشكد شموس لعدنان سيوف ال أمية تخفي باچر چثيرات إنجوم من سمه الحره تطفي ويعم ظلام الآهات  … وأم الخدر منهوبه ——- أم الخدر هذا القول لصبح الرزا ويتبدد وأم المصايب يعلاه ليوم الحشر يتسيد باچر غيوم النبكات إعله الفاضله تتردد والدهر ويه الحوراء … إهوايه يِغير إسلوبه ——- هوايه بحياة الحوراء أنماط وكثر تُستَحدَث الما سامعه غير الصار بسب وشتايم تنغث باچر صدگ أخت حسين هموم أم حسن تتورَث والحزن باچر غبّاش … يچسي العقيله ثوبه ——- ثوب الحزن يُنشَر راح ومكَدَرَه هالچِسوه وبس الدمع للحوراء ماعدها أبد كل سلوه حد الكفاله لم عون وبس باچر إويه الإخوه ومن العصر ويه السوط … هذا الدهر وخطوبه ——- متعِوده المغرب چان لو حل عليها وخيم نور السبط يجلي الليل وعتمة ظلامه الأعظم وهذا الوكت بيه عباس ذاك الشهم يتحزم يحرس خِيام الحوراء … وبشيمته منصوبه ——- باچر يحل وكت الليل وبنت الوصي أبلا حامي لا يمها كافلها ولا الاكبر علي و الضامي باچر دوايرها إتدور كوفي زنيم وشامي وباچر فلا بالنسوان … كأم الخدر مصيبوبه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ الشاعر ابو زينب الظالمي ليلة ١٠/محرم الحرام /١٤٤٨ هجري الجمعه 26 \6 \2026 ليلة المصيبه #قصائد1448 #ميمر

يويلي اعزاز كلّ اهلي المفاجيد..عليه اتجور تاليهه الهواديد يوسفة اتدور الايام لهيب اينوش الخيام ++++++++++++++++++++++++ حزن زينب مسافة بدرب الهموم نزل ريح المصيبة و شايل اغيوم صبح گلبي بونين الحسرة مالوم مشوا عني و نسوني بوحشة اللّوم غريبة الروح تبقه بلا عناوين مسيرة شوگ بيهه اتروح لا وين تضيع بساع الاحلام....١ ++++++++++++++++++++++++ مشيت ال دار غربة بغربة الناس و اصيح بصوت ناعي و ما جَه عباس بعمَد مصيوب ثاري بجبهة الراس كفيلي الچان للنوماس مقياس راح و عافني اويه اهموم المصاب روحي اتصيلحه بشوغات الغياب طريح اعله الترب نام....٢ ++++++++++++++++++++++++ حزينة ادموع عيني بوكت الغروب مسافة الليل عندي و گلبي مصيوب غده اكتاب المصايب ليّه مكتوب سواد الدنيه كلهه ايغَبّر الثوب ليلي اوداع ماخذ هدوة الليل حيلي ايطيح مني بعازة الحيل و تهيج بروحي الآلام....٣ ++++++++++++++++++++++++ شفت كلّ اهلي نومة اعله الترابات اسمعت نوح و بواچي من الغريبات رباب اتريد عبد الله يجي ايبات حزن ليله الولدهه من الطبر مات ليش اتنوح رمله اعله العَراريس تون ونات حسرة و تِجفِل العِيس عاشت ليل الاوهام...٤ ++++++++++++++++++++++++ راحوا مني اخوتي بساحة الموت و اصيحن صوت لچن ميت الصوت و اون اردود ع الّلي صار بَسكوت و الينام الليل بس لو ساعة مبخوت دمعي ايسيل من عيني و يناجيك بس ردت اعتنيلك و اعرف ش بيك طريق الكوفة و الشام....٥ ++++++++++++++++++++++++ الشاعر سيد حيدر العوادي الحلي ليلة ١٠/محرم الحرام /١٤٤٨ هجري الجمعه 26 \6 \2026 ليلة المصيبه #قصائد1448

زينب وحيده بكربله          والخيام حركوها ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ ويلي الزلاام مــجتله مسلـوبه كل العــــايله ياويلي منـــج كـــربله بيـــج العقيلة مــسلبه   بعد الكمر شـــتموها _ ويلي الظهر اه يالظهر للخـــيمه يرجـع المـهر تصرخ تنادي أم الخدر والخيمه تلهب بالجمر كل الخــيم شبوها زينب وحيده بكربله  والخيام حركوها _ جم طفله تجويها النار بالهيمه صارن طــشار تصــــرخ يجـدي الكرار ياويلي من ذاك الـــصار     وين الأهل يلفوها زينب وحيده بكربله والخيام حركوها _ وين الــكمر راعي الوى ليش الهجر جنه سوى بعد الكمر راح الضوى زينب وحيده بنيــنوى بسم السبي نادوها زينب وحيده بكربله.  والخيام حركوها _ هاي الســبيه على الهزل مشتومه مشدوده بحبل مكيوده بضــعون الـنذل ويلي الدمع منها يهـــل بحامي الحمه شتموها زينب وحيده بكربله  والخيام حركوها ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ الشاعر مرتضى مكطوف الموالي ليلة ١٠/محرم الحرام /١٤٤٨ هجري الجمعه 26 \6 \2026 ليلة المصيبه #قصائد1448

عــل الـتل زينــب أتنــادي    أبدمعــة حــزن همّــاله يجدي حسين برض الطف     رضّـــت صدره خيالـه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ من طاح الاخو أعلى الگاع       يجـــدي أتعنتــه الصوبين وكلهـــا أتنـــادي يــا جــدي     اگطعــوا يالله راس حسيـن تــدري لآل أبـــو سفيـــــان      يجــدي يطالبـونــك ديِـّــن ديّـن أبــدر والأحــزاب وخيبر من قلعها الباب الهم ظل علينا أحساب من طاهـا نــرد الثار       من حسين وعياله ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ يجـــدي حسينك المطــروح      شمـر صاعــد علـى صدره يجدي إبـلا رحم عــل الگاع      بسيفــه ظـل يحــز نحـــره يجّــدي وانطبـــر بالسيـــف      عــالغبــــره 12 طبـــــــره ضامي وطّبــروه تطبيـر ومهر أمه الفرات يصير لون تنظــرله والله تحير يجدي أعلى الأرض مطروح   وتسحگه اشلون خياله ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ خيّاله أعلى صـدر حسين       وخيـــل أتعنـت الصيوان بحقد يــا جدي عــدوانـك      وجّـــو بالخيّـــــم نيــران يجـــــدي وبحـــوافـر خيل      بالطف سحگو الـرضعان بلا رحمــه ولا رأفه الشامت بينه يتشفه تمنيت الگمــر چفه ما مگطوعه عل الشاطي      بعينه يشاهد الحالـه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ لـوّن چـف الگمـر سالــم       مــا صـاب النبل گلبـه ولا صاب الحجر راســه        ولا دمه الذي مخضبه و لا مــر العطــش چبـده        و لا نيـرانــه ملتهبـه و لا ذاري الرمـل غطـاه و لا متغسـل مـن أدمــاه و لا سيف الشمر ذبحاه مـن طاح الگمـر يا حيف     گلبي طاحت آمالـه ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ شبيهك عل الرمل مخضوب      وأمـــه أتنــوح مفجوعه وشبل الحسن عل الغبـــــره      بِصباه وطفو أشمـوعــه وعبـــــدالله بنبـــال المــوت      انفطم وبونــه مسمـوعـه وشسوف عن گمر دنياي گصد رايــح يجيب الماي طــاح ومــا سمـع لنداي يـا كفالنـــي لفتني الخيــل    انهـض شاهـد الحاله ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ وأنصار الغريــب حسين         كلهم عل الأرض نومه واحدهــم علــى التــربان        تغسل وسفـه بدمــومـه دون حسين  من بـــرزو        يجدي بساحة الحومــه على أنصار الاخو السبعين حگهــا لــــو تهــل العيــن عليهـم مـن نســـل طيبيـن ضحـــو دون أبــو اليمه     ونِعـْم يا جدي برجاله ٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ الشاعر موسى البديري ليلة ١٠/محرم الحرام /١٤٤٨ هجري الجمعه 26\6 \2026 ليلة المصيبه ع #قصائد1448 #شوطي