MUCOM 44 OFFICIAL

اكو مشروع ان نعيد الدورة بالفترة القادمة فاللي نريده هو الروتيتر الحاليين اللي حضروا الدورة ينطونه فيدباك من استفادتهم من الدورة ع ارض الواقع وأي ملاحظات بناءة واقتراحات من خلال الفورمة 👇🏼 https://forms.gle/sWVNuVZCoc9mrMYEA

تبليغ من الكلية../ السلام عليكم.. يرجى ابلاغ الزملاء الواردة أسمائهم في القائمة.. بمراجعة مكتب استعلامات الوثائق لاستلام رموز التحقق QR الخاصة بتأييدات تخرج كل منهم مع التقدير والاعتزاز ملاحظة../ اتصور انو ممكن ترسلون زملائكم او من ينوب عنكم.

تبليغ من الكلية../ السلام عليكم.... الاستبيان يخص اراء الخريجين بمخرجان التعلم للمشاركة في تقديم ارائهم بما يسهم في تطوير العملية التعليمية في كليتنا العزيزة مع التقدير

السلام عليكم نزلت الوجبة الرابعة بالكروب

السلام عليكم بالنسبة للباركودات المفروض باجر يرجع دوام الكلية، فالي يكدر يروح مباشرة ويستلم الباركود فهذا الخيار الاسلم، وكذلك تكدرون توصون زملائكم يصوروه وتسحبوه. بالنسبة لسكنة المحافظات والي ميكدرون يجون، فالصبح باجر رح نعيد الاتصال بالكلية عسى ان يرسلون…

السلام عليكم بالنسبة للباركودات المفروض باجر يرجع دوام الكلية، فالي يكدر يروح مباشرة ويستلم الباركود فهذا الخيار الاسلم، وكذلك تكدرون توصون زملائكم يصوروه وتسحبوه. بالنسبة لسكنة المحافظات والي ميكدرون يجون، فالصبح باجر رح نعيد الاتصال بالكلية عسى ان يرسلون الباركودات بالتلي مثل الوجبات السابقة، اما اليوم فما انطونا اي وعد بارسالهن باجر بس كالوا باجر نشوف، فاحنا رح نحاول باجر نحل الموضوع للمتبقين، بس يبقى الخيار الاسلم مراجعة الكلية او توصية احد الزملاء الي يروحون تجنباً للتاخير.

السلام عليكم بالنسبة للباركودات، أرسلنا الكثير جدا من الاستفسارات خلال الاسبوع الماضي ولم نلقَ اي رد او تفاعل او استجابة، والمرة الوحيدة الي حصلنا رد بيها كانت بالذهاب للكلية ولقاء د امين الي كان متواجد خارج العمادة فحصلناه، وتم الاتفاق على ارسال جميع الباركودات للتاييدات الكاملة من يوم الاربعاء وحسب التبليغ اعلاه، لكن ما وصلت غير حوالي ٧٥ باركود. كثفنا التواصل بالفترة الفاتت بدون اي رد، وكانت الردود توصل عن طريق د علي كاظم مشكوراً الي كنت اطلب منه يتواصل مع الوثائق، لكن اليوم حتى د علي ما كدر يحصل منهم خبر فما بلغنا بشي. رح نحاول نشوف حل منا للسبت ونبلغكم، والله المستعان.

تم ارسال الوجبة الثالثة الباقي من يوصلن نرسلهن، والوثائق مدا يردون على موعد نزولهم، بس من يكملون وجبة يدزوها فجأة

تم ارسال الوجبة الثانية بالكروب، الباقيات من يوصلن ندزهن ومنعرف شوكت، بس يندزن بالتتابع

السلام عليكم تم ارسال جزء من الباركودات في الكروب العام، وسيتم ارسال الباقي عند وصوله اليوم او غدا.

السلام عليكم بالنسبة للباركود جنا على اتصال مع الكلية بخصوصه بعد الدوام، لكن قبل قليل بلغوا اما اليوم او باچر الصبح يدزوهن، من يوصلن رح نبلغكم.

الكثير من الزملاء ديسالون ع الباركود، للان ما وصل شي، من يوصل رح نبلغ بالقناة.

السلام عليكم حسب الاتفاق مع د امين الي مسوين تاييداتهم الاربعاء والخميس فكلهن تقريبا كملن عدا كم واحد رح يكملوهن هسة، فالكل يكدر يستلم قبل ال١ الي ما مقدمين تأييد يجون باجر من وكت قبل ال٩ ويستلمون منهم. الي مكملين المفروض اليوم توصل الباركودات ونبلغكم بآلية استلامهن. بالتوفيق.

بالنسبة لاستلام التاييدات الجديدة للي ما مسوين رح نتاكد ونبلغكم اذا تكدرون تسوون اليوم

السلام عليكم التاييدات موجودة حاليا بالكلية بالنسبة للي ما مكمليها وما مستلمين، والباركود ديشتغلون عليه ورح يدزوه عالتليگرام حتى تسحبوه. وحدهم لحد ساعة ١ ظهراً

السلام عليكم اليوم قسم استلموا التاييدات، وقسم بقت تاييداتهم بغرفة الباركود، مع عدم اصدار اي تاييدات جديدة. تكلمنا مع الكلية عدة مرات، وكان اخرها قبل قليل، وبلغات الاقناع والعتب والطلب والتوعّد بالشكاوى، ونقلنا الصورة كاملة عن طريق د علي كاظم الذي سعى لحل الامور، وبينّا ضرره ما يحصل على الخريجين، غير اننا لم نجد استجابة حقيقية تحل المشكلة من اساسها، بالوقت الذي لا تحتاج قضية الباركود الا لموظف واحد، والادهى هو ان بعض التاييدات كاملة ولم يتم تسليمها، وكذلك موضوع اصدار التاييدات الجديدة يمكن حله بإصدار الاوامر للموظفين المعنيين وبشكل لا يخل باعتصامهم، لكن الموضوع وما فيه هو انه لا توجد نيّة حقيقية لحل الامور. غدا رح نتابع الموضوع من داخل الكليّة عسى ان يصير حل، ورح نشوف شيصير ونبلغكم.

حسب تبليغ د علي كاظم../ الي تاييده مكمله ومسلمه يروح يستلمه من مكتب المعاون الاداري د امين. اليوم ماكو اصدار تاييدات جديدة بالنسبة للي بعدهم ما مسوين، اليوم نحاول نحل الموضوع ع باجر

السلام عليكم الكلية كالوا بل ١١ ننطيكم خبر اذا كدروا يفتحون

قبل قليل وصلني اتصال اخر من د علي كاظم، وابلغني نقلا عن د امين ان الكلية غدا مغلقة ولا يستطيعون تمشية الامور لحين حل المشكلة. وابلغته اعتمادا عمّا نقله الزملاء اليوم ان الموضوع فيه شيء من التعمد خصوصا انه لم يحصل بباقي الجامعات المعتصمة، وان هذا الموضوع يمس مصالحنا ويعطل معاملاتنا بالوقت الذي نعيش فيه ضيق الوقت وطول المسافات، واننا سوف نمضي بتقديم شكوى سواءً عن طريق الخط الساخن لوزارة التعليم او مقر الوزارة. د علي ابلغني ان غدا على الاغلب سوف يقومون بارسال رواتبهم كاملة حسب توجيهات وزارة المالية فالموضوع ممكن ينحل غداً، فاذا انحل مبكرا نبلغكم تجون غداً، واذا ما انحل فممكن ينحل الثلاثاء بنسبة كبيرة، وممكن يستمر لما هو ابعد من ذلك. عموما رح نستمر بمتابعة الموضوع، والله المستعان.

بعد الاتصال ب د علي كاظم مشرف التسجيل، اتصل ب د امين مشرف الوثائق والشهادات، وتم الاتفاق على التواصل مع الموظفين المعنيين والمساعدة بحل موضوع التاييدات، فالي قريب ع الكلية يتوجه الصبح عادي، وكذلك بعد التاكد من ان الامور مشت فعلا رح ننزل تبليغ صباحاً.