MU | Chit chat

‏اللهم في هذا الصباح أسألك خير هذا اليوم وخير ما بعده وأعوذ بك من شر هذا اليوم وشر ما بعده رب أعوذ بك من الكسل وسوء الكبر وأعوذ بك من عذاب في النار وعذاب في القبر.. لا إله إلا أنت سبحانك إني كنت من الظالمين.

⭕️ لو إنت/ي في كوستي ، ربك أو الأبيض و مهتم بالشغل بالمنظمات؟! مجموعة من المنظمات طارحين وظائف برواتب مغرية (1640 دولار) وزيادة مع إمتيازات تانية .. دي مجموعه وظائف في منظمة أطباء بلا حدود • مدير لوجستي - كوستي • مدير قسم التغذية و التقييم - كوستي الأبيض ـ شمال كردفان • مشرف مكافة العدوي و الوقاية • مشرف/ة فريق التمريض • مشرفة توليد • مشرف تعزيز الصحه • مشرف إدخال البيانات الطبية • مشرف مياة و صرف صحي • مدير الأنشطة الطبية ⭕️ وناسي اولاد بلدي (أبوجبيهه) دي جاتكم في مكانكم • مساعد الشؤون المالية/ الموارد البشرية • منسق دعم المشروع جهزو السيرة وخطاب الدافع وحصلوا قبل التقديم يقفل رابط الموقع وفيه كل الوظائف دي : https://sudanjob.net/ شاركو الرابط للفائدة

يوصي بمنحة شهادتين الأولي لصبرة و إجتهادة في الجامعة رغم العقبات و الضغوضات و الثانية منحة درجة البكالوريوس في اللغة الإنجليزية و آدابها اللهم لك الحمد ❤️❤️😍🎉🎉🎉 محمد الفاتح بكالوريوس درجة الشرف يا جماعة ✅😭🫣🩷🩷🩷🩷🩷🩷🩷🩷

سلام عليڪم ورحمة الله وبرڪاته ✨ حصلت معاي أحداث ڪتيرة غير متوقعة في الفترة الفاتت واخرها مرضي بأضافه لإنعدام الشبڪة و بعدي عن النت و دخولي المتقطع . و ما أنسي شغل الدڪان الماخد ڪل زمني من تصبح لين تمسي .. دي ڪلها تفاصيل و أحداث ابعدتني و شغلتني عنڪ .. خلال الفترة دي إفتقدتڪ جداً جداً جداً 💕 .. إفتقد رسائلڪ الصباحية و المسائية و البتجي فجأة (حتي البتمسحيها بعد ترسليها 🙂😤).. إفتقد نصايحڪ و توجيهاتڪ لي لما اشڪي ليڪ و اتذمر من شيء معين مزعجني .. إفتقد التحفظ في رسائلڪ لما أسأل أو أطلب شيء محدد .. ياخ حتي فقدت ونستنا العادية ، الونسة البتظهر إختلافنا في نقطعة محددة .. و انه الاختلاف بينا بخلص بعد نقاش طويل و الاثنين بنڪون سعيدين إننا اتجاوزنا الموقف بإيجابية مع بعض 🩷 .. و من جهتك متاڪد إنڪ فاقدة (أبو حميد) و ونسته و تفاصيل تانية إنت أدري بيها و ما عايزة يبعد عنڪ و يختفي بالطريقة دي (فجأة) .. فا أنا بعتذر جداً جداً جداً علي غيابي عنڪ الفترة الفاتت بالطريقة دي و بعتذر عن تقصيري معاڪ💕🌹.. لڪن عايزڪ تطمئني ، إنت ما طلعت من بالي حتي في أشد أوقات إنشغالي .. ولما يصعب علي موضوع بقول في نفسي ( في الموقف دا لو سألتها ڪان حترد بشنو ؟) .. و في الختام ترا تدري إني فاقدك صح ؟! -- ده شنو يبو حميد !! "إعتراف بالتقصير تجاهك" انا مفتقداك جدا بصورة انا نفسي ما متصوراها في مشاعر ڪتيرة غريبة موجودة من بُعدك .. وانا عارفة انو مافي يدك والله عارفة على ڪل حال أنا (👈🏽👉🏽) متوقع تقرأ شنو 😏!! وعذرك معاك ♥️ تعجبني طريقة واسلوب ومبديء اعترافك ما تشيل في بالك ♥️ .. --- نحن حنڪون شرڪاء طوال حياتنا فلازم نعبر عن مشاعرنا ، إحتياجاتنا تجاة شريڪنا .. نعترف إذا أخطأنا أو إحتجنا ، قصرنا تجاة بعض .. و مرات الواحد بعد مدة في العلاقة بڪتشف أنه ڪان أناني في بعض تصرفاته و ماخده العلاقة لغرض شخصي ... و دا برضو بستوجب إننا نعترف بيه حتي لو طالت المدة بس ما نتڪتم لانه بالطريقة دي حنساعد بعض في تقوية روابطنا 🖇💕.. محمد شكرا جدا لانك رجل و سوداني بعتذر 🌄💜 حب ناضج 🌸 #إعتراف (الجزء التاسع) كتب في 12 سبتمبر 2024 #Mualfatih

‏اللهم إنا استودعناڪ العشر من ذو الحجة و يوم عرفه فلا تجعلها آخر عهدنا ، وأعدها علينا ونحن في تمام الصحة والعافية ولا تخرجنا منها إلا ونحن مقبولين ومرحومين برحمتك يا رحمن يا رحيم ڪل عام و جميعڪم بخير وعافية ، مبارك عليك حلول عيد الأضحي المبارڪ 🐑🎉 و ڪل عام و جميعڪم و الامة الإسلامية بخير 💙💙💙

بدأت العشر ، وحان سباق الصالحين ، وما هي إلا أيام وتؤذن بالرحيل فدونك (العناية بصلاتك فريضة ونافلة ، والصيام ، والذكر ، والتكبير المطلق ، والصدقة ، وبر الوالدين ، وصلة الرحم ، وحسن الخلق ، والدعوة والإصلاح ، والأمر بالمعروف ، والنهي عن المنكر ، وقيامك على ثغرك) حتى تبلغ أمانيك!

ولَيَالٍ عَشْرٍ.. ‏اللَّهُمَّ إجعل لنا فيها نصيبًا من قبول الدعوات ‏وبلغنا يوم عرفة.

اللهم يا واسع الرحمة، يا غفور يا كريم، تقبّل منا صيامنا وقيامنا، واغفر لنا ما قدّمنا وما أخّرنا، وما أسررنا وما أعلنّا. اللهم اجعل آخر يوم من رمضان ختامًا للخير والبركة، واكتب لنا فيه العتق من النار، وارزقنا قبول الأعمال وصلاح الحال. اللهم لا تجعله آخر عهدنا برمضان، وأعده علينا أعوامًا عديدة ونحن في صحة وعافية وإيمان. اللهم إنك عفو تحب العفو فاعفُ عنا، واكتب لنا سعادة الدارين، واغفر لنا ولوالدينا ولجميع المسلمين

"Allah has once again given us the opportunity of being closer to Him during this blessed month of Ramadan. We must take this opportunity to keep calm, read the Quran, concentrate on worship and do lots of good deeds to please the Almighty. We must not underestimate this chance, as we never know if we will get another". Ramadan Mubarak ✨🌙

لما تهتم بنفسك وتشبع إحتياجاتك النفسية ويكون عندك إكتفاء ذاتي وإنطباعك عن شخصك يكون ثابت وموزون ومخزونك النفسي سوي ومليان ، حتلاقي نفسك تلقائيآ يد عليا ، بتهتم بالناس وبتعمل الواجب معاهم ووجودهم من عدمه ما بفرق معاك ، عكس لما تكون شخص فارغ نفسيآ حتبتدي تتحول لمتسول نفسيآ عاوز إهتمام وعاوز حب وعاوز إستحسان وإلخ لذلك ما ننسى إنه سبحانه وتعالى لما وضع فينا الميل والرغبة والحاجة للقبول والإستحسان و من الناس كان الميلان دة ميلان ثانوي مهما بعدت درجاته فربنا واضع فيك القدر اليخليك تهتم بنفسك وتشيلها براك وتحقق إكتفاء ذاتي دون التسول بمشاعرك أمام اي شخص .

'إذهب حيث يرتاح قلبك , إذهب حيث ترغب أنت , حيث تشعر بالأمان والاطمئنان , لا تأخذ اتجاه لا يعجبك فقط لأن الآخرين قد أخذوه.' - أنيس منصور

"هو رحلة صعبة وملئية بالمفاجأت و تجربة فريدة مختلفة عن كل تجاربنا العشناها و التحدي هو كيف إننا نتعايش معها لانها تجربة عكس كل التوقعات" سألت أصحابي المتزوجين عن تجاربهم مع الزواج .. وشاكر ليهم لأنهم أفادوني رغم قصر تجاربهم و إنها ما على القدر المطلوب ..…

دوام الحال من المحال .. كبداية لازم يكون عندك يقين تام أنو ممكن كل حاجة من حولك تتغير ( ودا الأنا بعيشه حالياً) .. ماف زول حيفضل في نفس الحتة ولا حيفضل عايش نفس الوجع ونفس المعأناة مثلاً .. خليك متأكد أنه حيجي يوم و كل التفاصيل دي حتفضل ذكري ليس إلا وحتلاقي الحال بقي أفضل بمراحل و حتعيش مبتسم ومليان سعادة 😋 .. ـ حتقدر تحقق أحلامك وتصل للمكانة البتعافر عشانها سنين ـ حتلاقي حب عمرك والعوض الحينسيك كل حاجة .. ـ صدقني مهما كنت حاسي انه الدنيا قفلت في وشك بكرة بتتعافا من جديد و تبتسم ليك.. ـ ماتزعل ولاتشيل في قلبك ربنا كريم شديد .. بكرة الدنيا تضحك ليك وتهديك الفرح كيمان ☁❤

( وفاة رفاقي و زملاء دراستي ) من أفجع اللحظات المؤلمة في حياتي إني في سنة واحدة فقدت 5 من زملائي في الدراسة و واحد منهم إتوفي قدامنا💔💔 .. (منتصر) الزول الهادي شديد و طبعو كده وما حصل ٱتناقش مع زول من الدفعه أو في يوم سمعنا عمل مشكلة مع بني آدم و الزول الحبوب…

( وفاة رفاقي و زملاء دراستي ) من أفجع اللحظات المؤلمة في حياتي إني في سنة واحدة فقدت 5 من زملائي في الدراسة و واحد منهم إتوفي قدامنا💔💔 .. (منتصر) الزول الهادي شديد و طبعو كده وما حصل ٱتناقش مع زول من الدفعه أو في يوم سمعنا عمل مشكلة مع بني آدم و الزول الحبوب فى الفصل .. و دا كان فقد عظيم لاسرتة و لينا لأنو فترة الإمتحانات كنا مضغوطين شديد و بنحاول بقدر المستطاع إننا نبزل أقصي مجهود في قرايتنا و متحدين بعض عشان نجيب معدلات عالية . في يوم و نحن راجعين من حصة الجغرافيا و كانت مراجعه نهائيه قبل الامتحانات ، إتونسنا وضحكنا في رجعتنا للحلة 👬 و افترقنا بعدها و أى زول على بيتهم ، وصلت البيت ماتميت ربع ساعة إتصل علي (عثمان) كان معانا فى المراجعة وقال لى : ( منتصر يا محمد أصر نخش معاه البيت ونشرب مويه ، جاب لينا المويه ونحن فى الباب قال حاسى بصداع دخل يقوليهم بعملوا لية قهوة ) ، ونحن في الباب منتظرنو يرجع سمعنا الصراخ و البكي 😳😳 لما دخلنا البيت إتفاجانا بي منتصر واقع علي و شو و ما كان بتحرك 💔 لما جوء الناس الكبار و بعد دخلو الاوضة طلع واحد و قال لينا الجملة الانا للان بتذكرها ( البقاء لله ، إنا لله وإنا إلية راجعون ... ) و في لحظة أمو و اخواتة صوتهم وصل اطراف الحلة و البقية بصبرو فيهم ، حتي لحظتها أنا ادركت إني فقدت صاحب و صديق طفولة و زميل دراسه من الصف الثالث أساس و قدر شنو مؤلم إنك تفقد فرد من أسرتك بين ليلة و ضحاها 😔. أما نحن الأمتحانات مسخت علينا و القراية بقي ما ليها طعم و روح المنافسة أختفت مع وفاة منتصر 💔😢 ، الكل كان متاثر بالفراق المفأجي من الطلاب و المعلمين لكن مافينا واحد كان قادر يعبر عن مشاعرة 💔💔. ( إبراهيم تلتلة ) علي عكس المرحوم (منتصر) إبراهيم مشاغب شديد و نص الحصص داكيها و ما بلخص ولا حتي بتعب حالة يسأل اخدنا شنو في الحصص بجي المدرسة علي مزاجة و بطلع بي مزاجة برضو ، إبراهيم يوميا جالدنو في طابور الصباح .. و رافع للمدير ضغطو بي تصرفاته لحدي ما سماهو ( تلتلة )😂😂 . في نص السنة المدير إتبع معاه نظام مختلف وبقي لاعب معاه ضاغط و إشتري ليهو كل الكراسات و الكتب و بقي يتابع معاه أول بأول و أبداً ما اداهو فرصة يتغيب و لما يسألة سؤال و يجاوب اليوم الثاني بكافئة في الطابور 😳😳💛 , و كدااا قدر يحفزة و يطلع الشخصية الطموحة في إبراهيم وبعدها (تلتلة) مشي في السكة صح حتي لما المدير بقي ما متابع معاه ، و نحن كمان اتحمسنا للمكافئات في الطابور لأنو مدرستنا كانت مخطلتة ياااازول أقولك حتي الفصول كانت مختلطة 💛🙊. أيام تحدينا و معسكرنا القافل للقراية مع الشباب و ( منتصر ) إبراهيم إنضم لينا و قال هو زاتو نفسو يجيب معدل عاااالي عشان عايز يدخل مجال بعينة و كدااا🥺.. بعد وفاة زميلنا منتصر و الأثر العميق الخلفة وراه إتعرضنا لموقف مفجع مشابه حتي قبل ما نتجاوز الأول ؛ في الإجازة و النتائج باقي ليها أقل من إسبوع كدااا الاجواء كانت خيالية امطار و غمام وهواء عليل 🍃 و نحنا نفسياتنا في السماء فوووق و متفائلين بقربها . في يوم بعد المطرة إتلاقينا في الميدان و عندنا مصطبة جنب عامود كهرباء في ركن الميدان لما قربنا عليها اتسابقنا للمكان الظابط فيها 😂 و إبراهيم ما كلف نفسة وصل الأخير و اتكل في السلك بتاع العمود ، فضلنا نتونس و نضحك و ناخد وندي في الكلام و معظم ونستنا عن الجامعة و أي زول بحكي عن الجامعة العايز يقدم فيها لما يجيب 90 و كدااا طموحنا كانت عالية 💓😂 ومش أنا قلت ليكم قبل كدة ..( تمنوا فاعند الله لا تموت الأمنيات ما دمتم تسقوها بالدعوات ؟ ..) (تلتولي) كان ساكت طوال الونسة لما حاولنا نسألة أصلوا ما إتكلم معانا فا واحد مننا قاليهو خلاص تعال أقعد ماتحسسنا إننا ظلمناك لكن تورينا عايز تقدم لاي جامعة بس 😭😭 لما قام و مسك (تلتولي) من كتفة .. إبراهيم وقع (جثة هامدة بدون حراك بنفس الوقفة الكان واقفها😳😳) و نحن فكينا البكي أولاً من الخلعة و ثانياً من المنظر و أخيراً زدنا في البكي مع أخ ابراهيم الكان معانا .. و هو منو الفينا ما بكي 😭💔؟!! ابراهيم اثناء ما كان واقف الكهرباء رجعت بي تيار عالي شديد و هو كان لاصق مع السلك فا حصل الحصل 💔💔 قدامنا للمرة الثانية خلال شهرين أو أقل. الؤلم في الحادثة انو تؤام إبراهيم كان معانا في نفس المكان و لحظة إدراكه لفقد أخوة قعد في الأرض وبكي بكي في الدنيا دي ، لا دا كان ببكي بطريقة هستريا جداً و بتحس إنو الاتوفي ليهو دا أبوة ما أخوة بكي أم علي طفلها المرحوم 😭 و من شدة البكي حتحس إنو حيطلع امعاءه لبرة و عيونو دي إتحولت للاحمر من كثرة البكي 😭😭 و كل ما يعاين لواحد مننا يبكي زيادة و يبكي بحرقة شديدة و نحن كمان الموقف هزانا شديد و بكينا معاها لكن أبدا ما قدرنا نواسية لحظتها😞😞. (دمتم و مازلتم زكري عطرة في دواخلنا ..اللهم أنت الرحيم العطوف فا أعطف وارحم اصدقائي و ادخلهم جنات الفردوس العليا يا رحيم🤲🏽) #اللهم_رحماك_عليهم🥺🥺

صباح الخير يا الطيبين✨ وصباح الخير علي الســــــــودان 🇸🇩

‏طبيعي جداً انو يكون عندك ناس بتنتقدك، و ناس ما بتحب بتسمعك، و ناس مبلكاك و ناس بتكرهك زي ما برضو في ناس بتحبّك و بتأيدك و بتدافع عنّك.. بس الما طبيعي انو يكون في اجماع على انك زول محبوب من كل الناس و بتحاول ترضي كل الناس و هنا حاتبقى زول من ورق ساي.. لا مبادئ و قضية لك..

عطاء قفزة روحية تعرف يبو حميد 😔 انا زولة بحب وطني جداً جداً (كنت !) كان عندي ولاء عظيم للسودان .. كنت بحب أعرف عنو و اكتشف فيه، كنت بغار ليه جداً جدا تصدق ! .. ايوا كنت بغار لبلدي لما أعرف إنو في دولة قاعدة تستفيد من خيراته على حسابها الشخصي والنفع راجع…