Myanmar Update News

Digital Smart မီတာအသစ်များ‌လျှောက်ထားခြင်းအတွက် အသုံးပြုနည်းလမ်းညွှန်ချက်

SKD စနစ်ဖြင့် EV (၂)ဘီး၊ (၃)ဘီးထုတ်လုပ်ခြင်းလုပ်ငန်းအပါအဝင် ရင်းနှီးမြှုပ်နှံမှုလုပ်ငန်းအသစ်(၁၄)ခုခွင့်ပြု

😀😀😀😀 အင်ဒိုနီးရှား အရှေ့ပိုင်းတွင် ပြင်းအား ၇.၇ အဆင့်ရှိ ငလျင်ကြီးလှုပ်ခတ်၊ ဆူနာမီ သတိပေးချက် ထုတ်ပြန် ယနေ့ စနေနေ့ (သြဂုတ်လ ၁၅ ရက်) နံနက်အစောပိုင်းက အင်ဒိုနီးရှားနိုင်ငံ အရှေ့ပိုင်း ဖလောရက်စ် (Flores) ကျွန်းအနီးတွင် ပြင်းအား ၇.၇ မဂ္ဂနီကျုအဆင့်ရှိ အင်အားပြင်း ငလျင်ကြီးတစ်ခု လှုပ်ခတ်သွားခဲ့ကြောင်း အမေရိကန် ဘူမိဗေဒလေ့လာရေးအဖွဲ့ (USGS) နှင့် အင်ဒိုနီးရှား အာဏာပိုင်များက သတင်းထုတ်ပြန်ထားသည်။ အင်ဒီး (Ende) မြို့၏ အနောက်မြောက်ဘက် ၆၈ ကီလိုမီတာခန့်အကွာ ဖလောရက်စ်ကျွန်း မြောက်ဘက်ကမ်းလွန်ကို ဗဟိုပြုလှုပ်ခတ်ခဲ့ခြင်း ဖြစ်သည်။ အဆိုပါငလျင်သည် မြေအောက်အနက်ပိုင်း သိပ်မနက်သော နေရာ (Shallow quake) ကို ဗဟိုပြုခဲ့ခြင်းဖြစ်သည်။ ငလျင်ပြင်းအား ကြီးမားသည့်အတွက် ဆူနာမီ (Tsunami) အန္တရာယ် သတိပေးချက် ထုတ်ပြန်ထားပြီး၊ လက်ရှိအချိန်တွင် ဒေသခံ ရာနှင့်ချီ၍ ဘေးလွတ်ရာသို့ အရေးပေါ် ရွှေ့ပြောင်းနေရကြောင်း သိရသည်။

■ ယာဉ်အပိုပစ္စည်း၊ ယာဉ်နှင့်ဆက်စပ်ပစ္စည်းများ ဝယ်ယူမှုတန်ဖိုးကြီးမြင့်လာသည့်အတွက် စက်တင်ဘာ ၁ ရက်မှ စတင်ကာ YBS ယာဉ်စီးခနှုန်းထား ၂၀၀ ကျပ် ကောက်ခံမှုအစား ၃၀၀ ကျပ်သို့လည်းကောင်း ၊ ၄၀၀ ကျပ် ကောက်ခံမှုအစား ၆၀၀ ကျပ်သို့လည်းကောင်း တိုးမြှင့်ကောက်ခံမည် ယာဉ်အပိုပစ္စည်း၊ ယာဉ်နှင့်ဆက်စပ်ပစ္စည်းများ ဝယ်ယူမှုတန်ဖိုးကြီးမြင့်လာသည့်အတွက် စက်တင်ဘာ ၁ ရက်မှ စတင်ကာ YBS ယာဉ်စီးခနှုန်းထား လက်ရှိ ၂၀၀ ကျပ် ကောက်ခံမှုအစား ၃၀၀ ကျပ်သို့လည်းကောင်း ၊ လက်ရှိ ၄၀၀ ကျပ် ကောက်ခံမှုအစား ၆၀၀ ကျပ်သို့လည်းကောင်း တိုးမြှင့်ကောက်ခံမည်ဖြစ်ကြောင်း ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကြီးကြပ်မှုကော်မတီ(YRTC)ထံက သိရသည်။ ထို့အတူ YPS ကတ်များကိုလည်း အဆိုပါနှုန်းထားနည်းတူ တပြိုင်တည်း ပြောင်းလဲကောက်ခံသွားမည် ဖြစ်သည့်အတွက် သက်ဆိုင်ရာ နည်းပညာကုမ္ပဏီနှင့် သတ်မှတ်ရက်အမီ ပြောင်းလဲနိုင်ရေး ဆောင်ရွက်လျက်ရှိကြောင်း သိရသည်။ YRTC ၏ ကြီးကြပ်မှုအောက်ရှိ YBS အများပိုင်ကုမ္ပဏီ(၂၁)ခုမှ စာရင်းရှိယာဉ်စီးရေ (၅၃၉၉)စီး ရှိသည့်ထဲမှ တစ်ရက်ပြေးဆွဲနိုင်သည့် ယာဉ်စီးရေမှာ (၃၃၀၀) စီးခန့်သာရှိပြီး အသေးစားပြုပြင်ယာဉ် (၁၀၂၄) စီး၊ အလတ်စားပြုပြင်ယာဉ် (၂၀၉) စီး၊ အကြီးစားပြုပြင်ယာဉ် (၅၁၀) စီးနဲ့ အခြား ပြေးဆွဲနိုင်ခြင်းမရှိယာဉ် (၃၅၆) စီးခန့်ရှိနေသည့်အတွက် လက်ရှိပြုပြင်ဆဲယာဉ်များ၏ ယာဉ်အပိုပစ္စည်းေစျးနှုန်းကြီးမြင့်သော်လည်း ဝယ်ယူပြုပြင်ဆောင်ရွက်ရာတွင် အထိုက်အလျောက်အဆင်ပြေစေ‌ရေးအတွက် ယာဉ်စီးခနှုန်းထားများကို ထိုက်သင့်သရွေ့တိုးမြှင့်ပေးရန် YUPT နှင့် YBPC Co., Ltd တို့က YRTC ထံတင်ပြခဲ့ကြောင်း သိရသည်။ “ YBS ယာဉ်စီးရေတိုးမြှင့်ထွက်ရှိပြေးဆွဲပေးနိုင်ရေးအတွက် ကုမ္ပဏီအတွင်းရှိပြုပြင်ဆဲယာဉ်တွေ အမြန်ဆုံး ပြုပြင်ဆောင်ရွက်မှသာလျှင် ခရီးသွားပြည်သူတွေအတွက် ပိုမိုအဆင်ပြေနိုင်မှာဖြစ်ပြီး ယာဉ်တွေပြုပြင်ရာမှာလည်း ယာဉ်အပိုပစ္စည်းဆက်စပ်ပစ္စည်းတွေကို ဝယ်ယူမှုစျေးနှုန်းမြင့်မားခြင်းနဲ့ ဝင်ငွေ/ထွက်ငွေ မမျှတခြင်းတို့ကို ကုစားနိုင်ဖို့အတွက် သင့်တင့်မျှတတဲ့ ယာဉ်စီးခနှုန်းထားကို ပြန်လည်သတ်မှတ်နိုင်မှသာ YBS ယာဉ်လိုင်းကုမ္ပဏီတွေအတွက် အထိုက်အလျှောက် အဆင်ပြေစေမှာဖြစ်တဲ့အပြင် ခရီးသည်တွေအတွက်လည်း ယာဉ်စီးနင်းရာမှာ အခက်အခဲမရှိ ပြေလည်စေနိုင်မှာ ဖြစ်ကြောင်းကို တွေ့ရှိရတဲ့အတွက် Win-Win ဖြစ်စေဖို့- ဝန်ထုပ်ဝန်ပိုးမဖြစ်စေ တဲ့နှုန်းထားဖြစ်တဲ့ လက်ရှိ ငွေကျပ် (၂၀၀) ကောက်ခံမှုအစား ငွေကျပ် (၃၀၀) သို့လည်းကောင်း ၊ လက်ရှိ ငွေကျပ် (၄၀၀) ကောက်ခံမှုအစား ငွေကျပ်(၆၀၀) သို့လည်းကောင်း တိုးမြှင့်ကောက်ခံသွားမှာ ဖြစ်ပါတယ်။ YPS ကတ်များကိုပါ အဆိုပါနှုန်းထားနည်းတူ တပြိုင်တည်း ပြောင်းလဲကောက်ခံသွားမှာဖြစ်တဲ့အတွက် သက်ဆိုင်ရာ နည်းပညာကုမ္ပဏီနဲ့ သတ်မှတ်ရက်အမီ ပြောင်းလဲနိုင်ရေးဆောင်ရွက်လျက်ရှိပါကြောင်းနဲ့ ယာဉ်စီးခတိုးမြှင့် ကောက်ခံမှုကို - ၁-၉-၂၀၂၆ ရက်နေ့မှ စတင် ပြောင်းလဲသွားမည်ဖြစ်ကြောင်း အများပြည်သူသိရှိစေရန် အသိပေးအပ်ပါတယ်ခင်ဗျာ” ဟု YRTC ၏ အသိပေးကြေညာချက်တွင် ဖော်ပြပါရှိသည်။ ထို့အပြင် ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကြီးကြပ်မှုကော်မတီ (YRTC) ကြီးကြပ်မှုအောက်ရှိ YBS ယာဉ်လိုင်းများမှ ခရီးသည်တင်မော်တော်ယာဉ် (၃၃၀၀ )စီးခန့်မှ ခရီးသွားပြည်သူ (၁.၈) သန်းကို နေ့စဉ်သယ်ယူပို့ဆောင်ပေးလျက်ရှိပြီး YBS စီးနင်းသည့် ခရီးသည်များပိုမိုများပြားလာသည့် အတွက်ကြောင့် မှတ်တိုင်များတွင် ခရီးသည်စုပုံခြင်း၊ YBS ယာဉ်များပေါ် ပြည့်ကျပ်စွာ စီးနင်းနေရပြီး စီးနင်းခရီးသည်နဲ့ပြေးဆွဲယာဉ်စီးရေ လောက်ငှမှုမရှိကြောင်းကို တွေ့ရှိရသည့်အတွက် YRTC အနေဖြင့် YBS ခရီးသည်တင်ယာဉ်စီးရေတိုးမြှင့်ထွက်ရှိရေးကို အလေးထားကြပ်မတ် ဆောင်ရွက်လျက်ရှိကြောင်း ၊ အသေးစား၊ အလတ်စား ပြုပြင်ဆောင်ရွက်နေတဲ့ YBS ယာဉ်တွေကို အမြန်ဆုံးပြုပြင်ကာ ယာဉ်စီးရေ ပိုမိုထွက်ရှိပြေးဆွဲပေးနိုင်ရေးအတွက် YBS အများပိုင်ကုမ္ပဏီများကို စိစစ် ကြပ်မတ်ဆောင်ရွက်လျက် ရှိကြောင်း YRTC ကဆိုသည်။ ■ Website Link >>>> https://news-eleven.com/article/314269 #elevennews #YBS ယာဉ်စီးခတိုးမြှင့်ကောက်ခံ #YRTC ■ Eleven Website:https://news-eleven.com ■ Eleven Broadcasting YouTube:https://m.youtube.com/c/elevenwebtv11 ■ Eleven Sports YouTube:https://m.youtube.com/c/ElevenSports11 ■ Eleven Telegram Channel : https://t.me/elevenmediagroup ■ Eleven Viber : https://vb.me/elevenmediagrou

ရန်ကုန်ဆေးရုံကြီး၌ ဝမ်းပျက်ဝမ်းလျှောအတွက်သတ်မှတ်ထားသည့် စံနှုန်းအတိုင်း ပြင်ဆင်ကုသပေးနေ ရန်ကုန်ဆေးရုံကြီး၌ ဝမ်းပျက်ဝမ်းလျှောအတွက် သတ်မှတ်ထားတဲ့ စံနှုန်းအတိုင်း ပြင်ဆင်ကုသပေးနေတယ်လို့ရန်ကုန်ပြည်သူ့ဆေးရုံကြီးမှ ဒုတိယဆေးရုံအုပ်ကြီး ဒေါက်တာအောင်လင်းအေးကပြောပါတယ်။ #Local_News Published 14 August 2026 #ရန်ကုန်ဆေးရုံကြီး #ဝမ်းပျက်ဝမ်းလျှော #YMG/NN #Yangon_Times WatchVideo>>>https://yangonmediagroup.com/index.php/myanmar/mmh12-14-8-2026

#World_News ကြာမြင့်စွာနေရာချထားသည့်USS Lincolnနေရာအစားထိုးရန်လေယာဉ်တင်သင်္ဘောသစ် အရှေ့အလယ်ပိုင်းသို့ထွက်ခွာ +++++++++++++++++++++ Published 14 August 2026 ■ လေယာဉ်တင်သင်္ဘော USS George Washington ဟာ USS Abraham Lincoln နေရာမှာ အစားထိုးရန်အတွက် အာရှ-ပစိဖိတ်ဒေသမှ အရှေ့အလယ်ပိုင်းသို့ ဦးတည်ထွက်ခွာနေပါတယ်။ ■ ဒီလိုပြန်လည်နေရာချထားမှုကြောင့် ပစိဖိတ်ဒေသမှာ ကာလတစ်ခုအထိ အမေရိကန် လေယာဉ်တင်သင်္ဘော အခြေစိုက်မရှိတော့ဘဲ လစ်ဟာသွားမှာ ဖြစ်ပါတယ်။ ■ USS Abraham Lincoln ဟာ အီရန်အပေါ် အမေရိကန်စစ်ရေးလှုပ်ရှားမှုများကို ပံ့ပိုးရန် ဇန်နဝါရီလတည်းက အရှေ့အလယ်ပိုင်းမှာ တာဝန်ထမ်းဆောင်နေခဲ့ခြင်း ဖြစ်ပါတယ်။ ■ Lincoln သင်္ဘောဟာ မူလပြန်ရမယ့် မေလထက် အချိန်များစွာ ကျော်လွန်ပြီး ပင်လယ်ပြင်မှာ ရက်ပေါင်း ၂၄၀ ကျော် ဆက်တိုက်တာဝန်ထမ်းဆောင်ကာ စံချိန်သစ် တင်ခဲ့ပါတယ်။ ______________________________________ ReadMore>>>https://yangonmediagroup.com/index.php/local-news/world/mmh06-14-8-2026

အမြန်လမ်း ၁၁၅ မိုင် DENKO ဆီဆိုင်တွင် ရွှေထုပ်တစ်ထုပ် ကောက်ရထား၊ ပိုင်ရှင်လာရောက်ဆက်သွယ်နိုင် ဖြူး၊ ဩဂုတ် ၁၄ ရန်ကုန်-မန္တလေးအမြန်လမ်း မိုင်တိုင် ၁၁၅ မိုင်ရှိ DENKO ဖြူး ဆီဆိုင်တွင် ရွှေထည်ပစ္စည်းများပါဝင်သည့် ရွှေထုပ်တစ်ထုပ် ကောက်ရထားကြောင်း ဆီဆိုင်ဘက်က ယနေ့ ဩဂုတ် ၁၄ ရက်တွင် အသိပေးထုတ်ပြန်ထားသည်။ အဆိုပါ ကောက်ရထားသည့် ရွှေထုပ်နှင့်ပတ်သက်၍ ပိုင်ရှင်ဖြစ်သူအနေဖြင့် သက်ဆိုင်ရာ DENKO ဖြူး (အမြန်လမ်း ၁၁၅ မိုင်) ဆိုင်ခွဲသို့ လာရောက်ဆက်သွယ်နိုင်ကြောင်း အသိပေးထားသည်။ သို့သော် ကောက်ရထားသည့် ရွှေထုပ်အတွင်း ပါဝင်သည့် ရွှေထည်အမျိုးအစား၊ အရေအတွက်နှင့် တန်ဖိုးတို့ကို ထုတ်ပြန်ချက်တွင် အသေးစိတ်ဖော်ပြထားခြင်း မရှိသေးကြောင်း သိရသည်။

ဘဏ်များက စိုက်ပျိုးရေး၊ မွေးမြူရေးလုပ်ငန်း၊ စက်မှုလုပ်ငန်း၊ MSME လုပ်ငန်းများသို့ ၎င်းတို့၏ ငွေကြေးရန်ပုံငွေဖြင့် ရင်းနှီးမြှုပ်နှံမှုများ ပိုမိုဆောင်ရွက်နိုင်ရေးဆောင်ရွက်လျက်ရှိ   နေပြည်တော် ဩဂုတ် ၁၃   မြန်မာနိုင်ငံတော်ဗဟိုဘဏ် ဘဏ်များတွင် ပြည်သူများစုဆောင်းထားသော အပ်နှံငွေများကို နိုင်ငံအတွက်အကျိုးဖြစ်ထွန်းစေမည့် ရင်းနှီးမြှုပ်နှံမှုနှင့် ထုတ်လုပ်မှုကဏ္ဍများသို့ ထိရောက်စွာ စီးဆင်းရောက်ရှိစေရေးသည် ဘဏ်လုပ်ငန်းကဏ္ဍ၏ အရေးကြီးသည့် လုပ်ငန်းဆောင်ရွက်ချက်တစ်ခုဖြစ်ကြောင်း၊ ထိုသို့ ဆောင်ရွက်ခြင်းအားဖြင့် ဘဏ်များအနေဖြင့် Financial Intermediary ဖြစ်ရုံသာမက နိုင်ငံ၏စီးပွားရေး ဖွံ့ဖြိုးတိုးတက်မှု၊ ထုတ်လုပ်မှုမြှင့်တင်ရေးနှင့် အလုပ်အကိုင်အခွင့်အလမ်းများ ဖန်တီးပေးနိုင်ရေးတို့အတွက်အရေးပါပြီး တန်ဖိုးရှိသည့် မောင်းနှင်အားတစ်ရပ်အဖြစ် ဆက်လက်ရပ်တည်နိုင်မည်ဖြစ်ကြောင်း ယနေ့နံနက်ပိုင်းက မြန်မာနိုင်ငံတော်ဗဟိုဘဏ်၊ နေပြည်တော်၌ကျင်းပသည့် ဘဏ်များက စိုက်ပျိုးရေး၊ မွေးမြူရေးလုပ်ငန်း၊ စက်မှုလုပ်ငန်း၊ MSME လုပ်ငန်းများသို့ ၎င်းတို့၏ ငွေကြေးရန်ပုံငွေဖြင့် ရင်းနှီးမြှုပ်နှံမှုများ ပိုမိုဆောင်ရွက်နိုင်ရေးနှင့်စပ်လျဉ်းသည့် အစည်းအဝေးတွင် မြန်မာနိုင်ငံတော်ဗဟိုဘဏ် ဥက္ကဋ္ဌ၏ ပြောကြားချက်အရ သိရသည်။   ထို့ပြင် ဘဏ်များအနေဖြင့် ပြည်သူများ၏ အပ်နှံငွေများကိုလက်ခံပြီး စီးပွားရေးလုပ်ငန်းများသို့  ချေးငွေအဖြစ် ပြန်လည်ခွဲဝေထုတ်ချေးပေးရခြင်းဖြစ်သည့်အတွက် အဆိုပါချေးငွေ၏ ဆုံးရှုံးနိုင်ခြေကို လျှော့ချနိုင်ရေးနှင့် အရည်အသွေးကောင်းမွန်သည့် Quality Loan များ ဖြစ်ပေါ်စေရေးသည်လည်း အရေးကြီးကြောင်း၊ ချေးငွေ၏ အရည်အသွေးနှင့် ပြန်လည်ပေးဆပ်နိုင်စွမ်းကို အလေးထားစောင့်ကြည့်ရန် လိုအပ်မည်ဖြစ်ကြောင်း ဗဟိုဘဏ်ဥက္ကဋ္ဌက ဆွေးနွေးပြောကြားခဲ့ပြီး ဘဏ်များအနေဖြင့် စိုက်ပျိုးရေးနှင့် မွေးမြူရေးလုပ်ငန်း၊ စက်မှုလုပ်ငန်းနှင့် MSME လုပ်ငန်းများ ဖွံ့ဖြိုးတိုးတက်ရေးအတွက် ယခုဘဏ္ဍာရေးနှစ်မှစတင်၍ ပိုမိုထိရောက်စွာ ရင်းနှီးမြှုပ်နှံရေးနှင့် ချေးငွေထုတ်ချေးပေးနိုင်ရေးအတွက် ထိရောက်စွာအကောင်အထည်ဖော် ဆောင်ရွက်ရမည့် နည်းလမ်းများကို ဦးစားပေးကဏ္ဍတစ်ခုချင်းစီအလိုက် မှာကြားသည်။   ထို့နောက် တက်ရောက်လာသည့် ပုဂ္ဂလိကဘဏ်များမှ တာဝန်ရှိသူများက တွေ့ကြုံရသည့် အခက်အခဲများ၊ ၎င်းတို့၏ ငွေကြေးရန်ပုံငွေဖြင့်ရင်းနှီးမြှုပ်နှံမှုများ ပိုမိုဆောင်ရွက်မည့် အစီအစဉ်များနှင့် မြန်မာနိုင်ငံတော်ဗဟိုဘဏ်၏ လမ်းညွှန်မှာကြားချက်များနှင့်အညီ ပူးပေါင်းဆောင်ရွက်သွားမည့် အစီအစဉ်များကို ဆွေးနွေးတင်ပြရာ မြန်မာနိုင်ငံတော်ဗဟို ဘဏ်ဥက္ကဋ္ဌနှင့် ဒုတိယဥက္ကဋ္ဌများက လိုအပ်သည်များကို ဖြည့်စွက်ဆွေးနွေးခဲ့ကြသည်။   သတင်းစဉ် https://t.me/myanmarnewspaper/236403 MOI News Application အား အောက်ပါ link တွင် Download ပြုလုပ်နိုင်ပါသည်- For Andriod https://shorturl.at/uK23k For IOS https://rb.gy/vgdhqc Subscribe to Myanmar Newspaper https://t.me/myanmarnewspaper Subscribe to The Global New Light of Myanmar https://t.me/gnlmon Subscribe to MOI https://t.me/iprdrnd