Beruniy Alimov | Rasmiy kanal

🦋 Axborot xizmatlari rahbarlari attestatsiyaga tayyorlanmoqda 🟢O‘zbekiston Respublikasi Prezidenti Administratsiyasi huzuridagi Ommaviy axborot vositalari uchun kontent tayyorlash markazida viloyat, tuman va shahar hokimliklari, shuningdek, hududiy boshqarmalar axborot xizmatlari rahbarlari uchun attestatsiyaga tayyorgarlik bo‘yicha o‘quv-seminar tashkil etildi. 🟢Seminar gibrid formatda — oflayn va onlayn tarzda o‘tkazilib, unda axborot xizmatlari rahbarlarining attestatsiyaga nazariy tayyorgarligini oshirish, sohaga oid bilimlarini mustahkamlash hamda zarur uslubiy ko‘mak ko‘rsatishga alohida e’tibor qaratildi. 🟢Mashg‘ulotlar davomida media trener Beruniy Alimov tomonidan axborot xizmati faoliyatiga oid attestatsiya savollari yuzasidan, Kontent markazi mutasaddisi R. Yahyaev tomonidan esa sohaga oid qonunchilik va normativ-huquqiy hujjatlar bo‘yicha ishtirokchilarga batafsil ma’lumotlar berildi. 🟢Mazkur seminar axborot xizmatlari rahbarlarining attestatsiyaga puxta tayyorgarlik ko‘rishi, nazariy bilimlarini yanada mustahkamlashi hamda kasbiy salohiyatini oshirishga xizmat qiladi. https://t.me/Rasmiy_axborot_official/17433

🇺🇿 O‘zbekiston Mustaqilligining 35 yilligi Britaniyada ham yangramoqda Londondagi Eminsight nashrida mamlakatimiz taraqqiyoti, buguni va kelajagiga bag‘ishlangan maqolamiz e’lon qilindi. Bir maqola aslida bir sana haqidagina emas. U bugungi O‘zbekistonning dunyoga qanday ko‘rinayotgani haqida. 35 yil. Yangi tarix. Yangi imkoniyatlar. Bosh muharrir Raza Syedga hamkorlik uchun katta rahmat! https://www.eminsight.co.uk/article/6a7f2ced40a97b21d1836777

AXBOROT XAVFSIZLIGI VA MEDIASAVODXONLIK Bugungi kunda axborot jamiyat hayotining barcha sohalariga chuqur kirib bordi. Inson ertalab uyg‘onishi bilan telefonidagi xabarlarni ko‘radi, ijtimoiy tarmoqlardagi yangiliklar bilan tanishadi, kun davomida turli elektron platformalardan foydalanadi, ish va ta’lim jarayonida raqamli ma’lumotlar bilan ishlaydi. Shu tariqa axborot insonning kundalik hayoti, mehnat faoliyati, dunyoqarashi va qarorlariga bevosita ta’sir ko‘rsatuvchi muhim omilga aylandi. Батафсил ўқинг @postdarasmiy телеграм каналимизга аъзо бўлинг.

Kuchli kommunikator — barqaror davlatning asosiy aktivi Bugun O‘zbekiston Respublikasi Prezidenti Administratsiyasi huzuridagi Ommaviy axborot vositalari uchun kontent tayyorlash markazida “Davlat axborot xizmatlari — 2030” mavzusida navbatdagi davra suhbati tashkil etildi. Gap faqat attestatsiya haqida emas. Gap — davlat va jamiyat o‘rtasidagi ishonchni yanada rivojlantirish haqida. Chunki zamonaviy matbuot kotibi endi xabar tarqatish bilan cheklanmaydi. U strategik kommunikator, inqiroz paytidagi tezkor qaror qabul qiluvchi ekspert va ishonch me’mori. Sun’iy intellekt, tezkor axborot va yangi media muhitida kechagi bilim bilan hozirgi auditoriyani ishontirib bo‘lmaydi. Kuchli davlatga kuchli kommunikatorlar kerak.