53-maktab Hayoti

Hurmatli ota-onalar! Farzandlarimizning maktabda tartibli, ozoda va ichki tartib-qoidalarga mos holda ta'lim olishi barchamizning umumiy mas'uliyatimizdir. Shu munosabat bilan maktab formasiga alohida e'tibor qaratishingizni so'raymiz. Xususan, qiz o'quvchilar maktabga belgilangan forma talablariga mos, kamtarona va qulay kiyimda kelishlari lozim. Tor va kalta yubkalar maktab odob-axloq qoidalariga mos kelmaydi. Shu sababli farzandingizning maktabga forma talablariga rioya qilgan holda kelishini nazorat qilishingizni iltimos qilamiz. qizlar yubkasi tizzadan 15–20 sm past bo'lishi kerak; kiyim juda tor yoki juda keng bo'lmasligi kerak; o'g'il bolalar shimining uzunligi to'piqdan past bo'lishi lozim.

Buloqboshi Mahallasida xotin-qizlar uchun psixologik trening tashkil etildi. Trening davomida ishtirokchilarning ruhiy salomatligini mustahkamlash, ijobiy fikrlashni rivojlantirish, stressni boshqarish hamda oiladagi sogʻlom psixologik muhitni shakllantirishga oid foydali tavsiyalar berildi. Tadbir samimiy va faol muloqot ruhida oʻtdi. Ishtirokchilar turli interaktiv mashgʻulotlar orqali oʻz bilim va tajribalarini boyitib, kundalik hayotda qoʻllash mumkin boʻlgan amaliy koʻnikmalarga ega boʻldilar. Bunday treninglar xotin-qizlarning maʼnaviy-ruhiy farovonligini oshirish va jamiyatdagi faolligini yanada kuchaytirishga xizmat qiladi.

🏆 6-9-sinflar uchun Yutuqli test 🎁Sovrin jamgʻarmasi: 1,500,000 soʻm 📅Oʻtkazilish sanasi: 30-iyul(Payshanba) 📌Oʻtkazilish joyi: Yopiq guruhda ✅Yutuqli testda qatnashish uchun Hamkor kanallarga azo boʻling va ushbu postni 3ta (20+ azolik)guruh va 5ta doʻstingizga yuborib, screen qilib @Olimpiada_Admin_24 ga tashlang 📌Bizning kanal: https://t.me/Al_Xorazmiy_Olimpiad

#Xavfsiz_va_sogʻlom_yurt ⚠️Samarqand viloyati IIB ogohlantiradi! ‼️Hurmatli ota-onalar farzandlaringizni belgilanmagan joylarda cho‘milishiga yo‘l qo‘ymang! 🌐Website |📲 Telegram | 💻Facebook |🖥 Instagram | 📹 Youtube

OʻQUVCHILARNING IJTIMOIY TARMOQLARDAN FOYIDALANISHINI QONUN BILAN TAQIQLASH REJALASHTIRILMOQDA. Oʻzbekistonda 16 yoshgacha boʻlgan bolalarning ijtimoiy tarmoqlardan foydalanishini cheklashni nazarda tutuvchi qonun loyihasi ishlab chiqilishi mumkin. Bu haqda 26-iyun kuni Maktabgacha va maktab taʼlimi vazirligida oʻtkazilgan tadbirdan soʻng vazir Eʼzozxon Karimova Gazeta muxbiri bilan suhbatda aytib oʻtdi. Jurnalist dunyoning koʻplab davlatlarida, xususan, qoʻshni Qozogʻistonda ham voyaga yetmaganlarning telefon va ijtimoiy tarmoqlardan foydalanishini cheklash boʻyicha tashabbuslar boshlanganini eslatib, Oʻzbekistonda ham shunday qadam tashlanishi mumkinmi, deb soʻradi. Eʼzozxon Karimovaning taʼkidlashicha, mazkur masala yuzasidan parlament deputatlari va senatorlar bilan oʻzaro muhokamalar oʻtkazilgan hamda qonun loyihasi ishlab chiqib, uni jamoatchilik muhokamasiga qoʻyish rejalashtirilmoqda. «Biz ham hozir ushbu masalani oʻylayapmiz. Bu boʻyicha deputatlarimiz va senatorlarimiz bilan ham gaplashdik. Qonun loyihasini ishlab chiqib, jamoatchilik muhokamasiga qoʻymoqchimiz. Bu tartib bizda ham boʻlishi kerak, deb oʻylayman», — deydi vazir. U bolalarni telefondan toʻliq voz kechtirishning imkoni yoʻqligi, ammo undan foydalanish madaniyatini shakllantirish muhimligini qayd etdi. «Hozir texnika asri, bolalarimizdan telefonlarni yulib ololmaymiz. Albatta, telefon kerak. Ammo undan foydalanish madaniyati va me’yori ham boʻlishi zarur. Oʻquvchining maktabga kirishdan oldin telefonini qoldirishga oid buyruq chiqqan va odob-axloq qoidalari ham mavjud. Lekin bu qoidalar qayerdadir ishlaydi, qayerdadir esa ishlamaydi. Buni endilikda qattiq nazoratga olib, 16 yoshgacha boʻlgan bolalarimizni ijtimoiy tarmoqlardan foydalanishni qonun bilan cheklamoqchimiz», — deydi Eʼzozxon Karimova.

NUROBOD TUMANIDA BITIRUVCHILARGA OLTIN VA KUMUSH MEDALLAR TOPSHIRILDI Nurobod tumanida 2025–2026-o‘quv yilini yuqori natijalar bilan yakunlagan bitiruvchilarni taqdirlash marosimi bo‘lib o‘tdi. Tadbirda umumta’lim maktablarini a’lo baholar bilan tamomlagan, bilimga chanqoqligi, intilishi hamda namunali xulqi bilan tengdoshlariga o‘rnak bo‘lgan bitiruvchilarga oltin va kumush medallar tantanali ravishda topshirildi. Tadbir davomida bitiruvchilarning yillar davomida olib borgan izchil mehnati, ustozlarning fidokorona sa’y-harakatlari va ota-onalarning farzandlar ta’lim-tarbiyasidagi beqiyos hissasi alohida e’tirof etildi. Ta’kidlanganidek, ushbu yuksak mukofotlar yoshlarning bilim olishga bo‘lgan intilishi, tinimsiz izlanishi va kelajak sari ishonch bilan odimlayotganining munosib e’tirofidir. Joriy yilda Nurobod tumani bo‘yicha 14 nafar bitiruvchi oltin medal, 5 nafar bitiruvchi esa kumush medal sohibi bo‘ldi. Yuksak natijalarga erishgan barcha bitiruvchilarni samimiy muborakbod etamiz. Ularning kelgusi ta’lim bosqichlari va hayot yo‘lida ulkan zafarlar, yangi yutuqlar hamda Vatan ravnaqi yo‘lida munosib xizmat qilishlarini tilab qolamiz. 🧡@nur_press