Otabek Sobitov

🗣Qonun ijodkorligi va yoshlar tashabbuslari forum muhokamalari markazida 💬 II O‘zbekiston–Qirg‘iziston Yosh parlamentariylari forumi doirasida delegatsiyamiz bilan birgalikda qator panel sessiyalarida ishtirok etdik. ⏺Xususan, “Yosh parlament a’zolarining qonun ijodkorligi faoliyatini rivojlantirishdagi roli” hamda “Yoshlar tashabbuslari: tadbirkorlik, innovatsiyalar va ekologiya” mavzularidagi muhokamalarda O‘zbekiston va Qirg‘iziston parlamentlari vakillari, Yoshlar parlamentlari a’zolari, xalqaro tashkilotlar hamda ekspertlar bilan fikr almashdik. 📌Muloqotlar davomida yoshlarning qonun ijodkorligi jarayonidagi ishtirokini kengaytirish, innovatsion tashabbuslarni qo‘llab-quvvatlash, tadbirkorlik va ekologiya yo‘nalishlarida hamkorlikni rivojlantirish, ilg‘or tajribalarni o‘rganish hamda yangi qo‘shma loyihalarni amalga oshirish masalalari muhokama qilindi. 💬Ishonchim komilki, bunday ochiq muloqot va tajriba almashuvlari O‘zbekiston va Qirg‘iziston yosh parlamentlari o‘rtasidagi hamkorlikni yanada mustahkamlab, yoshlarning qonunchilik va davlat boshqaruvidagi faolligini oshirishga xizmat qiladi. 🔹otabeksobitov.uz

🗣Issiqko‘lda ikki qardosh davlat yoshlarining parlament muloqoti boshlandi 💬 Bugun Qirg‘iziston Respublikasining Issiqko‘l viloyatida II O‘zbekiston–Qirg‘iziston Yosh parlamentariylari forumi o‘z ishini boshladi. Mazkur nufuzli forumda Oliy Majlis Qonunchilik palatasi delegatsiyasi tarkibida ishtirok etmoqdamiz. ⏺Forum Oliy Majlis Qonunchilik palatasining Yoshlar masalalari bo‘yicha komissiyasi, Yoshlar parlamenti, Qirg‘iziston Respublikasi Jogorku Keneshi huzuridagi Yoshlar kengashi a’zolari hamda Konrad Adenauer jamg‘armasining Markaziy Osiyodagi vakolatxonasi vakillarini bir maydonga jamladi. 🇺🇿🇰🇬 Forum doirasida O‘zbekiston va Qirg‘iziston yosh parlamentariylari o‘rtasida ochiq muloqotlar, tajriba almashinuvi va istiqbolli tashabbuslar muhokama qilinmoqda. Xususan, yoshlar siyosatini yanada takomillashtirish, parlamentlararo hamkorlikni mustahkamlash, yoshlarning qonun ijodkorligi jarayonidagi ishtirokini kengaytirish hamda qo‘shma loyihalarni amalga oshirish masalalariga alohida e’tibor qaratilmoqda. ✅Ishonch va o‘zaro hurmatga asoslangan ushbu forum ikki qardosh davlat yoshlari o‘rtasidagi aloqalarni yanada mustahkamlash, yangi g‘oya va tashabbuslarni ilgari surish hamda parlamentlararo hamkorlikni sifat jihatidan yangi bosqichga olib chiqishga xizmat qiladi. 🔹otabeksobitov.uz

🗣 Yoshlar parlamentlari hamkorligi yo‘lidagi navbatdagi muhim qadam 🇺🇿🇰🇬Bugun II O‘zbekiston–Qirg‘iziston Yoshlar parlamentlari forumida ishtirok etish uchun Qirg‘iziston Respublikasining Issiqko‘l viloyatiga yetib keldik. ⏺Tashrifimiz doirasida delegatsiyamiz tantanali kutib olindi. Dastlab hududda yaratilgan sharoitlar, ijtimoiy obyektlar faoliyati hamda amalga oshirilayotgan bunyodkorlik ishlari bilan tanishdik. 📌Ishonamanki, mazkur forum ikki mamlakat yoshlar parlamentlari o‘rtasidagi hamkorlikni yanada mustahkamlash, tajriba almashish va yangi qo‘shma tashabbuslarni amalga oshirish uchun muhim maydon bo‘lib xizmat qiladi. 🔹otabeksobitov.uz