🍂🍁 پاییزان 🍁🍂

paeizanam ترند و یئنی ماهنی 👌😍 هاردادی حیات یولداشیم 🫀 🍂🍁 @paeizanam 🍁🍂

paeizanam یئنی گؤزل ماهنی 2026👌 قاییت سئوگیلیم قاییت بیر دفعه.... بو اورک دؤزمیر 🍂🍁 @paeizanam 🍁🍂

یالقیزلیق چوخ شئیلر اینسانا اؤیره‌دیر آمما سن گئتمه، قوی من نادان قالیم! #ناظیم_حیکمت 🍂🍁 @paeizanam 🍁🍂

paeizanam بیر آدین قالمالی! بیر آدین قالمالی گئری‌یه، قیریلمیش شئیلرین نهایتینده. آینالارین آردیندا سیر، یالنیزلیغین آرخاسیندا قووّت. نهایت، بیر آدین قالمالی گئرییه، بیر ده او قهر ائدن غوربت! سن سای کی، من هئچ آغلامادیم، هئچ آتشه توتمادیم اوره‌ییمی، گئجه‌لری، قوینوما آلمادیم خیانتی. و سای کی، بوتون شعرلر، گؤزلرینی، بوتون ماهنیلار ساچلارینی سؤیله‌مه‌دی. سن بو شهرین ان گؤزل یئری‌یدین، هئچ چیخمادین فیکریمدن. و هئچ گئتمه‌دی، بیر شوشه قان کیمی، آدین، ایچیمین نهیرلریندن. قهر اولموش صحیفه‌لرین آراسیندا آدین، کوچه‌لر دولوسو بیر آدامین یالنیزلیغی. بو سئودا بیرآز نادان، بیرآز دا هیچقیریق دادی‌. پنجره اؤنو بنؤوشه‌لرینده هر آخشام. سن سای کی، یئرین دیبینه کئچدی، کئچمه‌ین سئودام. و من سنی سئودیگیم زامان، بو شهره یاغمورلار یاغدی. من سنی سئودیگیم زامان، آیریلیق قورشون قدر آغیر، گولوشون قدر فلاکت ایدی یاشاماق. یئنه ده بیر آدین قالمالی گئرییه بوتون قیریلمیش شئیلرین نهایتینده. آینالارین آردیندا سیر، یالنیزلیغین آرخاسیندا قووّت. هه، نهایت، بیر آدین قالمالی گئرییه، بیر ده او قهر ائدن غوربت! منی عفو ائت! الدن وئرمک اوچون ارکن، سئومک اوچون چوخ گئجدی. بیر آدین قالمالی گئرییه، قیریلمیش شئیلرین نهایتینده... #ابراهیم_صدری 🍂🍁 @paeizanam 🍁🍂

paeizanam خیالیم یوردومو یئنه دولاندی، قلبیمده آیریلیق حسرتی یاندی. ائه، یولوم، سفریم  ائله اوزاندی، ووردو دؤنه-دؤنه شاختا-قار منی. تاپیلمیر یوردسوزا، قاچقینا همدم، گؤزلریم تپییه، قورویا نمدن‌! شله‌می یوکله‌ییب کدردن، غمدن، آتیب یاد ساحیله دالغالار منی. داغلار دیله گلسه دئیر دردیمی، طالع گؤی اسگی‌یه، دویَر دردیمی، آنلایان آز اولوب شاعیر دردیمی، سانیبلار بختور، بختیار منی. کؤنوللر سئوینر سؤز-صؤحبتیمدن، دویمارام بو ائله محبّتیمدن. پوزولماز ایز سالدیم صداقتیمدن، بؤیودوب، ساخلاییب اعتبار منی. فیکیره، خیالا دالیب لنگیسم، یولو باشقا سمته سالیب لنگیسم، سفره چیخماسام، قالیب لنگیسم، قوینونا بوراخماز او داغلار منی. اسیردیر، باغلانیب قولو داغلارین، موقدّس داغلارین، اولو داغلارین، دئسینلر آچیلسین یولو داغلارین، تانریم سئویندیرسین بو باهار منی! #نصیب_نبی‌اوغلو 🍂🍁 @paeizanam 🍁🍂

paeizanam سؤزلو گؤزلریندن اوخوماق اولار قالیب آرالیقدا ایتن دردینی گولوشون آچیلسا، دیدرگین سالار دوشوب یول اوستونده بیتن دردینی منی بونجا سالما اوزو کؤلکه‌لی! آللاه کسسین سن‌تک بویات گؤزلی! قورو آدیمی دا چکمه ایره‌لی! تانیرام یاندیریب، اوتن دردینی پیسدیکلی گونلریم هله‌ده چوخدور ایستی گؤروشلرله آرام سویوقدور آرتیق غم چکمه‌یه گومانیم یوخدور گتیرمه دیلینه اؤتن دردینی... اوره‌ییم قایناییر گؤزلرین کیمی قورویوب، ساخلارام اونو دین کیمی قوربته آتیلان بیر گلین کیمی اونودا بیلمیرم وطن دردینی #یعقوب_نیکزاد 🍂🍁 @paeizanam 🍁🍂

paeizanam چوخ گوزل و یئنی بیر شارکی سیستم اوچون اعلا👌😁 Yeni Mahni 2026 منی آتش لره آتما🔥 🍂🍁 @paeizanam 🍁🍂

paeizanam بو گوروش نه آجی قیسمتمیش بیزه ائله بیل بیر کدر گؤلونه دوشدوک سالامسیز کلامسیز دوروب اوز-اوزه بیر خئیلی باخیشلا، گؤزله گوروشدوک اسدی اوره‌ک کیمی اووجومدا الین سن ازل بو قده‌ر کؤورک دئییلدین سن ازل بو قده‌ر مئهریبان، حلیم سن ازل بو قدر قشنگ دئییلدین هانی عومروموزون او کئچن گونو هانی اوز عهدینه او دؤنوک آندیم سنین "گل باریشاق" تبسسومونو من او واخت ال آچان دیلنچی ساندیم ایندی دایانمیشیق اوز-اوزه، یاخین تاسسوف چای کیمی آخیر آرادان بلکه ده وعده‌سیز یاخین اولماغین جاذیبه گوجوندن تئز آشیر اینسان بیر عشقین دولاشیب ایتن یولونا توتما چیراغینی بو عالمده سن کاش ائله مزارا گئدن یولوما گؤی ایشیق اولاسان بو گؤرکمده سن بلکه ده یوز دفعه گؤروشدوک بئله یئنه خاطیره‌لر، یئنه تاسسوف تاسسوف تاسسوف تاسسوف ایله قاییدا بیلمه‌ین گونه تاسسوف #میکائیل_مشفق 🍂🍁 @paeizanam 🍁🍂

paeizanam سایا گلمزلی بایات سئوگی‌، دیلک وار منده ایلغیم-ایلغیم سوسامیش‌، یانغی گرک وار منده چاتلادان‌، قوپ-قورولوقدان سولونوب سنده باهار یوخسا یئتمیش گؤزه‌، مین باللی سنک وار منده من یاشیل یال-یاماجین‌، گوللو گونئی شئح‌له‌مه‌سی قو دؤشوندن یوموشاق‌، اینجه اورک وار منده حئیف اولسون هئچه سیندیردیغین ایلقارلارا آه! سن دئمیردین مییه‌؟ مین باللی پتک وار منده! نئیه یانمیش غزلیم‌، لاله‌لی داغلاردا أسیر؟ یئل‌آپارمیش کپه‌نکدن‌، دؤگنک وار منده! بوغاناق‌، کول یاغیر آنجاق‌، کؤزه‌رن شام باشینا چاش هاواندان دولو-چالقینلی کولک وار منده قارا-میخ تیر-تیکانیندان توخونوب سنلی قفس قانادیمدان- اوره‌گه قانلی للک وار منده! بو قوراقلیقدا هایاندان أسیسن چات یاراما؟ گرمیج آیسان‌، باهار- اورمانلی چیچک وار منده #قاسم_نوربخش( غزللی) 🍂🍁 @paeizanam 🍁🍂

paeizanam چوخ گوزل بیر شَن ماهنی👌 هچکسی سئوممیشم... سنی سئودییم قدر😍🫀 🍂🍁 @paeizanam 🍁🍂

paeizanam آن‌لار بیر داها دونیایا گلر اولسایدیم داها چوخ سهولر ائتمک ایستردیم. خطاسیز اولماغا چالیشمازدیم هئچ یولومو قایغی‌سیز گئتمک ایستردیم پوزماق ایستمزدیم سینیرلریمی آز-آز ایش‌لریمده جیددی اولاردیم صاف-چۆروک ائتمه‌دن هر نه‌یی بئله حایاتدا داها دا چوخ ریسک آلاردیم گونش دوغوشونو ایزلردیم تئز-تئز ایش-پئشم اولاردی دولانماق_گزمک داغلارا چیخماغی اونوتمازدیم هئچ داها چوخ سولاردا ایستردیم اۆزمک بیلیرم اولاردی  چتین‌لیک‌لریم خیال‌لار بو یوکو داشییان دییل. آخی من‌ده ائله بیریسی‌یم‌ کی حایاتی بوشونا یاشییان دییل. یئنی‌دن دونیایا گله‌بیلسه‌یدیم "آن"‌لاری یاشاردیم یالنیز"آن‌"لاری باشا دوشورسوزمو منی بیلمیرم ؟ حایاتی"آن"‌بیلیر "آن" دویان‌لاری ألی بوش گئتمزدیم هئچ یئره بیر واخت- داغ‌ سویوم، قومقومام چتیرم اولاردی ایندی یونگول‌لویو اوستون توتورام اونلار أل قولوما دولاشانلاردی یئنی‌دن دونیایا گلر اولسایدیم چیخاریب آتاردیم باشماق‌لاریمی ایلک باهار باشلانیب پاییز بیتینجه... چیلپاق داشییاردیم آیاق‌لاریمی بیر آز دا یاشاماق شانسیم اولسایدی بول-بول تامسیناردیم گۆنشین دادین بیرده جوجوقلارلا چوخ اوینایاردیم سئویب عزیزلردیم انسان ائولادین حاییف‌کی یاش ایندی سَکسَن بئش‌ده‌دی قاپی‌دا بیر اؤلوم آتی کیشنه‌دی. ✍لوییس بورخئس چئویرن: علی جوادپور 🍂🍁 @paeizanam 🍁🍂

paeizanam (من یالنیزلیغیمین دلی سووو قادینی یام) تنهالیق زور گلنده، هر نه‌یین آجیغینی گۆزگونون قارشیندا ساچلاریمدان چیخیرام یالواریرام گوزگوده کی آداما؛ قوللارینی آچسانا، تئلیمه سانجاق ساچسانا. . من یالنیزلیغیمین دلی سووو قادینی یام کال سئوگی عینادینا، یازیلان شعرلری قارالاییرام آنجاق بورنومون اوجونا کیمی سارالیرام من بیر دیلسیز شاعیرم، دویغولاریما قوربان گئتمیشم یالنیز دوداقلاریمدان انتیقام آلیرام قیپ قیرمیزی روژو تکرار تکرار دوداقلاریما، قان بویالی لاکی دیرناقلاریما سورورم گؤزلریمی  سئوگی ایله سۆرمه  له ییرم. من یالنیزلیغیمین دلی سوو قادینییام چاماشیریمی گئییب اوتاغی آددیملاییرام اینجه‌لییمین نازین چکیرم، هردن ده أییلیب گۆزگویه اؤپوش أکیرم، تیتره‌ک اوره ییمی یالنیز گۆزگویه سووواشان اؤپوش آنلاییر. قارشیما چیخانلار آنجاق قرارا ، تویا گئتدییمی، یوخسا کیمسه نی گؤزله ییرم سانیرلار. نه اولورسا اولسون، نه دئییرلرسه دئسین لر من اؤز ایچیمین گلینی من یالنیزلیغیمین دلی سووو قادینی یام. #اؤزلم 🍂🍁 @paeizanam 🍁🍂

paeizanam کاش وداع آنلاری اولمایاییدی هئچ گئدیرسن باشیما کوللر اله  نیر کئچیر هر آنلاریم عومور بویوجا اوره ییم  باشینا غملر اله نیر دایانمیر گوُزومده بیر آن لپه لر دالغانیر کوُپوکلو دهشت شپه لر قالانیر سینه مه داغلار، تپه لر اوُلورم اوستومه توپراق اله نیر حسرتین آغریسی ایچیمی سوکور گوُزومو دولدورور یاشیمی توکور بیر آغیر یوک اولور بئلیمی بوکور حیاتین تارلاسی اودا بله نیر گزیرم هارداسان اوُرک دیله یی؟ آیریلما، قالماغین حیات گره یی سوُیکه نییب سسینه نفس کوره یی باخیرام گوُزومدن حسرت اله نیر شاخیری اوستومه ایتی ایلدیریم ایپک  تک دویغولار اولور سیلدیریم بو آغیر یاشامی جانا قیلدیریم ائله بیل دوشومه  یایلار اله نیر افسانه ناغیلار، اولمازمی بئله آسیلدیم نئجه کی پریشان تئله حیاتیم باغلیدیر بیر اسیم یئله سوورولور سامان تک بئلدن اله نیر #علی_فخر 🍂🍁 @paeizanam 🍁🍂

paeizanam قاپی آرخاسیندا دیزلرینی قوجاقلایان ایچقیرا - ایچقیرا آغلایان ماوی اینجه؛ سن بیر قادین... بودور سنین آلین یازین گؤز گؤیرمه‌لر قیچ - قوْلون قارا قان چیرما آجیماسیز یومروق‌لار هیم‌لشمه‌سینده پامبیق بارماق‌لارینی گؤیه دیکمه‌لر سندن بیر یانلی داد آلماق اؤنونده بیر دامازلیق لذّت سن اوْنا حسرت بیر گؤز قیرپیمیندا تکرارلی خیانت ائیلم‌لر بیرلییینده آدی دَیانت سن بیر قادین... آجی دونیا دیر سنین هر نه وارین زهرلی رؤیا دیر بوتون اومودلارین آغلایاجاق بو ایسلاق گؤزلرینه باخان بیر کیمسه‌سیز باکیره آدینی قوْیاجاقلار فاحیشه زامانلا یاناشی دوْغولان گوندن محکوم دوستاغین بو دؤرد دووار تابوتو سن بیر قادین... ببک‌لرین موْر سنه خوْر باخان گؤزلر کوْر آدینا توخانماق، "مئدوسانین" گؤزلرینه زیلله‌نمک اصلینده سنی اؤزتله‌ین بیر شئی یوْخ اؤزگه‌لر اؤزگه‌سی‌دیر سنی یامسیلایان یقین جننت‌ین اؤزو سن آخی اوْ آیاغی‌نین آلتینا یئرلشمز ✍سعید صادقی‌ فر 🍂🍁 @paeizanam 🍁🍂

paeizanam گئدیب دردلریمی دانیشاجاغام. یئنه «موروو» دئییب دوروب گلمیشم، دئدیم دردلریمدن دانیشام بیر آز. منیم اوره‌ییمده داغلار دردینی، اوز توتوب داغلارا دئمه‌سم، اولماز. بو یاغان یاغیشلار هوپور جانیما، باشیمین اوستوندن گئتمیر دومان، چن. هایانا گئدیرم، باغلانیر یولوم، عؤمورلوک بورانا سالمیسان وطن. بیرجه هیمه بندم، یامان کؤوره‌یم، بوداقدان اوزولن یارپاق کیمی‌یم، ایتیرم یوللاردا گؤر نئچه ایل‌دیر، ائله بیل یارالی تورپاق کیمی‌یم. دئدیم کی سیغینام بالاسی کیمی، هر یان چپر-چپر قوجاغی یوخدور. بختیمه یازیلان دوغما داغلارین، منی ایسیتمه‌یه اوجاغی یوخدور. قلبیمی داغلارین دردی اوشودور، «موروو»دان او یانا کئچه بیلمیرم. بورکودو، دوماندی هارا گئدیرم، آدلاییب یولومو سئچه بیلمیرم. یایین اورتاسیندا باشیما یاغان، توفاندی، بوراندی، شاختادی، قاردی. خیال اللریمدن یئنه ده توتوب، منی کندیمیزه ساری آپاردی. منیم کی، بختیمه داغلار دوشوبدو، بس نه‌دن داغلارسیز قویورسوز بیزی؟ دردیمی سولارا دانیشیم دئیه، ساحیله چاغیریر خزر دنیزی. یوردوم اوردا اسیر، من بوردا اسیر، کسیر یوللاریمی دومان، چن کیمی. وطنین دردینی دانیشاجاغام، گئدیب خزر ایله گؤروشن کیمی. #نصیب_نبی‌اوغلو 🍂🍁 @paeizanam 🍁🍂

‌‎paeizanam گؤزومدن اوزاقسان کؤنلومه یاخین دنیزین کؤکسونه [آی] جومان کیمی آخیرسان قانیمدا دامارلاریما دره‌نین باغرینا چن دومان کیمی سئویرم سؤیله‌دیم خیالا جومدون اۏخشادیم تئلینی گؤزونو یومدون توتودوم اللرینی، اؤپوجوک اومدون گؤی چمن باهاردان، گۆل اومان کیمی داغ‌لاردان آیریلیب سنه دۏلموشام گاهدان چیچکله‌ییب گاهدان سۏلموشام دۆنن قوجاغیندا شاعر اۏلموشام بیر آیدین یوخودا بیر گومان کیمی دنیزلر دیله‌یین چاغلایار پینار بۆلبلون اۆره‌گی گۆله چیرپینار خزرین باغرینا آراز سیغینار گؤزله‌یر یۏلونو  بیر لیمان کیمی #حسرت_آراز ‌‌‌‌‎‌‌‎‌🍂🍁 @paeizanam 🍁🍂

سئوگیسی سیغیمیردی سوزلره داها بو آخشام شعرینی اوینادی قادین بالیق اندامینی سوزدوروب،سوزوب چاغلادی بولاغ تک قاینادی قادین آخیردی مونجوق تر یاناقلاریندان قیغیلجیم چیخیردی دوداقلاریندان ایییلیب گوءی اوپدو آیاقلاریندان بو آخشام شعرینی اوینادی قادین سوزوردو آل شاراب خومار گوزوندن اوتانیر آلمالار آغ بَنیزیندن یانیردی یاناغی سئوگی سوزوندن بو آخشام شعرینی اوینادی قادین قولونو آچمیشدی بیر مَلَک کیمی اوچوردو بیر یونگول کپنک کیمی آی آللاه وزنی یوخ پوفه‌نک کیمی؟! بو آخشام شعرینی اوینادی قادین تیتره‌شیر ایکی نار کوکسونده نئجه بوداغدان دریلیب سانکی ایندیجه سوساییب سورماغا‌ بو غریب گئجه بو آخشام شعرینی اوینادی قادین آزادلیق بایراغی، سونبول ساچلاری اسیردی گول عطری وئریردی اوتاق دوءزمه دی سئوگیسی آیاغا قالخدی ساریلیب بئلینه اوپولدو بایراق بیرلشدی وطنله،او قورخماز عسگر سئوگیده اوره‌کلر آیاقلاشیردی سونونا یئتیردی قادین شعرینی پرده‌ده کولگه‌لر قوجاقلاشیردی آی قیسقانج باخیردی بو منظره‌یه دوواردان،پرده‌دن آجیقلانیردی گوءی حسرت باخیردی بو سئویشمه‌یه اوزو اولدوز-اولدوز اوچوقلانیردی. #سحر_خیاوی ‌‌‌‌‎‌‌‎‌🍂🍁 @paeizanam 🍁🍂

‌‎paeizanam ‍ بیر بالتا سسی وار شعریمده منیم من اوندان کۆسسم‌ده کۆسه بیلمیرم بو مئشه یوخولۇکو شئعیرلریمدن بالتانیٛن آیاغیٛن کسه بیلمیرم اوْیاغام ...بو بالتا، جانیٛما غنیم هیٛچ نه‌یه باشیٛمیٛ قاتماغا قوْیمور یاتسام‌دا یوخومدا اوْیانیٛر منیم منی ایکی گیله یاتماغا قوْیمور بیلمیرسن آی قارداش نه‌لر چکمیشم بوردا بیر تخت اَکن، بیر تابوت دَریر هاچاندیٛ... هاچاندیٛ، بیر شوی اکمیشم هله‌ده شعریمده بالتا گؤیه‌ریر ! یامان اورونله‌ییب گرایلیٛ‌لاریٛم بیر آمانا بَتدی، بیر آها بَتدی ثوابا یاغمادیٛ یاغیٛشیٛم قاریٛم بلکه قار یاغیٛشدا گۆناها بتدی ایچیمده بیر مئشه بۆتۆن دوْغرانیٛب نه بیر یارپاق قالیٛب، نه بیر گۆل قالیٛب بیر گۆن دئیه‌جک‌لر بیر شاعیر یانیٛب یئرینده بیر بالتا، بیر آز کۆل قالیٛب #نادیر_ایلاهی ‌‌‌‌‎‌‌‎‌🍂🍁 @paeizanam 🍁🍂

‌‎paeizanam اؤرتمه پنجره‌نی! گلیر ایلک‌باهار. اؤرتمه پنجره‌نی!... نئجه؟ ستَلجم؟ قورخمورام، قوی کولک ایچری دولسون! آچیق قلبیم کیمی قاپیم، پنجره‌م، دونیانین اوزونه قوی آچیق اولسون! اؤرتمه پنجره‌نی!... گلیر ایلک‌باهار، گؤر، چؤلون هاواسی نئجه تمیزدیر! آچیق پنجره‌لر، آچیق قاپیلار- دونیایا آچیلان گؤزلریمیزدیر. تزه بیر هاوایا حسرت قالیب سؤز، سؤز ده تزه‌لنمک ایسته‌ییر، دایان! دولسون اوتاغیما، گلسین ایذنسیز، یئل‌لر پنجره‌می تاققیلداتمادان! توفان ایسته‌ییرم، یاندیرا بیلسین، کؤنلومون قارالان اوجاقلارینی! گلسین، قاریشدیرسین، آلت-اوست ائله‌سین، یازدیغیم، پوزدوغوم واراق‌لاریمی! ماسا آرخاسیندا گئجه‌به‌گوندوز، بیر عؤمور اریتدیم تزه سؤز اوچون. گلسین تزه فیکیر، گلسین تزه سؤز! دونن یازدیقلاریم کؤهنه‌لیر بو گون. ایسته‌رم صاباحی بو گوندن بیلیم، کؤنلومه نور قونسون، ایشیق چیلَنسین! اؤرتمه پنجره‌نی، اؤرتمه، سئوگیلیم! هاوا تزه‌لنسین، سؤز تزه‌لنسین! #بختیار_واهابزاده ‌‌‌‌‎‌‌‎‌🍂🍁 @paeizanam 🍁🍂

paeizanam من سنی سئودیم. من سنین ان چوخ سسینی سئودیم، بوغلودور چوخ زامان، تزه بیر چؤرک کیمی. اؤنجه عشقه چاغیران، سونرا دینلَندیرن، منه هر زامان دوست، هر زامان سئوگیلی. من سنین ان چوخ اللرینی سئودیم، بیر بولاق سرینلیگینده، کیچیجیک و آغ‌آپپاق. نه چوخ گؤزللیک‌لر گؤردوم یئر اوزونده، ان گؤزلی، بیر صاباح اللرینله اویانماق. من سنین ان چوخ گؤزلرینی سئودیم، گاه اوشاقجا ماوی، گاه عینادینا یاشیل. آیدینلیق‌لار، اسَنلیک‌لر، موتلولوق‌لار، هئچ بیری گؤزلرین قدر آنلاملی دئییل. من سنین ان چوخ گولوشونو سئودیم، سئویندیرن، ایچیمده اومید چیچک‌لری آچدیران، اونوتدورور منه بیردن آجیلاری، چتینلیک‌لری. دونیام آیدینلانیر سن گولدویون زامان. من سنین ان چوخ داورانیشلارینی سئودیم، گوجسوزه مرحمتینی، ظالیمه دیره‌نیشینی. حاقسیزلیقلار، زوربالیقلار قارشیسیندا، وحشی و مغرور بیر دیشی قاپلان کیمی دوروشونو. من سنین ان چوخ سئوگی دولو اوره‌یینی سئودیم. توم اوشاقلارا قاناد گرَن آنالیغینی، چوخ سئوگی‌لرین بیر پولا ساتیلدیغی بیر دونیادا، سنسن سئودیگینی هر شئیین اوستونده توتان. من سنین ان چوخ منه یانسیمانی سئودیم، مندن یئنیدن وار اولمانی، منیمله بوتونلَشمه‌نی، ایگیدلیگینی، یالانسیزلیغینی، دوپ‌دورولوغونو سئودیم. من، سنی سئودیم... #اومید_یاشار_اوغوزجان 🍂🍁 @paeizanam 🍁🍂