Pediatrics Mastering

شرح تطبيق Shark Clinic

New Update Released for Android and Windows ( Pending MAC and IOS approval ) 1.0.6 - التسجيل بالتطبيق صار مباشر يدعم كل المنصات، بدون الحاجة للتفعيل من طرفي يتفعل الحساب - تفعيل نظام المكافأة، اي شخص يشترك عن طريقك، اذا اشترك شهر تحصل ١٥ يوم زيادة على اشتراكك، واذا اشترك ٣ اشهر تحصل شهر زيادة على اشتراكك - تفعيل نظام الكوبونات لسهولة الاشتراك، من خلال الموزعين، اشتراك لاول مرة لمدة ٣ اشهر بسعر رمزي - اضافة ميزة طبع التحاليل المطلوبة من المريض على نصف ورقة A5 ، نفس التحاليل الي تسجلها اثناء ادخال البيانات تكدر تطبعها للمريض بسرعة - تحسين الاتصال مع جهاز السكرتير، اذا اثنينكم عدكم انترنت راح تتصلون مع بعض واذا ماعدكم نت ( خلص الاشتراك مثلا) ما راح تتوقف العيادة، راح تتصلون مع بعض من خلال الراوتر فقط، والتطبيق يتولى هالشي تلقائيا ويظهرلكم علامة متصل ام غير متصل - تفعيل الاشتراك من خلال كوكل ستور او اب ستور - تحسينات وتصليح بعض الاخطاء السابقة

التطبيق موجود على Windows store بالرابط التالي https://apps.microsoft.com/detail/9n7x8qmj34p9?ocid=webpdpshare&hl=en-US&gl=IQ على Mac بالرابط التالي https://apps.apple.com/us/app/shark-clinic/id6784841375 Shark Clinic على Ipad and iphone https://apps.apple.com/us/app/shark-clinic/id6784841375 على اندرويد وتاب https://play.google.com/store/apps/details?id=com.sharkers.sharkclinic

نجي عالجانب المو حلو 😂 الاشتراك الشهري ٣٠ الف السنوي ٣٠٠ الف سعر كشفيتين شهرياً 😁 نفس سعر احد التطبيقات المشهورة، لانه تكلفة خزن البيانات عالية

الحماية ( على مستوى Fable 5 ) والي ميعرفه، هذا مودل ذكاء اصطناعي اطلقته شركة كلاود ووقفته الحكومية الامريكية لأنه قادر يكتشف ثغرات داخل اي تطبيق بنكي او حكومي ويعرضه للاختراق، بعد توقفه لفترة والتعديل عليه تم اطلاقه من جديد بنفس القوة لكن محمي من الاستغلال، استخدمه لتعزيز حماية بيانات المرضى والعيادات • الاشتراكات نوعين، اونلاين و اوفلاين، بنفس السعر • الاونلاين يشتغل على كل الاجهزة • الاوفلاين يشتغل على جهاز واحد فقط وجهاز سكرتير • الاونلاين بياناتك تكون محفوظة على حاسبتك وعلى الكلاود ( شركات عملاقة مثل كوكل بمقابل مادي يحتفظون بالداتا ) لهالسبب التطبيق مو مجاني لأنه اني راح ادفع فلوس لكوكل مقابل هالخدمات • التسجيل متاح على اجهزة الوندوز و الاندرويد اما الايفون والماك لازم ترسلي مسج عالخاص حتى اسويلك حساب، لأنه سياسة ابل ما تقبل انه الشخص يسجل مباشر و يدفع حساب الاشتراك باليد تريد عن طريقها، وعن طريقها يعني راح تاخذ دولار وتاخذ ضرائب، ف آني حتى اسكتهم، خليت امكانية تجديد الاشتراك عن طريقهم بس بسعر عالي حتى محد يشترك من خلالهم ( ما يستاهلون ) ، ممكن لاحقاً انزل السعر اذا صار مشتركين من غير دول بالتطبيق • الحساب اذا انت سجلت مباشر، ف بعد ما تسجل اكاونت، احفظ البيانات ( الرمز الي ينطيه الك التطبيق) ودزلي مسج بإسمك الثلاثي و رقمك حتى افعل الاكاونت الك هل التطبيق راح يتوقف لحد هنا بهاي الميزات ؟ لا .. الميزات القادمة ادهى ان شاء الله هل التطبيق خالي من الاخطاء ؟ سبحان من لا يخطىء، الفترة التجريبية اسبوعين مجانية حتى اي خطأ نلاحظه اصححه، والتطوير مستمر بشكل اسبوعي لتصليح اي خطأ ما منتبه عليه

نسخة السكرتير هي نفسها، لكن تظهر التطبيق بشكل سهل جداً وباللغة العربية او الكوردية مع صلاحيات محدودة جداً • يكدر يضيف مريض جديد • يكدر يضيف زيارة لمريض فقط • يكدر يرفع صور التحاليل • يكدر يحجز للمرضى بالتطبيق ويكدر يسجل المريض حضوريا • باقي الميزات كلها ماتظهر للسكرتير، راعيت كون السكرتير احيانا لا يملك شهادة ولا معلومات تقنية • التطبيق موجود عالايفون والاندرويد، حتى مهما كان جهاز السكرتير يدعمه

لجراحة الاطفال • داخل كل صفحة مريض امكانية تحديد موعد عملية، واسم العملية وملاحظات عنها، مع منبه تذكير قبل العملية بكذا يوم يحدده الطبيب.. مع احصائيات تشمل اكثر العمليات الي مسويها • نافذة منبهات العمليات ويعرف يا مريض اجى ويا مريض لا، وهكذا بيها تفاصيل كاملة تخص الجراحة

صور لكل خيار من خيارات ال Scientific advisor

نموذج كروث جارت لمريض بس تطبعه وتسلمه.. بيه تاريخ التسجيل والمواليد و اسم المريض واسم حضرتك ، ولو كان اكو اكثر من قراءة كان شفت اسهم وخطوط توصل بينهن

الخيار الاول هو ادوات طبية • معادلات معالجة الهايبو والهايبر نتريميا • معادلات تخص هبوط السكر و حساب ال Gir و تحضير المغذيات • الكروث جارت ، واقعي جداً لدرجة تشوف المريض على الجارت الحقيقي الي تشوفه بالردهات وتكدر تطبعه للمريض ايضاً • يدعم CDC, WHO, OFC, FENTON, intergrowth وبتفاصيلها اذا تريد من ٣-٩٧ او تريد من ٥-٩٥ كلشي موجود بالمواقع الرسمية خليت التطبيق يدعمه ويكدر ايضاً ينزل عالجارت MPH وقريبا راح اشتغل على ال SD and z score لأطباء الاندوكراين

الجانب اليمين من التطبيق ، ادوات علمية • الامراض الي بالتطبيق كلها موجودة، تكدر اذا ماعندك مرضى تقرأ مرض بيها او تراجعه بكل سهولة • الادوية الي بالتطبيق كلها موجودة وتكدر تقراها ايضاً • التحاليل كلها بنسبها الطبيعية تقراها هنا بهاي النافذة • الكاونسلنك جاهز وتكدر تطبعه للاشتراكات السنوية فقط لأنه التعب الي حيصير بيه كارثي .. مرض مرض لازم اكتبه • تكدر تقترح اي ميزة من خلال الخانة الاخيرة، ويصير عليها تصويت من قبل المشتركين اذا مفيدة نسويها ونضيفها للتطبيق • الخانة قبل الاخير تحدث بيانات التطبيق.. مثلا تعديل على دوز ادوية او اضافة ادوية جديدة او امراض اضافية تحدثها من هاي النافذة

نافذة العناوين والاعلانات للاعلانات العلمية المفيدة ولعناوين الاطباء الاختصاص الدقيق من مشتركي التطبيق، اكو اشخاص مظلومين اعلامياً ، واكو اطباء يحتاجون يعرفون منو اصحاب الاختصاصات الدقيقة وعناوين عياداتهم حتى يعرفون وين يوجهون المريض

نافذة الاحصائيات تظهر • عدد المرضى الكلي • عدد المرضى الي رجعو اكثر من زيارة ومعدل عودتهم حتى تعرف نفسك ماشي صح والمرضى ديرجعون لو المريض يجي مرة ويطفر • اكثر ٥ ادوية دتكتبها • اكثر ٥ تشخيصات بعيادتك • اكثر تحاليل دازها • اعمار مرضاك كل عمر كم مريض جاي عليك منه حتى تقرا عن امراضهم حتى تقوي نفسك حسب الاحصائيات • الوارد الشهري للعيادة والكلي

ملف الطبيب بيه معلومات الاشتراك • بيه امكانية انشاء شبكة بينك وبين السكرتير بدون انترنت يرفع ملفات ويسجل مرضى بس يحتاج نفس الراوتر • بيه امكانية اضافة حساب للسكرتير • بيه ريفيرال كود، الشخص الي يسجل عن طريقك، تحصل ١٥ يوم مجاني اضافة لتاريخ اشتراكك • لكل عيادة Clinic ID حتى تحافظ على سرية عيادتك وحمايتها

الاعدادات • تخلي سعر كشفيتك علمود بالاحصائيات تعرف شكد ارباح العيادة هاليوم او هالشهر • تختار نظام الانتظار • تخلي الرقم السري مال الذكاء الاصطناعي الي يخليك تستخدمه براحتك وبتكلفة بسيطة جداً تدفعها مباشر للشركة مو الي • بيه اعدادات حفظ نسخة احتياطية ، نظام يدوي كل اسبوع اذكرك بيه، ونظام تلقائي بشكل يومي او بوقت انت تختارته حتى تبقى بياناتك محفوظة • تصدير الملفات بشكل اكسل وصور، اذا تريد تنتقل من تطبيقنا الى تطبيق ثاني تاخذ بياناتك براحتك • امكانية تحويل مرضاك من تطبيق ثاني الى تطبيقنا للي يريد ينقل بياناته بس لازم اعرف صيغة البيانات الي تزودك بيها الشركة حتى اكدر انقلهن • اختيار الاختصاص، حالياً اطفال وجراحة اطفال فقط • تعديل الوصفة بكل تفاصيلها، سواء تصنع وصفة جديدة بس تخلي صورة الرأسية والذيل، او تخلي صورة وصفة كاملة اذا عندك صورتها، وتختار وصفتك انكليزية لو عربية لو كوردية • تختار تصميم اوراق الكاونسلنك الي تنطيها للاهل مطبوعة • التحكم بملف البي دي اف المطبوع وتفاصيله اذا صارت وصفتك صفحتين او صفحة وحدة

الملاحظات تكدر تضيف بيها اي منبه تذكير حتى لا تنسى شيء، يجيك اشعار بالمنبه، وتكدر ترتب ملاحظاتك حسب الالوان و الخ ميزة مكتبية ، وتبحث عن الملاحظات الي ضايفها بالتطبيق