Pharmacion 💊

رجل عمره 57 سنة، عنده سكر نوع ثاني + CKD stage 2، ويستخدم Metformin + Empagliflozin. من 3 أيام يعاني من غثيان، تقيؤ متقطع، ألم بطن خفيف وتعب شديد. خلال آخر أسبوع تقريباً أكله صار قليل جداً، وشربه للماي أقل من المعتاد. راح لأحدى الصيدليات لأن عنده دوخة وصعوبة بالتنفس . العلامات الحيوية بالصيدلية: _BP 92/58 __HR 116 — RR 30 — SpO₂ 98% — Temp 36.7°C فحص السكر بالبيت: 148 mg/dL المريض يكول: السكر طبيعي، بس أحس نفسي يضيق واختنگ” ما عنده ألم صدر، ولا حرارة، ولا گحة. السؤال: شنو التشخيص الأخطر اللي لازم تفكر بيه؟ وهل قراءة السكر (148 ) تستبعد DKA؟ وشنو أول تصرف تسويه كصيدلاني ؟

✅السلام عليكم ( تناول وجبة العشاء متأخرا و خطر الإصابة بالسمنة المفرطة) ❌اغلب الدراسات توصلت الى ان تناول العشاء متأخرا يسبب زيادة الوزن لكن السبب لم يكن واضح ✅دراسة من جامعة بوسطن مؤخرا توصلت الى السبب اذ ان ذلك يؤدي إلى زيادة الشعور بالجوع و قلة حرق السعرات الحرارية وتوزع الدهون في الجسم من خلال مراقبة صارمة في نفس الظروف لمجموعتين احداهما تتناول العشاء مبكرا و اخرى متأخر ♦️خلاصة الموضوع،  اذا نغير الطبيعة الغذائية وتناول العشاء بوقت مناسب  يمكننا تناول نفس النوع والكمية من غير ان نعرض انفسنا الى خطر زيادة الوزن المفرط الناتج عن العشاء متأخرا الصيدلاني مجيد حامد ♥️ كورس الدبلومة المتقدم 👏

❌تدرون للعلم نسبه 72.5 % من اسباب التشوهات بالحمل غير معروفه يعني لحد هسه العلم ماكتشفهه ❌اما نسبة 25% هي اسباب وراثيه يعني ممكن يكون بسبب زواج اقارب وتقارب صفات وراثيه او بسبب الام تحمل صفات او الاب ✅والنسبه الاقل هي للادويه الي هي 2.5% وهي مسبه قليله الادويه الي تكون teratogenic مثل ♦️Alcohol الكحول ♦️androgens الهرمونات الرجاليه ♦️ACE inhibitors ادوية الضغط ♦️ARBs ادوية الضغط ♦️anticonvulsant ♦️Antineoplastic ♦️cociane ♦️ Fluconazole in high dose ♦️Iodides ♦️Retan ♦️Lithium ♦️Methotrexate ♦️Statins ♦️Tetracyclines ♦️Thalidomide ♦️Warfarin ♦️Lead الصيدلاني مجيد حامد ♥️ نزلتلكم ريلز عليه 👏 كورس الدبلومة المتقدم 👏

🚀 ماذا بعد التخرج؟ هل مستقبلك كصيدلي يعني العمل داخل الصيدلية فقط؟ أكيد لا! هناك مسارات وفرص مهنية كثيرة قد لا تعرفها بعد. تدعوكم شركة فارموفا إلى: 🎓 ورشة تعريفية مجانية 100% مخصصة لطلبة وخريجي الصيدلة الشباب. محاور الورشة: 🔹 اكتشف المسار المهني المناسب لك 🔹 غيّر الـ Mindset من انتظار الوظيفة إلى صناعة الفرصة 🔹 تعرّف على مسارات مهنية خارج الصيدلية 🔹 كيف تبني Business كصيدلي؟ 🔹 تخصصات ومجالات جديدة يمكن أن تصنع مستقبلك 🎁 والأجمل؟ الورشة مجانية بالكامل + مفاجآت للحاضرين 🎉 📅 الجمعة | 14-08-2026 ⏰ 9:30 صباحًا 📍 قاعة مصنع بغداد – شارع الصناعة، مقابل الجامعة التكنولوجية 🎤 المتحدث: د. حيدر رافع عبد المجيد – صيدلي اختصاص 👉 هذه الورشة صُممت لك. 📲 سجّل الآن واحجز مقعدك مجانًا. فارموفا… نؤمن بطموحك وندعم مستقبلك. https://www.instagram.com/stories/hayder_rafea/3962845421444953851?utm_source=ig_story_item_share

♦️هل جميع ادوية الدهون statins تؤخذ ليلا ؟ هل هذا الشي ضروري ؟ 🔸الكلام الي يكول إن الستاتين (rousvastatin و atorvastatin ) لازم تنوخذ بليل صار من الماضي هسه حاليا بكيفك يا وقت تأخذه وحتى اكو دراسات تكول انو ممكن هاي الادويه تسبب ارق insomnia عند بعض المرضى ! وهذا السبب انو بعض المرضى يكطعونه ف ياحبيبي بكيفك باي وقت كل ٢٤ ساعه زين دكتور هذا بشنو يفيدنه ؟ يفيدنه اذا شخص دياخذ هاي العلاجات بليل وصعب ينام ممكن يكون هذا السبب يعني نغير وقت العلاج ونشوف الاستجابه اذا كدر ينام معناها هنه السبب الصيدلاني مجيد حامد ❤️🌷 كورس الدبلومة المتقدم 👏

من بدايه موسم الافلاونزا انصح الناس ياخذونه من شهر ١١ الى شهر ٢ بعد ماكو نشله وتبا للمستحيل

ثلاث فوائد نستفاد منها الحامل اذا استخدمت الاسبرين بجرعة منخفضة خلال الحمل ➡️Low dose of Aspirin 🔸اولا نقلل من مشاكل الاسقاطات المبكرة الناتجة عن موت الاجنة بسبب التخثرات الناتجة عن متلازمة APL خلال الحمل 🔸ثانيا نحسن وصول الدم بكمية كافية للجنين ونمنع من مشاكل تقييد نمو الاجنة وتقلل من مشاكل تسمم الحمل… 🔸واخر شي تقلل من حدوث الولادة المبكرة… زين شكد هاي الجرعة من الاسبرين 🤷‍♂️ 🔹75-150mg يعني 75-81-100mg كلها تعتبر Low dose of Aspirin وممكن استخدامها وسلامتكم ان شاء الله المصدر Flashcards Summary of Drugs During Pregnancy & Lactation (1st Edition, 2026)

السلام عليكم دكتور طفلي توه جاي للدنيا عمره كم يوم وعنده ورم وتضخم شويه بالثدي احس الثدي مالته بي حليب عادي اعصره حتى يطلع الحليب الجواب اول شي الحليب يصير لان الطفل عنده بعض الهرمونات من امه ماخذها و ميصير تعصرونه لان هنا حتاثرون على انسجه الثدي مالته وحيتسبب بتلفها هو يطيب من كيفه ويصغر من كيفه بعد فتره 🔸بالمناسبه كذلك للفيميل الطفله مرات بسبب الهرمونات من الام حتى يصير بالحفاظه دم مثل mc بسبب الهرمونات من الام وهلشي هم طبيعي اول ايام الولاده بس بهالحاله يعني يفضل مراجعه الطبيب وصحه وعافيه يارب ❤️ الصيدلاني مجيد حامد 💫🌷 كورس الدبلومة المتقدم

🔸والله مادري منين ابدي ✅بس اكول اتمنى اي واحد يقرأ المنشور ما يصرف retan حب (علاج حب الشباب ) بدون وصفه ✅ويكول للمريض خصوصا الي متزوجه انو ميصير تأخذه اذا حتى مفكره بالحمل واذا تريد تأخذه حتلو مو حامل طبعا بعد استشاره الطبيب لازم تاخذ على الأقل وسيلتين منع حمل اي وسيلتين الشغله مو هينه تره هذا العلاج ممنوع نهائي على الحامل ويكلك المراة الحامل اذا اخذته نسبة كلش جبيره يطلع الجنين متشوه ♦️✅انت ك صيدلي مسؤوليتك مو بس ما تصرفه لا وانما مسؤوليتك تنبه المريض ومو بس المراه الحامل ميصير تأخذه ✅حتى الشخص الي إذا راد يتبرع بدم وهو ياخذه ف ميصير يتبرع وورا ميتركه شهر !! لان هذا العلاج ممكن يبقى بالجسم شهر ... لذلك ممكن يبقى بالدم وينتقل من تتبرع بدم وهاي هم اتمنى تخلوها ببالكم 🌷❤️ الصيدلاني مجيد حامد كورس الدبلومة المتقدم

بس شنو اسمه جداً جميل (اني) سامعين بهيج اسم؟ وبكل ثقة حبة بليل ويه شنو ماحدد و١٥٠ وانوب بالمتر ادري دواء لو جاي تقيس مسافة :

🔸ننطيكم معلومه لطيفه 🤍 ♦️بدون مقدمات شايفين andioedema الورم مال الشفايف الي تصير بواسطه ACE inhibitors 🤔 اي دكتور تحجي صدك اكيد شايفيها بس منجذب عليك بس بالصوره 🤣 ✅ياله هم حلو انطيكم معلومه حلوه بعلاجها ✅Tranexamic acid first line treatment of angioedema cause by ACE inhibitors ❌يجي ببالكم سؤال زين هو مثل التحسس مضادات التحسس تفيد ال anti histamine الجواب لا لان سببهه مو افراز الهستامين وانما ال bradykinin غريبه مو الي يحب يعرف الميكانزم يشوف الصوره 🤍 الصيدلاني مجيد حامد ❤️ كورس الدبلومة المتقدم

المُحزن المُضحك .. اجة ولد عمره تقريبا 12 سنة . اشترى شراب ب15 الف . كال عمو اكتب على العلبة 15 الف كتلة ليش ؟ كال اهلي مايثقون بية ، اني سكتت .. عاد هو كمل كلامه كال هسة تبت بس قبل جنت اشتري العلاج ب15 واكوللهم سوة 18 لحد ما انلزمت .. كتله الله يثبتك حبيبي ويبعدك عن الحرام .. كال طبعا اتوب ابوية من لزمني جاب حاسبة . حسب تقريبا انه ماخذ زايد ٢٣ الف كالي ترجعهن لو نحسب ضربة الصوندة بربع ؟ يكول كتله حجي احسبها على ٥٠٠ واتوكل 😂😂

♦️جزء من محاضره retinoids ♦️اي هذا جزء بسيط فقط ♦️شارحين ال غسولات والمقشرات والمرطبات والسيرومات وواقيات الشمي وكلشي حرفيا بالتفصيل الممل وكلشي وصوره وشركاته هم ♦️وطريق استخدامه ومنو نستخدم قبل وشكم مره باليوم وشلون وانواع البشره وشلون نبدي بروتين لكل بشره ♦️تصور عزيزي فقط محاضره وحده من المحاضرات فقط اسمهه روتين البشره يعنب شلون تختار روتين بشره بالتفصيل عباره عن ٢٤٤ سلايد ♦️شرح كامل متكامل ♥️ ♦️نرجع ونكول احنه كورسنه مو عادي والي طابين بي يعرفون هلشي هذا الشي بنا علينه ثقه رغم اول سنه نسوي كورس هاي السنه بس من هسه نبنت بينه ثقه جبيره والس مشتركين ديشوفون مقدار التعب الي ديصير بالمحاضرات وكلهه دتكول رحم الله والديكم ♥️👏 ♦️هدفنا الاساسي هو تطوير الصيادله لذلك سمينا دبلومة متقدم ♦️هذا الكورس الي يشترك بي ربحان وامي احجي عن قناعه وثقه والله العظيم ربحان معلومات ثقو مقاريهه باي مكان لان احنه منسوي شي عادي كله جديد 😍♥️ كورس الدبلومة المتقدم

♦️يُنصح بتناول جرعة يومية منخفضة من الأسبرين ( 75-150 ملغرام يوميا) للنساء المعرضات لخطر الإصابة بتسمم الحمل. تُعتبر هذه الجرعة آمنة وترتبط بانخفاض احتمالية حدوث مضاعفات خطيرة على الأم و/أو الجنين. Daily low-dose aspirin ( 75-150mg /day) is recommended in women at high risk of pre-eclampsia. This dose is considered safe and associated with a low likelihood of serious maternal and/or fetal complications الصيدلاني مجيد حامد ♥️ نزلتلكم ريلز شرح عليه كورس الدبلومة المتقدم ♥️

♦️الملف الشامل لشرابات الكحه للاطفال كل شراب وجرعته ومكوناته وامانه للحمل والرضاعه واثاره الجانبيه ومدة استخدامه وتداخلاته بنهاية الملف ذكرتلكم جدول من كتابنا حول شرابات الكحه الي تستخدم بالحمل من كتاب Flashcard summary of drugs during pregnancy and lactation 2026 الملف متعوب عليه وان شاء الله تستفادون منه ♥️ بالتوفيق يا رب لا يجوز استخدام الملف لغرض الترويج كورس الدبلومة المتقدم الصيدلاني مجيد حامد ♥️

اني ماضوج غير على الواقع الاليم مالتنه صيدلاني او صيدلانيه ويكول عادي تنصرف مدام طبيب يصرفهه عادي ؟ ال FDA شعلينه بي EMA شعلينه بي الطتاب الصادر من وزارة الصحه قديم قبل سنتين ميناخذ بي نعم هذا واقعنه الاليم اصبح الصيدلاني يمشي وره الطبيب ؟ عمي لازم الصيدلاني والطبيب اثنينهم يمشون على العلم مو على الجهل والصرف الخطا والاعتماد على الاجتهاد تره حياة الناس مو لعبه شويه خلي نرتقي

المرهم *الكريم ⛔يوجد فرق علمي : 🔸المرهم Ointment ( Oint.) : دهني اكو بي جزء مائي + جزء دهني لكن كمية الهيدروكربون H.C فيه اكثر من 50% يعني > 50% يعني دهني اكثر ↗️ 👈🏿👈🏿المرهم : 👈🏻لزج 👈🏻لا يتبخر من البشرة 👈🏻لا يمتص من البشرة ( تمتص المادة الفعالة فقط) 🧴الكريم Cream ( C) : مائي اكو جزء مائي و دهني ولكن نسبة ال H.c فيه اقل من 50% يعني < 50% ، يعني انه مائي اكثر ↗️💧 🔸الكريم 👈🏻ليس لزج 👈🏻يتبخر من الجلد 👈🏻يمتص من الجلد هذا يعني ان : 📛المرهم oint يستخدم : ✅للبشرة الجافة Dry skin ✅للحالات المزمنة Chronic 📛الكريم Cream يستخدم : ✅للبشرة الدهنية oily Skin ( لان الماء يمتص او يتبخر فيقلل دهنية ابجلد) ✅للحالات الحادة Acute 💡 و حتى ان بعض الادوية تأتي فقط كمرهم Oint ، مثلاً ال Diprosalic عبارة عن salicylic acid وظيفته كمقشر ( الشكل يعمل للوظيفة) ،⬅️ فحتى يؤدي وظيفته يجب يكون في شكل مرهم⬅️ حتى يكون في تواصل و Contact مستمر مع الجلد ⛔اكو فرق عملي : مثلاً : 🔸لو شخص عنده حساسية في الوجه : حنوصفله كريم Cream وليس مرهم ( شكل المرهم يصبح زيتي ولا يمتص) 🔸لو شخص عنده اصابة في العين( بكتيريا ) : حنوصفله مرهم oint وليس كريم حتى يصبح في contact اطول والامتصاص أكثر وسلامتكم الصيدلاني مجيد حامد ♥️

♦️هل ممكن استخدام ابره primolute depot بالحمل ؟ ♦️اول شي وزارة الصحة العراقية ب 2024 صدرت قرار حذف دواء primolut Depot من قائمة الأدوية الشاملة ♦️كذلك وحدة اليقظة الدوائية التابعة لوكالة الأدوية الأوروبية (EMA) علقت ترخيص بيع دواء Primolut Depot. هذه التوصية جاءت بعد تقييم شامل للمخاطر والفوائد المرتبطة باستخدام هذا الدواء. الهدف من هذه التوصية هو حماية الصحة العامة وضمان سلامة المرضى. ♦️كذلك FDA سحبت هاي الابره ب 2023 ♦️ أسباب تعليق ترخيص دواء Primolut Depot؟ ♦️عدم كفاية البيانات: نقص في البيانات التي تدعم سلامة وفعالية الدواء على المدى الطويل. ♦️تقييم الفوائد مقابل المخاطر: تبين أن المخاطر المحتملة تفوق الفوائد ♦️خطر محتمل للإصابة بالسرطان: هناك تقارير تشير إلى وجود خطر محتمل للإصابة بسرطان الرحم، على الرغم من أن هذا الخطر غير مؤكد بشكل كامل. ♦️عدم فعالية في الوقاية من الولادة المبكرة. ♦️نقص البيانات لذلك ماكو مبرر لاستخدام هاي الابره كمثبت للحمل الي يمكن استخدامه هو الحبوب والتحاميل البروجستيرون مثل الدافستون ♥️ الصيدلاني مجيد حامد ♥️ نزلتلكم ريلز عليه ♥️ كورس الدبلومة المتقدم ♥️

شنو معلوماتكم عن استخدام الابر النثبته primolute depot بالحمل