Future pharmacists

شلونهم الصيادلة يابه صارلي قرن مختفية تذكروني نسيتوني 😂 انشغلت بالعمل لفترة طويلة وهملت كل شي لكن ان شاء الله راجعة بقوة وبمعلومات تفيدكم بالتواجد بشكل عام وبشكل خاص كعلمية تحياتي ❤️

الوصفة اقروها حبايب

فقرة انت كصيدلاني🩵 أكو هواي أنواع من المغنيسيوم، وكل نوع إله استخدام مختلف حسب الهدف هاي أشهر الأنواع وفائدتها: 1️⃣ Magnesium Citrate • امتصاصه جيد • مفيد للإمساك (ملين خفيف) 2️⃣ Magnesium Oxide • امتصاصه أقل • يُستخدم غالبًا للإمساك أو حرقة المعدة 3️⃣ Magnesium Glycinate • امتصاصه ممتاز • مناسب للقلق، الأرق، وتشنج العضلات ✔️ يعتبر من أفضل الأنواع إذا الهدف تهدئة الأعصاب وتحسين النوم 4️⃣ Magnesium Malate • مفيد للتعب وآلام العضلات • يعني يشتغل كمقوي 5️⃣ Magnesium L-Threonate • يوصل للدماغ بصورة أفضل • يُقال يساعد بالتركيز والذاكرة 6️⃣ Magnesium Sulfate • معروف باسم ملح إبسوم • يُستخدم بالنقع أو أحيانًا طبيًا بالحقن (يعني الواحد ينكع رجلينه بي حتى يخفف من التعب ويساعد عالاسترخاء) 7️⃣ Magnesium Taurate • مفيد لصحة القلب وتنظيم الضغط

الفيتامينات تنقسم إلى قسمين ذائبة بالدهون (lipid soluble ) + ذائبـة بالماء (water soluble ) -اللي تذوب بالماء يفضل اخذها صباحا بعد وجبة خالية من الدسم (يعني مابيها دهون) لكونها لا تذوب بالدهن 🔰اشهر أنواعها فيتامين C و B complex -اللي تذوب بالدهون يفضل اخذها بعد وجبة دهنية 🔰اشهر أنواعها فيتامين(D-A-E-K) ————————— المغنيسيوم (Mg) يفضل اخذه بالليل لأنه ينظم النوم ال Omega3 يفضل اخذه بعد وجبة دهنية لكونه ذائب بالدهون ال IRON يفضل على معدة فارغة وإذا صار تهيج ف يفضل بعد الأكل والابتعاد عن الحليب والشاي بفترة اخذه اللي عنده مداخلة يتفضل يكتبها بالتعليقات 🩷

جانب من حضوري في مؤتمر IPA

هلاوو حبايب صارلي قرن مختفية عنكم لا دانشر ولا دالزم تلفوني طلعت حياة الموظف صعبة 😂 رجعوني طالبة🥲 عموما تعلمت وتطورت هواي بالفترة اللي مرت ورح اعلمكم وياي كلشي تعلمته حتى تصيرون حيتان بالتواجد اية الحوت 🐋

كيسات نسائية إذا تجيكم مرية عدها حكة داخلية مع افرازات بيضاء او صفراء بدون ريحة شلون رح تتعاملون مع الكيس ؟

مساء الخير هذا الرابط يفيدكم تعرفون شكد جسمكم يحتاج D3 من تفتحونه يطلعلكم حقل تحطون بي وزنكم وحقل تحطون بي نسبة ال D3 عدكم حالياً وراح يطلعلك شكد تحتاج https://omegaquant.com/vitamin-d-calculator/

شباب شلون تسيطرون على جرع الشرابات للأطفال 🙂 الحقوني 😂

الزميل الطيب الخلوق علي محمد في ذمة الله خبر صادم بالنسبة الي وحزين جداً طبعاً شكد كان يساعدني وشكد كان شاطر وخلوق ويسوي قنوات يساعد الطلاب شكد الدنيا صغيرة ياربي 🥺 ادعوله بالرحمة والمغفرة

الوصفة شباب

🟩 نصيحة مني لنفسي و لكل خريج جديد 🎓💊 “عدد الصيادلة بالعراق اليوم صار هواي، وكل سنة ينزل للسوق آلاف الخريجين، ولهذا إذا تريد تتميز لازم تشتغل على نفسك من أول يوم تخرجت بي" 🚫 لا تعتمد بس على شهادتك، لأن الشهادة وحدها ما تكفي بهالزمن! ✅ اللي ينجح هو الصيدلي اللي يطوّر نفسه، يتعلم من كل فرصة، ويظل متابع كل جديد بعالم الصيدلة. 🎯 طوّر نفسك بـ: • متابعة المصادر العلمية • تعلم اللغة الإنكليزية زين • أخذ دورات وكورسات بمجالات مختلفة (صيدلة سريرية، سكن كير، تسويق دوائي، GMP…) • حضور مؤتمرات ومعارض(هذا يكونلك علاقات ) • قراءة مقالات وأبحاث • تحسين مهارات التواصل ويا المريض 💡 الصيدلة اليوم مو بس بيع دواء، الصيدلة علم، مهارة، إنسانية، ومنافسة! والمكان ما ينطي نفسه إلا للي فعلاً يستحقه… 📍فإذا تريد اسمك يبرز بلش بالنصائح اللي ذكرتهن لك إذا عجبكم كثرولي من هذا ❤️

🟩 الأدوية اللي تسبب تثدي عند الذكور (Gynecomastia) 📍 تعريفه || هو نمو غير طبيعي لأنسجة الثدي عند الذكور، وغالباً يكون بسبب خلل بالهرمونات (زيادة الإستروجين أو نقص التستوستيرون). 👩🏻‍⚕️أحيانًا يكون السبب دوائي! يعني أدوية معينة ممكن تأثر على الهرمونات وتسبب هاي الحالة الادوية هي : • Spironolactone • Cimetidine • Finasteride • Ketoconazole ✅ الحالة غالباً ترجع لوضعها الطبيعي بعد إيقاف الدواء ✅ انت كصيدلي لازم تنبه المريض إذا كان ياخذ واحد من هاي الأدوية لفترة طويلة @pharmacy_2021_3

الحمدلله نجحت بعد عناء طويل وصراع دام خمس سنين وهسه اكدر اكول صيدلانية_رسمياً يوم نجاحكم يارب ❤️

بما انه اغلب الكورسات والقنوات تهتم بمجال التدريب الصيفي والعمل ب الصيدليات ف تحبون تطورون معلوماتكم بمجال الصيدلة الصناعية والصناعة الدوائية ؟ اي ❤️ لا 🤯

Types of DM

💡 أول شي: الشركة اللي تصنع الـBrand (الدواء الأصلي) تمتلك براءة اختراع (Patent)، وهاي البراءة تستمر عادة من 15 إلى 20 سنة. خلال هاي الفترة: • يحق للشركة الجينيرك تصنع الدواء بشرط إذا ✅ اشترت رخصة تصنيع من الشركة الأصلية. ✅ أو وقّعت اتفاقية مشاركة أرباح (يعني تنطي نسبة ) ⸻ ✅ شنو يصير بعد انتهاء براءة الاختراع؟ هنا يصير المجال مفتوح للشركات الثانية (Generic companies) حتى: • تصنع الدواء بدون الحاجة لشراء الرخصة. • ما يدفعون نسبة أرباح للشركة الأصلية. • بس عليهم يثبتون إنو منتجهم Bioequivalent للبراند، يعني يشتغل بنفس الطريقة والفعالية 📍مثال شائع/ شركة GSK كانت تملك دواء Augmentin، ولما انتهت براءة اختراعه، عشرات الشركات بدأت تصنع الجنيريك، مثل: 1- Hikma 2- Sandoz 3- Amoun وغيرها… بدون ما يدفعون شي لـ GSK

📌 شنو الفرق بين الدواء الأصلي (Brand) والدواء (Generic)؟ 💊 الـBrand Name Drug: هو أول دواء تم تصنيعه واكتشافه من قبل شركة دوائية، ويسجلونه ببراءة اختراع (patent) *يعني اول شركة اكتشفت المادة الفعالة وصنعت الدواء 💊 الـGeneric Drug: هو نفس الدواء من حيث المادة الفعالة (Active Ingredient)، لكن يُنتج من شركات ثانية بعد انتهاء براءة الاختراع، وبأسم مختلف *يعني ذولي اخذوا الوصفة من الشركة البراند وگاموا يصنعون نفس الدواء (شلون البنات من يأخذن وصفات كيك من اليوتيوب😂) ⸻ 🔍 يشبهون بعض ب ١-نفس الفعالية العلاجية ٢-نفس الجرعة ٣-نفس الطريقة (عن طريق الفم، حقن، …إلخ) ٤-نفس التركيز 📌 يعني الـGeneric مو أقل جودة… إذا كان مسجَّل ومعتمد من وزارة الصحة أو الـFDA ⸻ ❓ليش أرخص؟ لأن الشركة الجينيريك ما صرفت فلوس على: • البحث والتطوير • التجارب السريرية • التسويق الضخم ⸻ ⚠️ ملاحظات مهمة: • أحيانًا يختلف الشكل أو الطعم أو اللون، لكن هذا ما يأثر على الفعالية. • بعض المرضى ممكن يحسون باختلاف، خصوصًا بالحالات النفسية أو المزمنة (تأثير نفسي أو اختلاف بالـexcipients) Ph Aya Mohammed https://t.me/pharmacy_2021_3

📍 شنو سبب فرض GMP؟ القصة صارت سنة 1937 بأمريكا، لما شركة أدوية طرحت شراب اسمه Elixir Sulfanilamide، واللي كان يحتوي على مادة فعالة اسمها سلفانيلاميد – وهي مضاد بكتيري – لكنهم ذوبوه بمذيب اسمه diethylene glycol (DEG). الـDEG مادة سامة جدًا (هي نفسها تدخل أحيانًا بصناعة مانع التجمد) كذلك بصناعة الأصباغ واللدائن بس الشركة ما سوّت أي اختبارات سلامة، ولا حتى جربت الدواء على الحيوانات، وراحت وزعته مباشرة بالصيدليات! 💔 النتيجة كانت كارثية: أكثر من 100 شخص ماتوا، أغلبهم أطفال. هالشي سوه ضجة كبيرة بأمريكا، وصار ضغط شعبي كبير على الحكومة، ولهذا صدر قانون سنة 1938 اسمه: 👉 Federal Food, Drug, and Cosmetic Act (FDCA) وهو أول خطوة باتجاه ضبط صناعة الأدوية، ومن بعدها تطورت القوانين وصارت أكثر صرامة، إلى أن تم إنشاء نظام الـGMP كشرط أساسي لصناعة الأدوية

منشور العيد عن الصناعة الدوائية اللي اني كولش مهتمة بهذا المجال واحبه ❤️ 📌 شنو يعني مصطلح GMP وليش سووها؟ اختصار لجملة : Good Manufacturing Practice تعني “الممارسات التصنيعية الجيدة”، وهي مجموعة قوانين وتعليمات انفرضت على مصانع الأدوية حتى تضمن إنو كل دواء يطلع للمريض يكون: ✅ آمن ✅ نضيف ✅ فعال ✅ جودة ممتازة بس ليش سووها أصلاً؟ لأن قبل، كان أكو هواي مشاكل بصناعة الأدوية، مثل تلوث، أخطاء بالجرعات، أو منتجات مو فعّالة، وكلها كانت تأثر سلباً ع حياة الناس. فطلعت الـGMP حتى تنحط قواعد صارمة بكل خطوة من خطوات التصنيع، ومن يصير خطأ، ينرادله حساب. 🔬 ضمن الـGMP لازم : - المعمل يبقى نضيف ومرتب - الأجهزة مضبوطة ومفحوصة -الموظفين مدرّبين - كل خطوة مكتوبة ومتوثقة - والظروف مثل الحرارة والرطوبة تكون تحت السيطرة 💊 يعني GMP مو مجرد أوراق وتعليمات، هي ثقافة كاملة بالجودة والسلامة، تحمينا إحنا الصيادلة وتحمي المرضى اللي ننطيهم الادوية