الما يُعرفك .. ما يلچمك !

صفنة تماثيل اركض ما اطيح وبيّة اشمت الگاع ومو آنه اليظل ياهو اليجي يفوته … واركض بالعكس لوبيه دار الكون اصير آنه اليهد والناس مشحوتــه..!! واگول الموت عِز وعيشة الأحرار موشغلة اماني…وكلمه مكبوتـــــة وهنيالي من اموتن واخلص من الموت واشيل آنه آنه واركض بتابوتـه… واصيرن خوف اخوّف وآنه عايش موت واشحدّة اليجيني؟ واهجم إبيوتــه… ميتين المگابر ما تشيل اسيـــــــــوف!! بس جيب اليطب بالليل للموتــــة؟!! خليني إعله حالي وارضه اصيرن ليل ومنو يدري..اشيظم الليل بسكوته؟!! مرات البشر بعيونه حجيه يصيـــــــر مو كل السوالف واضحه بصوته التماثيل بطبعهه الخرس والصفنــــات وتحچي اشگد معاني وهيّة منحوته .. وإبنادم چذب وبحلگه ميتْ الســــــان ياصدگ الچذب..والناس مبخوتــــة … يگلّك عالگمر راح وخذاه الحوت ولا هوّة النزل لا صعدت الحوتة.. جبار رشيد

وَكُلُّ بِساطِ عَيشٍ سَوفَ يُطوى وَإِن طالَ الزَمانُ بِهِ وَطابا… أحمد شوقي

خلـ تطلگ بكل يوم منا لما تشيب فنها اظفر من حسين دنياكم تجيب فلاح العنبكي

العام بشهر عاشور ماضل ربع حيل بلكي السنه اعله حسين ما تسحگ الخيل بشار الأسمر

- بس الدمع وياي مالح ما بقى ابنادم گلبه واضح دنيا وبدونك بيها صالح امراية لوجه مابي ملامح محمد خشين

عليّ دورت حجه ورايد تروح ! غير الحجه كون وياهه أثبات وانة أثبات عندي بكلشي وياك بوكَفتي ببابكم ضليت ساعات بالوحدة العشتها بقمة الناس من ما دورت بعدك علاقات

صاحب فضل يالبين جرجرت اذاني بين شكو ابن امداس واگفله اني محمد السندالي

من اگولن كن للبحلمي لكانه لچن محتاج اخو يگلي لك انه خوات انطه الوكت حتى لكانه وانه لوحدي ويجوز الحذف ليه ياسين حميد الصالحي

هلا بالعندي يسوة عدال مية بچفن واتنطره يسلم علية ♡.

بين فَيّ رمشك... وزلفك ..گنطرة هييل  وعوافي

عبرتك بالسلام وگلبي مد أيده وتريد انسى وخفت لا اگلك شلونك وما تقسى انه العايفك وانه المضيع الناس وهذا الواگف يحاچيك مو نفسه من چان انتظارك عالجمر سجين خسرتك والجمر ما يشتعل هسه ومثلما گلنه بعد الظحكه ضحكة خير تره بعد الافراگ تخوف الونسه عزت عباس

مليت ما جاي الگه اليدليني ذكرى وتراب وكلشي طب بعيني هزيت ايدي گبال كل الذكروك ورجعته يظحك كلمن يواسيني هاي بوكتها وهسه ابشرك والله حتى مشاكل جارنه تبچيني عزت عباس

يـا روحـي بـ خضار صباي مـن چـان ألعمر بـهداي .. مـا جيتي چـا لـمن جزاچ ألشوف وتـبده ألحلـم عـ ألشيب فـزيتي چـا لمن رخـص گلبي أعـله يـاهو ألچان .. حنيتي مـا تدرين يـم كل بـاب شـاتل عـين ومتانيـچ أذبـل وألـسنين تـخظر بـ طاريچ لا هـلبت تـلمچ وأگـعد أتـمناچ ولا سـر ينفضـح .. واحـچيچ يـا روحي بـ توالي ألليل مـا أوصيـچ مـا اوصيـچ لـمي ألمشتهاچ مـتاع تـره بـ تالي ألحزن حتـى ألدمع ينباع لـيش من أشـتهيتچ طيف طـشيتي ألشمس بـ ألگاع خـلينـه بـعد نـشتاگـ يا روحي ألگلوب تـعيش من تنباگ مـبيوگين أنه وياچ مبيوگين خلينـه أعـله طـول ألليل مـتبدين چم دوب ألعشگ سـكته چم دوب ألـ يحب يعيش ذنبـه بـ طول سالفتـه يـا أول ذنب چم دوب بـ سنين ألمفارگـ يـشرب ألدخان ذبـلان الغـصن ضنيتـه بس ذبـلان وحشمت ألفلح وألماي چـان بـ خاطري يـنزل عـليچ أفياي وويـن أدري بـ خريفچ جاي ويـن أدري مـن چـان ألعمر شـباچ عـبرتچ ذنـب حـد ما خـلص عمري ويـن ادري الدرب من ينسحگ يـغله يـا روحي گـبل لا تنشف ألنهران چـم نورس نزل عطشان لـكن مـا گـدر يعله چـم ليل أنـطفـه ويـه جرت ألكحله مـا فززچ دمعـي ألطاح وأنـه ألچـنت أفـز بطيحة ألگذلـه لميني وي گذلـة شعرچ النعسان لمت ليل بـ عيون ألغريب ألمـا حـضالـه بـ عين مـشه بيـه العمر جرفين و انـه اولايتي جروفچ يـا روحي القصيده تـغار من تجيسني حروفچ هـلبت يا ضريح ألشوف بـيبان ألـضوه أطـوفـچ وگلج أي يـطيف ألماي غـيرچ ما حله بعيني وادري شمـا صـغتلچ راي ما ينصاغلج طيني #حسن_قاسم

عايفلك انسان النده ايسولف بي يوميه فوك الورد حلمه يرسمه اشكد احب طبع الشبح يتلكه اسهام اشكد اكره القوس اليضحي ابسهمه عاجبني طبع الطير يكبر ويطير ماخله واحد عنده شمره ايعلمه يالعلموك … وغيروك … وخلوك ؟ من تذكر الحطك بروحه تذمه جافيت كلبي الما جفه ابكلشي وياك اليبچي اعله مودك چي تركت القمه عمري التطشر حفنه ارماد بريح لا تعتقد غيرك انسان ايلمه #علي_عماد

. . يلا يجوز ما نتواصل هواي .. بس ثق بالي يمك كل دقيقة .. صعب طبعي ومزاجي ، وانغث بساع .. وانت اكثر بشر بالدنيا اطيقة .. شفتك بالخيال ومرة بالطيف رايد هسة اشوفك بالحقيقة ..

واني بَس حَيرّني حسنَچ ممكن افهم وين حَده شما لَبستي الناس گالوا فَد انيقة وچنهه ورده ، مَدري ليش متعبَه نفسج وانتِ بلعيد احلى وحده .

فاسَتضحكت وهيّ تَجني الوَرد قائلةً ما أحسنَ الوَرد..قُلتُ الوَرد خَداكِ وقُلت أهوى..فَقالت بالدَلال ومَن تهوى! فُقلت لها إياكِ إياكِ -معروف الرصافي

أقتربلي شويه مُمكن .. من بعيد تبوگ روحي ومن قريب تبوگني أكثر ليش من الگاك أحس الگاع تصغر وليش من الگاك كل آمالي تكبر انه جيتك شايل الدنيا اعله راسي بعيني شفتك أحلى منظر أنتَ يمكن وصفة العراف أليه أنت واحد بس أحسك جاي تكثر ! ويمكن بتابوتي بس انتَ اعله بالي واندفن وبروحي تفتر ولو نكير يريد يسأل ينقهر ويسكته مُنكر الخاطرك للجنة أفوت ! أنت يمبيض حياتي ولونك أسمر ..

كل شي بدونك يضرني بجفاك الفي يسومرني مو الا انت.. خوفي عليك يكسرني انام مصوب وزعلك يسهرني شهل تأثير؟ الـ بملكاك وفراكك تغيرني وبكل ليلة شوكي يزيد وصورك ماتصبرني محد مثلك يلمني ويطشرني وغيب شما ردت ماراح تخسرني عمار سالم

ما يحتاج تصفن بيها وتحير الوهم لا ياخذك وشلون ويجوز ترا الدنيا مثل لعب التصاوير تطيح اعله اليشبهك يالا تفوز..