𓆩 qamari 𓆪

دفتر جنت مامنتهي چي بيك جنت ملزك، يا شتوي ياكسرة ثلج كلساع اشوفك تعرك.. ضميت وجهك للشمس كلت الگمر يتلثك.. طشن ذنوبي بكعبتك رمان وحده تفشك.. مُر بيه يلـ مالك خلك كاغد حسبتي تشكك، واخطأ عليه اتعذرك غير انت اعز من الحك.. "كاسيت ياريت العُمر واكعد واعيد ايامه"، واكعد واخضر عشرتك شامه طلعت يم شامه.. شيفيد تاريخ الوكت لو ماتت الرزنامه... باليل دورتك امس مامش اثر خزامه.. وفيّيت حدما مشركت يمك ومدوا صفصف، يالغربت من الدرس ضليت ادور صف صف.. بين الزعل ومعاتبك بالنيه كونك صفصف.. يا حمري شاطينه شعجب وجهك غيوم تديره، اجهبني خنكاسر حزن والكآس بديك ديره.. لفرش شلبنه لجيتك من ديره لآخر ديره.. وهلال ظهري من الجفه عـ السجه تانوا هلهل، من سمعوا بجيته السلف حتى المخورس هلهل.. مدري شفكد فص الثلج بردان جفنه وهلهل.. وكل الگحل شيب انكلب بس انت گحلك اغمك، يكياش للملكه شبعد والشهكه عمر اليغرك.. كون المعيبر ماعثر لا غرب ولا شرگ.. دفتر جنت مامنتهي، جي بيك جنت ملزك. #زيد_العنزي

من بديت بروحي تثكل، وچت بروحي مناره.. صار لون الطيف باهت.. والزرع ذاك الشتلته على الرسايل.. نزع كل واهس خضاره.. روحي مدري شطاح منها، وصفنت عليها السكاره.. #زيد_العنزي

كون الكه الحلم من افرك العين، واجيبنه بقفص للمايحصله.. #زيد_العنزي

انه مثل الگمر ما مر شهر مرتاح، اطب محدب ومن اطلع محدب.. #علي_مطر

ثكيله ونتي خلافك شونها، ورَكض روحي اركضت لجلك شونها.. الجكاير ريتي بفراكك شونها.. شوي ورمادهن لليوم بيه.. #احمد_رضا_المياحي

يكضي بطلاع الروح يومي، وصاير مخربط حتى نومي.. يطردوني كلما اروح كومي.. صارت تغثم يا علومي.. وتدرون شنو اكبر طموحي، من صدري اطلع كون روحي.. يهجم بيوت شكبره نوحي.. بلعت ابرهم يا جروحي.. وماتنحجي وعمله جبيره، كلهم كرهته وشفت غيره.. لو طايحه كلها العشيره.. ولا حال يم غيري ظفيره. #مالك_الباوي

دَع ذِكرَهُنَّ فَما لَهُنَّ وَفاءُ، ريحُ الصَبا وَعُهودُهُنَّ سَواءُ.. يَكسِرنَ قَلبَكَ ثُمَّ لا يَجبُرنَهُ.. وَقُلوبُهُنَّ مِنَ الوَفاءِ خَلاءُ.

يالمشيتي لغير ديره، السما صغيره على عيني وروحي اسيره.. الما يشبهونج شكلهم..هيَ حيره.. كل بعيد بعيني يصغر.. وانتي بعيوني جبيره.. جنها حالي الغيمه تلهث بالجزيره.. والوحشه ناس بغيبتج ماعدها غيره.. شلون اسده..يالفراغج وين حده، بيا عطش تلكين سده.. بكل جزر تلكين وجهي بلايه مده.. وانه خاطر لهفتي بكل طيف اشده.. وكل جرح يندارلي ويلكاني عنده.. بكل مكان العوز وابن ادم غريب، وغربة العاشگ طويله بلايه رده.. #علي_رشم

"توها بردت وانتي مريتي رصاصة" خايف تروحين واذبل والعطش يترس مكاني وخايف اشرب روحتچ واخذلي ليل وما اتاني.. هاي اليه سنين بارد محد بملگاه چواني شلون ماطگت عشب بيه الثواني.. بيه واهس كافر وربج هداني الليل شبعني سفر واني بمكاني.. #علي_رشم

خلينه نتكاشف ونحجي الصدك، ونطلع المضموم من اوله.. باكوك ناس من الجذر للغصن.. راسك عليمن رافعه نزله.. لميتك من الذره حد الجبل، وردوك ذره ومابقت منزله.. كاس الكرامه تبده كله من امس.. كاس الندامه شنفعه كون انمله.. كتلك اديه حبال بس للوصل.. لكن اديك الرغبن السلسله.. امنت بيك بكد اماني بهلي، ويا كسرته الكسروا جناحه هله.. بالصحره ماشيتك نهر يا عطش.. وماشيتني مغالب ومو مشكله.. وغمضت يمك بس لمن فتحت، بايكني اني ونوكي والقافله.. رحت ويه وادم عدها عيب الصدك، وعيونهم بالسم تره مكحله.. خليتني اتسائل بلا اجاوبه، ياهو اليفسر براسي هالاسئله.. الميت ضميره ليش مايندفن.. ويه المنكتل متساوي بالمنزله.. ليش الحنين يموت ناقص عمر.. وليش اليخون سنينه متدللـه.. لا سامح الله العاف ولفه ومشى.. وكون بحبيب يطيح هم مو اله. #حيدر_هواد

الوحيد اني بصلاة الحب لمسها، انعفت وانقبلت التقضي لمسها.. الكبل ارعد لَون ضلها لمسها.. بعد مااهم لَون راحت سبيه. #ياسين_الصالحي

مثل كل يوم گلبي اليوم لاجمني، انه اليوم چني ماادري شچني.. بعدني كاره الدنيا.. وبعدني امدد بسديه.. وقبل لا يكشف الدكتور.. كتله فلان يوجعني.. طبت من المرض، بس يا مرض فركاك.. من عنده شيطيبني.. انه تراهنت ويه عيوني عن النوم، حروز الدنيا كلهن ماينومني.. انه صورّك ينومني.. انه جروحك يكعدني.. من تدير وجهك حطني بالتابوت.. من ترجعلي من تابوتي طلعني.. تمنيتك مثل حزني، تمنيتك تصير وياي مثل امي.. تمنيتك تصير وياي مثل العوز.. بقى طول العمر يمي.. تشوف الرجفه الـ بأيدي.. اطيبن من تكاودني.. مو كلك بسرعه تروح.. شويه شويه فاركني.. تكلي شلونك..شلوني، اذا عنك يسألوني.. عليك تجاوب عيوني.. حرف من اسمك يذكرون.. لو رادوا يبجوني. #زيد_السومري

چي مغرگه الماي محسود الحصو مادروا عطشان جوفه وما روه.. #سمير_صبيح

كمت افتر بحيهم ساعي جني، وكمت افتر بحيهم ساعه جني.. وكمت افتر بحيهم ساعه جني.. وساعه مخبل مربطين بيه.

مره اسم الله كالولي مراحيل، عليك وجلمة الشامت مراحيل.. بجفاك الظيم شفته انه مراحل.. وصلت لمرحله يكودون بيه. #رضا_حبيب

دمعي انه مشى السفن بس دمعهم مايرى، و مَر علّي حادي الضعن كال شيرى مايرى.. كتله المتعب المشن خله النظر مايرى.. والمهم بيه حزن ظيم المشت للسبي.. كلوله ماي الحيا ماطاح ضل لسه بي.. مَر علّي طيفك بدو كال شتبي لسبي.. كتله المخلي الدمع صك علّي ضل مايرى.. هلا يالشوفتك كوه يراها، النظر والتنحسد ضيمك يراها.. بخيط رويحتي لكن يراها.. وزه يا فكرك محزمك عليه. #رسول_النوفلي

تعال عيوني بلياك ماعاود واسليها، تعال شفافي محتامات بهمس شفاك ناغيها.. تعال وعندي سوالف اسولفها الك واحجيها.. تعال العين الك تبرى، ظلام وطلعتك گمره.. واضل مثل اليحفر بير.. بيده يدور الگطره.. واضل انخآك، واسمع صدى يناديني.. بأسف خان العزيز وياك.. بأسف خان العزيز وياك.. شكول عليك..اكول انساك..روحي وياك، شكول عليك..اضل زعلان..مر فركاك.. مثل فزت طفل روحي، تفز لو سمعت بطرواك.. ومثل ورده وشحيحة ماي.. مزنت مطر تتنخاك.. واكلك هاك..شوف جفاك.. شوف شسوه بيه جفاك.. شوف شسوه بيه جفاك. #زامل_سعيد

يالشايلين من الطرف، على الاقل خل نشتمكم.. بيناتنه الماينحجن..محد بكدي يحبگم.. يالحارميني من الهوى، حسبالنه نكبر سوه.. يوم اسود ومصباح الاكشر.. من اربع صفاح الون تطشر.. هذا الرحيل يريدله عيون.. راعيهن يدك خيمه بالبر.. بشوفتكم من بعيد نقنع، تريدلها حجه الروح تطلع.. ما النه خاطر يمكم شواي.. چا عود شتخسرون نرجع.. عشرين چيله على الكلب، ولا ثانيه ويه صوّركم.. #رفعت_الصافي

كبل ماتمشين وجهج، جان يضحك بالمرايا.. وما اجيتي وكسرتها.. وشفت عشر وجوه تضحك بالشضايا.. #الكاطع

انسحبوا من حياتي هواي خلان، وبقيت بهالزمان لوحدي اعاند.. سواد الليل يبقى وتطفى الالوان، واعيد بذكرياتك والمشاهد.. #الكاطع