"Куораттан дэриэбинэҕэ: Пиэрмэр"

Этин барытын сулуйан ылан, эрийэн баран, уҥуоҕунан миин буһарынныбыт. Мииммитин эбиэккэ итиилии-буһуулуу иһэн бурдьугунаттыбыт. Бурдьугунатар диэн тылы Улахан быһаарыылаах тылдьыкка буллум. Миини иһэр тыаһы итинник ойуулаабыт М. Доҕордуурап. Идэбитинэн "Мм, ас диэн бу буоллаҕа дии", - дэһэ-дэһэ силии бөҕө сиэтибит😋😋😋 Ол кэннэ уҥуохпун үлтү оҕустаран (уҥуоҕум ууллан), сыттым ээ😃 онтон олох да утуйан хаалбыппын. Тылдьыкка көрөбүт: Уҥуоҕун үлтү оҕустарбыт – утуйар курдук туруктан, утуйуоххун баҕар.   Θ Быть сонливым, вялым (букв. кости его раздроблены). Уҥуоҕа уулбут – сэниэтэ суох буолбут.   Θ Чувствовать слабость, вялость (букв. кости его растаяли). Ыйытыы: Сахалар тоҕо миини иһэбит диибитий? Атын норуоттар мииннэрин сииллэр ээ. Бастакынан толору хоруйу биэрбиккэ - 🥇 #миин #ас

"Күн эргиирэ" блины оһуора-мандара. #ас

«Күн эргиирэ" блины ураты көстүүтэ. #ас

"Күн эргиирэ" блины кутуутун уратыта. #ас

"Күн эргиирэ" блины тиэстэтин кистэлэҥэ. #ас

Үтүө күнүнэн☀️ Ааҕааччым Мария Барашкова "Күн эргиирэ" блины кутуутун видеоҕа устан ыытарбар эппитин толоро сатаатым да, олох видеоны хачайдаан укпат буолбут бу телеграм. Сыыры эмиэ ыйыппыт этэ Мария. Дьиҥэр, устубутум. Онон хайдах сатанарынан ыытан көрүөм, биирдиилээн да буоллун. Барытын биирдэ уган ыытар кыаллыбат буолбут.

Масленица бэһис күнэ, тоҕо "Күн эргиирэ" блиныҥ ырысыабын таһаарбаккын диэн бу сарсыардаттан ыйытыы киирдэ☺️ Ырысыаба - классическай😅 Биир литр 🥛+ икки 🥚🥚 + ууллубут ынах арыыта 🧈 + сода, туус 😋 "Күн эргиирэ" блины биир кистэлэҥэ кини кутуутугар. Ол курдук тиэстэни блинница ортотугар кутаат, тиэстэни куппут хомуочуйаҥ алын өттүнэн эргиччи сүүрдэн кэбиһэҕин. Бүттэ☺️ Масленица бэһис күнүн историятын арыйан аахтым - Тещины вечерки дииллэр эбит. Ол аата Күтүөт Ийэ кыннын блинынан күндүлүүр күнэ буолбут. Күтүөт ийэ кыннын төһөнөн үөрэн-көтөн, айхаллаан, частушкалаан, ыллаан көрсөр да, соччонон дьиэ кэргэн туруктаах буолар диэн суруйбуттар. Блиныны дьиэлээх хаһаайка оҥорор. Уонна бүгүн саамай кылаабынайа - ТОҔУС БЛИНЫНЫ сиэхтээх эбиппит. Ити доруобай буолууга уонна байылыат олоххо диэбиттэр. #доруобайбуолуҥ

Дьиэбэр иккис этээскэ 💻 үлэлии олоробун. Эмискэ 📲 👨🏽‍🌾үлэлии олороҕун? 👩🏻‍🌾оннук. 👨🏽‍🌾түннүгүнэн көр эрэ… 💝 Тапталлаахтар күннэринэн барыгытын эҕэрдэлиибин уонна куоҥкурус биллэрэбин💞 "Мин сүрэҕим историята" диэн олоххутугар буолбут кэрэ-бэлиэ кэпсээни комментарийдарга суруйан хаалларыҥ. Бирииһэ - 🎁🥛+🥩 ас😋😋😋 #тыасирэ #тапталбаар

Бүгүн Ийэ тыл күнэ😍💝 Сахалыы саҥалаах, сахалыы тыыннаах ыалга төрөөбүт, иитиллэн-уһаарыллан тахсыбыт буоламмын, норуот бэйиэтэ Семен Даниловтыы эттэххэ, мин саҥам билигин "сахалыы сатарыыр"📝 Саха тыллаах ааҕар ЯСИА сахалыы сирэйигэр эрэдээктэрдиибин. Онон төрөөбүт сахам тыла сайдыытыгар, киэҥ араҥаҕа тарҕанарыгар кылааппын киллэрсэрбинэн киэн туттабын📚 2020 сыллаахха АГАТУ-га үөрэнэн, пиэрмэр (биэримэр - Дапсы) буолуохпуттан саха төрүт аһын туһунан үөрэтэбин, астыыбын, анаан үөрэтэр дьон, учуонайдар чинчийиилэрин билсэбин, өбүгэлэрбит доруобай аһылыктарын аныгы тэтимҥэ аҕаларга кыһаллабын. "Саха - һахатынан кэрэ" диэн этии курдук "Саха аһынан кэрэ" диэн дириҥ ис хоһоонноох өйдөбүл хас биирдии киһиэхэ баар буолуон баҕарабын. Төрүт ас култууратын ис дьиҥэр тиийиэхпин ыралыыбын🥛🥩 Ханнык баҕарар эйгэҕэ аата, аан тыла, аат тыла инники күөҥҥэ тутуллар. Онон, бу тылбаас идэтигэр магистратураҕа былырыын үөрэнэ киирбитим. Икки сыл төрүт ас ааттарын үөрэтэн, литература хасыһан, наада буоллаҕына саҥа тиэрминнэри оҥорон, диссертациям үлэтин түмүгэ - саха төрүт аһын тылдьытын оҥорон таһаарыахтаахпын📔 Холобур, суорат диэммит түүр йогурт диэн тылыттан олоҕурарын, ити эрээри билигин дэлэйдик сиэниллэр йогуртпут оҥоһуллуутун технологията суораттан олох атынын билэбит🙌🏻 Төрүт аспытын бэйэтин төрүт аатынан ааттаан, туттарбыт - култуурабыт биир чыпчаала дии саныыбын🤩😍 #сахатыла #төрүтас

Сардаана, аан бастаан эн билбитиҥ быһыылаах, мин тыа сиригэр олохсуйар баҕабын. Бэйэбит иитиэхтээн оҥорон таһаарбыт Улусмедиа саайтпыт "Паспорта районов" түһүмэҕэр 17 оройуон дьонун-сэргэтин үлэтин, дьарыгын сэһэргээбиппит. Тыа сиригэр сылдьарбын, үлэ дьонун кытта кэпсэтэрбин, дьиҥнээх олоҕу суруйарбын сөбүлүүр да этим. Билигин бэйэм тыа сирин олохтооҕобун😍 Киһи ыра санаалаах буоллаҕына, онтугар син-биир ханан эрэ эргитэн тиийэр эбит. Баҕар чэпчэкитик, баҕар ыараханнык. Саамай сөпкө эттиҥ - аны кырата үс сылынан гастротуризмҥа саатар биир атахпынан үктэниэхтээхпин. Онно эрэнэбин эрбэр, оҕолорбор, аймахтарбар, биир дойдулаахтарбар, доҕотторбор. "Народный фермер" уопсастыбаннай тэрилтэ телеграм-ханаалыгар суруйбутун таһаардым үөһэ хаартыскаларга. Манна төһө сөбүлэһэҕит? Биһиги уһаайбабытыгар сахаҥ төрүт аһын аһыы, бэйэҥ ынах ыан үүт иһэ, идэһэлээн, ис сууйан, буотарах миинэ иһэ кэлиэҥ дуо? Харта, хаһа сии? Субай хаан кутуутун кистэлэҥэр үөрэнэ? Сыр оҥоро? #сахатөрүтаһа #гастротуризм

Сыр / сыыр / туналык Өссө биир сакаас бэлэм буолла. Табылынна ахан😍 Сакаасчытым мааны киһи буоллаҕа🫶🏻 #тиэрмин #сахатыла

Бүгүн билим (наука) күнэ. Барыгытыгар эҕэрдэ буоллун. Тылбаас хайысхатыгар магистратураҕа үөрэнэр буолан, билимҥэ сыһыаннаах курдук сананабын. Үөрэхпит интэриэһинэйэ олус. Бииртэн биир урут билбэтэх билиибин күн аайы эбинэн иһэбин. Холобур, бастакы хаартыскаҕа көрүҥ. Тыл үөскэҕин үөрэтии. Ур уонна Хом диэн үөскэхтээх тыллар. Маны Тыл үөрэҕин хандьыдаата, дассыан, М.К. Аммосов аатынан Хотугулуу-Илиҥҥи бэдэрээлинэй үнүбэрситиэт ХИФУ Арассыыйа Бэдэрээссийэтин Хотугулуу-илиҥҥи норуоттарын тылларын уонна култуураларын үнүстүүтүн (АБ ХИНТКҮ) дириэктэрэ Гаврил Григорьевич Торотоев үөрэтэр. Кини кэпсээн бардаҕына, биир да тылын сиргэ-буорга түһэрбэккэ, дьолоҕойгор тутарга кыһаллаҕын. Аны иккис-үһүс хаартыскаларга тыл эмчитэ М.П. Алексеев-Дапсы "Учуутал барахсаҥҥа" диэн кинигэтигэр тыл саҥарыллыытын, туттуллуутун, суруйуллуутун ырытыы баар. Онно фермер диэни биэримэр диэбит. Биэримэ диэҥҥэ майгынныыр дии диэн кыратык оонньоон ыллыбыт. Мин пиэрмэр диэн суруйа сылдьабын. Ону сыыһа диэбэттэр. #билим #сахатыла

Күн уһаан, саас иһэрэ биллэр буолла. Сибэккилэр үөрдэллэр😍🤩 #сахасирэ #тыасирэ #кэрээйгэтэ