Qarabağ Universiteti

Qarabağ Universiteti – irsimizdən ilham alıb gələcəyi birlikdə qururuq! 2024-cü ildə ilk tədris ilinə 6 fakültə, 27 ixtisas proqramı və 1154 tələbə ilə başlayan Qarabağ Universiteti bu gün 9 fakültədə 49 ixtisas üzrə təhsil imkanları təqdim edir. Qarabağ Universiteti mühəndislik, biznes və iqtisadiyyat, tibb və sağlamlıq elmləri, riyaziyyat və kompüter elmləri, pedaqogika, təbiət elmləri, humanitar və sosial elmlər, incəsənət istiqamətləri üzrə kadr hazırlığı həyata keçirir. Beynəlxalq standartlara cavab verən infrastruktur, o cümlədən müasir auditoriya və laboratoriyalar, zəngin kitabxana və elmi-tədqiqat məkanları tələbələrin öyrəndiyi, araşdırdığı, yaratdığı və yeni ideyaları həyata keçirdiyi canlı akademik mühit formalaşdırır. Burada yalnız dövlət sifarişi əsasında qəbul həyata keçirilir. Tələbələrin keyfiyyətli təhsil alması və müasir universitet kampusunun təqdim etdiyi imkanlardan yararlana bilməsi üçün hərtərəfli şərait yaradılıb. Bütün tələbələr üçün yataqxana və kommunal xidmətlərin xərcləri dövlət tərəfindən qarşılanır. Amma Qarabağ Universitetinin hekayəsi bununla bitmir. Xankəndidə Mühəndislik, Riyaziyyat və kompüter elmləri, Təbiət elmləri, Sosial elmlər və hüquq, Şuşada İncəsənət, Xocalıda Kənd Təsərrüfatı fakültələri üçün yeni binaların inşası Qarabağda böyük bir təhsil ekosisteminin formalaşmasına xidmət edəcək. Universitetin Klinikası ilə birgə Tibb və sağlamlıq fakültəsi isə təhsil, elmi tədqiqat və müasir tibbi xidmətin bir araya gəldiyi akademik-kliniki mərkəzdir. Qarabağ Universitetində təhsil auditoriya ilə məhdudlaşmır. Təcrübə proqramları, istehsalat təcrübəsi və tətbiqyönümlü öyrənmə tələbələrə biliklərini real iş mühitində sınamaq, tərəfdaşlarla əməkdaşlıq isə gələcək karyeralarına hazırlaşmaq imkanı verir. Çünki məqsəd yalnız məzun yetişdirmək deyil. Məqsəd Qarabağın və Azərbaycanın gələcəyini quracaq yeni nəsil yetişdirməkdir. Bu gün Qarabağ Universiteti sürətlə böyüyür. Sabah burada yeni ixtisaslar, yeni elmi araşdırmalar, daha geniş akademik imkanlar və yeni uğur hekayələri yaranacaq. O gələcəyin bir parçası olmaq istəyirsənsə, Qarabağ Universitetini seç. Öyrən, yarat, yenidən qur. Ətraflı məlumat üçün: qu.edu.az

Qarabağ Universitetinin İncəsənət fakültəsi ənənə və müasirliyin, yaradıcılıqla peşəkarlığın vəhdətidir. Fakültə təkcə incəsənət xadimləri deyil, milli dəyərlərə sadiq və beynəlxalq səviyyədə rəqabətədavamlı yaradıcı şəxsiyyətlər formalaşdırır. Burada tədris prosesi xalq və əməkdar artistlərin, eləcə də xarici mütəxəssislərin iştirakı ilə qabaqcıl beynəlxalq proqramlar əsasında həyata keçirilir. Tələbələr yalnız auditoriyada deyil, mötəbər festivallarda və peşəkar orkestrlərdə iştirak edərək real səhnə təcrübəsi qazanır, elə ilk tədris ilindən öz portfoliolarını yaradırlar. 2026-2027-ci tədris ilində 9 ixtisas üzrə qəbul həyata keçirəcək İncəsənət fakültəsi potensialını kəşf etmək istəyən hər bir abituriyent üçün geniş imkanlar açır və gələcəyə gedən yolda onların ən böyük dəstəkçisinə çevrilir. #QarabagUniversiteti #Xankendi #IncesenetFakultesi #Abituriyent2026 #Tehsil