عائلة رابح 🤍

هكون سعيد لو ساهمتوا في نشر الكتاب، وماتنسوش تستحضروا النية عشان تؤجروا على كل شخص هيستفاد من محتوى الكتاب عن طريقكم 🤍 لينك الإعلان الأول: https://www.facebook.com/share/p/1CDxTZKifU/?mibextid=wwXIfr

سلام عليكم يا اصدقائي محتاج شاب وبنت مكافحين بيشتغلوا بجانب دراستهم عشان يساعدوا أسرتهم، ويقبلوا يظهروا في فيديو معايا يحكوا قصتهم اللي مستعد يبعتلي رسالة على بيدج فيسبوك وبعون الله يكونوا سبب في إلهام ناس كتير والفيديو يكون باب رزق ليهم ولأهلهم من حيث لا يحتسبوا 🤍 هنختار اللي ظروفهم أصعب، والأكثر استحقاقًا للدعم، واللي تفاصيل قصتهم ملهمة أكتر .. يلا بينا نستخدم السوشيال ميديا صح 👏🏼

هااايمشالله ♥️ لأول مرة وشاهد قبل الحذف وبتاع😂 اخوك رابح اخيراااا عمل فيديو بالعرض وبقى يوتيوبر رسميًا ✍️ .. الخطوة اللي اتأخر كتير اوي بس ها نحن ذا ♥️ عاوز تطبيل للصبح وشير لينك القناة مع اكبر عدد .. اخوك رابح ياما وقف في ضهرك هات شوية من اللي عليك ياااض😅 الحلقة عن التأجيل والتسويف والمراكمة ودا لينك القناة: https://tapthe.link/AztrqcZeE

لو بتشرب قهوة كتير وبرضو مفيش تركيز… ده معناه إن الكافيين بقى له تأثير عكسي لأن جسمك تأقلم عليه يا بيه، ومخك محتاج راحة. الحل: • اعمل “ديتوكس كافيين” 3 أيام على الأقل • بدّل القهوة بشاي أو شاي أخضر أو كاكاو خام • نام كويس واشرب ماية كتير •شوف الشمس كل يوم الصبح أول ما تصحى

جدعان القناة هنا في التغذية منه فقط، اما بقى الرغي العمال على بطال دا هتلاقوه على قناة وتساب 😂 https://whatsapp.com/channel/0029Vb6JQbcBqbrAsGtBFo0l

هام وعاجل ‼️ إلى كل من يرغب في أن يُثري قريحته الطبخيّة عليه أن يسمع ويعي… فتحت التلاجة لقيت موتزريلا وكيس بسلة في الفريزة وشوية لحمة مفرومة من سنة ٩٠ تقريبًا .. اسيبهم؟! ها أنا ذا أسجل براءة اختراع جديدة في عالم المأكولات والمضحوكات… فكروا معايا في اسم للاختراع دا ياخواتي 🤓♥️ ويكون في علمكم طول ما الهانم مسافرة وهجراني هفضل اعك كدا ههه

شعرك بيتساقط وبتلاحظ فراغات بتزيد؟ غالبًا عندك نقص عناصر زي الحديد، الزنك، أو البيوتين. الحل: • كُل كبدة بلدي مرتين في الأسبوع • استخدم زيت جوز الهند أو زيت خروع طبيعي • خُد كورس زنك 30 مجم يوم بعد يوم (استشر طبيبك) *طبعًا الكلام دا وأي نصيحة عن تساقط الشعر في العالم لا تنطبق على اصحاب الصلع الوراثي أمثال أخوكم رابح .. احنا مكتوب علينا الزلبطة يا بيه 👨🏼‍🦲

لو دايمًا بطنك منفوخة .. بتحس إنك مضغوط على طول .. وكل ما تاكل أي حاجة تحس بوجع؟ يبقى حضرتك كدا عندك خلل في بكتيريا الأمعاء أو قولون عصبي. • قلل الجلوتين (عيش، مكرونة، معجنات) • دخل خضار مطبوخ بدل الني • استخدم معلقة خل تفاح عضوي على كوباية مياه بعد الغدا (بس اشربه بشاليمو عشان ميأثرش على سنانك) •وطبعًا طبعًا اقطع سكر يا سكر

ايه دا؟! هو اخر بوست هنا كان من سنة بجد!!😅 دي ليلولة طلعت مسيطرة وممشياني مسطرة فعلا بقى حتى من أيام الاستعداد لقدومها 😂 بس بجد أوعدكم إني هصدعكم الفترة الجاية بعون الله ♥️

لو بتصحى من النوم تعبان… حاسس إنك مانمتش كفاية… ودايمًا كسلان حتى بعد نوم 8 ساعات؟ • خلي آخر وجبة قبل النوم بساعتين على الأقل • ابعد عن السكريات والنشويات فيها • ركّز على بروتين وخضار أو زبادي يوناني مع مكسرات وياريت عدد ساعات نومك يكون مضاعفات الـ٩٠ دقيقة عشان لو صحيت في نص دورة النوم هتقريف *اعمل نفسك مش واخد بالك اني نسيت القناة دي اصلا وكمل كأن شيئًا لم يكن ههه 🤓

صباح الخيرات، أول مرة أظبط نومي من بعد رمضان 🤓 صحيت الفجر وحتى الآن خلصت مونتاج ريل "تغذية" ولعبت ماتش شطرنج وكملنا استلام معلومات المشتركين في "معسكر رابح" اللي هيبدأ ٥/٥ بعون الله. الساعة ٧ وربع أهو يعني لسة الأغلبية ماصحيوش من النوم والحمد لله حاسس إني أنجزت شوية حلوين، ربنا يستر بس واستمر على كدا 😂 الشاهد إن الصحيان بدري مهم جدًا يا شباب ويا سلام لو بقى عادة مستمرة معاك، نفسيًا وبدنيًا وروحيًا، دا كفاية بس إنك بتصحي قبل البشر وتحس الكوكب لسة فيه أكسجين. بفكر أخلي العادة دي من ضمن أساسيات "معسكر رابح" بعد كدا، اللي هو هنصحى في وقت معين وهتلاقوني قاعد على الجروب بتمم عليكم واحد واحد مين صحي والتزم ومين لأ. بس هل يا ترى دي هتكون حاجة قابلة للتطبيق ولا صعبة عليكم وهتخليكم ماتشتركوش؟ شاركوني برأيكم: في الصراحة منه ها… فكرة كويسة ❤️ صعب تطبيقها 💔

عائلة رابح 🤍 pinned «بقالي أكتر من ٥ سنين شغال في مجال التغذية والتدريب، بفضل الله ساعدت آلاف الأشخاص للوصول لأهدافهم والتحسين من صحتهم وشكل أجسامهم. ومن خبرتي الفترة دي عرفت إن المشكلة اللي بتواجه ناس كتير كانت فقدان الحافز، حاسين إنهم لوحدهم في رحلة الدايت، معظم اللي حواليهم…»

Channel name was changed to «عائلة رابح 🤍»

أهو الصيف دخل يعني ملكش حجة! وراكم وراكم لحد ما تاخدوا شاور بارد كل يوم الصبح 🚿🤓

الشباب مبتضيعش وقت 😂 صدقوني مش شغل ماركتينج ولا حاجة بس المعسكر المرة دي هيتحجز بدري اوي .. فـلو ناوي ماتترددش كتير. وعلى رأي حسن دَقّة "ان خلص الفول انا مش مسئول" 🤓

هيي ماشالله .. صباح الخيرات ⛅️ باقي ٧ أماكن فقط في "معسكر رابح" حبيت أبلغكم هنا الأول قبل ما أعلن على منصات السوشيال ميديا 🤍 بس كدا.

بقالي أكتر من ٥ سنين شغال في مجال التغذية والتدريب، بفضل الله ساعدت آلاف الأشخاص للوصول لأهدافهم والتحسين من صحتهم وشكل أجسامهم. ومن خبرتي الفترة دي عرفت إن المشكلة اللي بتواجه ناس كتير كانت فقدان الحافز، حاسين إنهم لوحدهم في رحلة الدايت، معظم اللي حواليهم من أهل وأصدقاء بياكلوا اللي عاوزينه براحتهم ومش بيتمرنوا. وعشان كدا قررت أعمل لكم تجربة جديدة بجهّز لها بقالي فترة كبيرة، تجربة واثق في ربنا ثم نفسي إنها هتكون نقلة كبيرة لحياة كل اللي هيشترك فيها. "معسكر رابح المغلق" أيووووة زي ما سمعت كدا، معسكر بمعنى الكلمة، مجتمع متكامل، أي حد نسبة دهونه فوق الـ٣٠٪؜ أو أي حد عاوز يخس عمومًا يجهزلي نفسه كدا عشان هندخل في معسكر لمدة اسبوعين فيهم تركيز عالي، ١٥ يوم هيكونوا محطة الانطلاق في رحلتك بعد كدا. طول عمري بتابع مع المشتركين one-to-one coaching متابعة شخصية منّي للشخص فقط، والبرنامج "٩٠يوم" وماكنتش بقبل اشتراكات شهرية إطلاقًا، ودي مش كل الناس بتقدر تشترك فيها عشان التكلفة العالية فكانوا بينتظروا العروض. لكن بما إني مش هقدر أعمل عروض حاليًا بسبب العدد الحمد لله، وفي نفس الوقت مع نهاية رمضان بتجيلي رسايل كتير أوي عن الإشتراكات والعروض. فحسيت إنها إشارة عشان أعمل المعسكر اللي بفكر فيه من زمان 😅 هنشجع بعض وهكون معاكم يوميًا لأي استفسار .. دايت وتمارين ونصايح عامة في الرايحة والجاية. إسبوعين مُكثّفين دسمين هيغيروا حياتك بعون الله. البداية ٢٠ إبريل والحجز متاح حتى ١٨ إبريل .. ابعت "معسكر رابح" على فيسبوك أو انستجرام واحجز مكانك في الجروب قبل اكتمال العدد. ولمعلوماتك يعني الاشتراك رمزي والعدد محدود، وأنا أعلنت على القناة هنا قبل صفحاتي على السوشيال ميديا عشان أوفي بوعدي معاكم إن ليكم الأولوية في كل العروض والخصومات. فيسبوك: https://www.facebook.com/ahmedrabeh11?mibextid=LQQJ4d انستجرام: https://www.instagram.com/coach.rabeh?igsh=Z3J0ZDFvZGczazVj

عرفتوا اللي حصل!! دي المفروض دارسة جديدة اتنشرت من كام يوم يعني في رمضان، بتقول بالبلدي كدا إن الصيام بيزود إحتمالية أمراض القلب. المشكلة مش في كدا .. المشكلة إن أكبر الصحف والمجلات العالمية المشهورة نشرت الدراسة دي، الشيء اللي تسبب في هرج ومرج على ساحة التغذية الدولية. فاااا نقول بسم الله واستنوا فيديو طويل وحلقة مُفصّلة عن الموضوع دا بكل جوانبه "حصريًا" على القناة هنا النهاردة الساعة ٨ مساءً بتوقيت القاهرة يعني بعد حوالي ٣ ساعات بعون الله. أو علم يُنتفع به .. سلام 🤍