Aram's Mind

من تشوف شخص يروح يطلق بط بالنهر بمدينته سواء بالفرات أو دجلة، لا تصير إنسان فگري وتروح تسرق البط، لا تصير إنسان همجي وتروح تسخر منه وتقلل من عمله، حتى لو تصرفه غلط أو المكان غلط، لا تصير حشري بشغلات ما تخصك، صير أحسن منه وقدّم خدمة أفضل لصالح مدينتك ومجتمعك، محاولتك حتى تبين نفسك إنسان مختلف بهاي الطريقة تعكس عنك صورة الشخص الدوني والهمجي.

كل عام وأنتم بألف خير أصدقائي عيد أضحى مُبارك على الجميع 🤍

على أي أساس محافظة بيها محطتين طاقة كهربائية ويكون تجهيزها ما يقارب 5 ساعات إطفاء!!! شنو ذنبنا متحملين تلوث وحرارة ومدينة مكتظة بالسكان يعاملوها بهاي الطريقة! ذي قار محافظة نفطية، وبيها محطتين طاقة، والكهرباء تجي ساعتين تنطفي كل ربع ساعة، إلي يقهرك المحافظات المجاورة النا البصرة والعمارة عدهم تجهيز "Full-Power" مع الأخذ بعين الإعتبار عدد سكان ذي قار 4 مليون والعمارة مليون وربع، ما اعرف وين العدالة بالموضوع!

بعيدًا عن كلشي، آخر 5 سنوات على الأقل، لاحظت إنو الجامعة البارزة بالعراق كله على مستوى الأبحاث العلمية والإكتشافات العلمية هي جامعة ذي قار، وبصراحة تعليل السبب بسيط كلش، لأن أغلب الطلبة بالناصرية بعد ما يخلصون سادس يرحون للجامعات الأهلية مثل العين والوطنية ومزايا وغيرهن، ومع كل الإحترام لشكو طالب يروح الهن بس هاي الجامعات وظيفتهن فقط تدريس أكاديمي، ما يدعمون الطلاب بالأبحاث والندوات الثقافية وورش التطوير، مهمتهم قبض المال فقط. لذلك جامعة ذي قار أغلب طلبتها هم من أبناء الريف، وذوله الطلبة جايين لغرض حقيقي (الدراسة) بعيدًا عن اللهوّ والعلاقات، فتشوف الطلبة يبدعون بمجالهم بشكل مو طبيعي، وهلشي ناتج من دعم الجامعة للطلبة بكلشي، عكس طلاب الجامعات الأهلية حايرين بالترندات والتصوير والعلاقات، نقيض طلاب جامعة ذي قار. #هامش : جامعة ذي قار مو أفضل جامعة بالعراق، مليّانة سلبيات، بس هذا المنشور يتحدث عن صفة إيجابية لاحظتها بيها. واعتقد هذا الكلام ينطبق على معظم الجامعات الحكومية العراقية.

I'm the standard, not the option.

هو يگلك الشيء بالشيء يُذكر .. بس أساس دمار هذا البلد الخايس هو الناصرية نفسها سواء بطريقة مباشرة أو غير مباشرة، ما اعرف ليش كل هذا التطبيل والتعظيم الها، وبالرغم من كوني (مواطن من الناصرية) بس اني أكثر شخص ناقم على هاي المدينة لأسباب چثيرة. حزب البعث إلي دمر العراق ورجعنا 50 سنة لوره، طلع من الناصرية، الشيوعية إلي بعثرت سياسة العراق وشطرت السياسة العراقية لنصفين طلعت من الناصرية، حزب الدعوة الطائفي الي بسببه انولدت الطائفية بالعراق وانتشر الفساد السياسي طلع من الناصرية، الحركات الدينية المنحرفة مثل جند الإمام والعلاهية طلعت من الناصرية، وآخرها ثورة تشرين (إذا چانت تتسمى ثورة أصلًا) بغض النظر عن كوني جزء منها بالسابق بس بعدها تركتها، كذلك طلعت من الناصرية. ما اعرف ليش يربطون الشعراء والفنانين والملوك التاريخيين والحضارات بالناصرية، وكأنما هو انجاز ومدري شنو، وبقت يم الله بلكت يخسّف الناصرية ويمحيها عن بكرة أبيها ويخلصنا من شرها الآيدلوجي.

You were on top i put you on top.

خاف صارت زحمة حبي لو حاذفين بس الجلاد والفهرست چان راح يكون الحذف أكثر.

God is always with me.

هيام شبيها كل ما ضاجت تروح تحظر التلي؟

لم أصادف شخصًا مهذَّبًا إلَّا رأيته مُعذَّبًا بالألم والمعاناة والحساسية النَّفسية، دائمًا يأتيني الفضول أن أُلقي نظرةً على كواليس هذا الجمال، فاكتشفتُ أنَّ أغلبهم هذَّبَ الوجعُ أرواحهم. - فيودور دوستويفسكي

الخطيئة هيَ ما تجعلُ منك إنسانًا مُختلفًا ولكن تحمل عواقبها دائمًا.

سويت قناة خاصة بالأغاني عن طريق الـAi احتاج دعمكم أخوان، اشتركوا بالقناة كتحفيز ودعم معنوي ♥ https://t.me/Aram_songs

مُعايدة متأخرة هواي .. كل عام وأنتم بألف خير يارب 🤍

هل هو إبتلاء أم ضريبة إلهية، أم إن الموت الطبق المُفضل لدى الجنوب، لِماذا دائمًا نحنُ من ندفع ضريبة الموت؟ لِماذا دائمًا يختارُنا الله لا سِوانا؟ لِماذا رُبع نِساءُ الجنوب أرامل؟ لِماذا ثِلثُ أطفال الجنوب أيتام؟ هل لأننا شيعة؟ هل لأننا نُحِبُ الوطن أكثر من غيرنا؟ هل لأننا مُبتلون بهذه الرقعة الجغرافيّة؟ ما ذنبُ هذهِ الطفلة التي لم تبلغ عامها الثاني رُبما، كيف سيكون حالُها بعدما أن تكبر وهي بالكاد شاهدت نعش والِدها الشهيد منذُ مَهدِها، لِماذا الناصرية فجرًا لم يهدأ لها بالٌ بسبب توديع إثنان من شبابها غدرًا على أيادي إسرائيل وأمريكا، ما الّذي سيطفئ غضب الناصِرية اليوم وهم يهزجون بهتافات الثأر والإنتقام. ما القادم يارب؟ إذا كان هذا يُرضيك، خُذ حتّى ترضى.

وألقِ السَّكينةَ عليَّ أَنا وقَلبي.