Royal Sky Watcher

ဒီနေ့ ဩဂုတ်လ ၆ ရက် မှာ ထုတ်ပြန်ခဲ့တဲ့ မြန်မာနဲ့ ထိုင်း နှစ်နိုင်ငံရဲ့ ပူးတွဲကြေညာချက်မှာ အဓိက အချက် (၅) ချက်ကို တွေ့ရတယ် - 💯 ငြိမ်းချမ်းရေးနဲ့ အာဆီယံအရေး - မြန်မာနိုင်ငံက ကိုယ်တိုင်ဦးဆောင်ပြီး ဖြေရှင်းနေတဲ့ ငြိမ်းချမ်းရေး လုပ်ငန်းစဉ်တွေကို ထိုင်းနိုင်ငံဘက်က အပြည့်အဝ ထောက်ခံကြိုဆိုလိုက်ပါတယ်။ ဒါ့အပြင် မြန်မာနိုင်ငံအနေနဲ့ အာဆီယံယန္တရားတွေမှာ တန်းတူညီမျှ ပြန်လည်ပါဝင်ခွင့်ရဖို့ကိုလည်း ထိုင်းက ဆက်လက် ကူညီပံ့ပိုးပေးသွားမယ်လို့ ဆိုပါတယ်။ ဒီလို အပြုသဘောဆောင်တဲ့ ရပ်တည်ချက်အတွက် မြန်မာနိုင်ငံဘက်ကလည်း ကျေးဇူးတင်စကား ဆိုထားပါတယ်။   💯ဒေသတွင်း ပူးပေါင်းဆောင်ရွက်မှု - နှစ်နိုင်ငံကြားသာမကဘဲ အာဆီယံ၊ ဘင်းမ်စတက် (BIMSTEC)၊ ACMECS နဲ့ မဲခေါင်ဒေသ စတဲ့ ဒေသတွင်း အဖွဲ့အစည်းတွေကနေတစ်ဆင့် ငြိမ်းချမ်းရေး၊ တည်ငြိမ်ရေးနဲ့ စီးပွားရေးတွေ ပိုမိုတိုးတက်လာအောင် လက်တွဲလုပ်ဆောင်သွားကြဖို့ သဘောတူခဲ့ကြပါတယ်။   💯 ACMECS ထိပ်သီးအစည်းအဝေး - မကြာခင်မှာ မြန်မာနိုင်ငံက ဥက္ကဋ္ဌအဖြစ် တာဝန်ယူကျင်းပမယ့် (၁၁) ကြိမ်မြောက် ACMECS ထိပ်သီးအစည်းအဝေးကြီး အောင်မြင်စွာ ကျင်းပနိုင်ဖို့ကိုလည်း ထိုင်းနိုင်ငံက အပြည့်အဝ ထောက်ခံအားပေးထားပါတယ်။   💯 ချစ်ကြည်ရေး ပိုမိုခိုင်မာလာမှု - နိုင်ငံတော်သမ္မတ ဦးမင်းအောင်လှိုင်ရဲ့ အခု တရားဝင်သွားရောက်ခဲ့တဲ့ ထိုင်းနိုင်ငံခရီးစဉ်ဟာ နှစ်နိုင်ငံ မိတ်ဖက်ဆက်ဆံရေးကို ပိုပြီး ခိုင်မာအားကောင်းသွားစေခဲ့ပြီး ရှေ့ဆက်ပြီးတော့လည်း အဆင့်တိုင်းမှာ နီးနီးကပ်ကပ် ဆက်သွယ်ဆောင်ရွက်သွားကြဖို့ သဘောတူခဲ့ကြပါတယ်။   💯 ကျေးဇူးတင်စကား - ခရီးစဉ်တစ်လျှောက်လုံးမှာ နွေးနွေးထွေးထွေးနဲ့ ဧည့်ဝတ်ကျေပွန်စွာ လက်ခံတွေ့ဆုံပေးခဲ့တဲ့ ထိုင်းတော်ဝင်အစိုးရကို သမ္မတကြီးက လှိုက်လှဲစွာ ကျေးဇူးတင်ရှိကြောင်းကိုလည်း ပူးတွဲကြေညာချက်မှာ ထည့်သွင်းဖော်ပြထားပါတယ်။   -   ဒီပူးတွဲကြေညာချက်ကို ကြည့်မယ်ဆိုရင် ထိုင်းနိုင်ငံဟာ မြန်မာနိုင်ငံအတွက် အာဆီယံနဲ့ နိုင်ငံတကာအသိုင်းအဝိုင်းကြားမှာ အလွန်အရေးပါတဲ့ "သံတမန်ရေးရာ တံတားတစ်စင်း" အဖြစ် ခိုင်ခိုင်မာမာ ရပ်တည်ပေးနေတာကို တွေ့ရပါတယ်။ - မြန်မာ့ကိုယ်ပိုင်နည်းလမ်းနဲ့ ဖော်ဆောင်နေတဲ့ ငြိမ်းချမ်းရေးကို ထိုင်းက အသိအမှတ်ပြုလိုက်ခြင်းဟာ မြန်မာအစိုးရရဲ့ ပြည်တွင်းရေး ဖြေရှင်းမှုပုံစံအပေါ် အိမ်နီးချင်းနိုင်ငံက ယုံကြည်မှုရှိကြောင်းနဲ့ ဝင်ရောက်စွက်ဖက်ခြင်းကင်းတဲ့ အိမ်နီးချင်းကောင်း ပေါ်လစီကို ပြသလိုက်တာပဲ ဖြစ်ပါတယ်။ - ဒါ့အပြင် အာဆီယံမှာ မြန်မာနိုင်ငံရဲ့ အခန်းကဏ္ဍ အကန့်အသတ်တချို့ ရှိနေချိန်မှာ ACMECS နဲ့ BIMSTEC လို အခြားဒေသတွင်း ယန္တရားတွေကနေတစ်ဆင့် မြန်မာနိုင်ငံရဲ့ နိုင်ငံတကာဆက်ဆံရေးကို ပြန်လည်သက်ဝင်လှုပ်ရှားလာစေဖို့ နှစ်နိုင်ငံ ပူးပေါင်းကြိုးပမ်းလာတာကို မြင်ရပါတယ်။ အထူးသဖြင့် မြန်မာနိုင်ငံက ဥက္ကဋ္ဌအဖြစ် ဦးဆောင်မယ့် ACMECS အစည်းအဝေးကို ထိုင်းက ထောက်ခံပေးတာဟာ မြန်မာနိုင်ငံအတွက် ကြီးမားတဲ့ သံတမန်ရေးရာ အောင်ပွဲတစ်ခုလို့ ဆိုနိုင်ပါတယ်။ - အချုပ်ဆိုရသော် နိုင်ငံတော်သမ္မတရဲ့ ယခုထိုင်းနိုင်ငံခရီးစဉ်ဟာ နှစ်နိုင်ငံ ဆက်ဆံရေးကို အမြင့်ဆုံးအဆင့်ထိ မြှင့်တင်နိုင်ခဲ့ရုံသာမကဘဲ ဒေသတွင်း ပူးပေါင်းပါဝင်မှု (Regional Integration) နဲ့ နိုင်ငံတကာ မျက်နှာစာအတွက် အလွန်အရေးပါတဲ့ ခြေလှမ်းသစ်တစ်ရပ်ကို အောင်မြင်စွာ စတင်နိုင်ခဲ့ပြီလို့ သုံးသပ်ရပါတယ်။ KT August 6

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ မြန်မာ–ထိုင်း စီးပွားရေးဖိုရမ် ၂၀၂၆ သို တက်ရောက်မိန့်ခွန်းပြောကြားသည့် ရုပ်သံမှတ်တမ်း KT August 6

မြန်မာ့တပ်မတော်အတွက် ဂုဏ်ပြုစာတစ်စောင် ရေးသားလိုက်ရပါတယ်။ - ယနေ့ ဩဂုတ်လ ၆ ရက်နေ့မှာ ရေကြည်မြို့နယ်၊ သောင်တန်းဒေသရှိ AA အကြမ်းဖက်သူပုန်စခန်းတစ်ခုကို ရဲစွမ်းသတ္တိရှိတဲ့ တပ်မ ၆၆ မှ စစ်သည်တော်များက အောင်မြင်စွာ သိမ်းပိုက်နိုင်ခဲ့ပါတယ်။ ရန်သူ ၃ လောင်းနဲ့အတူ လက်နက်/ခဲယမ်းများ၊ ပစ်ကျင်း/ဘန်ကာတွေ ရရှိခဲ့ပါတယ်။ - ဒီအောင်မြင်မှုကို AA သူပုန်တွေက သတင်းမှားတွေနဲ့ ဖုံးကွယ်ဖို့ ကြိုးစားနေကာ ပုံဟောင်းတွေကို ပြန်လည်အသုံးပြုပြီး ဝါဒဖြန့်တာတွေ လုပ်ဆောင်နေတာ တွေ့ရပါတယ်။ - တကယ်တော့ AA သူပုန်တွေဟာ မြေပြင်မှာ အထိအခိုက်များစွာ ခံစားနေရပြီး စိတ်ဓာတ်ကျကာ ထွက်ပြေးတိမ်းရှောင်မှုတွေ များပြားလာနေပါတယ်။ ဒါကြောင့် သူတို့ AA အဖွဲ့ဝင်တွေရဲ့ စိတ်ဓာတ်ကို ပြန်လည်မြှင့်တင်ဖို့ ဆိုရှယ်မီဒီယာကို အသုံးပြုပြီး လိမ်လည်မှုတွေ ပြုလုပ်နေတာဖြစ်ပါတယ်။ ဒါဟာ သူပုန်အဖွဲ့တွေရဲ့ အမြဲတမ်းအသုံးပြုနေတဲ့ ထုံးစံတစ်ခုပါပဲ။ - ဒါကြောင့် ပြည်သူလူထုအနေနဲ့ AA ရဲ့ လိမ်လည်မှုတွေကို မယုံကြည်မိစေဖို့ သတိပေးလိုပါတယ်။ စခန်းသိမ်းအောင်မြင်မှုပုံတွေပါဖော်ပြလိုက်ပါတယ်။ - အားလုံးကို ကျေးဇူးတင်ပါတယ်။ တပ်မ (၆၆)က သူရဲကောင်းများကိုလည်း လေးစားပါတယ်ခင်ဗျာ။ KT August 6

လေးမျက်နှာတွင်  ရေကျော်မှုကို တားဆီးရန်  Geo Bag များဖြင့် ပိတ်ဆို့ဆောင်ရွက်နေ ဧရာဝတီတိုင်းဒေသကြီး၊ လေးမျက်နှာမြို့နယ်ရှိ ငဝန်တာအောက်ခံ မြစ်ကျိုးအင်း သဲကြောထူးပေါက်မှုကြောင့် တာနိမ့်ကျကာ ရေကျော်စီးဝင်နေသည့်နေရာများကို Geo Bag များ အသုံးပြု၍ တားဆီးပိတ်ဆို့လျက်ရှိကြောင်း ဧရာဝတီတိုင်းဒေသကြီး အစိုးရအဖွဲ့ထံမှ သိရသည်။ မြစ်ကျိုးအင်း သဲကြောမှ ရေစိမ့်ထွက်မှုကို ထိန်းချုပ်ပြီး ရေစီးအား လျှော့ချနိုင်ရန်အတွက် သဲအပြည့်ဖြည့်ထားသည့် Geo Bag အိတ်ကြီးများကို ရေယာဉ်များ၊ သဲစုပ်သင်္ဘောများနှင့် စက်ယန္တရားများ အသုံးပြု၍ ရေအောက်အထိ စနစ်တကျ ဖိသိပ်ချပေးလျက်ရှိသည်။ ထို့ပြင် နိမ့်ဆင်းသွားသည့် တာအစိတ်အပိုင်းများကို သဲအိတ်များဖြင့် အဆင့်ဆင့် ထပ်မံဖုံးအုပ်ကာ အောက်ခံအုတ်မြစ် ခိုင်ခံ့အောင် ပြန်လည်ပြုပြင်နေခြင်း ဖြစ်သည်။ ဒေသခံပြည်သူများ၏ အိုးအိမ်များနှင့် စိုက်ပျိုးမြေများအတွင်းသို့ ရေထပ်မံစိမ့်ဝင်မှု မရှိစေရန်အတွက် တာဝန်ရှိသူများ၊ နည်းပညာကျွမ်းကျင်သူများနှင့် အလုပ်သမားများသည် ရေယာဉ်၊ စက်ယန္တရားများဖြင့် အလှည့်ကျစနစ်ကျင့်သုံးကာ ၂၄ နာရီပတ်လုံး အရှိန်အဟုန်မြှင့် အရေးပေါ် တာပြန်ပိတ်နိုင်ရေး ကြိုးပမ်းဆောင်ရွက်လျက် ရှိသည်ဟုလည်း သိရသည်။

ထိုင်းနိုင်ငံဝန်ကြီးချုပ်၏ ဖိတ်ကြားချက်အရ နိုင်ငံတော်သမ္မတ ဦးမင်းအောင်လှိုင် ထိုင်းနိုင်ငံသို့ တရားဝင်ခရီးစဉ် စတင်ထွက်ခွာ KT August 6