និយ័តករអាជីវកម្មអចលនវត្ថុនិងបញ្ចាំ

នារសៀលថ្ងៃអង្គារ ១៣រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១១ ខែកក្កដា គ.ស.២០២៦ នៅអគារអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.) និយ័តករអាជីវកម្មអចលនវត្ថុ និងបញ្ចាំ (ន.អ.ប.) បានរៀបចំ «កិច្ចប្រជុំលេខាធិការដ្ឋាន គ.ទ.អ.» ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ជូ វណ្ណៈ អគ្គនាយកនៃ ន.អ.ប. ដោយមានការចូលរួមពី ឯកឧត្តម អ៉ិន មាត្រា អគ្គនាយករងនៃ ន.អ.ប., ឯកឧត្តម សូ សុភា ប្រធានមជ្ឈមណ្ឌលបច្ចេកវិទ្យាហិរញ្ញវត្ថុ, លោកប្រធាននាយកដ្ឋាន, មន្ត្រីជំនាញនៃ ន.អ.ប. ព្រមទាំងសមាជិក នៃលេខាធិការដ្ឋាន និងតំណាងមជ្ឈមណ្ឌលបច្ចេកវិទ្យាហិរញ្ញវត្ថុ (Fintech Center) ផងដែរ។