مدونة سعد عمار

استودعتكم عند الله ♥️

https://www.instagram.com/reel/C-OHobUNqJC/?igsh=MWJ2ZHp4YnV0cmQ0dQ==

رسالةَ من قلب محب لكم الطريق صعب ونحن بعيدين لنقترب لأن قُربنا من الله نجاة ♥️

يلي فايق يصلي ركعتين قيام ليل ويدعيلي بالشفاء التام والعاجل 👀

ماني مسترجي حكيكم انا اعتذر عل تقصيري🤍

👀

أصبحنا وأصبح المُلك لله🤍

٢٦/٧/٢٠٢٤ عُدت طفلاً وعمري ثلاث أعوام عندما لامست تلك الأيدي نار ألمي ووحدة حالي تمسح على رأسي كل تلك الألام بلا صوت وقد صرختها وبلا حواس وقت شعرتُها كلها احتكاك ورود اليد فوق يباس تربتي قبلة على الجبين تماماً في المكان الذي فقدت فيه كل المسكنات القدرة على تسكين الألم اللعين الذي يسكن خلايا دماغي وكأن الماء يروى من يديها ثم خرجت وخرج معها ذلك الضوء وخرجت معها من داخلي كل تلك الألام التي لم أجد حتى هذه اللحظة طريقة لوصفها أو لتعبير عنها مئة وتسعة وثمانين يوماً لم أذق فيهم طعم الراحة لو أردنا نبني على الخيال تخيل شعور شخص مبتور اليد ! صعب ،قاسي،حزين! أهو حقاً حزين جسد لي الحُزن ….صفه لي أرسمه في صورة أو علقه على جدران قلبي…حاول …هل أنت عاجز!! لا يمكن ،وإن أمكن ،سأقول لك :حمدا لله على سلامتك، فديت بيد وما فديت بك تخيلت ؟ أنا عاجز كعجزك لنعد إلى الواقع هل استطعت ببعض من الحروف أن أجسد لك معاناتي في ألم لا يعلم به إلا الله هل فهمت معنى تلك الجُملة(لا يعلم به إلا الله) الآن لنتفق على شيء أن تدعو وادعو أن يعوضني الله ويخلفني خيرا في مصيبتي لي ولكُل المرضى

بما أنكم عيلتي وبيني وبينكم في خوش بوش حدا ملاحظ انو صرنا ب٢٠٢٤ ولهلى لما الله بيكرمنا بفرح سواء عرس او افتتاح او خطوبة او تخرج من الجامعة اي فريق تصوير عم يصورلنا الموضوع وكأنوا فيلم رعب 😂🥲وتأثيرات مخيفة🎥 ونسينا تماماً انو هاد الموضوع هو فرح ولازم نعرف كيف نوظف المشاعر بتصوير ونوصلها للمشاهد شو رأيكم بالموضوع وشو الفكرة من هاد النمط يلي ما عم يخلص ولهلى عم ينطلب مني بأعمالي مع فريقي بجيمار وبرأيكم رح اقدر غير هاد النمط أم لاء

يمكن كلامي يستغرب منو البعض بس فعلاً مهما كبرنا منضل صغار…. على الأعراض يلي صايرة معي عم اتعلم متل الطفل لعمرو تلت سنين كيف ارجع اكل او اتقبل الاكل واذا حدا حكا معي كلمة غلط ما بعود بدي اكل سبحانك يا رب الله يجعل صباحكم خير شربوا مي وكلو حمص بزيت عني 🥺جاي عبالي فتة وكريسبي باربكيو ومحشي ورق عنب وبيتزا وكلشي طيب بس ممنوع جاي عبالي حضن من أمي وجاي عبالي اسبح مع رفقاتي والعب رياضة متل قبل واشتغل بنفس القوة يلي كانت عندي ومارس هواياتي كلوا رح يصير أحسن واثق احمدوا الله 🥰♥️ وأكثروا من الصلاة على رسول اللّه صلّ الله عليه وسلم وانتظروا من الله المكافأت

يمكن اذا بحكيلكم الفترة يلي مضت اديش عانيت ما اقدر خلص شرح بيوم أو يومين وكيف الأسبوع الماضي كان سيئة متل أي يوم سيئ بمر على أي إنسان بس رح قلكم انو كل المعاناة انتهت لما فتحت على صفحة شيخي لكفي السلسلات يلي عم ادرسها عن بعد ولاقي فيديو جديد بعنوان (اصبر على مُر القضاء) https://youtu.be/8NeqXykjcSg?si=Sil-oI-8C5coSbRW فوت واسمع الشيخ عم يحكي قصتي للناس ليرتفع عندي مستوى الصبر بفضل الله أعلى من قبل الجبر يأتي لك في الوقت المناسب تماماً انتظر وكن من الصابرين… شيخي وقدوتي من بعد رسول الله صلى الله عليه وسلم الشيخ الدكتور محمد خير الشعال

اللهُم أَدِم عَـلَيـنا صَباحات الهُـدوء وَ الرّضـا وَالسّكيـنة لا تنسوا الدعاء لأهل غزة ولي أيضاً مع بداية عام جديد في حياتي♥️

ليلة ١٥/١/١٤٤٦ القمر بدرٌ مكتمل ♥️هنيئاً لي ولمن شاهده🌕

البارحةَ١٩/٧/٢٠٢٤ بعدَ عودتي من نادي الفروسية كان القمرُ ناصعَ البياض ضياءه ينير قلبي والطريق اخترت الابتعاد باقترابي من كل ما يروق لي وأروق له الخيل والكُتب والكتابة وكل ما أصبح ذكره تخلفاً في عالمِ الزيف والأقنعة هوايات كثيرة لا أحد يعلمها ،كالتحديق في هذا القمر المنير والمشي وحيداً مع صوت الرياح،والغرق في تفاصيل الوجوه اعتقد أن الطريق الذي يقود كل إنسان منا هو ذاته الطريق الذي يجول في خاطره تلفظت بجملة في نهاية المطاف بعد أخد صورة للقمر مفادها أني لن أرى في هذا الليل الذي أعيشه والظلام الذي أقاسيه سوى النور هكذا أُمرت وبهذا استقيم

مدونة سعد عمار pinned «😁😁😁اسف اذا طولت عليكم بس حاسس حالي عم احكي باستديو صوت على قناة صدى اف ام😂 سمعون وقولولي كم خطوه مطبقين من ٦ يعني مثلا لما تنصحو حدا كم بند طبقتو ٢/٦ ٤/٦ وهكذا بعرف انو مرة هيك ومرة هيك بس اذكروا لي بشكل عام او اخر مرة التقييم بساعدكم لتحسنوا من علاقاتكم…»

😁😁😁اسف اذا طولت عليكم بس حاسس حالي عم احكي باستديو صوت على قناة صدى اف ام😂 سمعون وقولولي كم خطوه مطبقين من ٦ يعني مثلا لما تنصحو حدا كم بند طبقتو ٢/٦ ٤/٦ وهكذا بعرف انو مرة هيك ومرة هيك بس اذكروا لي بشكل عام او اخر مرة التقييم بساعدكم لتحسنوا من علاقاتكم وتتغير للأفضل سواء علاقتكم بأهلكم أو الرفقة او زملاء الجامعة والعمل وغيرهم من خلق الله المكرمين♥️