الشاعر صفاء الصمت

احنه توج اعلى الزمن وانت حجل احنه ملاچة حچي قبل الحچي واحنه ملاچة فعل قبل الفعل احنه من تشرد الوادم ننتچي واحنه من تسكت الوادم ننسأل انت ضحكة عاهرة واحنه البچي البصلاة،، البي الوادم تنعدل #صفاء_الصمت

مادري ،،يمكن عايش ويمكن لا اضحك،،وابچي،،وضايع،،وماادري براسي مشهد للمطر والعشاگ ونار ورماد وغايبيين بصدري اتعب وشخبط ع العمر والتقويم ومن اهدأ التقويم امسحها وعمري مادري يمته،، وليش،، الادري خسران بس شكثر،،واليمته،،هم ماادري #صفاء_الصمت

رب من جوه السنين الجنوبيه نكث جنحه وتكسر ملح جامد چان فوگ اسمي

مثل ماخذت كلشي،، چاخذت لوني ماريد البشر بعدك يعرفوني جسر يم نهر يابس والشمس تحچي اول مرة اصفن ماعرف شبچي چني اعله الدمع ماماخذة عيوني مثل اخذت كلشي،،چاخذت لوني ماريد البشر تلگاني،،فَي سرداب خامل،،مالي واهس،،منعزل،،بارد مستسلم وفاتح للضياع الباب بعد موذاك البكل مغرب يعاند بعد مابيه اداوي الكسر بظنوني مثل ماخذت كلشي،،چاخذت لوني #صفاء_الصمت

واحد يحب الثاني،،بس مانگدر الدنيا من احلامنا البيض اكبر مقسوملچ تبقين ريشة اعله النار ومقسوملي گبال الطيور اتكسر لو جارحتني اگدر،،يجوز اتناساچ ماجارحتني المشكلة شلون اگدر مذبوحة وعيونچ عليه،،ومذبوح وعيوني تمسح دمچ ،، شهالمنظر مسكين الصوابه اعله گده،، ومحتار يعذرهم اعله اصوابه،، لويتعذر اذكر لمن گلتي اني احبك اكثر لاگتلچ اني،،اني اليحبچ ماي گلتيلي اي،، بس اني احبك معبر المشكلة تفارگنه واحنه الهاليوم ماندري ياهو اليحب من عدنه اكثر #صفاء_الصمت

سبحانه الي خالق هاي العيون وسبحانه الي خالق هالحواجب كون بوجهك يكتبون تنبيه هذا الوجه خالي من الشوائب #صفاء_الصمت

عطرك بعده بهدومي،،، وخنتني بعد ماناشفة دموعي،،، وبعتني لسى بجسمك وجسمي النياشين ووردك ذاك فتح للغريبين وانه الحسبالي يذبل لو عفتني انت الگتلي يذبل لو عفتني چنت اتمنى اخسر لمن تروح وكل عمري تضل بداخلي چبير انه مو چي حواك الغير مجروح المأذيني چي ماذكرك بخير زغرت بعيني هاي الهاضمتني عطرك بعده بهدومي وخنتني #صفاء_الصمت

مصدوم،، اباوع للصور ،، للمكتوب للذكريات،، الگلبي،، ماافهم شي شبسرعة هاي الناس تتغير هيچ ويخونك شلون الچنت تحلف بي! #صفاء_الصمت