- لـ مُحمد .

وين رحتي ليا محطه وياقطار الباك من عندي ضحكتي وين رحتي هاي ياديره الخذتج وانتي عن عيني بعدتي وين رحتي وعفتي خلج يابعد كلبي ودمعتي وين رحتي عوفي كلشي ورجعي يمي شلون اعوفج وانتي بالدلال صرتي وين رحتي جاي اموت بدون صوتج ياضوه عيوني وفرحتي وين رحتي الوكت تعبني بغيابج لاسألتي ولا فكدتي وين رحتي ياهو قاري براسج وغيرج عني يا كسرتي وين رحتي الموت احسن داك بابي ليش عفتيني ورحلتي وين رحتي کلش اشتاقيت اشوفج وينج انتي وين رحتي لـ زهراء الصافي

-

الأنستا لليحب يضيفني 💙. https://www.instagram.com/lds_8?igsh=NGluNmVvZWFwMjR5

اجه وراداني اسامح كالي التوبه اجاني بوجه ثاني وضام اعيوبه واجة بنفس الطريقه الچان بيها وياي البريء الناعم الي يجذبك بـ اسلوبه بس انا عرفته انسان صار رخيص السواهه راح يعيدها النوبه ما اسامح وعد منا اليوم الدين وما اقبل عذر بي تغفر اذنوبه انت واهلك وكلمن ضلمني وياك واحد واحد تصفيكم الحوبه

-

لهنانه وبعد كافي لهنانه ووصل حدهه اذا ماشافتك عيني اطلع عيني ومردهه ويوميه حرب بلليل كلبي اليفتح الموضوع وعقلي السالفه يسدهه واكولن كافي راح انساك وكضن رايه العباس واتذكرك وما شدهه وشوصفلك وجع روحي طفله انلکت مخطوفه وجكاير طافيه بخدهه وشوصفلك حجم قهري ابن ومسافر من سنين وجابوصورته لامه بس عيون ماعدهه لـ حسين الراشد

-

لا تعتذر ما يلتم اليتشضه بس البشر من يخسر الله يعوضه والجايات هواي والدنيا بخير والعاف واحد مثلي يا ول حضه راجعت نفسك كبل لا ترفضني مافكرت لو رحت شيعوضني حتى القدر وياك ما يلعب دور من يمك تصحيني وتمرضني الكاتبه الله يصير بس مو وياك بحجايه عن الكاتبه الله تكضني وحتى من اريد اتشاهد تعارضني وتعرفني ما ازعل حفظ حافضني وراجع قرارك بيه لا تتسرع لو هسه ترجع لو بعد لا ترجع ما عندي واحد يلعب ورايح راد بس النفس يدخل بكيفه ويطلع

-

شدت وصارت صدك واني انتهيت وهذا حدي وخلصت كل طاقتي انطيت من عندي الاكو والماكو دوم وهذا اخر شي اقدمه اوشالتي اتقبلت كل الخساير بأحترام وخذت مو حقي وقبلت بحالتي وشكو شغله اتبسمت بيها ورضيت مو استحقاقي وابد مو مالتي وشكو واحد كتله يمك مستراح والله يمه ولا خذت كل راحتي اني اجيبن علتي بيدي وما اطيب واني ذاك الفرحيت ابعازتي والله مالت هسه لااا خليها هيج خل اعيش ابضيم هاي اسوايتي ويوم عن يوم اعلى بيتي ارجع ضعيف وناسي كلشي وملتهي وي اطلابتي وجاي تضعف ذاكرة عقلي ونسيت وضیعت ناسي ودروب اولايتي واسجن اعيوني ابغرفتي وما انام واکسر ابگلبي واعوف احجايتي وجاي احس بروحي تتحول تراب وجاي اعيش ابشاره ابد مو شارتي و كابلت وجهي اعلى المرايه وبجيت وخربت وجهي الطلع بمرايتي

-

بس يمكن نسيتي شلون من تبچين واذا ما راسلج بس يوم تسبيني ومن كلشي انتهى وكتلج بعد معذور گلتيلي انتحر مو ردتي تبليني چنت من الهوه المسج اخاف عليج بس ماخفتي بيه الله ولا فد يوم خفتيني چا تاليها تنسيني ؟ مو كلتي علي خانگني اريد ارتاح واختاريتي حريتج وعفتيني ها مرتاحه بشريني ؟

-

موزين مامتسودن انه وصاحي اتمنه يوم يمر واشوف افراحي من لتخوصر انه ادي مطبوعات كل ما اباوع اثر فوك صفاحي جني اعله صدري الحزن صاعد جاثوم كل ماصحت محد يسمعه صياحي طير وخذتني الدنيا يم جف صايود وماسولف الكم نيشن اعله اجناحي وطحت انه من اخر السمه الاخر كاع وياكاع التضمني اعله جف ذباحي لـ شاعرها محمد الاسدي .

-

احترگت صفحتك لو ما مسويها المن جايني وكاسر كلب بيها يصويحب كلتلك حطها وسط العين ومثل مداري امك گوم داريها کلش ناعمه ويجرحها حتى الماي وانته ابكلمه خشنه اتصبح اعليها دلاگيها بوجه عل اقل بي ضحكات میگص الطبر وجهك من تلاكيها جابتلك شمس من گلت شو ماشوف وانته تعز شمعتك ماتضويها الاحبج بالتوسل يلا عود ادگول اتطلع روحها و بالگوه تحچیها الحب يريد واحد فعله نفس الگول اذا مو گدها ليش اتورطت بيها شگد وادم شفتها اتدك عليها الباب وكفولك سره وعرضو عرض ليها رفضتهم شلع ما همها اياً كان ترست اعيوني بيك وعيب ابديها شد بيها المرض والحسره والياريت ورادت كلمه منك بيها اداويها گتلها خرب وفلان موش افلان طلع چذاب گلبه وعضت ایدیها

-

الليله حضني يسكنه غيرج الليله اخ الليله راح تهز ضمیرچ ضيعيتيني ومشيتي وبعد بازغر سالفه ما استشيرچ الليله راح احرك صورنا وابدي من جده وجديد راح اسولف الها كلشي وویاها راح ارحل بعيد وخاف فترة الشوك يحتلني واجيج ابد لا تمديلي ايد لا تخلين البُعد يكسر غرورج وشما ادز نلج رساله تجاهليها کون گلبج لا ابُالي چن گلب ساعي البريد

-

أمس من صدفه التقينه أستغربت حليان بعدي ! قارنت وجهي ويه وجهك لونه باهت وأنتَ وردي شفت ايدك بيد غيري وحب جديد تريد تبدي جان اجمل يوم عندك وانه اسوء يوم عندي لـ فاطمة مَحراب .