قصائد سيد سلام الحسيني مكتوبة

https://youtu.be/SslvGEZbFPY?si=eTAJnlIHCEDQgniQ

📜اسم القصيدة : اول نفس 🎤أداء : سيد سلام الحسيني 🖋️كلمات : عزت السماوي ــــــــــــــــــــــــــــــــــــــــــــــــــــــــــــــ ما سامع الـ يا يمه يابني ولا شابع مناغات مني بس الوصلك آه مني و الآه عصره بالحياطين ما لحگت تحچيها يمه أول نفس بـالدنيا هضمه فكت عيون النور ظلمه من اول صيارك بـالميادي عودك بعد ما كامل و ليش بـالعتبة طايح و الهجم جيش أُفيش ما شميتك أُفيش وينك يا يمه و الچتل وين بـالساني يا يمه الحچي يحير شتمايز بـوجهك تعابير دمك ترس طولك يا الصغير و چمالة لامك ما بقت عين يالـ كله عمرك عصره بـالباب تمنيت اشوف عندك اصحاب اليوم ابد ما حاسب احساب بـحسابي تكبر وي السنين لا بيتنا شفته و اهلنا غفله رحت يا يمه منا گعدة سوة ما گعدنا يالـما الك ذكره ويا الحسين ــــــــــــــــــــــــــــــــــــــــــــــــــــــــــــــ

https://youtu.be/85RE-jM-6Po?si=4-EMwR3c_6LxCikd

📜اسم القصيدة : مصايب فاطمة 🎤أداء : سيد سلام الحسيني 🖋️كلمات : المرحوم معين السباك ــــــــــــــــــــــــــــــــــــــــــــــــــــــــــــــ انشد يا جرح ماذيك ياحيدر من الزهرة هجوم الدار محسنها ضلعها عينها الحمرة اگول بـبابك ذيچ الدار حگ من يوگف المختار و يستأذن من الزهرة أبو الزهرة بـدخول الدار شجاه الوادم انگلبت علىٰ الأعقاب بيها شصار على دار الوحي يهجمون هاي شلون ذيچ شلون بهاي الدار ما يدرون زينب والحسن وحسين بيها وفاطمة بيها علامة و ليش هاي الگوم بـالشر تهجم عليها هاذي حالة الزهرة البتول خلاف واليها اجت تعاتب الأصحاب لاذت تعود خلف الباب عصروا و صدرها نعاب بـالمسمار و المحسن سقط من شدة العصر ابن عمها انغصب حگه و هي انغصبت من الحگ بعد علـ الناس ما يلحگ كتاب و لا نبي يلحگ مثل بضعة رسول اللّٰه الشفيعة علىٰ الوجه تنطگ هضمها و بعد مو مهتم عصرها و للضلع هشم و صدرها يسيل منه الدم و بگلب النبي ضلت لعند يوم الحشر حسرة گلب المصطفىٰ حسرة و علىٰ الزهرة دموعة تسيل ذيچ اللي قضت مظلومة حزينة و ركد منها الحيل عليمن بضعة الهادي يدفنها علي بـالليل ليش ام الحسن و حسين ما نندل گبرها وين سحي يا دموع العين عسىٰ لا هدءة الرنة و عسىٰ لا چفت العبرة خلينا نجي من نوح علىٰ الماتت بـحسرتها وهمها و الگلب مجروح حگها تشوف محسنها چتيل و علـ الأرض مطروح ترد تشوف باب الدار بيها الگوم وجهت نار ضلعها و شوغة البسمار شحسب من مصايبه مصايب فاطمة كثرة وثچيلة من ارد اعددها صدگ شافت ما ينشاف عقب عيون والدها علىٰ فقد النبي الهادي أگول الله يساعدها و اللّٰه يساعد الكرار يتعذر من المختار يگله الصار هذا الصار يـوالد فاطمة و انت بـالصار ادرة ــــــــــــــــــــــــــــــــــــــــــــــــــــــــــــــ

السلام عليكم خدام الحسين.. هنا نذكّر أنفسنا وإياكم بالله كلمة طيبة، آية، حديث، أو ذكر… لعلّها تكون سببًا في هداية قلب أو أجرٍ لا ينقطع 🤍 نسأل الله القبول وحُسن الأثر. لاتقصروا في الاشتراك في القناة

القَنـاة صَـدقة جَـارية الى صاحب الزمان والى والديّـة والـيّ عَنـدما أمَـوت..🤎 https://t.me/alaemamalibn

https://youtu.be/0SNrdRVFvMI?si=AfXYrGXTmZVzgUCZ

📜 القصيدة: راح الكفيل 🎤 أداء: سيد سلام الحسيني 🖋️ كلمات:سيد محمد جابر الحلو ـــــــــــــــــــــــــــــــــــــــــــــــــــــ عالشريعة عيني ياعمي تصد ... يمتى لسكينه ترد واگفه بباب الخيم ... روحي متعلگه بعلم شمالي حجيت ... وماي اطلبت تسگيني عطشانة اموت ... ولا فاركتك عيني لساني انعگد ياريت ... بطاري عطشنه جا ماطريته ولا عن خيمنه مشيت ... وجهك اشوفه ومضوي بيته يا ابو فاضل والعطش بعدك يطوف يا ابو فاضل ضاميه ومذبوحه خوف ــــــــــــــــــــــــــــــــــــــــــــــــــــــــــــــ كل خواتي الخوف كاتلها وعطش ... صارت الخيمه نعش شاحبه وجوه الدلال ....عليها ذب لونه الرمال صفره الوجوه ... مدري العطش ذبلها لو هذا خوف ... فوگ العطش كاتلها وجه البراءة يصيح ... عوف الشريعة وارجع يا عمنه صح بس نگوم نطيح ... بس لا يهمك رد لخيمنه بس سراب ... من العطش صرنه نشوف يا ابو فاضل ضاميه ومذبوحه خوف يا ابو فاضل والعطش بعدك يطوف يا ابو فاضل ضاميه ومذبوحه خوف ــــــــــــــــــــــــــــــــــــــــــــــــــــــــــــــ رد يعمنه ..شوفتك نروه حنان ..صرنه مانشعر بـ امان من مشيت وي العلم ... الخوف طب على الخيم صار الضياع ... هاجس يعيش بدمنه ثاري الخيام ... من دونك بلا معنى منظر يشيب الروس ... وكفت خواتي بباب المخيم ايديها مثل الطوس ... وتاني مي بيديها تلتم والدموع شحت تصب على الچفوف ... يا ابو فاضل ضاميه ومذبوحه خوف يا ابو فاضل والعطش بعدك يطوف يا ابو فاضل ضاميه ومذبوحه خوف ــــــــــــــــــــــــــــــــــــــــــــــــــــــــــــــ من خواتي .. عندي اخت من الضمه .. طاحت عليها انغمه يابسه بدمها وذوت ... چنها ميته من هوت وعاده اليطيح ... لو رادو يلحگونه يشربونه ماي ... حتى يفك عيونه بالگوه فتحت عين ... وبالگوه تحجي وتگلي يا اختي بس لا ابوي حسين ... يدري شجرالي لو تدري عمتي يكفي حال ... الصار بيهم بالطفوف يا ابو فاضل ... ضاميه ومذبوحه خوف يا ابو فاضل والعطش بعدك يطوف يا ابو فاضل ضاميه ومذبوحه خوف ــــــــــــــــــــــــــــــــــــــــــــــــــــــــــــــ عمي صعبه .. وداعك انت وعمتي .. نادتك يا هيبتي خويه احسب لو رحت ... بالخيم عايف اخت ما چن وداع ... روح ومشت من عدها راح الكفيل ... وهيبتها ياهو يردها مثل ام ولد ووحيد ... عمتي بوداعك حالتها حاله ارجع تصيح تريد ... تموت التفارگ خويه الكفاله كلشي عوف ... عمي ارجع يا ابو فاضل ... ضاميه ومذبوحه خوف يا ابو فاضل والعطش بعدك يطوف يا ابو فاضل ضاميه ومذبوحه خوف ــــــــــــــــــــــــــــــــــــــــــــــــــــــــــــــ الدنيا صارت .. ضلمه وما بيها ضوه .. واختنگ حتى الهوه عمتي صدت عـ النهر ... وانحنى فجأءه الظهر لن صاحت اخ ... چن طاح اخوي وذخري طاح الكفيل ولهل السبب طگ الظهر ... ما بيها ضل كل حيل سنديني گالت ... خليني اگومن ولا بيه حيل يشيل ... عمتي والعقيله وضليت احومن بيش اروف ... جروحي عگبك يا ابو فاضل ... ضاميه ومذبوحه خوف يا ابو فاضل والعطش بعدك يطوف يا ابو فاضل ضاميه ومذبوحه خوف

https://youtu.be/GKuPt66WJxA?si=EXRz1q_MGK3pv4uu

📜اسم القصيدة: ما اعظمك 🎤أداء: سيد سلام الحسيني 🖋️كلمات: حسن الترابي ــــــــــــــــــــــــــــــــــــــــــــــــــــــــــــــ ما اعظمك ما اكرمك .. چم مره اتوب و انقبل انت بسجيتك عالكرم و انا بـرحمتك استغل ابعد عليك تغض نظر.. و عليه عينك وين احل اذنب تغمض ناظرك.. حنيت ام علىٰ الطفل ما اريد اردن للذنب .. و لا احب اعاشركم جذب ما حب حبر فوق الورق .. و لا خادم عليك انحسب ما استحق كل هل كرم .. و اتشيم بـأحلى الشيم ما معتني بـغير العفو .. يمك لفيت من الندم كونك قديم احسان و بـعفوك تلم العمر انا بـعباتك چلبت .. يـالتستر الما ينستر عليك انحسب من تنحسب حيل استحي من هل امر بـجالك عشت كل الترف .. و انت بـحوافر تنعبر يمك ولا ضايعلي حگ .. بـحسانك العاشگ غرك يـالماطبگ چفنك عَلَي .. و چفني بـلياليَّك طبگ مجازيني حتى على البچي و مركب لساني الحچي مالي بـعذابك اي فضل .. حتى على جرحك انتچي حسين .. حسين ــــــــــــــــــــــــــــــــــــــــــــــــــــــــــــــ بابك يعز كلمن يجي .. و غيرك يذل بابه الخلگ يالما علت بابك سمه .. و بفضلك العالم غرگ ظلمه و بـأصابيعك شفت .. كل الضوه و گلبي احترك خيمه بـهواك اتوجرت .. و احساسي بـالشيب انلحك غيرك صرت ماشوف الي ساترني و معافي هلي يابن علي و لهل اسم .. ضليت احبن كل علي لفظ اسمك يطهر الگلب و انت السلام بـكل حرب يلچمني ذبحك و النحر .. بـعيوني گل مغرب يصب حسين .. حسين ــــــــــــــــــــــــــــــــــــــــــــــــــــــــــــــ الوادم تحب و تختلف .. و بلا سبب من تفترگ بس انت محد غَيِّرَك لا بـالذبح لا بـالسحك ما شوه الدم منظرك .. بـكلهن جميل و تنشبگ طولك چنت فوك الرمح انت الحسين بـكل عشك بيك اعطش و بيك ارتوي .. و بنارك ابرد و انچوي كون العشك يثمر حزن و غير الدمع ما ينحوي لو گلبي بـالحب اختنك .. تطيبني بـتراب و علگ كلمن يهيم بـعالمه .. ديني الك مو للـخلگ حسين .. حسين ـــــــــــــــــــــــــــــــــــــــــــــــــــــــــــــ حزنك طهاره لكل گلب .. بين اللّٰه و الخادم وصل ما ينگطع مثل الهوه .. و من الهوه اكثر متصل يـمدلل گلوب الصدك من تعشك و ما ينفصل من تسع اصابع كونت .. الف و تسعمية فصل ديني و خذت حزنك وحي و منك تعلمت استحي يالـعرفتني على الادب .. و آثارك الما تنمحي يالـ بس الك يحلىٰ السعي مو بـالوعي بـاللا وعي يشعل جنونك كل عقل و تخضر بـگلبي النعي حسين .. حسين ـــــــــــــــــــــــــــــــــــــــــــــــــــــــــــــــ

https://youtu.be/4mlDJ3jhko0?si=e_w5suxN4AGRmDeF

📜 القصيدة: تسألني عنك كربلاء 🎤 أداء: سيد سلام الحسيني 🖋️ كلمات: مصطفى العيساوي ـــــــــــــــــــــــــــــــــــــــــــــــــــــ شو ما اجه وي القافله ... وينه تسألني عنك كربله ... وينه ليش ما اشوف خيمه للحسن ليش بس ابنه جاي وي الضعن سألنتي عنك كربله وشافت دمعتي بعيني بوجهك ملامح فكد اخو وين الحسن حاچيني ترابي تره بجيت الضعن ناداكم يهل الخيم كل الهله وحياكم بس للحسن ماشفت خيمه وياكم وينه الكريم الما طفت ناره ونيشان للتايه صفت ناره وين السولفو عنه بكل وطن ليش بس ابنه جاي وي الضعن شو ما اجه وي القافله ... وينه تسألني عنك كربله ... وينه ليش ما اشوف خيمه للحسن ليش بس ابنه جاي وي الضعن ــــــــــــــــــــــــــــــ يـ ابن المدينه توقعت يبني مضيف بداري والشِبع خطاره هله تمنيته من خطاري تراب اليدوسه الحسن يا هنياله حتى النهر من يمشي يمشي بجاله تمنيت صيت العلگمي من دلاله يحسين وينه الما إله خيمه ردته يصير لكربله خيمه الچان چفه مثل جنه عدن ليش بس ابنه جاي وي الضعن شو ما اجه وي القافله ... وينه تسألني عنك كربله ... وينه ليش ما اشوف خيمه للحسن ليش بس ابنه جاي وي الضعن ــــــــــــــــــــــــــــــ العنده الحسن ما ينحني چا ليش ظهرك محني سولفلي شخبار الاخو الوياك ما متعني مكسور خاطر وبسكوتك حيره يا ابو علي دمعك ردت تفسيره ليش الوجه صوب البقيع تريده گلي التراب شباگ من عينك توضيت دمع فراگ من عينك آه دمعاتك بسكته جرن ليش بس ابنه جاي وي الضعن شو ما اجه وي القافله ... وينه تسألني عنك كربله ... وينه ليش ما اشوف خيمه للحسن ليش بس ابنه جاي وي الضعن ــــــــــــــــــــــــــــــ شميت عطره وي الضعن بس هو خالي مچانه حاچيتها يـ ارض الحزن جاسم وليده ويانه عريس وبگاعج نريد نزفه بس مو بحنه الدم يحني چفه شمعة القاسم تطفي يمچ كلفه مكتوب يمچ تنفجع رمله وما تفرح تطّفي الشمع رمله ليل واظلم صفه بعين الزمن ليش بس ابنه جاي وي الضعن شو ما اجه وي القافله ... وينه تسألني عنك كربله ... وينه ليش ما اشوف خيمه للحسن ليش بس ابنه جاي وي الضعن ــــــــــــــــــــــــــــــ وهنا حجيت لكربله يا گاع راح الغالي سولفلي عنچ وانهظم ودموعه لسه ابالي لا يوم گال حسين يشبه يومك كربله تاخذ ربعك وكل گومك تنذبح ضامي ويسلبون هدومك سولفلي بالطف ينگطع نحرك وزينب تروي بالدمع نحرك لا تسألين يا ارض المحن ليش بس ابنه جاي وي الضعن شو ما اجه وي القافله ... وينه تسألني عنك كربله ... وينه ليش ما اشوف خيمه للحسن ليش بس ابنه جاي وي الضعن

https://youtu.be/yCISZy8nXOY?si=uuXyio3knOd7uaN2

اسم القصيدة: مصابيح الدجى 🎤أداء: سيد سلام الحسيني 🖋️كلمات: سيد مرتضى الياسري ــــــــــــــــــــــــــــــــــــــــــــــــــــــ ويه الاشراف مابيها أنصاف هاي الدنيا ومن ساداتنه ماتسمع صوت وچم مكتوب تالي مگلوب يوصل للمعصوم وتالي كل حچيه يموت كل حجي يموت بلسانه والخجل ماينبض بگلب الخيانه مايرد صوت عنوانه ناصر لآل النبي يوفي الامانه وين الحقيقه من الوهم حق سادتي ليش انعدم بهالعالم شمنهم اهم آل الرسول محد رحم بيهم گلب عاشو غرب ماتو غرب الدنيا عليهم تنگلب كلما تطول سلام على مصابيح الدجى ــــــــــــــــــــــــــــــــــــــــــــــــــــــ سم المختار أول اخبار لغدر الامه الما تتقبل تسمع مرسول بوسادة موت يسمعون الصوت يوصي بحيدر والي يسمعه يهجر يگول يهجر شلون ياعالم مو رسول الله كلام الله بلسانه همه يدرون تتوالم هالوصيه وي علي والهم اهانه غمض عيونه المصطفى وحيدر منوه الإنصفه والبايعه ليش اختفه .. وراح الغدير يالشفتو بالباب اللهب .. محد حچه شنهو السبب بلايه سعر يا للعجب .. بعتو الضمير سلام على مصابيح الدجى ــــــــــــــــــــــــــــــــــــــــــــــــــــــ تمشي الايام تطغى الأوهام والحق يخفت نوره وصوته ابين الطغيان رغم التوهين مرسول حسين مسلم صوت الحق بالكوفه وسيفه اقوى لسان وحزنه يحديه للغالي حسين من جته الكتب رد بجوابه استنجدو بيه وبالتالي الكاتبوه شو محد يعبر كتابه وأشچم الف صلّو وراه تمم ولا واحد لگاه وين التوجه والصلاه .. مسلم وحيد شبسرعه .. واتبدل فكر وسلوهن سيوف الغدر حفروله واخذوه لقصر ..وامسى شهيد سلام على مصابيح الدجى ــــــــــــــــــــــــــــــــــــــــــــــــــــــ هالدنيا تدور يوصل عاشور يوم اكبر مضلوميه وبي مغبر هالليل ما صح انسان يملك وجدان وتدفعه انسانيته يأمن طفله من الخيل وحسين الراح كل صوته ينادي أگصدوني واتركوها اليتامه والعدو صاح وي موته بغضا بحيدر احرگوهن خيامه حرگو مخيم هاشمي بحرگه يتامه تنعمي هذا العداء .. الفاطمي لا مو جديد بس الگبل ماصايره .. جابو هزل لمخدره وراحت غريبه حايره .. درب البعيد سلام على مصابيح الدجى ــــــــــــــــــــــــــــــــــــــــــــــــــــــ ظلم اهل البيت ينحد ياريت ريت الخادم ياخذ عبره من الاحداث كل ذاك الصار بظلم الاطهار وجاي الدنيا من الماضي تاخذ ميراث من الحسن شوف عدوانه امس وياه واصبحت لأم جمل ودها وهسه معروف مولانه الحجه والدنيا ام جمل لازم نضدها ريت اعله حبه كل جمع وغيره ابد ما نتبع والنصره مو سيف ودرع هسه الدموع مولانه عايش .. غريته مادامه تجري دمعته يعني المدامع .. نصرته ولطم الضلوع ــــــــــــــــــــــــــــــــــــــــــــــــــــــ

https://youtu.be/7TYmqM-1q4c?si=21MXrIDlqI-Vh0xa

‏اسم القصيدة: طوبى ‏🎤أداء: سيد سلام الحسيني ‏🖋️كلمات: احمد اللامي ‏ــــــــــــــــــــــــــــــــــــــــــــــــــــــ ‏طوبى لمن زار الحسين.. خدَم الحسين.. غوثي وداري يا حسين ‏طوبى لمن ندب الحسين وبكى الحسين.. أي غريبا يا حسين ‏لي بنينوى حبيب قلبي غدى تريب ‏ ابن هل اتى غريب وضامئا قضى ‏بداية الأدب خدمته .. نهاية الأمل رحمته ‏أزوره وأرتمي بعتيته .. وأتلمس الأمان ‏فرع المحبه الواجبه .. انعى المصيبة الراتبه ‏وأمشيله زاير نادبه .. وأمشيله زاير ‏ ‏أحرمله كون بروحي .. من مايه اغسل جروحي ‏واهديله حاصل نوحي .. واهديله حاصل نوحي ‏مفروض حبه نازل بنص ايه .. فرض المودة ما يصح بحچايه ‏شرع الله وجب كل مقدم واجب .. منها الزيارة وحتى رفع الراية ‏ ‏لهفي على تلك الخيام .. حرم الخيام .. أبكي اصطبارك يا حسين ‏وجدي على عطش ونار لا يستجاب من ضام دارك يا حسين ‏ ‏أحاطك الورى جحود .. يا حائر اسدى الوعود ‏بالنفس للخبا تجود .. أبكيك ماجرى ‏بيچيني اسمع احتسابك .. للبار أشتكي اغترابك ‏يا المااله شبه عذابك .. ولا مثله كل مصاب ‏ ‏آياجرح وجدانك .. من عاينت صيوانك ‏يا تره شكال السانك .. شحال اليشوف اعياله ‏يمهم دنت خياله .. يا صوره تبقى اباله ‏صارت فرض تنذكر كون أبچيلك ما أدري من يا حادث انهد حيلك ‏من العطش لو من سهم لو من صيوان لو من سمعت الصوت صاح ادخيلك ــــــــــــــــــــــــــــــــــــــــــــــــــــــ

https://youtu.be/NNWNTnuZEgU?si=VuAz_NYNli1YMI7q

📜اسم القصيدة : يبو الشارات 🎤أداء : سيد سلام الحسيني 🖋️كلمات : سيد عباس الفاضلي ــــــــــــــــــــــــــــــــــــــــــــــــــــــــــــــ اطيح من السما للگاع بس لا تطيح من عينك يبو شارات ما تخلص يتچوة ليمنة حسينك كثر ما بيك تفرح ناس گدهم بكدهم ناس ماشيله الشدد على العرب من تطيح قصدهه تزور چفينك شكثر عند الزلم غالي شكثر ناگع وفة يمينك اطيح من السمه للگاع بس لا تطيح من عينك يا العينك تحبها السمه و اهل الخيام وفاطمة وماي المروة بجربتك يمطر عله البيهم ضمة صعبة وفائك ينشرح و تنگط ملح فوگ الملح انته الحنين بن الحنين انت السمح و ابن السمح تملك منازل بالوفاء تغبطك عليها الانبياء ابا الفضل علگاع شفنالك ضريح ابابه الملائك تستريح ابا الفضل .. ابا الفضل ــــــــــــــــــــــــــــــــــــــــــــــــــــــــــــــ شكثر جودك غسل وادم شكثر عفوك ستر لبس و سبحانه الجعل صحنك ملاذ لكلشي يتنفس چم يابس گلب ناخيك الورد ظل منه يتحسس چم حر ما يعرف يطير نخاك وبالسمه تريس ينور الخالس الضلمة النهارك ليل ما عسعس اركب بنفسي البينت شتملك منازل يابخت كافل خوات بن الرسول وبيك الزچيه تنومست من اسرارك شوية نحچن يا الضايع بفگدك ضاعت صاير لبنت حيدر كفيل المنها الرواسي تراجفن يا زلمة حسين الثجيل اتوسلتك بكلمة دخيل ابا الفضل حر و ترجاها سماك يتبارك بطرف لواك ابا الفضل .. ابا الفضل ــــــــــــــــــــــــــــــــــــــــــــــــــــــــــــــ خفيفة نگط على الميزان و بيك مثقله ميزاني علخد بابك احط خدي واصب دمعات وجداني هلبت ننحسب خدين واحد باچي للثاني هلبت بوسة عتابك يخصر منهى بستاني عجيب المستحه منك بثنيتك يعرك لساني العطفك اثر ما ينمحي و بابك يقدر اليستحي ربيتني ابچي لكربلاء لحد ما الدنيا تنگظي باچيلكم حرمة وعطف فص عيني للدمعة وقف وگلبي بحزنكم ما يهيد ما دام طفكم بي نزف شاريكم و بايع هواي والدنيا منطيها گفاي ابا الفضل تستر تأدب المستجير مولاي خدمتكم ضمير ابا الفضل .. ابا الفضل ــــــــــــــــــــــــــــــــــــــــــــــــــــــــــــــ منو مثلك يخو زينب الماي عليك يتحسر منو مثلك دفن راسه مناير عالارض خضر الخشب يتوقر وينباس من يصير الك منبر الاسود يظل حسبة لون اذا حزنك عليه ما مر منو مثلك گطع نحره مطيح دمعة الكوثر وطيحت يمينك عالنهرندريها كسرت يا ظهر انت لعزيز اللّٰه عزيز وانته لبني هاشم گمر حامل لواء اهل العبه وقوة حسين الضاربه فرحانه بيك ام البنين ما ضايع وياك الريه سموك سبع الگنطرة بيمناك راية مفخرة ابا الفضل ماي اليمينك شمرته لليوم باقي بحسرته ابا الفضل .. ابا الفضل ــــــــــــــــــــــــــــــــــــــــــــــــــــــــــــــ

https://youtu.be/7NZzSg0Q-9U?si=MltVDbbHpug30C1W