محبين عريان السيد خلف

https://whatsapp.com/channel/0029Vb7Ux7s4inohLriqak0f

https://whatsapp.com/channel/0029Vb7Ux7s4inohLriqak0f

يبن زفرة الدم وعفنة الليل دارت وانسمع لامثالكم راي انغدرنه ولبست الرجلين تيجان ويبس نهر الحياة المارضه بهاي عباس العبادي

https://www.tiktok.com/@ja_sm141?_r=1

https://www.tiktok.com/@ja_sm141?_r=1

من اشوفك جاي ليه بروحي تلتم ناس و افور كهوة بدوي بحضنك البردان ولو مابيك من سوالف الفنجان بس اهواك انه وياك غيمة وكاع لا موعد يلمنا ولا يطشنا وداع #عقيل_العرد ❤️

من بعيد ..الرمل مدري بعطرمن ذاب !! ضعن ملهوف، هبّت كربلا تلاگيه هبّ صوت الصدور الضالّه بلا روس نكثَت كل أثر بيها حوافر حارّه، ونشّاب صدر حسين يسأل بالرمل شتشوف !! وباب المدفن يگلّه …الروس الراجعة إعله الباب وفز نبض الشِريعة لجيّة سكينة عطر چفوف ملچومة، علم من الرماد يرفْ، جربة تلملمت گوّه، متبدي بصدرها تراب وزينب رجعت بلا شوف .. عافت عينها اعله التلْ رجعت والسؤال حسين، تتذكر حلمها شلون ما بين السنابك غاب رجعت وأربعين غروب، بين فراگ، بين قصور، بين مدللات تموت لوشافن حلم للراس بين گلوب مچوية انتظار وشوگ، بين آخر تعب بالروس، جرح بيهن بعد ما طاب رجعت واربعين رماد، بيه ريحة خيم وحسين يتنطّر لقاء احباب .. #لقاء_أحباب #أربعين_الحسين #باسم_الخاقاني ❤️

انا بليالك.. گلبي اشما يدگ يبرد يا باب الفرح .. والحزن مد الشوف خايف لا يهب عالي الهوى وتنسد يا اسود رمش ... هنيال لون الليل .. جي لنه ويه عينك دوم .. يتودد فضلك عالحسن .. انت اخر العنگود وبستان الورد لو لاك ما ورد يا زفة عرس .. ضحكتك تالي الليل ويا عين الصگر .. بالزعل من تحتد يا لتدع غنج .. واليحب مو گصاي ونته اعله الجتل ... مبخوت تتگصد يا صوغه هدايا .. وفضفضاك الليل لا تلتم بديه .. لا هدى .. وتنشد عودني اعله بعدك .. ونته ابو طيبات بلجت عالصبر ..يمعود .. اتعود گالولك حلو .. وخلوك بيه اتجور والگلك .. اشوصف بيك ؟ وشعدد؟ أشو لا .. مو حلو .. وما تشبه الغزلان ولا ريح الگرنفل بيك ... لو رود ولا عينك مسافة .. وبسمتك سلوان ولا كل اليشوفك تمر .. يتحدد ولا الله ابتلاني ... وخالط الجيلين ولا عمري .. اعله شبة ماي .. يتفرهد ولا تزهي ابشبابك .. ما خذك طغيان ولا انت العزيز .. البيك بس ارگد و لا صوتك شعر .. وحجايتك ناگوط وبشفافك نظارة الما حواهه أحد ولا غاوي ولذيذ .. وتشبه النعناع طيبه.. وطيبتك كل يوم تتجدد ولا طولك مصيبة .. ومثل كل الناس حسنك مو قبى .... وخدك مثل كل خد يا اسهل من اسمي ... وصعب حد الغيظ وطلاسم لو ردت وياي تتشدد صدگني احبك حب غريب الطور واحب صبرك عليه وما گلت لحد

شماله كلبي يريدكم وانتم اذيته سلوان عدنان ❤️

أنا وگلبي تعاندنا، هذاك المنتچي هلالك؟ عبر چم سما وما طاح بشواطينا… وأنا وگلبي تعاركنا، أمد روحي؟ شيوصلها شيوصلني؟ ولك عيدك غسل كل دمعة بمراية ولا سكّت بواچينا… وأنا وگلبي تحالفنا، بعد ما نطر صفناتك وإذا غلطة وچهبناهن نسوّي ارواحنا متيهين… وظلّينا بزعلنا ووگفت الساعات والساعة شثگلها تصير للمحد يجي يراضيه وتصير الميالة ارماح وارگاب الثواني معلگات سنين… وأنا وگلبي نسينا الزعل والحلفان مدري شلون ردّينا! وعبرنا لشوفتك مَيتين... تراب من الدرب وشوية من دمعي وأنا وگلبي اجيتك طين… #ميثاق_الهلالي ❤️

من عظمة الشعر الشعبي ( القيامة ) #عريان_السيد_خاف ❤️ @sammana

عمر لو سنة اعل البيبان ؟ هاي اللچمة سامعها گبل ما اصير هم دنيا چذب عمر البشر مو راي راي الطيش والأحلام وأماني معلگة نيتها اعل نيتها يخافون اعل ضحكتهم ! يباروها بدمع جاهل يدارون الحرگ بالليل ينسون الگمر جاهل ! سنة تاكل سنة امن الحيل والوادم حلم جاهل #عباس_الغالبي ❤️

يا گلبي مخبوص النهر كلمن محضّر شصّه.. ماخذني وين ليا جرف! يا دمعه تطفي الغصّه! مو گتلك عيون الغرُب ما النه بيهن حصّه! عش وچّدونه بمدرسه وباگونه بأول فرصه… #ميثاق_الهلالي ❤️

حمد يبني وفه النهران بعيونك وگبل دارك حمد تلگه السمار يبات بگلوب اليودونك طير اشما كبر جنحك وازهگ حد سمار الحيف مادام السمه بلونك حمد شال السلف مبخوت طاريّك حلاتك عالغريب اتفيض واتعزب معانيّك حمد يبني غلاتك عزة الديرة عرفت اهلك ( هلااا ) وعنوان للضاعن تصاويره كاظم علي الركابي ❤️

ما هديتهن بس طيرت منهن وكحات البگلبي وگوه ساجنهن جوا من الجفن مكبرة وكلها اعزاز المواقف والسوالف كوه دافنهن الميت بالعيون شما سگيته يموت بحلمهن ما يعيش الما يثمنهن والبيهن نزف دام الثياب انظاف شما ضميتهن نزفك يبينهن العجايب سبعة بس من شفت هاي الناس شفت گلبي وضميري وصبري ثامنهن عقيل العرد

الراحل عريان السيد خلف 💔 القيامه !!!

من اخر وجع بالروح الك بيه حنين وخوف ومن اول صبح للعين احطك عافية اعلهً الشوف غيض الگلب صفنة هور و مر اسمك غنا ومشحوف گبل ماعرفك مشيب وچنت ما ابين بوجهي.. وهسه الشيب ع المكشوف عقيل العرد

Channel photo updated

💔

أحب التعب بالچلمة تحييني وتبچيني وتسليني وفز من التعب چلمة سمح حزني وحلاتة بچلمة يندلني آنة وي الأحبهم غيم شايلني بعسر حلمة لابية المطر شباچ للحسرة ولا بية اليلم الفيض من گبرة. أحب التعب بالچلمة تراويني المراية الخاتلة بگلبي اشوف الدم اشوف الهم اشوف العثرة بالشريان من تحلم اشوف هواي من گلبي وگول الچلمة ماتنذم يعيرني الحمل بالشيل مايدري الثگل بلسم أحب التعب بالچلمة #عباس_الغالبي ❤️