សមាគមសង្គហមិត្តក្រសួងអភិវឌ្ឍន៍ជនបទ

រាជធានីភ្នំពេញ៖ នៅរសៀលថ្ងៃព្រហស្បតិ៍ ៤ កើត ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២ ខែមករា ឆ្នាំ២០២៥ តាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានកិត្តិយសសមាគមសង្គហមិត្តក្រសួងអភិវឌ្ឍន៍ជនបទ និងឯកឧត្តម​ ឈឹម​ សៅគី​ រដ្ឋលេខាធិការ​ប្រចាំការ​ និងជាប្រធានសមាគមសង្គហមិត្តក្រសួងអភិវឌ្ឍន៍ជនបទ បានផ្ដល់អនុសាសន៍ឱ្យជំនួយការសមាគមសង្គហមិត្តក្រសួងអភិវឌ្ឍន៍ជនបទ ចុះសួរសុខទុក្ខ លោកស្រី ម៉ៅ វណ្ណៈ ដែលត្រូវជាភរិយារបស់លោក សុក សំអន ជាសមាជិកសកម្មនៃសមាគមនសង្គហមិត្តក្រសួងអភិវឌ្ឍន៍ជនបទ ដែលលោកស្រីមានជំងឺទឹកដក់ក្នុងស្រោមសួត និងមានដុះសាច់ក្នុងសួត និងបច្ចុប្បន្នកំពុងសម្រាកព្យាបាលនៅមន្ទីរពេទ្យកាល់ម៉ែត្រ។ ក្នុងឱកាសនោះ ក្រុមការងារសមាគមសង្គហមិត្ត បានពាំនាំនូវការផ្តាំផ្ញើការសាកសួរសុខទុក្ខ និងសព្ទសាធុការពរ ព្រមជាមួយនឹងប្រាក់ឧបត្ថម្ភដ៏ថ្លៃថ្លារបស់ឯកឧត្តមរដ្ឋមន្ត្រី ជូនចំពោះភរិយាលោក សុក សំអន ឱ្យឆាប់ជាសះស្បើយពីជំងឺ និងទទួលបានសុខភាពល្អ។

កាលពីរសៀលថ្ងៃទី៣០ ខែតុលា ឆ្នាំ២០២៤ តាមអនុសាសន៍ណែនាំរបស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានសមាគមសង្គហមិត្តក្រសួងអភិវឌ្ឍន៍ជនបទ ក្រុមការងារសមាគមសង្គហមិត្ត ដឹកនាំដោយលោក ប្រាក់ ហ៊ីង អនុប្រធានមន្ទីរខេត្តឧត្តរមានជ័យ បាននាំយកថវិការបស់សហគមសង្គហមិត្តក្រសួងអភិវឌ្ឍន៍ជនបទ ដើម្បីចូលបុណ្យ ឧបាសក ឡុង គឹម ត្រូវជាឳពុកបង្កើតរបស់លោក ឡុង វន្ថា អនុប្រធានការិយាល័យគណនេយ្យ និងហិរញ្ញវត្ថុ ដែលបានទទួលមរណភាព កាលពីថ្ងៃអង្គារ ១២រោច ខែអស្សុជ ឆ្នាំរោង ឆស័ក.ព.ស.២៥៦៨ ត្រូវនឹងថ្ងៃទី២៩ ខែតុលា ឆ្នាំ២០២៤ ដោយជរាពាធ។

សមាគមសង្គហមិត្តក្រសួងអភិវឌ្ឍន៍ជនបទ បានធ្វើសកម្មភាពជាច្រើនជួយដល់សមាជិក សមាជិកា តាមអនុសាសន៍ណែនាំរបស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានសមាគមសង្គហមិត្តក្រសួងអភិវឌ្ឍន៍ជនបទ។ គួររំលឹកផងដែរថា ខាងក្រោមនេះ ជាសកម្មភាពមួយចំនួន ដែលក្រុមការងារសមាគមសង្គហមិត្តបានចុះសួរសុខទុក្ខ ដោយមិនត្រឹមតែគិតគូរពីសុខទុក្ខរបស់សមាជិក សមាជិការ ប៉ុណ្ណោះទេ គឺថែមទាំងបានយកចិត្តទុកដាក់ដល់ក្រុមគ្រួសាររបស់សមាជិក សមាជិកា នៃសមាគមសង្គហមិត្តក្រសួងអភិវឌ្ឍន៍ជនបទថែមទៀតផង។ ខេត្តសៀមរាប៖ សកម្មភាពឧបត្ថម្ភថវិកាអំឡុងពេលភ្ជុំបិណ្ឌ ១).គ្រួសារសពលោក សុខ សារុន(ជួបផ្ទាល់ជាមួយប្រពន្ធនិងបងស្រី) ២).គ្រួសារសពលោក ប៉ាវ សុថារិទ្ធ(ជួបផ្ទាល់ជាមួយប្រពន្ធនិងម្តាយ) ៣).គ្រួសារសពលោកស្រី ម៉ម ប៊ុណ្ណារី(ជួបជាមួយប្អូនស្រី), ៤).គ្រួសារសពលោក ស្រី ឆាន់(ជួបផ្ទាល់ជាមួយកូន) ៥).គ្រួសារសពលោក គង់ បូណារ័ត្ន(ជួបផ្ទាល់ជាមួយប្រពន្ធ)។

កាលពីព្រឹកថ្ងទី ២៣ ខែ តុលា ឆ្នាំ ២០២៤ តាមអនុសាសន៍ណែនាំរបស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានសមាគមសង្គហមិត្តក្រសួងអភិវឌ្ឍន៍ជនបទ ក្រុមការងារសមាគមសង្គហមិត្ត ដឹកនាំដោយលោក ប៊ុន ​ឃាន អនុប្រធានមន្ទីរអភិវឌ្ឍន៍ជនបទខេត្តកំពង់ចាម បានយកថវិកាឧបត្ថម្ភ ជូនលោកស្រី ប៊ុន ស្រីម៉ៅ ជាមន្ត្រីការិយាល័យរដ្ឋបាល និងកិច្ចការទូទៅ សមាជិកសកម្មសមាគមសង្គហមិត្តខេត្តកំពង់ចាម ដែលបានចូលសម្រាកមន្ទីរពេទ្យដើម្បីវះកាត់កូនស្លាប់ក្នុងស្បូន។

កាលពីរសៀលថ្ងៃទី៥ ខែ វិច្ជិកា ឆ្នាំ ២០២៤ តាមអនុសាសន៍ណែនាំរបស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានសមាគមសង្គហមិត្តក្រសួងអភិវឌ្ឍន៍ជនបទ ក្រុមការងារសមាគមសង្គហមិត្ត ដឹកនាំដោយលោក លន់ សាយតេង ប្រធាននាយកដ្ឋានថែទាំសុខភាពជនបទ បានយកថវិកាដែលជាអំណោយរបស់ សមាគមសង្គហមិត្ត នៃក្រសួងអភិវឌ្ឍន៍ជនបទ ជូនលោកស្រី ញ៉ៅ សុខវ៉េន មន្ត្រីការិយាល័យអប់រំសុខភាពសហគមន៍ ដែលបានចូលសម្រាកព្យាបាល នៅមន្ទីរពេទ្យកាល់ម៉េត្រ ។

កាលព្រឹកថ្ងៃទី០៦ ខែវិច្ឆិកា ឆ្នាំ២០២៤ តាមអនុសាសន៍ណែនាំរបស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានសមាគមសង្គហមិត្តក្រសួងអភិវឌ្ឍន៍ជនបទ ក្រុមការងារសមាគមសង្គហមិត្ត នៃនាយកដ្ឋានផែនការ និងទំនាក់ទំនងសាធារណៈ បានចូលរួមរំលែកទុក្ខ និងយកថវិកាចូលរួមបុណ្យសពរបស់សមាគមជូន លោក ជ័យ ចាន់ថន អនុប្រធានការិយាល័យ ដែលឪពុករបស់លោក បានទទួលមរណភាពកាលពីថ្ងៃទី២៨ ខែតុលា ឆ្នាំ២០២៤ ដោយជរាពាធ។