شامِه 🦋

يمكن ما قلتلك إني .. كتير شتقتِلّك بس قلتلك إنّي بحبّ عيونك بالتحديد قلتلك إني بخاف من اللون الأسود لمّا يختار يلبس قلبك! وقلتلك إني بلفظ اسمك بدُعائي لمّا كون ساجدة .. وقلتلك إني بكره النسيان، وبحبّ المطَر كتير، وبكره مواعيدك! كيف فيّو الإنسان يكره…

ليست المسألة أني توقفت عن الدعاء الأمر هو أنك لم تعد، فسكت أنت وأنا أقل من معجزة أقرب إلى الصدفة النجوم لم تعد لتحقيق الأمنيات؛ مجرد كرات غازية ملتهبة لو أن جزءًا من هذه الحكاية بدا كقصة حب فهذا لأني أرويها بطريقة خاطئة.🤎 . كريستينا مار - ترجمتي

مستعدّه واجه الصّباح ونسماتو .. وصوت العصافير وزمّور السيارات وريحة الخبز الفايحة .. والناس المكشره والعالم كله .. كرمال صوتك! إي إي .. كرمال أسمع هي النبرات يلي بتخلّيني آمِن أنو الصّبح إله معنى وأنو الشّمس الصبح أحلى .. وصوت العصافير مو مزعج، وإشارات المرور.. وأنت معي مستعدّة أنطرها ومستعدّة أنطر القهوة لتغلي .. وحتى إذا بدك مستعدّة إحكيلك بحبّك أول ما فتّح عيوني! رغم بكون مكشرة ومو طايقه حتى حالي .. عارف لأي درجة مستعدّة؟ يا بداية بلا نهاية يا حنيني ويا دواي 🤎 — دِيمَــا عبطينـي ٢٩—نِيسـان—٢٠٢٦ 🕯

الصّباح اللي ببلّش بصوتك هوّ اسمو صباح الخير ما تبقّى كلّو، مجرّد تأويل. وبعدين نسيت قلّك إني بكره الفيقة الصّبح .. بس صوتك مُمكن يخليني عيد النظر بعلاقتي مع الصّباح! 🤎🌥 — دِيمَــا عبطينـي ٢٣—نِيسان—٢٠٢٦ 🕯

دِيمَـا . – مُزج | أوّل مَطرة.

فهمت مؤخرًا معنى أن يعيش الإنسان وفي قلبه صدع لا يلتئم. أن يتعلق بلحظة قديمة؛ يسمع اسمًا عابرًا فتضطرب فيه الأزمنة. ألا يصدق أنها النهاية... يحيا وفي داخله مدينة كاملة من الأسئلة. "ما أنت خلاص سيبتلي قلبي، سيبتلي قلبي بيتكسر..."

عندما تحب امرأة رجلًا لا يحبها إنها مأساة، الجحيم يا سارتر مثل المسيح على الصليب يراقب دموع مريم وهي تتوسل إليه ليهبط ذلك أن الله أحب العالم كثيرًا حتى أنه منح وحيدها للجميع سواها. . جون جيلين - ترجمتي

ترمشين، وكأنَّكِ تقطِّعينَ بيتاً شِعريَّاً، حركة..سكون. 🤎 أندرو عيسى

حجزَ الجميعُ مكانهم على وسادتي، هل جرّبتَ النّوم فوقَ كومةٍ من الوجوه؟🤎 أندرو عيسى

‏أعرف امرأة تضع الليل في منديل كلما مسحت عينيها من الكحل. 🤎

‏" كُل هذه القسوة أَنشأت امرأة بهذه الرّهافة، ماذا كَان ليُنشئ الحنان؟ ".🤎

كان بدّي غيّر العالم مِش عارفة كيف العالم غيّرني! 🍁

للمرة الثانية والثالثة والمليون، إياكَ، إياكَ وأن تخاف شيئًا قبل حدوثه، لا تتخيَّل، واصرِف فِكرك وخوفك عن الغيبيات فهي في عِلمِ الله، واعلم أن البلاء إذا نزل على العبد ينزل معه اللطف، فإذا تصوّرت البلاء قبل أن يقع، فقد استقبلت البلاء بدون لُطفٍ وأهلكت روحك, واجبٌ عليك أن تتيقن أن لك ربٌ قيوم لا ينام، فاطمئن به، وتوكل عليه، واستبشِر، وتفاءل بالخير. 🤎

كنت كل شتويّة .. بالليل بالذات كون سهرانه أنا وكوبي الوحيد مشغله فيّروز وآعدة حدّ الشباك ناطرة! كان شعور الـ "بكرا" كتير يعنيلي شعور الـ "بعدين" أشتاق لحتى عيشو كنت الأنثى الوحيدة بهالدنيا، يلي بتحبّ الإنتظار وناطرة الإنتظار.! هيه الفكره يمكن تكون مُناقضة للبعض... كيف يعني حدا بيحبّ ينتظر الانتظار؟ بس اليوم، مابقيت الأنثى نفسها يلي بتنطر بكرا بشغف وبتستنى تعيش البعدين .. صرت بدّي مشّي اليوم، وقطّع الوقت، وأهرب من إشارات المرور ومن دعايات التلفزيون وإعلانات الطرقات... صرت إكره الإنتظار، وينتابني قلق من البُكرا! يمكن لأنو؟ لأنو نطرت كتير وما لقيت شي! لا شبّاكي نفتح، ولا طلّت هديك النسمة يلي نطرتا كتير .. ولا الشجرة ميّلت ع شباكي ... حتى الشمس، كانت باردة كتير وبعّدت عن روحي! اليوم .. بكون آخر يوم بشهر ديسمبر .. عم تمطّر كتير بسوريا، وتحديداً بحلب. آعدة جنب شباكي ... عم جرّب إرجع أنطُر! أنطُر حُب؟ أنطُر عيونك؟ ... لبكرا حلو؟ أنطُر ملامح وجهك تطلّ ع صباحي لأعرف أنو فعلاً صار للبكرا معنى وصار للبعدين صوت!! وتفنى كل الصوات .. ونبراتك تغفى ببالي وما توعى! شتقتلّك يا وجعي، رجاع مع الشتويّة وتعا حبّك شويّ. 🤎 _ ديما عبطيني 🪽

الصحّة أغلى شي بهالدنيا الفانية، الله لا يحرم حدا منها 💔 بتمنى من كل حدا بحبّو يدير بالو ع حالو وصحتو .. وما تعملو متلي ما تفضلو الشغل عن صحّتكن .... أنا تعبانه لدرجة ما قادرة شوف بعيوني 💔 ندمانه ع كل لحظة فضّلت فيها أسهر للصبح (عم منتج) بدل ما نام بكير ندمانه ع كل صباح طلعت فيو برا البيت (بدون ما أفطر) وتضل معدتي كامشة عليي .. ندمانه ع اني كنت اسمح لحالي أقعد مع ناس طاقتهن (سلبية) وباللاشعوري يأثرو فيني .. ندمانه ع كل حبة دوا دخلتها ع جسمي وكل شكة إبرة بجلدي ونفس أركيلة سحبتو... كل يوم بقول الحمدلله رغم الكم الهائل من الأمراض يلي عم تصيبني بس ربي معي ورح يشفيني أنا متأكدة 🤍 كتير بحبّكن، وحكيت هاد الحكي الخاص بالنسبة إلي حكيتلكن ياه لأنكن عيلتي يلي مانسيت حبا بحياتي .... أنتو منحتوني الحب وأنا رح أمنحكن النصايح كرمال تكونو مناح وتضلكن تحبو دِيما وشامة يلي هنن شخص واحد... وتضلو تدعولي ربي يشافيني شفاء لا يُغادر سقما 🤍🤍

ما بدّي أحبّك وبنفس الوقت عم حبّك .. مابدي ياكِ بحياتي .. بس بحس أنو وجودك أساسي .. مكركب، مخربط يمكن لمّا بشوفك بتذكر إني منيح بتذكر إنو لسا في شي بهالدنيا .. بينحبّ وبيستاهل كمّل كرماله .. يمكن بحبّ عيونك أو؟ أو يمكن بحبّك! 💗 = يحبك برص ريتك. _شامِة 🪽

يومًا ما سأوقف هذا الحنين لكنه، الآن، في كل مكان لا أعرف ماذا أفعل بالحب القديم لذا أكدسه في فمي مثل كرات قطنية وأتظاهر بعدم الاختناق لو أنك قابلتني في اليوم الخطأ سأبكي ملطخة قميصك المفضل بكامله وستكون تلك هي الطريقة التي ستتذكرني بها لسنوات لاحقة كنتُ دائمًا مكالمة الهاتف التي تقلق نومك، لكنها لا تستحق عناء الرد أمس، علقت شوكة بحلقي، لكني لم أجفل حتى! هذا ما عليّ قوله وكل ما ينبغي أن تعرفه عني.🤎 . فورتيسا لاتيفي - ترجمتي

كل ما كانت تحتاج إليه هو عناق شخص يضمها عند الانهيار لكن بدلًا من ذلك قدم لها العالم النصائح: كيف تنجو كيف تكون قوية وكيف “تتجاوز الأمر”!🤎 . فيشاكا جين - ترجمتي

متل السّهم الرّاجع من سفر الزّمان قطعت الشّوارع ما ضحكلي إنسان! 🤎☹️

عُيونك همَّا أصحابي وعُمري، وكُل أشيائي 🤎🦋