She'r sehri

#maktub "Maktub" — qalbga tutilgan ko'zgu! 70 kun, har shanba, 10 nafar sevimli ijodkoringiz va yangi maktublar... Uchinchi ishtirokchimiz: Dadaxon Muhammadiy Bugungi zamon odami o'sha zax yerto'laga tushsa, qo'liga ruchka tutqazilib, peshonasiga qurol tiralsa va tanlash uchun bor-yo'g'i bir necha soniya berilsa – u qahramon bo'lib qola olarmidi? Yoki bolasining nigohini o'ylab turib ham titragan qo'llari bilan o'sha qog'ozga imzo chekarmidi? Tarixda faqat qahramonlar va xoinlar bo'lmaydi. Ularning orasida qo'rqqan, singan va adashgan bandalar ham bo'ladi. Bu ularni oqlash degani emas. Oqlab bo'lmaydi, aniq. Sotqinlik o'z nomi bilan sotqinlik, qo'rqoqlik esa har qanaqa holatda ham qo'rqoqlikdir. Lekin tinchgina zamon ayvonida o'tirib olib hukm chiqarayotganda o'sha dahshatli zulmlarning og'irligini ham his qilish kerak. Ijodiy o'zani: https://t.me/dadaxonmuhammadiy 👉 Maktubni shu yerda o'qing: https://literature.uz/article/38-ga-maktub

Ёшлик лирикаси эътирофи 📺"Ҳайрат" дастури, "Маданият ва маърифат" телеканали. Муаллиф:  Раҳмон Қўчқор. @m_kenjabek| @xojagon_uz •┈┈• ❀ 🌷☘️🌷 ❀ •┈┈•

...Сен – ёшсан: ўйлайсан – юз йилдир аср; Фасл – тўрт; ҳафтада кунлар – еттита... Сени мангуликдай соғиндим ҳозир – Бир они қолмаган умрим четида. Усмон Азим @javlonjovliyev

Bilga tur o‘zining ilk faoliyatini boshlamoqda. Jamoa sayohatlarga madaniyat, tarix, ilm, adabiyat va san`at ruhini olib kirishni maqsad qilgan. Bizning tur bilan Siz shunchaki sayohatchi emas, bilgaga aylanasiz. Ilm, madaniyat, adabiyot, san`at insonlari bilan bir davrada bo‘lasiz! Ular bilan borar manzilingiz ruhini, ahamiyatini yanada teran anglaysiz! Jamoa Sizni ilk sayohatga taklif etadi. 15-16-avgust kunlari yilning eng sehrli yulduzli kechasini tomosha qilish imkonini o'tkazib yubormang! Sayohat davomida sizni kutmoqda: 📝 Shoir Najmiddin Turon bilan she'riy kecha; ☀️ Markaziy Osiyoda yagona bo‘lgan Quyosh shaharchasi bo‘ylab olim ishtirokidagi qiziqarli sayohat; ✨Faqat shu kunlarda bo‘lib o‘tayotgan yulduzlar yog‘dusini tomosha qilish; 🔥 Gulhan atrofida unutilmas suhbatlar; 🪕 Xalqona ohang va ashulalar; ☕️ Issiq qahva, yoshlikka qaytaruvchi cho‘g‘da toblangan kartoshkalar; ⛰Toza havo va betakror tabiat; 🏕 Chodir ostida tunash; 🌓Quyosh chiqishini kuzatish; 📸Kechadan foto va video lavhalar 🗓 Sana: 15-16-avgust ⏳Vaqt: 15.00 da Toshkent shahridan jo‘nab ketish 📍 Joy: O‘zbekiston mehmonxonasi oldidan 💰 Ishtirok narxi: 450 ming so‘m Ro'yxatdan o'tish: 📱Telefon: +99850024-26-47 ⚠️ Muhim eslatmalar: Joylar soni cheklangan! 🤍O‘zingiz bilan yeguliklar va issiq kiyim olishni unutmang! 🌏 BILGA tur – aql va ruh bilan sayohat! Rasmiy sahifalar: 📱 Telegram 📱 Instagram 🌐 facebook 🔻 sayt

Оʻzimizning odam Oʻzim oʻz qulogʻim bilan eshitdim. Nimani? Toshkent shahar hokimi Shavkat aka Umrzoqov shu xabardan figʻoni falakka chiqib ketibdi. Batafsil: https://oyina.uz/uz/article/4930 Rasmiy sahifalarimiz👇 Telegram | Instagram | X | YouTube

KECHIKKAN YO‘LOVCHI — "Mahalla"da 10-iyun kuni O‘zbekiston Milliy kutubxonasida “Kechikkan yo‘lovchi” nomli teatrlashtirilgan nazm kechamiz (mini spektaklimiz) bo‘lib o‘tgan edi. "Mutolaa" loyihasi homiyligidagi ushbu dastur bugun soat 20:40 da "Mahalla" telekanalida efirga uzatiladi. @dadaxonmuhammadiy

KECHIKKAN YO‘LOVCHI — "Mahalla"da 10-iyun kuni O‘zbekiston Milliy kutubxonasida “Kechikkan yo‘lovchi” nomli teatrlashtirilgan nazm kechamiz (mini spektaklimiz) bo‘lib o‘tgan edi. "Mutolaa" loyihasi homiyligidagi ushbu dastur bugun soat 20:40 da "Mahalla" telekanalida efirga uzatiladi. @dadaxonmuhammadiy

1. кечир, мен бир дарахт бўлмоқчи эдим, гулламоқчи эдим термулиб сенга. меваларим билан сийларман дедим, фақат ишқ қуйсайдинг томирларимга. лек сен эрк ҳақида сурардинг хаёл, оппоқ орзуларим нураркан ғариб, куйларим чалинмай топаркан завол, боқардинг бир Бахтли ёғду ахтариб. 2. гўёки ўтмишда занглаган ҳисман, йиллар насимида учади хобим. руҳимга минг либос бичди бу қисмат, лек уни қуш қилиб яратмиш Роббим. англаганим сари чорлайди осмон, англаганим сари яшнар ҳаётим. сўлғин томиримда югуради қон, елкамни қонатиб ўсар қанотим. учаман гоҳ тоғлар қорин тўзғитиб, гоҳ денгиз сувидан жунжикар таним. боқасан қўймайин дея ҳуркитиб, сиймойимда Эркни кўрарсан, жоним. гарчи қалбда ғурур туяман ҳар он, гарчи кўк бағрида ҳурман, сархушман. балки ишонмассан, Азизим, ҳамон - бир дарахт бўлмоқни истаган қушман. 3. кечир, мен бир дарахт бўлмоқчи эдим, гулламоқчи эдим термулиб сенга. 2025 @shohinur_vohidjonqizi

Yillar o‘tib shu to‘plamga egaligi bilan maqtanib yuradigan odamlar paydo bo‘ladi. Shuni o‘zim boshlab beray, dedim. "Til va adabiyot taʼlimi" jurnalining 2025-yilgi sonlarini tahririyatdan sotib oldim. 2026-yilgi sonlarini tezroq chiqarib olishsin endi. @suhrob_ziyo1

Dunyo kitoblari va kitob dunyosi haqida "Dunyo mamlakatlari" kitobi muallifi Laziz Rahmatov bilan gaplashamiz. 28-iyul Seshanba 20:40 "Mahalla" telekanalida ko‘ring. @suhrob_ziyo1

Қуруқ қудуқларда қақшаётир сир, Най ясаш сирини унутди чоллар. Зангор рўмолини бўхчага ташлаб Эрининг ортидан кетди аёллар. Ким қолди? Амударё кетди, Сирдарё кетди, Оролнинг арвоҳи ўрлади кўкка. Мозорларни очиб кутдилар бироқ Мингувчи чиқмади ҳамон Ғиркўкка. Ким қолди? Подшо медалига ўзин шайлаган Кўксимга тегишга жирканади ўқ. Эсир гўдак каби ёшин тиймаган Улусни шу тобда юпатгувчи йўқ. Ким қолди? Кўҳна асотирлар кетди улоқиб, Тўрга муносиблар кетдилар гўрга. Қадим маконини саҳрога ташлаб, Бирма-бир ўрмонлар чиқяпти йўлга. Ким қолди? Янтоқ чопаяпти ўн тўрт яшар қиз, Саратон тафтида ботганча терга. Қолганлар бўлса гар, берироқ келинг, Қўлидан кетмонин олайлик бирга! Ким қолди? Қани, Мен қолдим, деб бирор ким айтсин, Саратонда қолди ғамгузор Ватан. Сояда паналаб ётганлар ичра Бошини кўтарар тирик бормикан? Ким қолди? Токи орқасига қайтмасдан эркак, Сарсона аёллар олмагунча тин. Токи минбарларда тўхтамай эртак, Бўзлаган болалар бўлмасидан жим, Токи қўрқувини унутмай юрак, Ўттирик тириклик ҳамон экан чин, Бизлар қолганмиз деб биров айтмасин! Ким қолди? Июлъ, 2026 https://t.me/NajmiddinTURON

Бугун — миллатсевар ёзувчи, бугуннинг жадиди Жавлон Жовлиев туғилган кун. Умри узоқ, ижодига барака берсин. Ўзбекнинг чин ижодкорлари омон бўлсин. ПИНҲОНА СЕВГИ Жавлон ЖОВЛИЕВга Қайғу ўстиряпман ҳавотирлардан Қайгадир шошилар — мажнун шамолар. Юрагимни топдим жимлик қаъридан Охир таслим этди оғир хаёллар! Руҳим, чидайвергин ғамнинг барига, Ёғийнинг қилмиши тугаса бўлди. Тилимнинг бақувват томирларига Болта ураётган хоинни ўлдир! Муҳаббат келтирган туйғулар ғариб, Чин севги отилди кимнинг кўксидан? Яшаб бўлармиди жондан айрилиб?! Ичимда ҳавотир тинмай ўксинар. Ундан узоқлашмоқ — шоирга ўлим! Унга тўкилиш шарт, девона бўлиб. У билан тугайди бошланган йўлим, Кўзларим яшайди парвона бўлиб. Воҳ, инжа изҳорим сиғмади шеърга, Нетай, гизлайвердим кўнглим аҳдини. Мендек гумроҳларга тақсимлаб берган Ваттани жимгина севиш бахтини!.. Отабек РАҲИМ 2026йил, 24июлъ @javlonjovliyev

Soʻz birlashtiradi! “Soʻz”ning yangi mavsumi boshlanish arafasida avvalgi ishtirokchilarining telegram kanallarini bitta chatjildga yigʻib chiqdik! Quyidagi havolani bosib, barchasini kuzatib borishingiz mumkin. 👇👇👇👇 https://t.me/addlist/-CPFBIiNqmM2MTA6

СЕНИ СОҒИНЯПМАН Сени соғиняпман, Қошингга шу дам Учиб борай десам, қанотларим ҳўл. Юриб борай десам, манзилингни ҳам Адаштириб кетган борса келмас йўл. Сени соғиняпман, Қара, азизам, Ғовлардан иборат тўртта томоним. Тўрттала томонга югурай десам, Наштарларга тўлган экан тавоним. Сени соғиняпман, Кулишларингни Бир бора кўришга интизор бўлдим. Хаста жонимдаги улушларингни Бирма-бир улашдим ва кейин... ўлдим. Сени соғиняпман, Лаҳзалар сайин Соғинчга айланиб борар вужудим. Ишқнинг оташида ёндим атайин, Севгидан бунёддир бутун сужудим. Сени соғиняпман, О, бадар кетсам, Мени эслаб тургин ҳар қиш, ҳар баҳор. Бир кун излай-излай изингдан етсам, Эшикни очмагин зинҳор ва зинҳор. Сени соғиняпман... © Исломжон ҚЎЧҚОРОВ https://t.me/islomjon_ijodi

БУГУНГИ БУЮКЛАР Беруний эрталаб эрта уйғонди, Ювинди, таранди ва олди соқол. Ҳаммадан илгари ишга отланди, Жамоат ишида ҳамиша фаол. Ишхона русуми соат тўққизда, Эшиклар очилар, бошланар тартиб. Қарши бориб бўлмас одатимизга, Бўйин сунмоқликдир расмият шарти. Ҳамма ишга шошган, кўчалар тирбанд, Салом ҳам, алик ҳам нари-беридир. Ишлаймиз, тишлаймиз, шу тақдирга тан, Ғилдирак айланар, югур-ҳо югур... Автобуслар ўтар, ана, бекатда – Навоий ўлтирар, чеҳраси ҳорғин. Ишда ўтирмоғи зарур бир пайтда, Кечикиб турибди, бирпас олиб тин. Мажлисга шошади Турди Фароғий, Фароғат дегани асли бу мажлис. Кеча кам ухлабди. Учар қовоғи Бирлашайлик, дерди, бирлашди ҳаргиз. Мажлис бирлашмоқдир мажбуриятдан, Ризқу насибанинг пайида жамлик. “Турмуш обод бўлар” деган ниятда, Баъзан унутилиб қолар одамлик. Янги бошлиқ келган – Мирзо Улуғбек, Аввал олим эди, энди мансабдор. Буйруқдан ўзга бир оҳанги йўқдек, “Бажарилсин” бўлар такрору такрор. Зарур масалалар чиқар ўртага, Ҳайфсанга тортилар Машраб деган зот. Бир ойки келмайди ишга жўрттага, Ишчанлик туйғуси бўлмаса наҳот? Бошлиқ ўқий туриб ходимлар исмин, Ногоҳ олд қаторга ғазабнок боқур: “Масъулият чатоқ. Ишдан олинсин, Ўртоқ Заҳириддин Муҳаммад Бобур!” Оқибат туйғуси жўшиб ногаҳон, Забт этмиш бизнинг ул сарғиш бинони. Тоби қочган эмиш шифохонада, Кўргани борсакми ибн Синони? “Кўп яхши инсон у, тузалиб кетсин”. Дуога қўл очар Бухорий маъюс. Дунёда дард деган йўқолиб битсин, Ҳеч инсон зотида қолмасин афсус. Бухоро кафеда ичавериб май, Қарзга ботган эмиш Умар Хайём ҳам. Танбеҳ бериб бўлмас ҳолини билмай, Кимдадир қувонч кўп, кимдадир бахт кам. Бирор муаммоси борга ўхшайди, Ишга келмай қўйган. Суриштиринг тез. Сўраб кўриш керак сал ҳушёр пайти, Йўқса, ойлигидан кесиб қўямиз. Сўзламоқ навбатин Қодирий олмиш: “Бугун бир қарорга охир келамиз. Касаба уюшма бўш туриб қолмиш, Келинглар, Чўлпонни раис қиламиз!” Шу билан тугайди бу қисқа мажлис, Ҳамма ўз ишига тарқалар кейин. Соат олтидан сўнг умр дахлсиз, Соат олтигача етмоқлик қийин. Тун чоғи автобус, метролар гавжум, Шаҳар ухламайди, тинмас одамлар! Бу дунё бозордир. Қизиган мавсум, Савдога қўйилган қувончу ғамлар. Казо-казоларга ҳамкасб бўлганман, Маошга қарайман умидвор ҳисда. Мен ҳам саҳар туриб, шошиб келганман, Буюклар қатори соат тўққизда! Турмуш ғори ичра беркиниб улар Шу ҳаёт измига олганлар тушиб. Қарайман, уларга ачингим келар, Гўё бу – бир некбин кишининг туши! Биз интилган манзил биздан кўп йироқ, Бу турмуш – соҳилин йўқотган денгиз! Оталар, оналар, кўп раҳмат, бироқ Нега исмимизни бундай қўйдингиз? 👉 @xurshidabdurashid

#yangilik 📣“Til va adabiyot ta’limi” nashriyoti Tog‘ay Murodning “Otamdan qolgan dalalar” romanini yangicha dizayn va juz'iy tuzatishlar bilan nashr qildi. O‘zbekman degan har kim o‘qishi shart bo‘lgan eng shov-shuvli kitob endi sotuvda! •Muallif: Tog‘ay Murod •Sahifa: 400 bet •Muqova: qattiq •Narxi: 60 000 so‘m (tahririyatdan olib ketish) 👉 Toʻlov qilish uchun QR kod 👉 Chekni yuborish uchun bot 🌐 Sayt  ✈️  Telegram ✅Murojaat  ♾Muhokama 🌐Instagram

"Улуғ дарёни бошлаб кел... " Ҳадиси шариф ва "Маснавий"да Амударё ва Сирдарё васфи. Устоз Мирзо Кенжабек шарҳи. @m_kenjabek| @xojagon_uz •┈┈• ❀ 🌷☘️🌷 ❀ •┈┈•

#sana 6-iyul — "Do'stlik" o'rdeni sohibi Shukur Qurbon tug‘ilgan kun. * * * SOGʻINDIM Kel, ey yorim, pariro‘yim, kel endi, Kel, ey, chashmi xumoringni sog‘indim. Firoq jondan o‘tdi, qadring bilindi, Visolingni, ruxsoringni sog‘indim. Xayolimda kokillaring tutami, Bir so‘z uchun shuncha zulm, sitammi? Ishq yo‘lida gunohkor men bittami? Sumanbo‘y, guluzoringni sog‘indim. Seni ko‘rmoq bo‘ldim, necha chog‘landim, O‘z yog‘imga o‘zim necha dog‘landim. Bilmam senga, nega senga bog‘landim, Bog‘liq qulday ozoringni sog‘indim. Kel, ey, chashmi xumoringni sog‘indim, Visolingni, ruxsoringni sog‘indim. Sumanbo‘y, guluzoringni sog‘indim, Bog‘liq qulday ozoringni sog‘indim. 1988 🌐 Sayt  ✈️  Telegram ✅Murojaat  ♾Muhokama 🌐Instagram

ЧИЛЛА Уйқусиз. Кўча писта пўчоқлари, сигарет қолдиқлари, хас-хашак ва тошлардан тозаланди. Дарахт танасидаги чанг. Шохлар аро барглардаги қотган қатлам пуфлаб ва туфлаб артилган. Кўча супурилди. Тоза. Энди уйдан чиқилмаса деворлар бир-бири томон юради. Ҳовлида арилар. Экиғсиз ер панжалар билан ағдарилди. Кесаклар ғалвирдан ўтказилгандек. Майин тупроқ. Тупук ёрдамида қадалган уруғ. Қуёш нурларига ҳожат йўқ, шунчаки мийиқда кулиш. Суғориш пиёла билан. Тупроқдан бўй кўрсатаётган ниҳоллар. Қушнинг вақиллаши. Чўқилаётган бош, юз ва оёқлар. Қалам олинган заҳоти қушнинг ноласи: «Бу ерда одоб доирасидан чиқилмасин». Қулоқлар бекилди, аммо баданга тегаётган тумшуқ. Ҳаракат тўхтади. Қуш олдингга челак қўйди. Деворда осилган сурат: тун, ой, сой, йўл ва дарахтлар. Уфқ чизилди. Ер остидан кўчага, сўнг ойнаванд дунёга чиқилди. Юзларнинг акси. Костюмнинг юқори тугмаси. Сочлар силанди, кейин ияк. Тана билан деворнинг қариндошлиги. Икки тупроқ. Бадан тасвирларни тупроқ сув ютгандек шимийди, ортганини кафе девори. Ёмғир. Кўчалар бўшар. Кафтдек ойнада Ер сайёраси сузар. Сув босган шаҳар. Қушнинг патлари ҳўл. Осмон денгизга чўкди.